Müasir təbiətşünaslığın
paradiq-malarından biri sinergetikadır. Sinergetika on bir elmin inteqra-siyasından yarananmışdır. Bu elm XX əsrin 70 - ci illərində məşhur alman alimi Q.Xaken və ondan asılı
olmayaraq belçika alimi İ.R.Priqojin tərəfindən yaradılıb. Sinergetika sözünün
hərfi mənası “birgə fəaliyyət”, “kollektiv fəaliyyət”, “kooperativ fəaliyyət”
deməkdir.
Bütün elmlər
kimi sinergetika da sistemləri öyrənir. Sistemlər sadə və mürəkkəb qruplara
bölünür. Mürəkkəb sistemlər isə öz növbəsində özünütənzimləyən və özünütəşkil
edən sistemlərə bölünür. Sinergetika yalnız özünütəşkil edən mürəkkəb sistemləri
öyrənir. O, təbii, sosial və koqnitiv sistemlərin özünütəşkilinin həmçinin təkamülünün
ümumi qanunauyğuunluqlarını öyrənməklə yeni dünya anlamının əsaslarını
xarakterizə edir. Sinergetika məzmununa görə fəlsəfəy meyilli olub, özünütəşkil
edən sistemlərin təsvirinə nəzəri və metodoloji yanaşma kimi mövcuddur.
Sinergetikanın
yaranmasının əsası XIX əsrin 70 - ci illərində qoyulub. Bu illərdə iki
fundamental elm belə bir problemi həll etməyə çalışırdı: təbiətin təkamülü
hansı istiqamətdə baş verir? Nizamdan
xaosa doğru yoxsa xaosdan nizama doğru?
Bu dövrdə
bilologiya elminin görkəmli nümayəndsi Ç. Darvin, fizikanın nümayəndəsi isə
L.Bolsman hesab olunurdu. Beləliklə,
fizikaya görə təbiətin təkamülü nizamdan xaosa doğru, biologiyaya görə isə təbiətin
təkamülü xaosdan nizama doğru baş verir.
Xaos – nizam xaos – nizam –xaos –
nizam..............
Bu sxemdən
aydın şəkildə görünür ki, nizamın içində xaos, xaosun içində isə nizam var. Deməli
nizam və xaos bir - birindən kənarda deyil, biri digərinin içərisində
mövcuddur.
Sinergetika
yeni elm və bilik sahəsi olmaq etibarı ilə bir sıra spesifik xüsusiyyətlərə
malikdir:
1)
Sinergetika yeni elmlər arasında istiqamətdir. O, on bir elmin (fizika, kimya,
biologiya, sosiologiya, fəlsəfə, riyaziyyat və s.) birləşməsindən yaranıb;
2)
Sinergetika yeni dünyagörüşüdür. İ. R. Priqojin qeyd edirdi: “Sinergetika insanın
təbiətlə yeni dialoqudur”;
3) Sinergetika yeni metodologiyadır;
4) Sinergetika yeni paradiqmadır;
5) Sinergetika yeni elmi nəzəriyyədir;
6) Sinergetika yeni elmi dildir.
Sinergetika – özünütəşkil edən, açıq, qeyri - xətti, dissipativ, tarazlıq vəziyətindən
uzaqda yerləşən sistemlərin inkişafının xüsusi və ümumi qanunauyğunluqları
haqqında elmdir.
Sinergetikanı aydın şəkildə başa düşmək üçün aşağıdakı əlamətləri nəzərdən
keçirək:
1) Sinergetik sistem mürəkkəb sistemdir. Sistemin mürəkkəbliyi iki amillə
müəyyən olunur;
a) Sistemi təşkil edən elementlərin say çoxluğu ilə;
b) Elementlər arasında qarşılıqlı təsirlərin say çoxluğu ilə.
2) Sinergetik sistem özünütəşkil edən sistemdir. Sistemlərin təşkili və
özünütəşkili hadisələri mövcuddur. Sistemlərin təşkil olunması xarici qüvvələrin,
özünütəşkil etməsi isə daxili qüvvələrin təsir ilə baş verir. Özünütəşkilin
bütün səviyyələrində qaydanın yəni nizamın mənbəyi “xaosdan qayda (nizam)
yaradan”, yeni vəhdətin meydana gələməsini təmin edən geriyədönməzlikdir.
