Bin-Jip (Boş ev) adlı 2004-cü
il Cənubi Koreya istehsalı bir filmdir. Filmin rejisoru ssenaristi və prodüseri
isə Koreya və ya art haus film sevənlərə tanış olan Kim Ki Duk-dur. Yazını
başlamamışdan qabaq demək istəyirəm ki, səbəbini hələ bilmədiyim bir fakt var
ki, koreyalılar bu rejosoru bəyənmir.
Kim Ki Duk kənd təsərrüfatı məktəbini
bitirmiş, zavodda işləmiş və daha sonralar hərbi dəniz qüvvələrində natamam xidmət
etmişdir. 32 yaşına
kimi heç bir film görməmiş bir rejisordur. İlk filmini izləyən kimi o öz ölkəsinə qayıdıb ssenarilər yazmağa başlamış və günü bu günə kimi də rejisor-ssenarist-prodüser-aktyorluq fəaliyyətinə davam etdirir. Cənubi Koreyanın, film sahəsinin, eləcə də art haus janrının ən görkəmli şəxsiyyətlərindən biridir.
kimi heç bir film görməmiş bir rejisordur. İlk filmini izləyən kimi o öz ölkəsinə qayıdıb ssenarilər yazmağa başlamış və günü bu günə kimi də rejisor-ssenarist-prodüser-aktyorluq fəaliyyətinə davam etdirir. Cənubi Koreyanın, film sahəsinin, eləcə də art haus janrının ən görkəmli şəxsiyyətlərindən biridir.
Art haus janrının izahını da
ilk öncə verim: bədii, fəlsəfi, metaforik mənaları özündə daşıyan və filmin
obyektlərində özünü əks etdirən film janrıdır. Düzdür, bir çox filmlərdə bu
tipli metaforik məna daşıyan elementlər ola bilir, amma bu film bizim dünyanın
hansısa mənada deformasiya olunmuş hansısa mənada utopik (əksərən, filmin bu
xüsusiyyəti izləyiciyə qəribəlik hissi verir) Art haus filmlər məhdud
auditoriya üçün nəzərdə tutulub və kommersiya məqsədi daşımır. Belə filmlə ilk
tanış olan birinmə bu film anlaşılmaz, qəribə və hətta mənasız gələ bilər, hətta
bəzi ciddi tənqidçilər də art haus filmlərini mənasız şişirdilmiş aliləşdirilmiş
janr hesab edirlər. Sözsüz ki, onların sözlərində həqiqət var, elə art haus
filmlər var ki boş ola bilir, həmişəki kimi hər şey film orkestrinin keyfiyyətindən
asılıdır.
Bin-Jip art-hausdan əlavə
romantik, dram elementlərini özündə daşıyır. Filmin süjet xəttindən çox fəlsəfi
tərəfini, alt mənaları barədə öz fikirlərimi səsləndirəcəyəm, amma buradan
aşağıdakı yazıları oxuyan biri üçün filmi izləmək maraqsız ola biləcəyi üçün,
hesab edin ki, spoiler ola biləcəyi barədə məlumatlandırılmızınız. Filmin baş
personajı danışmır. Əlbəttə o danışa bilər. ancaq film boyu tamaşaçıya baş
personajın danışdığı göstərilmir. Eləcə də baş personaj olan Te Suk girdiyi evlərdən
birində qarşılaşdığı Sun Va ilə romantik münasibət yaşayırlar, amma bu münasibət
səssiz olur. Sözlər bu münasibətin inkişafına mane olmur, əksinə daha da dərinləşdirir.
Ümumiyyətlə rejisor tamaşaçıya və öz filminin personajlarına nəyi göstərib göstərməməsi
üzərindən çox oynayır. Bir tərəfdən danışa bilən hətta danışan bir personajın
film boyu danışığını eşitmirik, digər tərəfdən biz o personajı görürük, amma əksəriyyət
görmür.
Yaxşılıq etmək həmişə yaxşı
sonluqla nəticələnmir. Filmin müxtəlif yerlərində baş personajın, etdiyi müxtəlif
hərəkətlər müxtəlif nəticələrə gətirib çıxarır. Ola bilsin ki, o yaxşılıq etmək
üçün hansısa xarab bir şeyi düzəltsin, amma o bir ailənin həyatını məhv etsin.
O sadəcə oyun oynasın, amma kiminsə həyatına son qoysun. O qarşılaşdığı meyiti
basdırsın, amma onu qətldə günahlandırsınlar. Bir baxıma həyatın xaosdan ibarət
olduğunu və həyatda məna axtarmağın boş bir şey olduğunu göstərir. Amma bu
xaosun da öz nizamı var. Bəlkə də başqa günaha görə, amma hansısa mənada istəmədən
olsa belə pis nəticələnən hərəkətlərə görə öz cəzasını çəkir və bu cəza çəkmə
ona zəhər yox, dərman kimi təsir göstərir. Baş personajın fəlsəfəsi “mümkün qədər
pislik etmə” olsa da, artıq “mümkün qədər dəyişiklik etmə” və ya “təsir etmə”-yə
çevrilir. Yəni, yoxa çıx və ya boşluğa çevril.
Film boşluq üzərində qurulub. Amma
bu adi boşluq yox, reallıq pərdələrinin arasında gizlənmiş buddizmin mərkəzi mənası
olan boşluqdan söhbət gedir. Təmamilə boşluq yox, varlığın daxilində hiss edilən,
lakin toxunula bilməyən bir boşluq. Simasız, xaraktersiz, natamam hisslər və
süjet xətti, məntiqi hekayənin satdırılma xəttinin yoxluğu. Rejissor qəstən
filmi belə edib ki, tamaşaçıda natamamlıq, bir az da narahatçılıq hissi qalsın.
Müəllif: Rövşən Nəzərov
Yorumlar
Yorum Gönder