“Koronavirusun yaxşı tərəfi odur ki, bəlkə insanları “biz
necə bir dünya istəyirik?” sualı ətrafında düşünməyə başlayacaqlar”
1928 ci il təvəllüdlüsünüz və ilk məqalənizi səhv
etmirəmsə 10 yaşınız olanda yazmısınız. Bu məqaləniz də 1938-ci ildə İspaniyanın
Barselonanı itirməsindən sonra yaranan vətəndaş müharibəsi haqqındaydı.
Bu, mənim nəsildaşlarım üçün olduqca uzaq bir zamandır. İkinci dünya müharibəsinin, Xiroşimanın şahidi oldunuz, bundan başqa Vyetnam müharibəsi, Neft böhranı (1973-cü il), Çernobıl fəlakəti, Berlin Divarlarının sökülməsindən tutmuş, 11 Sentyabr hadisələrini, daha sonra 2007-2008 –ci il maliyyə böhranını gördünüz. Bu qədər zəngin həyat təcrübəsi olan, bu qədər tarixi hadisələrə şahidlik etmiş, bunlarda rol oynamış bir insan kimi hal-hazırda hökm sürən Koronavirus böhranına münasibətiniz necədir? Yəni bu, əvvəl rastlaşmadığımız tarixi hadisədirmi? Baş verənlər sizi təəccübləndirirmi?
Bu, mənim nəsildaşlarım üçün olduqca uzaq bir zamandır. İkinci dünya müharibəsinin, Xiroşimanın şahidi oldunuz, bundan başqa Vyetnam müharibəsi, Neft böhranı (1973-cü il), Çernobıl fəlakəti, Berlin Divarlarının sökülməsindən tutmuş, 11 Sentyabr hadisələrini, daha sonra 2007-2008 –ci il maliyyə böhranını gördünüz. Bu qədər zəngin həyat təcrübəsi olan, bu qədər tarixi hadisələrə şahidlik etmiş, bunlarda rol oynamış bir insan kimi hal-hazırda hökm sürən Koronavirus böhranına münasibətiniz necədir? Yəni bu, əvvəl rastlaşmadığımız tarixi hadisədirmi? Baş verənlər sizi təəccübləndirirmi?
Qeyd eləməliyəm ki, indi
məni ələ keçirən xatirələr məhz 1930-cu illərdəndir. Barselonanın itirilməsi
haqqında, sənin bəhs elədiyin məqalə əslində faşizm epidemiyasının bütün
Avropaya insafsızca yayılması və bunun nə ilə nəticələnəcəyi ilə bağlı idi.
Daha sonra arxivlərin yayımlanmasından sonra öyrəndim ki, sən demə ABŞ-ın o
dövr və sonrakı illərdəki analitiki müharibənin elə o mərhələdə bitəcəyini
hesab edirmiş. O hesab edirmiş ki,
müharibə bitəndən sonra dünya ABŞ hakimiyyətindəki hava bölgələri ilə Alman
hakimiyyətində olan ərazilərə bölünəcək. Belə çıxır ki, uşaqlıq qorxularım o
qədər də yersiz deyilmiş. İndi həmin xatirələr ağlıma yenə gəlir.
Uşaq olanda Hitlerin
Nürnberq mitinqlərinə radioda qulaq asdığım yadıma gəlir. Sözlərini başa
düşməsəndə, o duyğunu, aqressiyanı, təhdidi asanlıqla anlayırdın. Deməliyəm
ki,bu gün Donald Trampın mitinqlərinə qulaq asanda eyni aqressiyanı sezirəm.
Yox, bu onun faşist olduğuna görə deyil, çünki ümumiyyətlə, Donald Tramp bir
ideologiyaya sahib olacaq adam deyil. Onun haqqında deyə bilərəm ki, sosiopat,
eqoist bir adamdır. Amma duyğu və qorxular eynidir. Dünyanın və ölkənin
taleyinin hansısa sosiopat bir təlxəyin əlində olduğunu bilmək insanı az qala dəli
edir.