İnkişaf prosesində sistemin mürəkkəbləşməsi
qabiliyyəti nizamlı strukturların yaranmasına, sistemin özünütəşkilinə gətirib çıxarır. Bu proses zamanı bir - birinə əks olan iki mexanizm təsir edir:
əgər bir tərəfdən sistemi təşkil edən elementlərin birləşməsi, əlaqələnməsi baş
verirsə, digər tərəfdən isə sistemi parçalanır – fraksiyalara ayrılır. Bu hal mürəkkəblik
və nizamlılıq səviyyəsindən asılı olmayaraq materiyanın bütün struktur səviyyəlrində
baş verir.
3) Sinergetik sistemlər açıq sistemlərdir. Açıq sistemlər elə sistemlərdir
ki, onlar aktiv ətraf mühitdən fasiləsiz olaraq maddə, enerji və informasiya qəbul
edirlər.
İnkişafın mahiyyətini nəzəri təfəkkürdə ifadə etmək üçün yeni anlayışlar
yaradılırdı. Bu anlayışlardan biri “açıq
sistem” anlayışı idi. “Açıq sistem” anlayışını 1929 - cu ildə Brüssel məktəbinin
təmsilçisi, fizik R.Dafeam irəli sürmüşdür. 1932 - ci ildə isə L.Fon
Bertalanfinin bu anlayışını bioloji sistemlərə tətbiq etməklə onun sərhəddini
bir qədər genişləndirmişdir. L. Bertalanfinin apardığı araşdırmalar
sinergetikanın əsasında duran “açıq sistem” lərin daxili təsvirini verməyə
imkan yaratdı. Beləliklə dünyanın elmi mənzərəsi çərçivəsində aparılan müzakirələr gerçəkliyə sinergetik
yanaşmanı gətirib çıxardı.[1,s.531]
Sinergetik yanaşmanın əsasında duran özünütəşkiletmə prinsipinə görə,
özünütənzimləmə baqxımından canlı və cansız sistemlər arasında elə də kəskin
bir fərq yoxdur. Dünyanın təbii - elmi mənzərəsi çərçivəsində sinergetik
yanaşma özünütəşkiletmə prinsipinin üzə çıxmasına imkan verdi. Bu imkan isə
materiyanın heç bir forması ilə bağlı deyildi.
4) Sinergetik sistemlər qeyri - xətti sistemdir. Sinergetik sistemlərin
qeyri -xəttiliyi o deməkdir ki, digər sistemlərdən fərqli olaraq onlar sadə
riyazi tənliklərlə deyil, mürəkkəb riyazi tənliklər vasitəsilə təsvir olunur.
5) Sinergetik sistemlər dissipativ sistemlərdir. Mürəkkəb sistemin xarici
aləmlə qarşılıqlı təsiri, onun tarasız şəraitinə daxil olması yeni dinamik
halların dissipativ strukturların təşəkkül tapmasına səbəb olur. Dissipativ
struktur dedikdə açıq tarasız sistemlərdə spontan (öz - özünə) surətdə yaranan
strukturlar başa düşülür.[3,s.429,] Dissipatiya latın sözü olub, hərfi mənası səpələnmək
deməkdir. Bu o deməkdir ki, sistem o zaman özünütəşkil edə bilər ki, onun
xaricdən aldığı maddə və enerji sistemin bütün elementləri arasında bərabər
paylanmış olsun. Yalnız dissipatiya nəticəsində sistemin bütün elementləri onun
təşkil olunmasında fəal iştirak edir.
6) Sinergetik sistemlər tarazlıq vəziyyətindən uzaqda yerləşən sistemlərdir.
