20-ci əsrin ən ekstraavanqard
və fikrimcə, ən romantik cütlüklərindən biri: Simone de Beauvoir və Jean-Paul
Sartre. Sartr kiçik burjuaziya ailəsində
dünyaya gəlmişdi. Atası dəniz mühəndisi olan Sartr yazır: “Mən 1905-ci il 21
iyunda həyatımı başladım, çox yəqin ki, kitabların arasında da bitirəcəm” (1) 8
yaşından o filmlər və kitablardan ilhamlanaraq cəngavər ruhunda romanlar
yazmağa başlayır. İlk təhsil almaq cəhtlərində uğursuz və kütbeyin olduğu
düşünülsə
də, (orfoqrafik səhvlərinə görə babası liseyə çağırılır və dözməyib onu oradan çıxartdırır) babası daha sonra onun düzgün qiymətləndirilməməsini elan edir. Onun əsas təhsili və akademik fəaliyyəti 1924-cü ildə fəlsəfəni seçəndən sonra başladı.
də, (orfoqrafik səhvlərinə görə babası liseyə çağırılır və dözməyib onu oradan çıxartdırır) babası daha sonra onun düzgün qiymətləndirilməməsini elan edir. Onun əsas təhsili və akademik fəaliyyəti 1924-cü ildə fəlsəfəni seçəndən sonra başladı.
Simona de Bovuar 1908-ci il 9
yanvarda konservativ bir ailəndə dünyaya gəldi, cəsarətli və bir az da kobud
övlad kimi böyüdü. Parisdə vəkil kimi məşhur olan Jan de Bovuar həmişə oğlan
uşağı istəsə də, Simona onun arzularını doğrultmadı və bir müddət Jan bununla
barışa bilmədi. Mümkün haldır ki, Simonanın uşaqlıqdan oğlan yaşıdları arasında
davadan geri qalmaması və başqa maskulin davranışları atası tərəfindən bəyənilmək
istəyindən və ya “Elektra kompleksi”ndən irəli gələn bir şeydir, bu barədə irəlidə
daha ətraflı danışacam. Simona 13 yaşında uşaq istəmədiyinə və yazıçı olacağına
qərar verir. O ailənin həyatı rutinə çevirdiyi fikrinə gəlir. 19 yaşında isə
ailəsinə belə deyir: “Mən istəmirəm ki, mənim həyatım mənim özümdən başqa kiməsə
məxsus olsun.” (1)
Onlar Sarbon universitetində
tanış oldular. Tanış olduqları an Sartrın 25, Bovuarın 22 yaşı var idi. “Mən
sanki, öz əkizim ilə tanış olmuşam. Mən bilirəm ki, o mənim həyatımda əbədi
olaraq qalacaq.” – Bovuar onların ilk görüşündən sonra demişdi. (2) Eləcə də
Sartr intellekt səviyyəsinə görə özünə uyğun birini tapmışdı. Onların mübahisələri
həmişə qızğın olur və kimin qalib gələcəyini öncədən söyləmək çətin olurdu.
Onların münasibətlərini nə
sevgili, nə həyat yoldaşı, nə də başqa bir qovluğa qoymaq olmur. Özləri yeni
münasibət modeli tərtib və tətbiq etmiş və adını da “azad münasibətlər”
qoymuşdular. Onlar bu razılığa münasibətin lap əvvəlində gəlmişdilər. Sartrın
yazılarına fikir versək onun fəlsəfəsinin əsasını azadlıq təşkil edir, buna görə
də belə münasibətlərə inisiativi məhz onun verdiyi hesab olunur. Buna
baxmayaraq, onların həyata eyni baxışları var idi, əlavə olaraq seksual mənada eyni
şəxsləri bölüşürdülər. Bu söz və hətta münasibət modeli (əlbəttə tam olaraq təkrarlamasa
da adını və bəzi xüsusiyyətlərini özündə daşıyır) indiki dövrdə daha məşhur
olsa da, o dövrdə hətta “pozğun” damğası vurulmuş Fransa üçün də ifrat idi.
Münasibətlərin “azad” olması onların həyatını asanlaşdıracağını təxmin etsələr
də, bu daha əzabverici oldu.
