Krotonlu
Theano bizə məlum olan ilk qadın filosof hesab edilir. Dövrünün yaxşı
riyaziyyatçılarından biri sayılan Theano, həm də Orfey ibadətçisi olan
Brontinusun qızı və Pifaqorun həyat yoldaşı olmuşdur. Öncə Pifaqorun dinləyicilərindən
biri olmuş, daha sonra isə öz biliyi və bacarığı ilə filosofun diqqətini çəkmiş
və onunla evlənmişdir. O, bir yandan Pifaqorun fikirlərini, digər bir yandan da
öz düşüncələrini qələmə almışdır. Theano həm də Pifaqor öldürüldükdən
sonra da
parçalanmış təriqət üzvlərini yenidən bir araya gətirmə gücünə sahib idi. O, qızları Damo, Mya və Arginote ilə birlikdə insanları mənəvi baxımdan bir arada tutmağa çalışırdı. Pifaqor təlimi bu dövrdə artıq Yunanıstandan Misirə qədər yayılmışdı.
parçalanmış təriqət üzvlərini yenidən bir araya gətirmə gücünə sahib idi. O, qızları Damo, Mya və Arginote ilə birlikdə insanları mənəvi baxımdan bir arada tutmağa çalışırdı. Pifaqor təlimi bu dövrdə artıq Yunanıstandan Misirə qədər yayılmışdı.
Hazırda
Theanodan bizə bəzianlamlı kiçik cümlələr və əxlaqla bağlı öyüd-nəsihətləri
olan toplum hekayələr gəlib çatmışdır. Theano belə zənn edirdi ki, bir qadının ən
əsas vəzifəsi öz ərinə mütləq surətdə sadiq qalmasıdır. Onun bu fikirləri yaşadığı
dövrün dünyaya baxış tərzi ilə üst-üstə düşürdü. Theanonun dövünün tələbləri ilə
razılaşan digər bir fikiri isə belə idi: “kişi özünü dəyişdirməməlidir, əksinə
qadın özünü ona uyğunlaşdırmalıdır”.
Theano
dövünün ən məhşur qadınlarından biri hesab edilir, hətta cəmiyyətin bəzi üzvləri
onaböyük dəyər vermiş və onun tərəfindən istiqamətləndirilmişdir. Lakin, Theanonu
öz şagirdlərinə yazdığı yeddi məkrubdan yalnız üçünün saxta olmadığı sübuta yetirilmişdir.
Buna əsaslanaraq, yuxarıda ona aid edilən sözlərin, əslində onun tərəfindən
söylənmədiyi fikirini irəli sürə bilərik. Belə ki, bu sözlər cəmiyyətin
patriarxal quruluşuna xidmət edən insanlar tərfindən dəyişdirilmiş, təhrif
edilmiş və ya hər hansı bir kişi düşüncə
sahibi tərəfindən söylənmiş ola bilər.
Theanonun
əsərləri haqqında bizdə çox az şey məlumdur. Sözü gedən əsərlər “Fəlsəfəyə dair
araşdırma”, “Dindarlıq haqqında” kitabları və bir neçə məktubdur ki, onların da
çox az bir hissəsi günümüzə gəlib çatıb.
O,
“Dindarlıq haqqında” əsərində belə qeyd etmişdir: “əgər bir şey haqqında
danışmaq gözəldirsə, onda susmaq çirkindir və bir halda ki, danışdığın şey
çirkindir, deməli, susmaq daha yaxşıdır”. Theano insan ruhunun ölməzliyi
haqqında da belə bir fikir bildirmişdir: “əgər ruh ölümsüz olsaydı, onda həyat
tanrını qəbul etməyən insanlar üçün əsl ziyafət olardı və hər cür rüsvayçılıqları
edən bu insanlar üçün sonda gələn ölən ölüm isə sadəcə bir mükafat olardı”.
Çox
təssüf ki, Theano və Pifaqorun qızları olan Damo, Mya və Arginote haqqında az məlumat
sahibiyik. Theanonun qızları da anaları kimi sağlamlaşdırma sahəsində bilik və
bacarıq sahibi idilər. Pifaqorçu qadınlar sağlamlığın açarını bədən, ruh və dünya
ruhunun harmoniyasında görürdülər. Onlara görə bu harmoniyanı yaradan insanlar fəzilətli
bir ömür yaşamış olur.
Pifaqor
öz gizli yazılarını qızı Damoya əmanət etmişdir və onların heç bir halda
yayımlanmasını istəməmişdir. Damo da öz növbəsində atasına verdiyi sözün üzərində
dayanmış, hətta böyük sərvətlərlə əvəz edə biləcəyi halda bunun baş verməsinə
imkan verməmişdir. Çünki onun üçün atasına verdiyi söz daha çox dəyərli idi, nəinki
sərvət sahibi olmaq. Damo eynilə atasında olduğu kimi öz yazılarını da gizli
tutulması şərti ilə qızı Bitaleyə miras buraxmışdır.
