Empirik idrak dünyanın elmi baxımdan dərk olunmasının
ilkin mərhləsini təşkil edir. Emprik tədqiqtlar vasitəsilə emprik biliklər
qazanılır və bu biliklər iki yarımsəviyyədən - emprik materiallardan və
onların ümumiləşdirilməsindən yaranan faktlardan ibarətdir. Empirik bilik ictimai
praktika zəmnində yaranır və həm gündəlik həyat praktikasında
istifadə olunan anlayışlardan həm də, elmi anlayışlardan ibarətdir. Buna görə də empirik bilikdə praktika, hissi idrak və məntiqi idrak sintez olunr. Elmdə emprik idrak müşahidə və eksperimental materialların təhlili və dərk edilməsi ilə bağlıdır. Bu cür təhlil nəticəsində insan təfəkküründə empirik obyektlər haqqında ilkin təsəvvürlər yaranır. Emprik obyektlər gerçəklikdəki predmetlərin xassə və münasibətlərinin emprik mühakimələr, termin və dilin vasitəsilə təsəvvür edir. Lakin obyektlərin dərk edilməsi bilvasitə deyil, bilavasitə, hissi idrak vasitəs ilə baş verir. Bu səbəbdən emprik obyektlərə xarici aləmin predmetlərin ilə bilavasitə əlaqəli olan hissi obyektlərin modeli kimi baxmaq olar.
istifadə olunan anlayışlardan həm də, elmi anlayışlardan ibarətdir. Buna görə də empirik bilikdə praktika, hissi idrak və məntiqi idrak sintez olunr. Elmdə emprik idrak müşahidə və eksperimental materialların təhlili və dərk edilməsi ilə bağlıdır. Bu cür təhlil nəticəsində insan təfəkküründə empirik obyektlər haqqında ilkin təsəvvürlər yaranır. Emprik obyektlər gerçəklikdəki predmetlərin xassə və münasibətlərinin emprik mühakimələr, termin və dilin vasitəsilə təsəvvür edir. Lakin obyektlərin dərk edilməsi bilvasitə deyil, bilavasitə, hissi idrak vasitəs ilə baş verir. Bu səbəbdən emprik obyektlərə xarici aləmin predmetlərin ilə bilavasitə əlaqəli olan hissi obyektlərin modeli kimi baxmaq olar.
Beləliklə, idrakın emprik səviyyəsi
hisslər vasitəsilə dərk edilən dünyanın predmet və hadisələrinin xassə və
münasibətlərini öyrənir. Lakin heç də emprik idrak hissi idrakla eynilik təşkil
etmir. Empirik biliyin əldə edilməsində məntiqi idrakın da müəyyən rolu vardır.
Emprik idrak subyektlə obyekt arasında
baş verən qarşılıqlı təsiri əhatə edən təcrübə
əsasında baş verir. Yəni subyekt obyekti
yalnız passiv şəkildə əks etdirmir, həm də ona fəal surətdə müdaxilə edir, onu
məqsədəuyğun şəkildə dəyişdirir. Bu prosesin başlanğıc nöqtəsi müşahidədir.
Bizim bütün biliklərimiz ilk halda müşahidədən alınır. Müşahidə elmi idrakın bütün sahələrində xüsusilə təbitəşünaslıqda
geniş yayılmış idrak metodudur. Müşahidə idrakın başlanğıc nöqtəsi, onun çıxış
momentidir. Müşahidə emprik idrakın digər metodlarına həm ölçməyə, həm də
eksperimentə daxil olduğu halda, özü eksperiment və ölçmə tətbiq olunmadan da həyata
keçrilə bilər. Müşahidə obyektin məqsədli, planlı şəkildə qavrranılması
prosesidir. Tərifdəndə aydındır ki, müşahidənin əsasında qavrama prosesi yəni,
hissi idrak dayanır. Lakin bu o demək deyil ki, müşahidənin gedişində məntiqi
idrak, insanın nəzəri təfəkkürü iştirak etmir. Aparılan tədqiqtlara görə
müşahidənin nəticələri yalnız o zaman
ratsional və optimal sayıla bilər ki, müşahidə insanın nəzəri biliyinə,
məntiqi təfəkkürünə əsaslansın. Elmi idrakın
ratsinal metodu kimi müşahidə müəyyən funksiyaları yerinə yetirir:
Müşahidə
yeni problem və fərziyyələrin irəli sürülməsindən və onların yoxlanılması üçün
vacib olan məlumatların toplanmasından ibarətdir;
Müşahidə
eksperimentin tətbiq edilə bilmədiyi zaman onun eksprimenti əvəz etməsi və beləliklə
həqiqət meyarı rolunu oynamasından ibarətdir;
Müşahidə
başlıca funksiyası nəzəri tədqiqtlardan
alımış nəticələrin gerçəkliyə nə dərəcədə uyğun olmasından və həqiqiliyinin
yoxlanılmasına imkan verməsindən ibarətdir.