Simonaya Sartrın azad düşüncə
tərzi çox təsir etmişdi. Hər ikisi burjuaziya və ənənəvi ailə institunun əleyhinə
idilər. Evlənmək və bir dam altında yaşamaq burjuaziyanın axmaqlığı və tərbiyəsizliyidir.
Uşaqlar da bir-birinə bağlayır və sevgini öldürür, eləcə də onlara qulluq etmək
mənasız və boş vaxt itkisidir. Azad münasibətləri ənənəvi münasibətlərdən fərqləndirən
təkcə bu deyildi. Onların ortaq əmlakları, yataqları, hətta evləri belə yox
idi. Hər biri istədiyi vaxt, hara istəsə gedə və gələ bilər. Eləcə də hər
birinin digər seksual münasibətləri ola bilər və bu təmamilə seksual azadlıq şəklində
olmalıdır. Buna baxmayaraq, onlar bir-birilərinə qarşı keşişin yanındakı kimi
son dərəcədə səmimi olmalıdırlar.
Özünəməxsus “evlilik
kontraktı” Simonanın çox xoşuna gəldi, hərçənd o hələ “tamamilə seksual azadlıq”
ifadəsinin mənasını anlamamışdı. Lakin, bu hal Simonanın atasının heç xoşuna gəlməmişdi.
Simona o dövr üçün “xanıma uyğun olmayan” fəlsəfə ixtisasını özünə seçmişdi, bu
azmış kimi o az qala marksist olan, cəmiyyətin strukturunu radikal tənqid edən
birini özünə həyat yoldaşı (əri yox, həyat yoldaşı) kimi seçmişdi. Amma bu nəinki
onu narahat etmirdi, əksinə ailəsini qıcıqlandırmaq onun xoşuna gəlirdi. Onun
fikrincə, “azad qadın” məhz belə də etməlidir. Eləcə də dostlarının yanında
liderlik edən Jan-Pol da həmişə əsilzadə davranışları, burjua tərbiyəsini və
pulu tənqid edirdi.
Fransada vakansiya olmadığı
üçün onlar universiteti bitirəndə ayrılmalı oldular. Bovuar Marselə, Sartr isə
Qavra fəlsəfə dərsi deməyə getdilər. Onlar ayda ən çox bir-neçə dəfə görüşürdülər,
buna baxmayaraq hər gün məktublaşırdılar. Dəsr saatları az olan və ətrafında
başqa savadı parlaq şəxs görməyən Bovuar darıxırdı və buna görə də növbəti məktubunda
Almaniyaya çıxacağını deyən Sartrın məktubunu alanda dözməyib, onunla görüşə
getdi. Kiçik Berlin mehmanxanalarının birində Sartr bir müddət görmədiyi
Bovuarı salamlamaq əvəzinə, yeni məşuqəsi haqda danışmağa başladı və onunla
tanış etdi. Sartrın məşuqəsi isə Bovuara “Sartra sevişməyi öyrət, yoxsa o
yataqda çox darıxdırıdır.” dedi. Bovuar bunu bildirməsə də, bu onun xətrinə dəymişdi.
Sartr isə sonra dostları ilə görüşəndə. Onların bağladıqları ittifaqın zamana
tab gətirməsindən entuziazmla danışırdı.
Onların yaradıcılıqları isə
çox uğurlu alınırdı. 1938-ci ildə nəşr edilmiş və Sartrı məşhur etmiş “Ürəkbulantı”
romanı, bir il sonra yazılmış novellalar toplusu “Divar” pressada Sartrı məşhur
etmişdi. “Onun kitabı eyni zamanda qorxulu, qəddar, həyəcanlı, əsrarəngiz, eləcə
də erotik idi... Qəddar janrın şedevri.” (1) Həmin anda Simona “Qonaq” romanı
üzərində işləyirdi. Onu məşhur edəcək əsəri isə 1949-cu ildə yazılacaq “İkinci
cins” əsəri olacaqdı.
Onlar tədbirlərə bir yerdə, hətta
tez-tez 3-cü şəxslə gəlirdilər. Hər hansı yeni qadını tədbirdə görəndə
anlayırdılar ki, ya Sartrın, ya da Bovuarın yeni məşuqəsidir. Bovuar hələ 30-cu
illərdə başqa məşuqəsini kişi obrazında görə bilmirdi və seksual münasibətlərində
kişi obrazı kimi ancaq Sartrı görmək istəyirdi. Ancaq bir müddət sonra onlar hər
ikisi də “bu sahədə təmamilə uğursuzluğa düçar olduqlarını” boyunlarına aldılaq
və bu onların münasibətlərinə mane olmadı, “fəlsəfi ittifaqları” davam edirdi.