Təbiətin bütün sistemlərində fülüktasiya adlanan kiçik amplitudlu rəqslər baş
verir. Sinergetik sistemlərin təkamülü adi halda bifurkasiya (iki qat şaxələnmə)
nöqtəsinə doğru gedir. “Bifurksiya” nöqtəsi elə bir nöqtədir ki, bu nöqtədə cismin
təkamül yolları şaxələnir. “Bifurksiya” nöqtəsi yaxınlığında sistemdə əhəmiyyətli
flüktasiyalar müşahidə olunur. Kiçik bir flüktasiya sisteminin təkamülündə
tamamilə yeni bir istiqamətin başlanmasına səbəb ola bilər. [7,s.140,]
“Bifurksiya” nöqtəsində sistemin təkamül yolu şaxələnir və inkişafın hansı
istiqamət üzrə davam etməsi xalis təsadüfi xarakterə malikdir. Sistem öz
istiqamətini seçdikdən sonra onun geriyə yolu qalmır: proses geriyədönməz olur.
Beləliklə, həmin sistemlərin inkişafının əvvəlcədən söylənilməsi ehtimallı səciyyə
daşıyır. [1,s536,]
Müasir təbiətşünaslıqda
sinergetikanın meydana gəlməsi təbii - elmi bilik sahələrinin bütün növlərinin
qlobal təkamülü ilə bağlı olmuşdur. XIX əsrdə belə bir fikir hökmranlıq edirdi
ki, materiyaya nizam - intizamın pozulması, başlanğıc tarazlıq halına meyl yəni
xaos, nizam - intizamsızlıq xasdır. Burdan belə bir nəticə çıxır ki, materiya
tarazlıq termodinamikasının təsiri altında formalaşır. Tarazlıq termodinamikası
enerjinin müxtəlif növlərinin qarşılıqlı çevrilməsi proseslərini öyrənir.
Materiya
termodinamik tarazlığın əksinə də iş görməyə, yəni özünütəşkil etməyə, özünü
mürəkkəbləşdirməyə qabildir.
Materiyanın öz -
özünü inkişaf etdirə bilməsi məsələsi elmə çoxdan məlum olsa da, bu postulatın
fundamental təbiət elmləri üçün əhəmiyyəti yalnız XX əsrin ikinci yarısıda dərk
edilmişdir. Sinergetika özünütəşkiletmə nəzəriyyəsi kimi məhz bu dövrdə yaranmağa başlamışdır. Bu nəzəriyyə
hazırda bir neçə istiqamətdə -
sinergetika (Q.Xaken), tarazlıq termodinamikası (İ.R.Priqojin) və b. istiqamətlərdə
inkişaf etdirilir. Bu istiqamətləri inkişaf etdirən sinergetik ideyaların ümumi
mənası aşağıdakılardan ibarətdir:[6,s.424,]
1) Kainatda
dağılma və yaranma, deqradasiya və təkamül prosesləri eyni hüquqludur;
2) Daxilində
baş verdikləri sistemlərin təbiətindən asılı olmayaraq yaranma proseslərinin
(sistemin mürəkkəbliyinin və nizamlılığının artması) vahid alqoritmi vardır.
Sinergetika
klassik fizikadan fərqli olaraq materiyanın müşahidə oluna bilən, makroskopik
struktur səviyyəsində baş verən dəyşikliklərə sistemin böyük sayda elementlərinin,
hissəciklərinin müşahidə oluna bilməyən mikrosəviyyədə baş verən qarşılıqlı təsirlərin
nəticəsi kimi baxır.
Açıq
sistemləri ( fiziki - kimyəvi, sosial, bioloji və s.) təşkil edən elementlər
arasında xarici mühitlə qeyri - taraz şəraitdə baş verən intensiv enerji və
maddələr mübadiləsi nəticəsində açıq sistemin elementləri arasında qarşılıqlı əlaqələr
yaranır, sistem strukturlaşır. Sinergetika sistemin elementləri arasında
yaranan bu əlaqələri, strukturlaşmanı öyrənir.[5,s.191]
Sinergetika
elə bir universal mexanizm yaratmağa çalışır ki, onun vasitəsilə həm canlı, həmçinin
cansız təbiətin özünütəşkili həyata keçirilə bilsin. Özünütəşkiletmə dedikdə
açıq qeyri - tarazlıq sisteminin özünü təşkiletməsinin
daha sadə və az nizamlı formasından daha mürəkkəb və daha çox nizamlı
formasına spontan yəni öz - özünə keçməsi
başa düşülür.
Sinergetik
araşdırmanın obyekti(təbiətdən asılı olmayaraq) üç şərtə əməl etməlidir:
1)Sistem
mütləq şəkildə açıq olmalıdır;
2) Sistem
qeyri - taraz olmalıdır;
3) Böhran
durumundan sıçrayışla çıxa bilməlidir.
