I. Düşüncənin ən geniş mənası zehində baş verən hər
şeyi əhatə edir. “Düşüncələriniz dəyərsizdir” deyirik. Amma bu vəziyyətdə, sadəcə
heç bir önəmi olmayan, fantaziyalar, məntiqi ardıcıllığı olmayan və gerçəklikdən
yoxsun “düşüncələr” haqqındadır. Gərəksiz bütün fantaziyalar, hər hansı bir
xatirə, keçici təəsürat bu qəbildəndir. Günorta vaxtı, oyanıq olduğumuz vaxt
qurduğumuz xəyallar, İspaniyadakı qəsrlər,
depressiya zamanlarından ağlımıza gələn təsadüfi və maraqsız fikirlər sahəsi geniş mənada hələ də düşüncədir. Bu önəmsiz fantaziyaların və xəyali həsrətlərin bu nizamsız oyununda qorxunc dərəcədə vaxt itiririk. Axmaqlar və ağılsız adamlar bu formada düşünürlər.
depressiya zamanlarından ağlımıza gələn təsadüfi və maraqsız fikirlər sahəsi geniş mənada hələ də düşüncədir. Bu önəmsiz fantaziyaların və xəyali həsrətlərin bu nizamsız oyununda qorxunc dərəcədə vaxt itiririk. Axmaqlar və ağılsız adamlar bu formada düşünürlər.
Gerçək düşüncə fikirlərin əlaqəli şəkildə ard-arda
gəlişidir, sadə ard-arda gəliş deyildir. Öz vətəni olan Yeni İngiltərədən
seçilməyi arzulayan zəkası aşağı olan bir insanın öz ətrafındakılara bunu
dediyi qeyd olunur: “Mənim uyğun olmadığımı düşünürsünüz; bununla birlikdə hər
zaman nəyisə düşündüyümə inanın”. Əgər düşünülən şeylərin ard-arda gəlişləri
vasitəsilə düşüncə, zehindən keçən şeylərin gözlənilməz axınına bənzəyirsə, bu
şeylərdən, yalnız bu gözlənilməzliyin onu doyurmadığı faktı ilə ayrılır. Düşünmək,
sadəcə bir-birini izləyən fikirlərin deyil, eyni zamanda hər bir fikirin digərini
onun təbii nəticəsi kimi izləməsi və hər birinin özündən əvvəl gələnə əsaslanması
formasında bir nizamın içində ard-arda gələn fikirlərin müəyyən sayının varlığını
fərz edir.
Düşünmə fəaliyyəti birbaşa müşahidəni aşan şeylə sərhədlənir.
II. “Düşüncə” sözünün ən geniş mənası ilə istifadə
edildiyi vəziyyətdə belə, ümumi olaraq duyğularla hiss olunmayan şeylər tətbiq
olunur; nə görə bildiyimiz, nə dada bildiyimiz, nə eşidə bildiyimiz, nə də
toxuna bildiyimiz şeylərə tətbiq olunmur. Əgər bir hadisəni danışan şəxsə, bu
hadisənin neçə baş verdiyini görüb görmədiyini soruşsaq, “Xeyr, sadəcə onu
düşündüm” deyə bilər. Onun hekayəsi bir müşahidənin diqqətli əlaqəsi deyildir;
burda daha çox kəşfin payı vardır. Bu fikirlər miqyasında tamamilə xəyali
quruluşdakı hekayələrin, hadisələrin aldığı önəmi vurğulamaq lazımdır. Onlar bir
hekayənin içərisində təqdim edilməklə müəyyən bir nizama sahib ola bilərlər.
Onlarla eyni zamanda fantaziyalar, bir nəticəyə çatmaq üçün bilərək istifadə
olunan şərhlər də yer alır. Uşaqların xəyali hekayələri daxili davamlılığın
bütün dərəcələrini göstərirlər, bəzilərində nizam yoxdur, digərləri də
nizamsızdır. Əgər tutarlı olsalar, gerçək düşüncəni təqlid etmiş olurlar; çox
vaxt məntiqli zehinlər bu cür düşüncələri təklif edirlər. Dizaynın bu forması
çox vaxt refleksiv tipdəki düşüncədən daha əvvəl gəlir və eyni zamanda ona gedən
yolu hazırlamış olur.
Bununla birlikdə, nə biliklərə, nə də faktlara və
ya gerçəklərə bağlı bir qənaətə əsaslanmır; və sadəcə bu onu refleksiv düşüncədən,
ilk baxışdan onunla eyni görünsə də, ayırır. Bu formadakı düşüncələri ifadə edənlər
onlara inanılmasını gözləməzlər; sadəcə hər şeyin çox yaxşı qurulduğunun və
oyunun gözəl istiqamətləndirildiyinin qəbul edilməsini istəyirlər. Yaxşı hekayələr
yaradırlar, təsadüfdən kənar bilik gətirmirlər. Bu cür düşüncələr duyğuların
çiçəklənməsidir; bu duyğulardan birini izah etməyə istiqamətlənirlər, bir həyəcana
bağlanırlar və bu həyəcan onlara kömək edir.
Düşüncə iki yoldan inanca aparır.