Müşahidə
elmi idrakın məhsuldar metodu olması üçün aşağıdakə tələblərə cavab verməlidir:
1.Müşahidə
məqsədli olmalı yəni, müşahidəçi kifayət
qədər özü üçün aydın olan məsələni həll etmək məqsədilə müşahidəni aparmalıdır;
2.Müşahidə əvvəlcədən
müəyyənləşdrilmiş plan əsasında aparılmalıdır;
3. Müşahidə
məqsədyönlü olamlıdır. Bu o deməkdir ki, müşahidəçi müşahidəni aparmadan əvvəl
qarşısında müəyyən məqsəd qoymalıdır,diqqətini yalnız onu maraqlandıran hadisə üzərində cəmləşdirməlidir;
4. Müşahidə
fəal olmalıdır, müntəzəm, fasiləsiz aparılmalıdır. Yalnız müntəzəm aparılan
müşahidə obyektin ümumi qanunauyğunluqlarını dərk etməyə imkan verir.
Müşahidə
elmi və qeyri elmi olmaqla iki yerə ayrlır. Elmi müşahidələr elmi biliklər əldə
etmək məqsədilə aparılır. Elmi müşahidələr əsasında müəyyən fərziyyələr, hipotezlər
irəli sürülmüşdür. Qeyri elmi müşahidələr isə gündəlik həyat praktikası ilə
bağlıdır.
Elmi idrakın emprik metodlarından biri də müqayisədir. Müqayisə dedikdə
müyyən çoxluğa daxil olan cismin və
hadisələrin oxşar və fərqli cəhətlərinin müəyyənləşdrilməsi prosesi nəzərdə
tutulur. Müqayisə hər cür cisim və hadisələr arasında deyil, yalnız ümumi cəhətləri
olan cisim və hadisələr arasında aparılır. Digər tərəfdən müqayisə cisim və
hadisələrin bütün əlamətləri üzrə deyil,
yalnız mühüm əlamətləri üzrə aparılmalıdır. Qeyri mühüm əlamətlər üzrə aparılan
müqayisələr yalnış nəticələrin əldə olunmasına səbəb ola bilər. Cisim və hadislərin
müqayisəsini iki yolla – bilavasitə və
bilvasitə yolla aparıla bilər. Bilavasitə müqayisədə idrak obyketi haqqında keyfiyyət xarakterli,
bilvasitə müqayisədə isə kəmiyyət xarakterli nəticlər əldə edilir. Gerçəkliyin
predmet və hadisələri müxtəlif cəhətdən müqayisə edilə bilər. Bu cəhətlərə
aşağıdakılar daxildir:
1.Gerçəkliyin cisimlərinin kəmiyyət və keyfiyyət xarakterlərinin müqayisəsi;
2. Gerçəkliyin məkan və zaman münasibətlərinin müqayisəsi;
3. Cisim və hadisələri idrakın empirik və nəzəri səviyyələrində müqayisəsi.
Müqayisənin xüsusi forması olan analogiya
müasir fəlsəfi və məntiqi ədəbiyyatlarda
geniş şəkildə öyrənilir. Analogiya müqayisənin yüksək səviyyəsi, əqli nəticənin
traduktiv metodudur. Analogiya idrak prosesidə qavranılan informatsiyanın dərk
olunması prosesidir. Analogiyadan o
zaman istifadə olunur ki, idrakın digər metodları vasitəsilə idrak obyekti
haqqında dəqiq bilik əldə etmək mümkün olmur. Cəmiyyətdə baş verən hadisə və
proseslərin öyrənilməsində də analogiya mühüm rol oynayır.
