Nevrotik duyğulardan şikayət edən
insanlardakı obsesif davranışlarla dindar insanların inanclarını dilə gətirmək
mövzusunda riayət etdikləri qaydalar arasındakı oxşarlığı görən ilk insan mən
deyiləm. Bu obsesif davranışlardan bəziləri üçün istifadə olunan “mərasim”
termini bunun sübutudur. Amma aradakı oxşarlıq bu səthi bənzərlikdən çox daha dərin
kimi görünür; bu səbəbdən
nevrotik mərasimin mənşəyi məsələsindəki bir iç müşahidə, dini yaşamdakı ruhi proseslər mövzusunda bənzətmə yolu ilə bəzi nəticələri çıxarmağımızı mümkün edə bilər.
nevrotik mərasimin mənşəyi məsələsindəki bir iç müşahidə, dini yaşamdakı ruhi proseslər mövzusunda bənzətmə yolu ilə bəzi nəticələri çıxarmağımızı mümkün edə bilər.
Obsesif davranışlar və ya mərasimlər edən
insanlar, obsesif düşünmədən, obsesif fikirlərdən, impulslardan və b. şikayət
edən insanlarla eyni sinifə daxildir. Birlikdə nəzərdən keçirildikdə bunlar, “bağlılıq
nevrozu” [“Zwangsneurose”] deyilən özünəməxsus bir kliniki bütövlük əmələ gətirər.
Amma xəstəliyin quruluşunu adından çıxarmağa cəhd etmək lazım deyil; çünki qəti
anlamda danışsaq, digər xəstəlikli ruhi fakt növləri də “obsesif” deyilən
xüsusiyyətlərə malikdir. Obsesif nevrozları üçün, varlığını xəstəliyin xarici təzahürlərində
sezməyimizə qarşı bəlkə də daha dərinlərdə olan və hələ də müəyyən edə bilmədiyimiz
bir meyar olmadığı üçün, tərif vermək əvəzinə hələlik bu hallarla bağlı ətraflı
bir məlumat qazanmaqla kifayətlənməyimiz lazımdır.
Nevrotik mərasimlər, müəyyən gündəlik işlərdə
edilən kiçik tənzimləmələrdən, hər zaman eyni şəkildə və ya fərqli üsullarla
edilən kiçik əlavələrdən və ya məhdudiyyətlərdən, ya da tənzimləmələrdən təşkil
olunur. Bu fəaliyyətlər yalnız rəsmiyyət təsəvvürü yaradır və bizə olduqca mənasız
görünür. Xəstəyə də fərqli görünməz; yenə də bunlardan imtina edə bilməz, çünki
mərasimdən uzaqlaşdığı an dayanılmaz bir qayğı yüksəlir və təkrar mərasimə
uymağa məcbur edər. Eynilə mərasim əməliyyatları kimi, mərasimlə bəzənən, yüklənən,
təxirə salınan şərtlər və fəaliyyətlər də-məsələn geyinmə və soyunma, yatağa
getmə, ya da fiziki tələbatları ödəmə- əhəmiyyətsizdir. Bir mərasim tətbiqini,
bunun əvəzinə başqa sözlə desək, yazıya alınmayan bir sıra qanunu qoyaraq
açıqlaya bilərik. Məsələn yataq mərasimini nəzərdən keçirsək: stulun yatağın
yanında bəlli bir yerdə olması; geyimlərin məlum bir formada qatlanmış; ədyalın
ayaq tərəfinin qıvrılmış, mələfənin düzəldilmiş olması; yastığın bəlli bir şəkildə
qoyulmuş olması və insanın yatağa bəlli bir şəkildə uzanması lazımdır. Ancaq
bütün bunlardan sonra yuxuya dala bilər. Bu səbəbdən yüngül hadisələrdə mərasim,
ənənəvi və məqbul olan bir nizam üsulunun şişirdilmiş şəklindən başqa bir şey
kimi görünməz; amma icra edilməsinə yoldaşlıq edən xüsusi diqqət və
ehtiyatsızlıq halında ortaya çıxan qayğı, bu mərasimə “müqəddəs hərəkət”
damğasını vurar. Əksər hallarda mərasimin kəsintiyə məruz qalmasına dözmək
olmaz və mərasim sırasında başqalarının varlığı heç bir zaman istənilməz.