III. Başqa
bir anlayışda,”düşüncə” müəyyən bir bünövrəsi olan qənaətləri, yəni gerçək və
ya elə hesab edilən biliyi, birbaşa mövcud olan yeri aşan biliyi göstərir. Beləliklə,
iki istiqaməti ilə görünən olur; qəbul etmək və ya rədd etmək, gerçəyə yaxın
olanı qəbul etmək, gerçəyə uzaq olanı rədd etmək. Düşüncənin bu periodu iki fərqli
tipi təqdim edir: Bəzən bir qənəti onu dətəkləyən səbəblərdən şübhə duymadan mənimsəyirik.
Digər vaxtlar isə bu səbəbləri araşdırırıq.
Məsələn, “insanlar dünyanın düz olduğuna
inanırdılar” və ya “orda olmayacağınızı zənn edirdim” dediyimiz zaman bir qənəti
ifadə edirik. Bir şeyi qəbul edirik, mənimsəyirik, təsdiqləyirik, sübut edirik.
Və bununla birlikdə, bu cür düşüncələr nəzarət edilməyən sadə ehtimallar ola
bilərlər. Gerçəyə uyğundurlar, ya da uyğun deyillər, çünki biz inanca dəstək
olacaq ölçü ilə maraqlanmamışıq. Doğru qənətlərə çatıb çatmadıqlarını bilmək məsələsilə
maraqlanmadan bu düşüncələr şüuraltı olaraq doğmaqdadırlar. Onları toplayıb
saxlayırıq, necə olduqlarını bilmirik. Qaranlıq qaynaqlardan, bilinməyən səslərdən
çıxıb gəlməkdədirlər. Onları mənimsəyirik və şüuraltı olaraq onları zehni
dilimizin içərisinə daxil edirik. Ənənədən, təhsildən, təqliddən gəlirlər,
bunların hamısı bir hakiə qüvvəyə əsaslanırlar və ya mülkiyyətimizin bir
parçası kimidirlər və ya güclü ehtiraslarla birləşirlər. Beləliklə, bu düşüncələr
ön fikir, yəni mühakimə öncəsi fikirlər olaraq adlandırılmaqda olub, açıq fakta
əsaslanan gerçək mühakimələr deyillər.
Ən yüksək mənasında düşünmək fəaliyyəti özündə inancların
əsası və nəticəsi olaraq nəzərə alınmasını birləşdirir.
IV. Əgər düşüncələr refleksiv düşüncəyə, yəni
inancın təməllərinin və şərtlərinin quruluşunun zehni araşdırılmasına istiqamətlənirsə,
bir inanca çatan düşüncələr o inanca sıx şəkildə bağlanırlar... Dünyanın düz
olduğunu planlamaq, gerçək bir şeyə, onun gerçək xüsusiyyəti olaraq gördüyümüz
bir keyfiyyəti aid etməkdir. Bu nəticə fərqli şeylər arasında lazımlı bir
münasibəti əhatə edir və bu nəticə plan tərəfindən yaradılan düşüncənin
elastikliyinə və yumşaqlığına sahib deyil. Dünyanın düz olduğuna inanmaq digər
obyektləri, məsələn, göy cismlərini, uzaqları, gəmi səyahətini düşünməyi əhatə
edir. O halda fikir, şeylərdən əldə edilən baxışla uyğun olan fəaliyyətləri əhatə
edir.
Bir qənətin digər qənətlər və davranış üzərində ola
biləcək nəticələri, insanları, qənətləri və məntiqi nəticələri sübut etmək üçün
səbəbləri, qənətləri araşdırmaq məcburiyyətində qoyacaqdır. Və artıq refleksiv
düşüncəyə gəlirik, təmtəraqlı mənasında düşüncəyə !
Kolumbun dünyanın kürə olmasını düşünməsinə qədər
dünyanın düz olduğu düşünülürdü. Çünki Kolumb dərhal ənənəvi anlayışı mənimsəməmişdi,
şübhələndiyi, diqqətlə araşdırdığı üçün düşüncəsinə çatmışdı. Vərdişlərin təklif
etdiyi şeyə qarşı şübhəçi olmuş, mümkünsüzün qarşısında geri çəkilməyərək həm
inancını, həm də çətin inanılmasını sübut edən dəlilləri tapa qədər dirəşmişdi.
Və gəldiyi nəticə səhv olsa belə, qarşısında yer aldığı qənətdən fərqli bir qənatə
olmağı davam etdirdi, çünki fərqli bir metod sayəsində əldə edilmişdi.
Refleksiv düşüncənin tərifi – Refleksiv düşüncə, əvvəlcədən
verilmiş olan bir inancın və ya biliklərin, ehtimali bir formanın sıx, genişlədilmiş,
qəti bir araşdırılmasının nəticəsidir. Bu araşdırma bu bilikləri və çatdıqları
nəticələri dəstəkləyən dəlillərin işığında gerçəkləşdirilir. Üç kateqoriyadakı
düşüncə formalarından hər biri bu tipi (IV) formalaşdıra bilər, amma dəlillərin
sağlam təməlləri üzərində bir inanc formalaşdırmaq üçün şüurlu və sistemli bir
cəhd lazımdır.
John
Dewey, Comment nous persons (Necə
düşünürük), 1925, s. 16-21.
Tərcümə edən: Araz Əliyev
Yorumlar
Yorum Gönder