Emprik tədqiqtın tarixən mükəmməl və qədim metodlarından biri də ölçmədir.
Bu metodan təbiətşünaslıq elmlərində geniş istifadə olunur. Ölçmə metodu tarixi
baxımdan onun əsasında duran müqayisə metodu vasitəsilə yaransa da, o müqayisəyə
nisbətən elmi idrakın daha universal və mükəmməl metodudur. Gerçəkliyin predmet
və hadisələri kəmiyyət və keyfiyyət müəyyənliklərinə malikdir. Ölçmə metodunu tətbiq
edərkən idrak obyektinin kəmiyyət və keyfiyyət tərəfləri arasındakı münasibət
düzgün başa düşülərsə, bu zaman ölçmə metodu təkcə idrak obyektinin kəmiyyət müəyyənliyini
deyil, həmçinin keyfiyyət müəyyənliyini öyrənməyə imkan yaradır.Ölçmə metodu
vasitəsilə obyektin kəmiyyət xarakteristikası müəyyənləşdrilir və ölçülən kəmiyyətin
ədədi qiyməti tapılaraq müxtəlif ölçü vahidləri – kq, m, san, qüvvə vəs. ilə
ifadə olunur. Ölçü etalonu və ya miqyas vasitəsilə hər hansı kəmiyyətin ədədi qiymətinin müəyyən
edilməsi əməliyyatına ölçmə deyilir. Ölçmə zamanı aşağıdakı elementlərdən
istifadə olunur:
Ölçü
obyekti;
Ölçü
vahidi;
Ölçü
cihazları;
Ölçü
metodu;
Ölçən
subyekt.
Ölçmə iki
yola – müstəqim və dolayı yolla aparılır. Müstəqim yola aparılan ölçmədə nəticə
bilavasitə ölçmənin özündən, dolayı yolla aparılan ölçmdə isə nəticə müstəqim
yolla alınmış kəmiyyətlərdən riyazi yolla əldə edilir.
Ölçmə metodunun başlıca qneseoloji aspekti
ölçünün dəqiqqliyi ilə bağlıdır. Ölçünün dəqiqliyi isə subyektin ölçünü aparmaq
qabiliyyətindən, biliyindən, ölçmə prosesində istifadə olunan cihazlardan, bu cihazlardan
istifadə edilməsi səviyyəsindən, ölçmə prosesinin təşkilindən vəs. asılıdır.
Ölçmə emprik qanunların kəşfinə aparan yoldur. Məsələn, Danimarka astronmu Tixo
Baragenin yüksək dəqiqliklə planetlərin hərəkətləri üzərində apardığı ölçmələr
daha sonra Alman alimi Keplerin planetlərin hərəklərət qanunauyğunluqlarını kəşf
etməyə imkan vermişdir. Fizika tarixind ən yaxşı ölçmə Amerikan alimi Maykelsonun işığı sürətini ölçərkən apardığı
təcrübədir.
Empirik tədqiqatın ən səmərəli metodu eksperimentdir.
Eksperiment inteqrativ xarakterli idrak metodur. Çünki eksperimentin gedişində
tədqiqatçı digər emprik metodlardan – müşahidədən, müqayisədən, analogiyadan,
ölçmədən istifadə edir. Bu metodlar olmadan eksperiment fəaliyyət göstərə bilməz.
Eksperiment insanlara qədimdən məlum olsa da, ilk dəfə fizikaya eksperimenti gətirib,
bu elmin əsasını qoyan, elmi status qazandıran italyan alimi Q.Qaliley
olmuşdur. İngilis filosofu F.Bekon
eksperimenti təkcə fizikaya deyil, bütün təbiət elmlərinə tətbiq etməklə onun
coğrafi sərhədlərini genişləndirdi.