Koronavirus olduqca ciddi
bir təhlükədir, amma bizi gözləyən daha dəhşətli bir şey var. Bəşəriyyət
tarixinin ən dəhşətli fəlakətinin yamacına doğru qaçmaqdadır. Tramp və əlaltıları
də bu yarışa liderlik edirlər. Əslində indi iki böyük təhlükə ilə
üz-üzəyik; Biri nüvə müharibəsi
təhlükəsi, digəri isə günbəgün yaxınlaşan qlobal istiləşmə təhlükəsi. Bu
təhlükələrin ikisini də həll etmək olar, amma vaxtımız azdır. Əlbəttə, Koronavirus
da qorxulu nəticələr yarada bilər. Bu təhlükənin sağalma müddəti var, amma
sadaladıqlarım sağalmır, bitir. Saydığım təhlükələri aradan qaldırmasaq, məhv
olacağıq. Uşaqlıq xatirələrim yenə məni ələ keçirtdi, amma bu dəfə başqa cür.
Bildiyiniz kimi hər il “qiyamət
saatı” qurulur. Bu saat elə qurulur ki, dəqiqə əqrəbi 12-yə çatanda hər şey
bitəcək. Tramp seçildiyindən bəri dəqiqə əqrəbi gecə yarısına daha da
yaxınlaşır. Keçən il gecə yarısına iki dəqiqə qalmışdı. İndiyə qədər bu əqrəbin
çata bildiyi ən yüksək nəticə bu idi. Bu il isə analitiklər dəqiqələri bir
kənara qoyub saniyələri hesablamağa başlayıblar. Və gecə yarısına artıq 100
saniyə qalıb. Bunun üç səbəbi var: Nüvə müharibəsi təhlükəsi, qlobal istiləşmə
və demokratiyanın aşınması. Əslində, ilk baxışdan üçüncü qeyd etdiyimin buna
dəxli olmadığını düşünmək olar, amma digər tərəfdən bu da ona aiddir. Çünki bu
böhranı aradan qaldırmaq üçün yeganə yol xalqın öz taleyini ələ keçirməsidir.
Bunu reallaşdıra bilməsək, uduzduq. Taleyimizi sosiopat təlxəklərin “ümidinə
qoysaq”, məhv olacağıq. Və hal- hazırda bu yaxınlaşır.
Tramp ABŞ-ın sahib olduğu
gücə görə ən pisidir. Biz ABŞ–ın geriləməyindən danışırıq, amma dünyaya baxanda
bunu görmürük. ABŞ dəhşətli sanksiyalar tətbiq edir, öldürür və hələ də bütün
bunları edə bilən yeganə ölkədir. Və hamı bu sanksiyalarla hesablaşmağa
məcburdur. Avropa İrana qarşı sanksiyalarla razılaşmaya bilər, əslində, bundan
zəhlələri də gedir, amma sanskiyalara əməl etmək məcburiyyətindədir. Ağanın
dediklərinə əməl eləməyə məcburdurlar, yoxsa beynəlxalq maliyyə sistemindən
kənarda qalarlar. Bu, təbiət qanunu deyil, bu, Avropanın Vaşinqtondaki ağaya
tabe olmaq üçün verdiyi qərardan irəli gəlir. Başqa dövlətlərin isə seçim haqqı
da yoxdur.
Koronavirusa qayıtsaq, bunun
ən dəhşətli tərəflərindən biri də bu sanksiyaların İran üzərində təzyiqi ən
dözülməz hala gətirmək üçün şüurlu tətbiqidir. İranın problemləri olduqca
böyükdür. Hazırki vəziyyətdə sanksiyaları sərtləşdirmək açıq və sərt şəkildə
zülm verməyə hesablanmış bir strategiyanı ağla gətirir. Kuba müstəqillik
qazanandan sonra da bu gün belə bunun cəfasını çəkir. Amma bütün olanlardan
sonra onların sağ qalmaqları həqiqətən də insanı heyrətləndirir. Kubalılar hələ
də dik qalmağı bacarırlar. Bu günkü virus böhranının ən ironiyalı ünsürlərindən
biri də Kubanın Avropaya yardım etməsidir. Demək istədiyim odur ki, bu elə
təəccübləndirir ki, nə deyəcəyinizi bilmirsiniz. Almaniyanın Yunanıstana kömək
edə bilməməsinin fonunda Kubanın Avropaya yardım etməsi. Bunun nə mənaya
gəldiyi ətrafında düşünsəniz, görəcəksiniz ki, ifadə etmək üçün sözlər kifayət
etmir. Minlərlə insanın Aralıq dənizində öldüyünü görəndə, əsrlərdir məhv
edilən bölgədən qaçdıqlarını və Aralıq Dənizində ölümə göndərildiyini görəndə hansı
sözləri istifadə edəcəyinizi bilmirsiniz. Bu da məni radioda mitinqləri zamanı
Hitlerin kütlə qarşısındakı sərsəmləmələrini dinlədiyim uşaqlıq xatirələrimə
aparır. Elə olur ki hətta bu növün (insan irqinin) həqiqətəndə yaşamalı olub
olmadığını belə sorğulayırsınız.