Sistemin açıqlığı - onun aktiv ətraf mühitdən fasiləsiz olaraq
maddə, enerji, informasiya qəbul etməsidir.
Sistemin qeyri - tarazlığı - onun böhran halına gəldiyini
və davamlılığını itirdiyini göstərir. Sistem böhran halında olarkən güclü
flüktasiyalar yaranır və onlardan biri konkret davamlı hala sıçrayış edir.
Sıçrayış dönməz xarakter daşıyır. Yeni hala sıçrayış edəcəyi ehtimal olunan böhran
nöqtəsi bifurkasiaya nöqtəsi adlandırılır.
Hər hansı
bir açıq sistemin inkişafı prosesində onun özünütəşkili həm qanunauyğun, həm də
təsadüfi şəkildə baş verir. Yəni, sistemin özünütəşkili təkamülün qanunauyğun
baş verən və onun inkişafının sonrakı qanunauyğun mərhələsini müəyyən edən
bifurkasiya nöqtəsində təsadüfi şəkildə gerçəkləşə bilir.
Sistemin
böhran halından sıçrayışla çıxması – sistem yeni, daha nizamlı hal alır.
Sinergetika
haqqında ideyaların formalaşdırılmasında Şellinqin, Marksın, Hegelin
dialektikalarının böyük təsiri olmuşdur. Sinergetikanın banilərindən olan
İ.Priqojin yazırdı: Hegelin təbiət fəlsəfəsi “
hər bir səviyyə özündən əvvəlki səviyyəni tələb edən iyerarxiyanın
varlığını təsdiq edir”[7,s427,]. Bununla
yanaşı İ.Priqojin qeyd edirdi: “Materializmin tərkib hissəsi kimi təbiətin
tarixi ideyası K.Marksa məxsus olub, F.Engel tərəfindən ardıcıl inkişaf
etdirilmişdir”[7,s.428].
Müasir alimlərin bir qismi dialektika ilə sinergetika arasındakı əlaqəni
inkar edirlər. Onlara görə diaektika sinergetika ilə əvəz olunmuşdur. Lakin bu
fikir yalnışdır. İnkiçafın ümümi nəzəriyyəsi və universal metod olmaqla
dialektika dünya fəlsəfi fikrinin ən böyük nəaliyyətlərindən biridir.
Sinergetika isə fizikadan, xüsusi halda termodinamikadan törəmiş yeni bir elmi
istiqamətdir.
Bakı Dövlət Universiteti, magistr
Gəncə Dövlət Universiteti, fəlsəfə müəllimi
Ədəbiyyat:
1. Qəhrəmanov
N.F., Məmmədov Ə.B., İsmayılov V.İ. Təbii - elmi biliyin fəlsəfi əsasları:
Bakı; Elm, 2014, 584s
2. Qəşəmoğlu Ə. Ahəngyol elminə giriş.
Bakı,“Səda”,2008.
3. Николис Г, Пригожин
И.Самоор ганизация в неравновесных системах: От диссипативных структура к
упорядоченности через флюктации. Москва;1979.
4. Məmmədov Ə. B., İsmayılov V. İ., Məmmədov F. Ə. Rasionallıq və qeyri
rasionallıq: fəlsəfi - metodoloji kontekst. Bakı; Elm, 2010, 880s.
5. Tağıyev
A. Müasir təbiətşünaslığın konseosiyaları. Bakı;2001, 479s.
6. Хакен Г.
Синергетика. Москва;1980.
7. Пригожин И. Порядок из хаоса: Новый диалог
человека с природой; Москва; 1993.
8. H. Haken. “Synergetics, an Introduction:
Nonequilibrium Phase Transitions and Self-Organization in Physics, Chemistry,
and Biology”, 3rd rev. enl. ed. New York, Springer-Verlag, 1983.
9. H. Haken. Advanced Synergetics: Instability Hierarchies of
Self-Organizing Systems and Devices. New York, Springer-Verlag, 1993.
10. H. Haken. Synergetik. Springer-Verlag Berlin
Heidelberg New York ,1982.
Yorumlar
Yorum Gönder