(2) Geniş dünya görüşünə və cəmiyyətin təzyiqinə əhəmiyyət verməməyi rahatlıqla
bacarsa, hətta onun əleyhinə çıxsa da, o heç cür öz qısqanclığına qalib gələ
bilmirdi. Sartr da bir tərəfdən öz məşuqələri haqda danışaraq Simonanı daha da
qızışdırırdı. Bunu Simonanın ilk kitabının sonunda sevgi üçbucağının 3cü şəxsin
qətli ilə bitməsindən də anlamaq olar.
“3 muşketyor” kafesində Sartr
və Bovuar tez-tez vaxt keçirirdilər. Bura Sartrın onlarla fanatı axışır və bu əlbəttə
ki, onun xoşuna gəlir. Bura odlu alovlu çıxışlar və qızğın mübahisələr etməyə hələn
Sartrın görünüşü isə heç ürəkaçan deyildi: çirkli köynək, əzik şlyapa, bəzən fərqli
rənglərdə olan botinkalar. Simona isə həmişəki kimi biçimli geyinirdi.
İkinci dünya müharibəsi
dövründə müharibəyə qoşulmağa məcbur olsa da fəaliyyət gösətrən orduda iştirak
edə bilmir, cəbhənin arxasında metereoloq kimi fəaliyyət göstərir. Fransanın
nasistlər tərəfindən işğalı zamanı Sartr da hərbi əsirlər üçün konslagerə
düşür, amma 1941-ci ildə Sartrı buraxırlar və o ədəbiyyat-müəllimlik fəaliyyətini
davam etdirmək üçün geri qayıdır.
1947-ci ilə kimi hər şey sakit
keçir. Sartr pyes yazıb teatr təşkil edir, “Varlıq və heçlik” adlı iri bir fəlsəfi
əsər yazır. Əsərin uğuru ona müəllimlik fəaliyyətindən əl çəkib özünü bütövlüklə
fəlsəfəyə hərs etməyə imkan verir. Simona isə həyat yoldaşının əsgərliyə
getdiyinə görə, daha detallı desək, aclıq hiss etdiyinə, günlərlə soyuqdan
donduğuna, yoxluq hissləri keçirdiyinə görə və ən əsası bu hissləri özü keçirmədiyinə
görə günah hissi keçirməyə başlayır. Bu hiss ona uşağı olmamaqdan daha çox əziyyət
verirdi və o bu hissi müxtəlif növ kitablarla boğurdu. Mütaliəsinə üstünlük
verdiyi mövzulardan biri də “insan nəslinin davamı kimi uşaq” mövzusu idi. (1)
Nəhayət, 1947-ci ildə Simona
sevdiyini etiraf edir, amma Sartrı yox, Amerika universitetləri tərəfindən dəvət
alan zaman tanış olduğu gənc yazıçı Nelson Anqlerə. Yanvarda tanış olduğu
yazıçıya 2 ay sonra sevgi məktubları yazmağa başlayır. Sartrla razılaşmasını da
unutmayıb ondan heç nəyi sirr saxlamır. Sartr bu məsələyə görə narahat olsa da
hər şeyi “fəlsəfi sakitliklə” qarşılayır. Bovuar isə Atlantik okean üzərindən dəfələrlə
Amerika və Fransaya uçur. Feminist olmasına baxmayaraq, Nelsonun ona qarşı olan
mehriban münasibəti, yəni bir xanım olaraq kişi tərəfindən sevilmək, qayğı görmək
ona xoş gəlir. (1)
Parisdə isə o, təmamilə başqa
həyat sürür. 1949-cu ildə onun “İkinci cins” əsərinin nəşri onu Fransanın ən məşhur
yazıçısı edir və o feminizmin klassikasına çevrilir. Sartr bu haldan təmamilə
razı idi, axı kitabın ideyasını Bovuara o vermişdi. (1)
Həmin an Simonanın yanına onun
sevgilisi Nelson gəlir və onun qarşısına dilemma qoyur: ya o, ya da Sartr. Əzablı
düşüncələrdən sonra Simona öz seçimini Sartrın yanında qalmaqla edir. O öz
yeganə azadlıq şansını, sevgisini və ümidlərini “ortaq ideyalar”a dəyişə bilməzdi.