Demokratiyanın böhranından danışdınız. Məncə biz
hal-hazırda, daha əvvəl heç vaxt rastlaşmadığımız bir haldayıq. Bu mənada
təxminən 2 milyard insan bu və ya digər vəziyyətdə evlərinə həbs olunmuş
vəziyyətdədirlər. Bunu karantin, təcrid vəya özünütəcrid də adlandırmaq olar,
amma bu, vəziyyəti dəyişdirmir. Dünyada təxminən 2 milyard insan evdədir- təbii
ki, əgər evi olacaq qədər bəxtəvərdilərsə. Eyni zamanda Avropa və digər dövlətlərin
təkcə ölkə daxilində deyil, xaricində də sərhədlərini bağladıqlarını müşahidə
edirik. Ağlımıza gələn ölkələrin içində bircə Fransa istisnadır. Serbiya,
İspaniya, İtaliya və s. ölkələrdə fövqəladə halın elan olunması, ordunu
küçələrə çıxması müzakirə olunur. Sizdən bir dilçi olaraq soruşmaq istədiyim
odur kihal hazırda istifadə olunan diskursa nəzər yetirsək, təkcə Donald Trampıdeyil,
Makronu və bəzi Avropa siyasətçilərini də dinləsək, görərik ki, nəyə görəsə durmadan
müharibə haqqında danışırlar. Hətta onu görürük ki, mətbuat həkimlərin “ön cəbhədə” olduqlarını, virusun
düşmən olduğunu qeyd edirlər. Bu, mənə uşaqlıq dövrümdə (çox şükür ki,
xatirələrimi deyil) Viktor Klempererin müəllifi olduğu “Lingua Tertii İmperii”
(Milli Sosializmin Dili) adında, 3-cü Reyxin
dili və dil vasitəsilə ideologiyasını necə təlqin etdiyindən bəhs edən
kitabı xatırlatdı. Sizcə savaş haqqında bu ifadələr bizə nə deyir ? Virusu
düşmən kimi təsvir etmək ehtiyacı hardan yaranır? Bu, hal hazırki durumu
legitimləşdirmək üçün edilir yoxsa, bu ifadələrin altında daha dərin məna var?
Əgər belə bir böhrana qalib
gəlmək istəyiriksə, müharibə dövrü səfərbərliyinə yönəlmiş hərəkət etməliyik.
Götürək elə ABŞ kimi zəngin ölkəni. Nəzər yetirsək, görərik ki, ABŞ iqtisadi
problemlərini həll etmək üçün lazım olan resurslara sahibdir. İkinci Dünya
Müharibəsi üçün səfərbərlik dövləti hal-hazırda düşünüldüyündən xeyli yüksək
borca saldı və bu, olduqca uğurlu səfərbərlik vəziyyəti idi; ölkədə istehsal 3
dəfə artdı, iqtisadi durğunluq başa çatdı. Düzdü, ölkəni pis vəziyyətə saldı,
amma resursumuz “böyüməyə” kifayət idi. İndi bizə lazım olan o dövrdən daha az,
çünki dünya müharibəsi deyil və yeni dünya müharibəsi müzakirə olunmur, ancaq olduqca ciddi olan səfərbərlik
zehniyyətdir.