Kiçik əlavələrlə bəzədilməsi və ya durğunluq
və təkrar yolu ilə ritmik bir xüsusiyyət qazanması halında hər fəaliyyət
terminin geniş mənasında obsesif bir davranışa çevrilə bilər. “Mərasimlərlə”
“obsesif davranışlar” arasında qəti bir fərq tapmağı gözləmərik. Qayda olaraq
obsesif davranışlar mərasimlərdən qaynaqlanır. Bu ikisinə əlavə olaraq
qadağalar və məhdudiyyətlər, xəstəliyin məzmununu təşkil edir; əslində, bəzi
şeylərin xəstəyə tamamilə qadağan olunması və digərlərinə sadəcə nəzərdə
tutulan bir mərasimə əməl edilməsinə bağlı olaraq izn verilməsi ölçüsündə
bunlar, obsesif davranışların davamı olmaqdan başqa bir şey deyildir.
Həm məcburiyyətlərin, həm də qadağaların (bir
şeyi etmə və başqa bir şeyi etməmə zərurətinin) başlanğıcda insanın sadəcə tək
başına icra etdiyi fəaliyyətlərlə əlaqəli olması və ictimai davranışlarına uzun
müddət təsir etməməsi qəribədir. Bu səbəbdən bu xəstəliyə sahib olanlar,
problemlərini şəxsi bir məsələ olaraq görür və başqalarından illərlə gizlədə
bilirlər. Həqiqətən də, həkimlərin bildiyindən daha çox insan obsesif nevrozun
bu növlərindən əziyyət çəkir. Görünməz Mölusinem kimi, öz gizli işlərinə bir
neçə saat vaxt ayırdıqdan sonra günün müəyyən bir hissəsində sosial vəzifələrini
yerinə yetirə bilmələri bu gizləməni asanlaşdırır.
Nevrotik mərasimlərlə dini mərasimdəki müqəddəs
hərəkətlər arasındakı oxşarlıqların nədə yatdığını görmək asandır: diqqətsizlik
halında ortaya çıxan vicdani narahatlıqda, digər bütün davranışlardan tamamilə
təcrid edilməsində və hər təfərrüatına göstərilən hədsiz diqqətdə. Amma fərqlər
də eyni ölçüdə açıqdır; ki bir neçəsi o qədər diqqətə çarpandır ki,
qarşılaşdırmanı bir küfrə çevirir: [nevrotik] mərasimlərdəki böyük fərdi dəyişkənliyin
əksinə, dini mərasimlərin sterotipik [bir-birinin eyni olan] özəlliyi (dua etmə,
Şərqə dönmə və s.), birincinin şəxsi quruluşunun əksinə ikincinin ictimai
quruluşu və hər şeydən önəmlisi də dini mərasimin təfərrüatlarının tamamilə
anlamlı və simvolik olmasından fərqli olaraq, nevrotik mərasimin axmaqca və
anlamsız görünməsi. Bu cəhətdən obsesif bir nevroz, şəxsi bir dinin yarı komik,
yarı tragik bir karikaturasına uyğun gəlir. Amma psixoanalitik təhlil üsulunun
yardımı ilə obsesif davranışın həqiqi mahiyyəti qavranıldığı zaman nevrotik və
dini mərasimlər arasındakı bu kəskin fərqlər aradan qalxar. Belə bir təhlil
zamanı obsesif davranışların axmaqca və anlamsız görüntüsü tamamilə aradan
qalxar və bu görkəmə bürünmələrinin səbəbi açıqlıq qazanar. Obsesif hərəkətlərin
hər təfərrüatının mütləq anlamlı olduğu, insanlığın mühüm meyllərinə xidmət
etdikləri və hələ də fəal olan yaşantıları və duyğu yüklü düşüncələri dilə gətirdikləri
anlaşılır. Bunu da iki yoldan, yəni birbaşa və ya simvolik təmsil yolu ilə edərlər;
bu səbəbdən tarixi və ya simvolik olaraq şərh olunmaları lazımdır.
Açıqlıq gətirmək üçün bir neçə nümunə vermək
lazımdır. Psixoanalitik kəşflərlə tanış olan biri üçün, obsesif davranışlarda və
ya fərdi mərasimlərdə təmsil edilən şeylərin, xəstənin ən şəxsi və əksərən də
cinsi yaşantılarından qaynaqlandığını öyrənmək təəccübləndirici olmayacaqdır.
( a) Müşahidə
fürsətini tapdığım bir qız yuyunduqdan sonra əl-üz yuyanı başdan aşağı bir neçə
dəfə təmizləmə məcburiyyətində idi. Bu mərasimin mahiyyəti, bu deyimdə yatır:
“Yaxşıca təmizlənənə qədər çirkli suyu atmayın”. Anlamı isə, çox sevdiyi
bacısını xəbərdar etmək və daha yaxşı bir kişi ilə münasibət qurana qədər qane
olmadığı həyat yoldaşından boşanmasının qarşısını almaqdır.