Əlavə olaraq, Simona yeni
romanında Nelsonla olan intim həyatını bütün təfərrüfatları ilə təsvir etmişdi
və buna görə sonuncu gününə kimi Nelson onu bağışlaya bilmədi: Mən bütün
dünyanın barlarını gəzmişəm və istər Koreya, istər Hindistan olsun qadınlar həmişə
qapını bağlayırlar. Bu qadın isə qapıları tam açır, cəmiyyəti və pressanı
tamaşaya dəvət edir. (2)
Sartr və Bovuarın yazının bu
hissəsinə kimi olan həyatından və bir birilərinə olan özünəməxsus sevgilərindən
bəhs edən 2006-cı il istehsalı olan “Flora kafesinin sevgililəri” (Les amants du Flore) adlı bir film çəkilib. Burada mövzudan bir az uzaqlaşıb film haqda təəsürat
və düşüncələrimi demək istəyirəm. Əgər kiməsə maraqsızdırsa 1 abzas buraxmaqla
yazının davamını oxuya bilər. Eləcə də yazıda spoilerlər olacaq, amma məncə
bunu yazmaq bir az gecdir.
Film Sartr və Bovuarın həyatı
ilə maraqlanıb, amma az məlumatı olanlar üçün maraqlı və reallığa yetərincə
uyğun çəkilib. Mənfi cəhəti bəzən filmdə bəzən onların hansı yaşda, hansı dönəmdə
olduqlarını anlamamağımdır. Süjet sıx olduğu üçün bədii təsvirlərə az vaxt
ayrılır və bütün süjet sanki nəyisə yaddan çıxarmamaq üçün can atır, harasa tələsir.
Bu xronometrajın limitli olması ilə də əlaqəli ola bilər. Əslində film barədə
uzun uzadı danışmağa sözüm yoxdur, amma bir məqam barədə düşüncələrimi bölüşmək
istəyirəm. Filmin bir hissəində Nelson Anqlerlə Sartrın kafedə görüşü baş
tutur, daha doğrusu Bovuarla birlikdə kafeyə gəlir. Bovuarla Sartrın münasibətindən
bezmiş, hətta hirslənmiş Nelson və buna son qoymaq üçün Sartrı bayıra söhbət
etməyə, əslində çox yəqin dava etməyə çağırır. Sartr “İlk öncə gəl bizim kiçik
ailəmizlə tanış ol, biz artıq sənə öyrəşmişik” deyərən onu oturduqları stola dəvət
edir. Nelson stola gəlir və filmin sonrasında onların danışıb hansı nəticəyə gəldikləri
və ümumiyyətlə danışıb-danışmadıqları barədə məlumat verilmir. Buna görə də həmin
hissə mənə maraqlıdır ki, filmi ərsəyə gətirənlər tərəfindən qəsdən atılmış
addımdırmı ya sadəcə bu hissə unudulub. Ümid edirəm ki, həqiqətə birinci
versiya uyğundur. Əgər belədirsə, onda belə bir nəzəriyyə ortaya çıxır: Simona
yetərincə savadlı biri idi və mütləqdir ki, “Elektra kompleksi” haqda
eşitmişdi. Mən təxmin edirəm ki, filmi ərsəyə gətirənlər bu səhnə ilə Simonada
bu kompleksin olduğunu vurğulamaq istəyiblər. Fikrimi belə çatdırım: Filmin lap
əvvəlində gənc Sartr ilə onun atası Jan Bovuar arasında mübahisə düşür və Jan
onunla dava etməkdən yayınır. Bu hərəkətinə görə Bovuar atasını qorxaq
adlandırır. Eləcə də bənzər hadisə
filmin sonunda yaşanır. Sartr Bovuarın əri deyil, onun həyatı boyu ona yoldaşlıq
edən, kömək və dəstək olan, motivasiya verən həyat yoldaşıdır. Hətta bir baxıma
gənc yaşlarından onun atasını əvəz etmiş biridir, amma atasından fərqli olaraq
ona azadlıq bəxş etmiş biridir. Eyforiyaya düşən Bovuar öncə ona sekslə təşəkkür
edir, amma böyüdükdən sonra bu hisslər sönür. Eləcə də Elektra kompleksi olan
qadınlarda da yaş artdıqca bu kompleks əsasən yoxa çıxır. Ancaq artıq böyümüş
Bovuar eyni hadisə ilə üzləşəndə artıq infantil hisslərlə yox yetişkin,
formalaşmış şəxsiyyət kimi qərar verir.