Bu yerdə 2009-cu ildə ABŞ -
da yaranan donuz qripi epidemiyasını xatırlamaq yerinə düşər. Yüzlərlə insan o
qripin ən ağır halına belə qalib gələ bildi. Düzdü, xeyli əlləşmək lazım oldu,
amma bu vəziyyət ABŞ kimi varlı ölkədə baş verdi. Hal hazırda söhbət 2 milyard
insandan gedir, onların da xeyli hissəsi Hindistandadır. Sual yaranır ki, aşağı
təminatlı, karantində aclıq çəkən hindli üçün bu dövr necə keçəcək ? Nə olacaq?
Sivil, humanist bir dünyada varlı dövlətlər bizim hal –hazırda etdiyimizdən
fərqli olaraq onları boğmaq, sıxışdırmaq əvəzinə kömək edərdi. Dünyanın hər
yerində, əsasən də Hindistanda vəziyyət belədir. Belə bir böhranda bu cür
hərəkət etsək, bu gedişlə gələcək 10
ildə istər Hindistanda, istərsədə, bütün Cənubi Asiyada yaşamaq mümkünsüz
olacaq. Racastanda bu yay tempratur 50 dərəcəyə qədər qalxdı və getdikcə də qalxır.
Suyun vəziyyəti bundan pis ola bilməzdi. Unutmayın bu bölgədə iki nüvə gücü
olan dövlət var və onlar birazdan içməli su mənbələri uğrunda mübarizə aparmağa
başlayacaqlar.
Demək istədiyim odur ki,
koronavirusun olduqca ciddi, təhlükəli olduğu fikri ilə razıyam. Amma bunun
qarşımıza çıxacaq daha böyük böhranın çox kiçik hissəsi olduğunu yaddan
çıxarmamalıyıq. Düzdür, bunlar hələ insanlığa koronavirus qədər zərər
vurmurlar, amma bu problemlər birazdan dünyadakı bütün canlı növlərini məhv edəcək
hala gələcəklər ki, hal-hazırki gedişlə bu, o qədər də uzaq gələcək deyil. Buna
əsaslanaraq deyirəm ki, həll etməli olduğumuz çoxlu problem var. Düzdür, təcili
olanların arasında Koronavirus olduqca təhlükəlidir. Bunların içində bəziləri
artıq gözəbatan, Koronavirusdan daha böyük, çox daha böyük olanları var.
Bunlardan biri mədəniyyətböhranıdır. Koronavirusun bəlkə də yaxşı tərəfi insanları
onları əslində necə bir dünya istədiyimiz haqqında düşünməyə yönləndirməsidir,
deyə bilərik. Bizi bu vəziyyətə gətirəcək dünya istəyirik mi? Bu böhranın
kökləri haqqında düşünəcək vəziyyətdəyik. Koronavirus böhranı niyə var.
Söhbət əzəmətli bir bazarın
uğursuzluğundan gedir. Bu, neoliberal vəhşiliyin dərinləşdirdiyi bazarların
əsası və dərin sosial-iqtisadi problemlərin məhzneoliberallar tərəfindən
şiddətləndirilməsi ilə bağlıdır. Pandemiyaların labüd olduğu xeyli zamandır ki bilinirdi. SARS-ın mutasiyaya
uğramış halı ilə koronavirus epidemiyasının mövcud olduğu aydınlaşmışdı. Bu
viruslar 15 il əvvəl ortaya çıxmışdı, peyvəndləri də var idi. Elə o dövrdə
dünyanın hər tərəfindən laboratoriyalar bu təhlükədən qorunmaq üçün tədbir görə
bilərdilər. Bəs bunu niyə etmədilər? Çünki nəticələr təhrif olunmuşdu. Bəs
onları kim təhrif etmişdi ? Dərman istehsal edən şirkətlər. Biz taleyimizi özəl
tiranlıqların öhdəsinə buraxdıq. Dövlət isə o şirkətləri əlindən buraxmaq
istəmədi. Bu göstəriciləri ictimaiyyətə hesabat verməyən şirkətlər gizlətdilər
ki, hal-hazırki məqamda söhbət dərman istehsalı ilə məşğul olan bir neçə
şirkətdən gedir. Çünki onlar üçün yeni bədən kremi yaratmaq, insanlığı bu cür
bəladan xilas edəcək peyvənd kəşf etməkdən daha sərfəli idi. Dövlətin bu
prosesə müdaxilə etməsi mümkün deyildi, amma əgər bu vəziyyət ikinci dünya
müharibəsindəki səfərbərlik dövründə yaransaydı, dövlət müdaxilə edə bilərdi.