(b) Həyat yoldaşından ayrı yaşayan bir qadın, bir
şey yeyərkən yediklərinin ən yaxşı tərəfini kənara qoymaq məcburiyyətində idi:
məsələn qızardılmış ətin sadəcə üst hissəsini ala bilirdi. Bu imtina mənşəyi ilə
açıqlıq qazanırdı. Əri ilə evlilik münasibətini rədd etdiyi gün-yəni, ən gözəlindən
vaz keçdiyi zaman-ortaya çıxmışdı.
(c) Eyni xəstə, sadəcə müəyyən bir stula otura
bilir və stuldan çətinlikıə qalxa bilirdi. Evlilik həyatının bəzi təfərrüatları
ilə bağlı olaraq stul sadiq qaldığı ərini simvolizə edirdi. Məcburiyyəti açıqlamasınə
bu cümlədə tapmışdı: “İnsanın bir dəfə qərar qıldığı bir şeydən (ərdən,
stuldan) ayrılması çox çətindir.”
(d) Bir müddət xüsusilə qabarıq və anlamsız
obsesif bir hərəkəti təkrarlayırdı. Öz otağından ortasında bir masa olan başqa
bir otağa qaçır, süfrəni müəyyən bir şəkildə düzəldir və zəngi basaraq xidmətçisini
çağırır, məcburi iş yükləyərək geri göndərirdi. Bu məcburiyyəti açıqlamağa
çalışanda, süfrənin bir yerində bir ləkə olduğunu və süfrəni davamlı olaraq
xidmətçinin ləkəni görməsini sığortalayacaq şəkildə düzəltdiyini xatırladı. Səhənin
tamamı, evlilik həyatındakı bir yaşantını canlandırırdı. Toy gecəsi əri, çox da
öyrəşilmiş olmayan bir problem yaşayar. İqtidarsız olduğunu görər və “gecə
boyunca” bir dəfə daha sınamaq üçün “dəfələrlə öz otağından gəlinin otağına
qaçar”. Ertəsi gün səhər yataqları düzəldən otel xidmətçisi qarşısında
utanacağını söyləyər və bir şüşə qırmızı mürəkkəb alaraq mələfəyə tökər; amma
bunu elə yöndəmsizcəsinə edər ki, qırmızı ləkə səhv yerdə olar. Bu səbəbdən
qadın, bu obsesif mərasimlə, toy gecəsini təmsil edir. “Yemək və yataq” evlilik
bu ikisi arasında olur.
(e) Başladığı başqa bir məcburiyyətin də-vermədən
öncə hər kağız pulun seriya nömrəsini qeyd etmə- tarixi olaraq təhlil olunması
lazım gəldi. Daha etibarlı başqa bir kişi tapa bildiyi təqdirdə ərini tərk etməyə
niyyətli olduğu bir müddətdə, bir kurortda tanış olduğu bir kişinin
yaxınlaşmasına izn verir; ancaq adamın ciddi olub olmadığı məsələsində şübhəlidir.
Bir gün, qəpik lazım olduqda həmin adamdan beş kronu xırdalamağını istəyər.
Adam da pulu xırdalayaraq iri qəpiyi cibinə atar və zadəgancasına bir hava ilə
qəpiyi hər zaman saxlayacağını, çünki onun əli dəydiyini söyləyər. Sonrakı
görüşlərdə niyyətinə inana biləcəyi məsələsində razı qalmaq istərcəsinə adamdan
beş kronluq pulu göstərməyini istəməyi düşünər, amma bunu etməz, çünki eyni dəyərdəki
qəpikləri bir-birindən fərqləndirmək mümkün deyildir. Bu səbəbdən şübhəsi eynilə
qalar; və bərabər dəyərli olan digər bütün pullardan ayırd edilə bilməsini
mümkün etmək üçün sahib olduğu hər kağız pulun nömrəsini qeyd etmə məcburiyyəti
inkişaf etdirər.
Qarşılaşdığım çoxsaylı hadisədən seçilən bu
bir neçə nümunə sadəcə, obsesif davranışlardakı hər şeyin bir anlamı olduğu və şərh
edilə biləcəyi fikrimi açıqlamağı məqsəd qoyur. Eyni şey qəti anlamı ilə mərasimlər
üçün də keçərlidir, ancaq burada isbat etmə çox daha dolaşıq bir təklif tələb
edəcəkdir. Obsesif davranışlara dair açıqlamalarımızın, bizi dini düşüncə sahəsindən
zahirən nə qədər uzaqlaşdırdığının fərqindəyəm.