“Eksperiment” latın sözü olub, hərfi mənası
“sınaq”, “təcrübə”, “sübut” deməkdir. Eksperiment müşahidə metodu ilə bağlı
olduğu üçün bu metodu tarixilik baxımından
müşahidə metodunun inkişafı kimi də baxılır. Bəzən idrak obyektinin tədqiqatçını
maraqlandıran xassəsini təbii şəraitdə
(məsələn:hava şəraitində) öyrənmək qeyri mümkün olur. Belə olduqda cisim təbii
şəraitdən süni şəraitə (məslən: su şəraitinə) gətrilir. Yaradılmış süni şəraitdə
tədqiqatçı müşahidə, ölçmə, müqayisə metodlarrından istifadə edərək cismin tədqiqatçını
maraqlandıran xassəsini öyrənir.
Cismin tədqiqtçını maraqlandıran bu və
ya digər xassəsini öyrənmək üçün süni şəraitin yaradılması və bu şəraitdə digər
emprik metodların - ölçmə, müşahidə, müqaqyisə metodlarının tətbiq edilməsindən
ibarət olan əməliyyata eksperiment deyilir. Eksperiment bir çox elm sahələrində
- biologiyada, fizikada, kimyada vəs. geniş şəkildə istifadə olunur. Empirik
biliyin digər metodları olan müşahidə və müqayisədən fərqli olaraq eksperiment
bir sıra üstünlüklərə malikdir:
Eksperiment
emprik qanunların kəşf edilməsinə və bu qanunların həqiqiliyinin düzgün şəkildə
yoxlanılmasına imkan verir;
Eksperiment
müəyyən nəticənin əldə edilməsi üçün dəfələrlə təkrarlana bilər. Bu cəhətdən
müşahdə və müqayisədən fərqli olaraq eksperiment idrak obyekti haqqında daha dəqiq
məlumatlar əldə etməyə şərait yaradır;
Eksperimentin
vacib üstünlüklərindən biri də onun idrak obyektinin xassələrini müxtəlif
ekstremal şəraitdə - yüksək təzyiqdə, yüksək intensivliyə malik olan maqnit və
elektrik sahələrində , yüksək və yaxud alçaq temperaturlarda öyrənməyə imkan
verir. Beləliklə, əvvəllər tədqiqtçı
üçün idrak obyektinin naməlum qalan bir sıra əlamət və qanunauyğunluqları
aşkara çıxır.
Qeyd edək
ki, elmi eksperiment iki növə təbii və laboratoriya eksperimentlərinə bölünür.
Təbii eksperiment laboratoriya şəraitində
deyil, təbii halda o cümlədən isehsal şəraitində həyata keçrildikdə yalnız qneseoloji
funksiyaya deyil, həmçinin praktiki funksiyaya malikdir. Elmi eksperimentin bu
növü varlığın yüksək təşəkkül
formalarının öyrənilməsində geniş tətbiq
olunur. Laboratoriya eksperimentindən fərqli olaraq təbii eksperimentdə
obyektin təkcə dərk edilməsi ilə kifayətlənilmir, eksperimentin gedişində həm də
praktikanın digər tərəflərinə nəzər salınır.
Müasir elmə
real eksperimentin üç növü məlumdur:
1.Tədqiqat
eksperimenti - müəyyən nəzəri mülahizələr əsasında obyektin əvvəllər tədqiqatçı
üçün məlum olmayan xassələrini aşkar etmək məqsəd ilə istifadə olunur.
2. Yoxlama
eksperimenti - eksperimentin bu növü irəli sürülmüş müəyyən nəzəri mülahizələrin
həqiqiliyini yoxlamaq məqsədi ilə aparılır.
3.Nümayiş və
ya əyani eksperimentlər - eksperimentin bu növündən məktəb və ali təhsil müəsisələrinin
laboratoriyalarında geniş şəkildə istifadə olunur.