Yaxşı yadımdadır, o dövrdə Polio (uşaq
paralici) qorxulu bir təhlükə idi. Ruzvelt höküməti tərəfindən yaradılmış bir
dövlət qurumu tərəfindən Salk adlı peyvəndin kəşf olunması ilə bu təhlükə dəf
edildi. Patenti yox idi, hər kəs istehsal edə bilərdi. Bu tədbir indi də həyata
keçirilə bilərdi. Amma neoliberal epidemiya bunun qarşısını aldı. Özəl
sektordan gələn (təbii ki, burdaməsuliyyət iqtisadçıların da üzərinə düşür)
ideologiyada yaşayırıq.
Bu ideologiyanın simvolu bəlkə də şirkət rəhbərlərinin
Ronald Reyqana verdiyi, onun da işıl-işıl gülüşlə oxuduğu “Bəhs etdiyimiz
problem dövlətdir. Onda gəlin dövlətdən qurtulaq”sözləri idi. Başqa sözlə desək,“Gəlin
qərar verməyi, ictimaiyyətə hesabat
vermək ehtimalı olmayan özəl sektor tiranlıqlarının öhdəsinə buraxaq”. Atlantik
okeanının digər tayında isə Tetçer (Bax. Marqarita Tetçer) fərdlərin içində bir
yolla həyatda qalacaqları bazar şəklində cəmiyyətə yol göstərirdi. Qəribəsi də
budur ki onun alternativi yox idi. İllərdi dünya varlıların altında zülm çəkirdi. Hazırki vəziyyətdə işlər Salk
peyvəndinin tapılması kimi dövlətin müdaxiləsini tələb edəcək səviyyədədir.
Amma neoliberal epidemiyasının ideologiyası səbəbilə o yol bağlıdır. Burda
diqqət etməli olduğumuz məqam budur ki, haqqında danışılan koronavirus
pandemiyasının qarşısı alına bilərdi. Bu nəticələrin əvvəlcədən
proqnozlaşdırılması üçün bütün göstəricilər ortada idi.
Əslində 2019-cu ilin oktyabrında, yəni bu pandemiyanın
ortaya çıxmasından biraz əvvəl ABŞ və dünya miqyasında baş verə biləcək
epidemiyaya qarşı mübarizə qabiliyyətinin ölçülməsi məqsədilə geniş miqyaslı
simulyasiya təşkil edildiyi bilinirdi. Amma heç bir tədbir görülmədi. Dolayı
yolla bu böhran hazırki vəziyyətə siyasi sistemlərin xəyanəti ucbatından gəldi.
Onların əldə etdikləri biliyə lazımi qiymət verilmədi. 31 Dekabr tarixində
Çin Ümumdünya Səhiyyə Təşkilatını
pnevmaniyaya bənzəyən, amma kökləri bilinməyən əlamətlər olduğu barədə məlumat
vermişdi. Daha sonra bəzi çinli alimlər bu fenomenin koronavirus olduğunu müəyyənləşdirdilər
və araşdırmaları, bildirişləri ard-arda verməyə başladılar. Bu vasitə ilə bildiklərini
bütün dünya ilə bölüşdülər. Onda özünü ÜST-ün hesabatlarını oxumaq əziyyətinə
salmayanlar söhbətin koronavirusdan getdiyini, onunla necə mübarizə aparmalı
olduqlarını bilirdilər. Bəs tədbir gördülərmi? Bəli onların bir qismi tədbir
gördü. O regiondakı dövlətlər Çin, Cənubi Koreya, Tayvan nəsə etməyə
başladılar. Ən azından böhranın yaranması mərhələsində bunu az-çox tənzimləyə
bildilər. Avropada da bu, hansısa bir səviyyədə oldu. Almaniya isə vaxtında
hərəkətə keçdi. Liberalizm sisteminin təsirində olan səhiyyə sistemi var idi,
əlavə xəstə qəbul etmək imkanlarına malik idi və artıqlamasıyla xudpəsənd
davranmaq ehtimalı var idi. Başqalarına kömək etmək əvəzinə özünü stabil,
regiondan qismən təcrid olunmuş vəziyyətdə saxlaya, təsiri məhdudlaşdıra bildi.