Bir məcburiyyətə boyun əyən adamın, bunu
mahiyyətini-və ya əsas mahiyyətini-anlamadan etməsi, xəstəliyin şərtlərindən
biridir. Sadəcə psixoanalitik müalicə cəhdləri sayəsində obsesif davranışının
anlamını və bununla birlikdə onu bunu etməyə məcbur edən motivləri dərk edir.
Obsesif davranışın, şüuraltı motivləri və düşüncələri dilə gətirdiyini söyləyərək
bu mühüm gerçəyi ifadə edirik. Burada dini tətbiqlərdən başqa bir yanlış nöqtəsi
də tapmış kimiyik; amma rahiblərin və elmi tədqiqatçıların mərasimin-əksərən
simvolik olan- anlamını bilmələrindən fərqli olaraq, bir qayda olaraq sıradan
dindar fərd də dini mərasimi anlamına diqqət etmədən həyata keçirər. Lakin
bütün dindarlarda özlərini dini tətbiqlərə məcbur edən motivlər bilinməz, ya da
şüurlarında bunların yerinə keçən başqa motivlərlə təmsil edilər.
Obsesif davranışların analizi, səbəbləri və
motivləri məsələsində hal-hazırda bizə müəyyən bir daxili müşahidə
qazandırmışdır. Məcburiyyətlərə və qadağalara sahib adamın, haqqında heç bir
şey bilmədiyi bir günahkarlıq hissinin hakimiyyəti altında imiş kimi
davrandığını söyləyə bilərik; bu səbəbdən görünən termin ziddiyyətinə rəğmən
buna şuürsuz bir günahkarlıq hissi demək lazımdır. Bu günahkarlıq hissinin mənbəyi
bəzi keçmiş mənəvi hadisələrdə yatır, amma hər yeni təhrik ilə yenidən
canlanar. Həmçinin, pusquda yatan bir gözləntili qayğı hissi, cəzalandırılma
düşüncəsi yolu ilə daxili təhrik hissi ilə birləşən bir talesizlik gözləntisi yaradar.
Mərasimin ilk meydana çıxdığı müddətdə xəstə bir xəstəlikdən qaçmaq üçün bunu və
ya onu etməsinin lazım olduğunu hələ dərk edir və bir qayda olaraq gözlənilən xəstəliyin
quruluşunun fərqindədir. Amma onun bilmədiyi şey, bu gözləntili qayğının ortaya
çıxdığı mühitlə yaratdığı təhlükə arasındakı hər hadisədə göstərə biləcəyimiz əlaqədir.
Mərasim beləliklə bir müdafiə və ya zəmanət işi, bir qorunma tədbiri olaraq
başlayar.
Obsesif nevrotiklərin günahkarlıq hissinin
qarşılığı, dindar insanlardakı özündə səfil bir günahkar olduqlarının
etirafıdır; və gündəlik hər hərəkətdən əvvəl, xüsusilə də, qaydadan kənar hər
işdən əvvəl qatıldıqları dini mərasimlər (dua etmək kimi) müdafiəçi və ya
qoruyucu tədbir dəyərinə sahib kimidir.
Altında yatan təməl fakta diqqət etdiyimiz təqdirdə
obsesif nevroz mexanizmi məsələsində daha dərin bir daxili müşahidə qazanarıq.
Bu hər zaman üçün insanın quruluşunda olan, uşaqlığında xaricə yansıtmasına göz
yumulan, amma daha sonra basdırılmaya yenilən instinktiv bir impulsun (cinsi instinktin
bir komponentinin) yatırılmasıdır. Bu instinktin yatırılması zamanı instinktin
məqsədləri məsələsində özəl bir səy ortaya çıxar; amma bu ruhi reaksiyanın təşəkkülü
əminlik hissi yaratmaz, şüuraltında pusquda yatan instinktin davamlı təhdidi
altındadır. Basdırılan instinktin təsiri təhrik olaraq hiss edilər və onsuzda
basdırılma müddətində gözləntili qayğı şəklində gələcəkdə təsirli olan bir
qayğı yaradılar. Obsesif nevroza yol açan basdırma müddətinin sadəcə qismən
uğurlu olan və getdikcə artan ölçüdə uğursuzluq təhdidində olan bir müddət
olaraq dəyərləndirilməsi lazım gələr. Bu səbəbdən bitməyən bir münaqişə ilə
müqayisə edilə bilər; instinktin qabaqcıl təzyiqini tarazlamaq üçün davamlı
olaraq yeni ruhi cəhdlərə ehtiyac vardır. Bu səbəbdən mərasim və obsesif
davranışlar, qismən də gözlənilən xəstəliyə qarşı bir qoruma olaraq ortaya
çıxır. Qoruyucu tədbirlər təhrikə qarşı qısa müddətdə yetərsiz qalır; bundan əlavə
təhrik yaradan mühitlərdən uzaq durma məqsədi güdən qadağalar dövriyyəyə girir.