Eksperiment
təkcə praktika ilə yox, həmçinin nəzəri təfəkkürlə sıx şəkildə bağlıdır. Eksperimentin
nəzəriyyə ilə bu cür əlaqəsi öz əksini fikri eksperimentlərdə tapır. Fikri
eksperimentin real eksperimentdən fərqi bundan ibarətdir ki, əgər alim real
eksperimentdə cismin özündən istifadə
edirsə, fikri eksperimentdə cismin fikri obrazına, ideal modelinə istinad edir.
Başqa sözlə desək fikri eksperiment real eksperimentin ideal formasıdır. Fikri
eksperiment elmi idrakda böyük rola malikdir. Tarixən ilk fikri eksperiment
Aristotelin hərəkət nəzəriyyəsini tənqid etmək məqsədi ilə Q.Qaliley tərəfindən
irəli sürülmüşdür. Fikri eksperimentdən müasir fizikada da geniş istfadə
olunur. A.Eynşteyn nisbilik nəzəriyyəsinin prinsiplərini əsaslandırmaq, izah
etmək üçün istifadə etmişdir. Fikri eksperiment
gerçəkliyin insan tərəfindən adekvat inikasının reallaşmasına imkan
verir.
Eksperimentin
əsas növlərindən biri də sosial eksperimentdir. Sosial eksperimentlər ictimai
hadisələrin öyrənilməsində mühüm əhəmiyyət kəsb edir.Bu eksperimentin mahiyyəti
budur ki, o əvvəlcə kiçik bir müəssisədə tətbiq edilir, daha sonra onun nəticələri
bütün cəmiyyətə şamil edilir. Qeyd etmək lazımdır ki, cəmiyyətin indiki
inkişafında baş verən sosial hadisə və proseslərin öyrənilməsində eksperimental
metoddan geniş istifadə olunur.
Sosial
eksperiment ictimai istehsalın inkişafında da istifadə olunur. Ümumiyyətlə,
sosial eksperiment müəyyən sosial hadisə və proseslərin öyrənilməsi və ya təkminləşdrilməsi
üçün zərurət yarandığı zaman keçrilir. İctimai həyatın öyrənilməsində istifadə
edilən eksperimental metod demək olar
ki, həmişə və hər yerdə tətbiq edilməsi mümkün deyil. Bu səbəbdən sosial eksperimentin tətbiqi hüdudlarını müəyyənləşdirmək mühüm əhəmiyyət kəsb edir. Sosial
eksperimentin keçrilməsi prosesində həm induktiv, həm də deduktiv metodlardan istifadə etmə lazımdır. Sosial eksperiment üçün tədqiqat predmeti seçərkən
nəzərə alınmalıdır ki, eksperiment zamanı əmələ gəlmiş sistem və amillər əvvəlki
sosial eksperimentə daxil olur. Bu səbəbdən
yeni yaranmış sistem və amillərin öncədən fəaliyyət göstərən sistemə uyğun olması eksperimenti keçirmək üçün zəruri
olan şərtlərdən biridir.
Bakı Dövlət Universiteti, magistr
Gəncə Dövlət Universiteti, fəlsəfə müəllimi
- Əhmədli C.T. Elmi idrakın əsas postulatları. Sosial - siyasi elmlər seiyası. 2003; № 3-4.
- Məmmədov Ə.B. Dialektik idrak və ümumelmi tədqiqatmetodları. Bakı; Elm, 1997.
- Məmmədov Ə.B., Zahidov T.B. Dialektik idrak və eksperimental metod. Bakı; Azərnəşr, 1992.
- Nəsirov V.H., Məmmədov Ə.B. Elmi idrakın metod və formaları. Bakı; 1980.
- Рузвин Г.И. Методология научного исследования. М; 1999.
- Рузвин Г.И. Методология научного познания. М; 2005.
- Хромович М.А., Научныи зксперимент, его место и роль познании. Минск; 1972.
- Штофф В.А. Проьлемы методологии научного познания. М; 1978.
Yorumlar
Yorum Gönder