Digər dövlətlər isə vəziyyəti görməzdən gəldi. Bunların ən acınacaqlısı Böyük
Britaniya və birgün bizdə pandemiya yoxdu, qrip var, sabahı gün isə bunun
təhlükəli böhran olduğunu deyən adamlar tərəfindən idarə olunan ABŞ idi.
Dünyanın belə adamların əlində olduğunu düşünəndə adam
şok keçirir.Bu məqamda bütün bunların nəhəng bazarın çökməsi ilə başladığını və
bunun da neoliberal epidemiya tərəfindən daha pis vəziyyətə gətirilən
sosial-iqtisadi sferada olduqca dərin problemləri göstərdiyini də vurğulamalıyıq.
Çalışmaqlarına baxmayaraq, bu problemləri həll etməli olan dövlət qurumları
çökdüyü üçün hazırki vəziyyət hələ də davam edir. Bunlar haqqında ciddi
düşünməliyik. Əvvəl də dediyim kimi, biz necə dünyada yaşamaq istəyirik? Əgər
bu vəziyyətdən çıxsaq, qarşımızda seçim imkanlarımız olacaq. Bu seçim imkanları
olduqca avtoritar və qəddar dövlətlərin yerləşməsindən cəmiyyətin özəl qazanc əvəzinə,
humanist şərtlərə qədər hər şey insanın tələbatlarını nəzərə alaraq köklü
şəkildə yenidən qurula bilər. Olduqca avtoritar və qəddar saydığımız
dövlətlərin, rejimlərin neoliberalizmlə
olduqca uyumlu olduğunu yaddan çıxarmamalıyıq. Əslində, biraz dərindən
araşdırsaq, Misesdən (Bax, Lüdviq Fon Mises) tutmuş, Xayekə (Bax, Fridrix
Xayek)qədər neoliberal düşüncənin “Sound economics”(“Sarsılmaz İqtisadiyyat”) adlandırdıqları
şeyi dəstəklədiyi müddətcə nəhəng dövlət şiddətindən məmnun qaldığını müşahidə edə
bilərik.
Neoliberalizm əsasını 1920-ci illərin Vyanasından
götürüb. Mises Avstriyada fəhlə sindikatlarını və Avstriya
sosial-demokratiyasını yerlə yeksan edən protofaşist dövlətinin yaranmasına o
qədər sevinmişdi ki, tezcə o hökümətə qatıldı və həmişə onu təriflədi. Bu
hökümətin onun “sound economics”-ini
qoruduğu üçün Mises əslində o rejimi yox, faşizmi tərifləyirdi. Çilidə Pinoçet
onlarla qətl hesabına diktatorluğunu elan edəndə neoliberalistlərin hamısı
sevindi, bunun üçün hamısı orada mübarizə apardılar. Onların hamısı cəmiyyətin
çox kiçik təbəqəsinə qazanc gətirən bu “möhtəşəm möcüzəyə”, “sound economics”-ə
kömək etdilər. Dolayı yolla vəhşi bir neoliberal sistemin səyyar libertarianlar
tərəfindən şiddət və təzyiq vasitəsilə güclü, avtoritar bir dövlətin yarada
biləcəyi ehtimalını nəzərdən qaçırmaq olmaz. Bu işin bir tərəfi, reallaşması mümkün
olan bir kabusdur. Amma bu, məcburi deyil.
Bununla bərabər daha əvvəl olduğu kimi insanların
təşkilatlanıb, birləşərək daha gözəl dünya qurmaq ehtimalı da var. Amma
hal-hazırki məqamda dünya nüvə müharibəsinə və bundan yaranacaq, nəticələrinin
heç vaxt aradan qalxmayacağı ekoloji fəlakətlərə heç vaxt olmadığı qədər
yaxındır. Əgər bəşəriyyət qərarlı şəkildə hərəkətə keçməsə, bu ehtimal o qədər
də uzaqda deyil. Xülasə, indi söhbət bəşəriyyət tarixinin ən vacib zamanından
gedir. Bu, sadəcə koronavirus böhranına görə deyil, bizə yönəlmiş
sosial-iqtisadi sistemin kökündəki çatışmazlıqları, faydasız xüsusiyyətlərinə diqqət yönəltməsi, yönətməli olmağı baxımından
belədir.
