Ən
məşhur əsərlərindən biri olan “Dövlət” kitabında Platon insan qavrayışının, heç
kim ideyaların varlığının fərqində olmasa belə, necə var olduğunu və doğru
biliyin necə sadəcə fəlsəfə vasitəsilə qazanıldı-ğını isbat etməyə çalışır. Hislər
vasitəsilə bilik əldə edilməz, sadəcə fikir əldə edilər.
Mağara Alleqoriyası, Sokrat ilə Platonun
qardaşı Qlaukon arasında bir söhbət olaraq keçir. Dialoqda Sokrat,
Qlaukondan illüziyanın sanki gerçək imiş kimi qavranıldığı bir dünya təsəvvür etməsini istəyir. Məsələyə aydınlıq qazandırmaq üçün belə bir nümunə gətirir:
Qlaukondan illüziyanın sanki gerçək imiş kimi qavranıldığı bir dünya təsəvvür etməsini istəyir. Məsələyə aydınlıq qazandırmaq üçün belə bir nümunə gətirir:
İçində bir qrup məhkumun doğulduqlarından bəri
qapalı saxlanıldığı bir mağara vardır. Məhkumlar hərəkət edə bilməzlər.
Boyunları və ayaqları hərəkət etdirə bilməyəcəkləri və ya döndürə bilməyəcəkləri
şəkildə zəncirlənmişdir və ancaq qarşılarındakı bir daş divara baxa bilirlər. Məhkumların
arxasında, yüksəkdə bir yerdə yanan bir atəş və atəş ilə məhkumlar arasında isə
bir qrup insanların başlarında daşıdıqları şeylərlə gəzdikləri bir divar
vardır. Atəşin işığı məhkumların önündəki divara nəsnələrin kölgələrini salır.
Məhkumların görə bildikləri yeganə şey bu kölgələrdir. Eşitdikləri səslər sadəcə
mağaranın əks-sədalarından ibarətdir.
Bu səbəbdən bu məhkumlar həqiqi nəsnələrlə
heç qarşılaşmadıqları və bütün həyatları boyunca yalnız kölgələrə şahid
olduqları üçün, bu kölgələri gerçəkliyin özü sanarlar. Mağaranın əks-sədaları
onlara görə, kölgələrin yaratdığı səslərdir. Tutaq ki, bir kitabın kölgəsi
görünsəydi, bu məhkumlar kitab gördüklərini iddia edərdilər. Məhkumların gerçəkliyində
kölgə deyilən bir şey bilinmədiyi üçün onlar bunun bir kitabın kölgəsi olduğunu
söyləməzdilər. Ən sonunda, məhkumlardan biri bu dünyanın mahiyyətini anlayardı
və növbəti kölgənin hansı olduğunu bilə bilərdi və beləliklə, digər məhkumların
tərifini və təqdirini qazanardı.
İndi isə deyək ki, məhkumlardan biri sərbəst
qalır. Kimsə o məhkuma həqiqi bir kitab göstərsə, məhkum o nəsnəni tanıya bilməz.
Məhkumun gözündə kitab, divara yansıyan kölgədir. Bir kitabın kölgəsi, kitabın
özündən daha gerçək görünər.
Sokrat sözlərini davam etdirərək, sərbəst
qalan adam sonra dönüb atəşə baxsa, nə olacağı haqqında fikir yürüdər. Məhkum qətiyyətlə
o dərəcədə parlaq işıqdan başını çevirər və daha həqiqi hesab etdiyi qaranlıq
kölgələrə geri dönərdi. Bəs vəziyyət bir addım daha irəli götürülərək məhkum
bayıra çıxmaq məcburiyyətində buraxılsa, nə olardı? Məhkum qəzəblənərdi, gərginləşərdi
və qarşısındakı gerçəkliyi görməzdi, çünki işıq gözlərini qamaşdırıb kor edərdi.
Bununla yanaşı, məhkum qısa müddətdən sonra
uyğunlaşar və mağaradakı gerçəkliyin yanlış olduğunu anlayardı. Günəşə doğru
baxıb mövsümləri, illəri və bu dünyada görülə bilən hər şeyi yaradının bu
varlıq olduğunu (hətta özünün və məhkum dostlarının mağarada gördüklərinə də müəyyən
dərəcədə onun səbəb olduğunu) qavrayardı. Məhkum mağarada keçirdiyi günlərə xoş
xatirələrlə dönüb baxmazdı, çünki əvvəlki qavrayışının əslində gerçəklik
olmadığını artıq anlayardı. Azadlığa çıxan məhkum ondan sonra mağaraya
qayıtmağa və digərlərini də sərbəst buraxmağa qərar verər. Məhkum geri döndüyü
zaman mağaranın qaranlığına uyğunlaşmaq üçün səy göstərər. Digər məhkumlar da
bu davranışı qorxunc hesab edərlər (çünki mağaranın qaranlığı hələ də onların
yeganə gerçəkliyidir) və tərifləmək əvəzinə, azad olan məhkumu axmaq yerinə
qoyarlar, onun söylədiklərinə inanmazlar. Məhkumlar, onları sərbəst buraxarsa,
onu öldürməklə təhdid edərlər.
Platon, mağaranın içində zəncirlənmiş məhkumları,
özünün yaratdığı ideyalar nəzəriyyəsindən xəbərsiz insanlarla qarşılaşdırar.
İnsanlar, qarşılarında dayanan görüntünü gerçək imiş kimi yanlış qavrayarlar və
cəhalət içində yaşayarlar (bununla da xoşbəxt olarlar, çünki cəhalət bu
insanların bildiyi yeganə şeydir). Bununla yanaşı, həqiqət hissə-hissə üzə
çıxmağa başlayanda qorxuducu ola bilər və insanlarda geri qayıtma istəyi
oyandıra bilər. İnsan əgər həqiqətə arxa dönməzsə və həqiqəti axtarmağa davam
edərsə, ətrafındakı dünyanı daha yaxşı anlayacaqdır. Azad olan məhkum
qavranılan gerçəkliyin xaricindəki daha böyük həqiqəti axtaran filosofu təmsil
edər.
Platona görə, insanlar dildən istifadə
etdikdə gözlə görülə bilən fiziki nəsnələri adlandırmazlar; daha çox gözlə
görülə bilməyən bir şeyi adlandırarlar. Bu adlar yalnız zehində qavranıla bilən
şeylərlə əlaqəlidir. Məhkum, bir kitabın kölgəsinin həqiqətən kitab olduğuna inanırdı, ta ki
dönüb baxıb həqiqəti görənə qədər. İndi, kitab fikrinin yerinə daha əhəmiyyətli
bir şeyi, məsələn, ədalət məfhumunu qoyaq. İnsanların ən sonunda dönüb
baxmalarına və həqiqəti kəşf etmələrinə imkan verən Platonun ideyalar nəzəriyyəsidir.
Bilik, özündə hislər vasitəsilə əldə edilər və qavrayış heç də bilik deyildir,
təxmindir. Bilik arxasınca qaça bilmək ancaq fəlsəfi ağıl yürütmə yolu ilə
mümkün olur.
Tərcümə edən: Könül Bəndiyeva
Mənbə: Kleinman, Paul. "Felsefe 101", Say, 2018.
Yorumlar
Yorum Gönder