Sartr və Bovuar vaxtında
xilasedici formul fikirləşib hazılamışdılar və bu formul aksiomaya çevrilmişdi.
Onların hər biri onlarla kitab yazmış və Sartr 64-ci ildə Nobel mükafatına
layiq görülmüşdü: “dövrümüzə nəhəng təsir edən, ideyalarla zəngin, azadlıq ruhu
ilə dolub-daşan və yaradıcılığın həqiqətlərini axtaran” əsərə görə... Sartrı isə
artıq məşhurluq və tanınmaq istəyi narahat etmirdi, o istəmirdi ki, onu
inistuta çevirsinlər. Eyni zamanda, o “Nobel mükafatı laureatı” titulunun onu
siyasi radikallığına mənfi təsiri ilə bağlı düşüncələrini də gizlətmirdi. (1)
60-cı illərin ikinci yarısında
o ədəbiyyatdan çox siyasətlə məşğul olurdu. O sosializmi yenidən diriltmək istəyirdi.
O çoxlu səyahətlər edir, nasional və sinfi istismar əleyhinə aktiv çıxışlar
edirdi. Həmçinin, ultrasol qrupların fikirlərini müdafiə edir, Parisdəki tələbə
buntlarında iştirak edirdi. Amerikanın Veytanama olan müdaxiləsini tənqid edir,
onu hərbi zəmndə cinayətlərdə iddiham
edir və Bertrant Rassellə birgə antihərbi komissiyanın formalaşmasında iştirak
edirdi. O Çinin formalaşmasını, Kuba çevrilişlərini atəşlə dəstəkləsə də, daha sonra həmin ölkələrin siyasətindən məyusluq
hissinə qapıldı. 1974-cü ildə onun “Bunt – sağın işidir” adlı əsəri nəşr olundu.
Hərçənd son illərdə qlaukomaya
görə o demək olar ki kor olmuşdu və bun görə artıq yaza bilmirdi, buna
baxmayaraq aktiv həyatı hələ də davam edirdi, müxtəlif intervyular verir,
dostları ilə siyasəti müzakirə edir, musiqiyə qulaq asır, Simonaya ona səsli
kitab oxuması üçün xahiş edirdi. Eyni zamanda alkaqola qurşanmışdı və onu
alkaqolla qadın cinsinin nümayəndələrindən olan gənc pərəstişkarları təmin
edirdi. Sartr heç vaxt qadınlara olan həvəsindən əl çəkə bilmədi: “Mənim
qadınlarla özümü əhatə etməyimin əsas səbəbi, onu kişi ətrafımdan üstün tutmağımdadır.
Kişilər əsasən məni süstlüyə sürükləyir.” (1)
15 aprel 1980-ci ildə Sartr
artıq yox idi, onun xahişi ilə heç bir təntənəli dəfn mərasimi təşkil olunmadı,
buna baxmayaraq onun dəfn mərasimi 50 min parislinin iştirakı ilə keçdi. “Mond”
qazeti yazır: “Heç bir XX əsr fransız intelektualı, heç bir “Nobel” mükafatı
laureatı cəmiyyətə Sartr qədər dərin, uzunsürən və əhatəli təsir etməmişdi.”
(1)
Onların sevgisi 51 il davam
etdi və Simona ondan cəmisi 6 il çox yaşadı və demək olar eyni gündə - 14
apreldə vəfat etdi. O dünyasını təmamilə tənha dəyişdi və Sartrın yanında dəfn
olundu. Simona yazırdı: “Onun vəfatı bizi ayırdı, mənimki isə bizi qovuşduracaq.”
(2)
Yorumlar
Yorum Gönder