Vaxtınızın
çox olmadığını nəzərə alaraq sizə sonuncu sualımı vermək istəyirəm. Məncə bir
çox insan, həmçinin vətəndaş hərəkatlatında, təşkilatlanmalarda yer alan və
buna görə insanlar arasında fiziki və sosial yaxınlıqdan istifadə edən bizlər,
indi, qəflətən “sosial məsafə” adlanan anlayışa öyrəşdik. Bu səbəblə soruşmaq
istərdim ki, ictimai müqavimətin sosial məsafə dövründə gələcəyini necə görürsünüz?
Əgər hal-hazırki situasiyanın bir- iki il olmasa beləbir neçə ay da davam
edəcəyini və bizim təcriddə qalacağımızı düşünsək, bütün dünyadakı öncüllərə,
aktivistlərə, intellektuallara, tələbələrə, fəhlələrə nə məsləhət görərdiniz?
Sizcə yaranan bu vəziyyətdə insanlar necə təşkilatlanmalıdır? Bu, qlobal avtoritarizmə
yox,hazırki tarixi şəraitin dünyanı yaşıl, bərabər, ədalətli və həmrəylik dolu
kəskin dəyişikliyə doğru aparacağı ehtimalını necə dəyərləndirirsiniz?
Əvvəla, unutmamalıyıq ki, son illərdə cəmiyyətdə
hansısa səviyyədə sosial uzaqlaşmayla müşayiət olunan, olduqca zərərli
tendensiyanın mövcud olduğunu nəzərə almalıyıq. Məsələn, McDonaldsa gedirsiniz
və bir masanın ətrafında oturan gənclərə baxırsınız. Görəcəksiniz ki, iki ayrı
dialoq gedir. Biri onların arasında gedən formal ünsiyyət, digəri cib telefonu
vasitəsilə uzaqdakı dostları ilə davam edən söhbət. Bu vəziyyət insanları
parçalayıb bir birindən təcrid etdi. Cəmiyyətin olmadığı fikrini irəli sürən
Tetçerin ideyası yüksəldi,sosial mediadan sui istifadə edib insanları, xüsusilə
də gəncləri təcrid olunmuş bədheybətlərə çevirdi. Hal-hazırda ABŞ-da üzərində “yuxarı
bax”lövhələri yapışdırılmış pilləkənləri olan universitetlər var. Çünki ətrafda
dolanan hər gənc özünə yapışmış vəziyyətdədir. İndi isə əsl sosial təcrid
vəziyyətindəyik.
Bunun öhdəsindən ancaq sosial bağların mümkün olan
bütün vasitələrlə yenidən qurulması hesabına gəlmək olar. Ehtiyacı olanlara
kömək edərək, əlaqələr yaradaraq,təşkilatlanmaları inkişaf etdirib analizləri
genişləndirərək, internet çağında insanları bir yerə toplayıb onların bir
birləriylə rastlaşdığı problemlərini danışmağını, müzakirə aparıb həll yolu
tapmaqlarını təmin edərək, həmçinin onları işləyəcək və dərhal hərəkətə keçə
biləcək vəziyyətdə saxlamağa çalışaraq, gələcək üçün planlar quraraq buna nail
ola bilərik. Bütün qeyd etdiklərim üz-üzə olmadan da edilə biləndirlər, çünki
artıq real görüş insanların əsas əlaqə vasitəsi deyil. Bu vəziyyət hələ bir
müddət davam edə bilər, ona görə də bu səpgidə fəaliyyətlərinizi inkişaf
etdirib dərinləşdirməyin bir yolunu tapmalısınız. Bunları etmək mümkündür.
Düzdür, asan deyil, amma bəşəriyyət bundan daha böyük problemlər görüb və
öhdəsindən gəlib.
Tərcümə etdi
: Şahlar Ruhi
Mənbə: Medyascope
Yorumlar
Yorum Gönder