Theanonun
qızı Mya da öz bacarığı ilə ana və bacılarından geri qalmırdı. Mya evli bir
qadın olaraq Krotonun qadınlar xoruna rəhbərlik etmişdir. Eyni zamanda Mya
tanrılara ibadət məsələsində ailəsinin digər qadın üzvlərindən bir addım öndə
idi. Müxtəlifliyi ilə seçilən bir çox yazılarının olmasına baxmayaraq, Myanın
yazılarından bizə yalnız dostuna yazdığı “uşaq baxıcılığı” haqqında olan yazısı
gəlib çatmışdır.
Digər
bir Pifaqorçu qadın isə Krotonda doğulsa da əslən Spartalı olan Timychadır.
Timycha təriqətin sirlərini verməmək üçün Syracusa tiranı Dionysosa qarşı öz əri
ilə birlikdə dirəniş göstərmişdir. Hamilə olmasına rəğmən ona edilən işgəncələrə
dözmüş, hətta danışmamaq üçün öz dişi ilə dilini qoparıb tiranın üzərinə
tüpürmüşdür.
Pifaqorçu
qadınlar sırasında Kral Kallikratesin qızı Phintysi də aid etmək olar. Phintysdən
günümüzə “Qadınların əxlaqi təmizliyi haqqında” adlı əsərinin bir hissəsi çatmışdır.
Bu əsərində o, müdrik olmağı qadının ən böyük fəziləti hesab etmişdir. “əgər
qadın bu fəzilətə sahib olarsa, o öz həyat yoldaşına hörmət və sevgi ilə
yanaşar”. Bundan əlavə o həmin dövrdə geniş yayılmış bir çox ənənəvi fikirlərə qarşı
çıxaraq, qadınların ata minməsi, fəlsəfə ilə məşğul olması və xalq yığıncaqlarında
iştirak etməsi fikirini dəstəkləmişdir. O, düşünürdü ki, qadınlar da yetəri qədər
adil, cəsur və zəkalı ola bilərlər.
Phintys:
“Hər iki cins fiziki və mənəvi fəzilətlərə sahib olmalıdır. Çünki həyat öz ahəngdarlığını
yalnız bu şəkildə qoruyub saxlaya bilər”- deyərək kişi və qadın münasibətlərinə
öz fikirini bildirmişdir. Bunlara istinad edərək belə nəticə çıxara bilərik ki,
Phintys hər iki cinsin bərabərliyi ideyasından çıxış etmişdir. Phintysin
yaşadığı həyat dövrün tələblərinə zidd olmuşdur. Belə ki, Phintys öz ömrünü özünün
formalaşdırdığı həqiqətlər əsasında yaşamışdır.
Pifaqorçu
qadınlardan olan Periktyone isə Platonun anası ilə səhv salınır. Buna görə də
onun əsərlərinin saxta olduğu düşünülürdü. “Müdriklik barəsində” adlı əsərindən
bəzi hissələr günümüzə gəlib çatmışdır. Aristotelin “Varlığın qurluşu və təsadüfi
xarakteristikaları haqqında düşüncələr” adlı əsərində Periktyonedən sitat gətirildiyi
bildirilir. Bundan əlavə, Periktyonenin “Qadının harmoniyası haqqında” adlı bir
əsərinin də olduğu məlumdur. Bu əsərdə o digər Pifaqorçu qadınlar kimi,
qadınların sadə və təmkinli bir həyat sürməsini istəyirdi. O, ağıllı və təmkinli
olan qadınları cəsur və ahəngdar qadın olaraq görür. Belə bir qadın yalnız öz ərinə
deyil, həm də öz uşaqlarına, qohumlarına, xidmətçilərinə və bütün evə qarşı yaxşı
münasibət göstərir. Belə qadınlar dəbdəbəyə meyl etməz, yalnız ədəbli sözlər
işlədər və qarşılığını da belə alar. Ən sonda həyat yoldaşı nəyi xoş görür, nəyi
xoş görmürsə, o da elə yanaşacaqdır. Əks təqdirdə o tamamilə mənasız bir qadın
olardı.
Pifaqorçu
qadınların fikirlərinə nəzər saldıqda onların yaşadıqları dövrün ənənəvi qadın
anlayışından öndə olduqları açıq şəkikdə görünür. Lakin Tielsch bu qadınların
çox ağıllı və təhsilli olmaqla bərabər, həm də “çox dindar ev qadınları”
olduqlarını da qeyd edir. Bəlkə də elə buna görə onlar ənənəvi qadın anlayışına
ciddi şəkildə qarşı gəlməmişlər. Buna baxmayaraq yenə də biz Pifaqorçu
qadınların təhsil və tərbiyələri ilə öz dövrlərini çox qabaqladıqlarını deyə
bilərik. Onu da qeyd edək ki, daha sonrakı dövrlərdə yazılarının silindiyini və
ya dəyişdirildiyini nəzərə alsaq, onların həqiqi düşüncələrini tam olaraq, təssüf
ki, heç vaxt öyrənə bilməyəcəyik.
Tərcümə edən: Mədinə İbrahimova
Yorumlar
Yorum Gönder