Eynilə bir fobiyanın isterik bir tutma anından qaçmağı məqsəd qoyması kimi,
qadağaların da obsesif davranışların yerini aldığı görünəcəkdir. Digər tərəfdən
eynilə kilsədəki evlilik mərasiminin inanan insana başqa cür günah olacaq bir
cinsi həzz hüququ verməsi kimi, mərasim də, hələ tamamilə qadağan olunmayan bir
şeyin izn verildiyi şərtlərin cəmini təmsil edər. Bənzər bütün duyğuların
olduğu kimi, obsesif nevrozun bir başqa tipik xüsusiyyəti də, xaricə
yansıtmalarının (obsesif davranışlar da daxil olmaqla simptomlarının), ruhi
quruluşun müharibə halındakı gücləri arasında bir uzlaşma olma şərtini yerinə
yetirməsidir. Bu səbəbdən bunlar, qarşısının alınması məqsədi qoyulan həzzi də
mütləq qismən yaradar; və basdıran qüvvələr qədər basdırılan instinktə də xidmət
edərlər. Həqiqətən də, xəstəlik irəlilədikcə başlanğıcda əksərən müdafiənin
davamı ilə bağlı olan davranışlar, instinktin uşaqlıqda dilə gəlməsini mümkün
edən və daha sonra qadağan olunan [doyum məqsədli] davranışlara getdikcə daha
çox yaxınlaşar.
Bu vəziyyətin bəzi tərəfləri dini yaşam sahəsində
də görülə bilər. Dinin təşəkkülü də bəzi instinktiv impulsların təzyiq altına
alınmasına, bir kənara qoyulmasına söykənmiş kimidir. Lakin bu instinktlər
nevrozlarda olduğu kimi sadəcə cinsi instinktin komponentləri deyildir; ümumiyyətlə,
cinsi bir komponenti olsa da, bunlar, eqoistcəsinə, ictimai baxımdan zərərli
instinktlərdir. belə və ya elə davamlı təhriki izləyən günahkarlıq hissi və pozulması
halında cəzalandırılma qorxusu görkəmindəki gözləntili qayğı, dini sahədə,
nevrozda olduğundan çox uzun bir müddətdir bildiyimiz bir faktdır. Bəlkə də,
cinsi komponentlərin də məcmusu, ya da instinktlərin ümumi xüsusiyətlərinə görə,
dini yaşamda da instinktin təzyiq altına alınmasının yetərsiz və davamlı bir proses
olduğu anlaşılar. Həqiqətən də, dindar insanlar arasındakı günaha tam bir yönəlmə
nevrotiklərdəkindən daha geniş yayılmışdır; bu da obsesif nevrozda qarşlığı
olan yeni bir dini fəaliyyətə, yəni tövbə etməyə yol açar.
Mərasimlərinin, gündəlik həyatın kiçik təfərrüatları
ilə bağlı olduğunu və bunlara bağlı axmaqca tənzimləmələrlə və məhdudiyyətlərlə
dilə gətirildiyini söyləyərək obsesif nevrozunun qəribə, alçaldıcı quruluşuna
diqqəti yönəltmişdik. Yuxuların təşəkkülündə ilk dəfə mənim tərəfimdən kəşf
edilən və obsesif nevrozunun ruhi proseslərinə hakim olan ruhi yerdəyişmə
mexanizmini qavradığımız müddətcə, klinik rəsmin bu qabarıq xüsusiyyətini
anlaya bilmərik. Obsesif davranışlarla bağlı yuxarıda verilən bir neçə nümunədən
ehtiva etdikləri simvolizmin və təfərrüatların, əsl, əhəmiyyətli şeydən bunun
yerini alan kiçik, əhəmiyyətsiz şeyə-məsələn bir ərdən stula- yerdəyişmə yolu
ilə gerçəkləşdiyi açıqdır. Klinik rəsmi getdikcə daha çox dəyişdirən və sonunda
görünüşdə ən önəmsiz şeyləri ən önəmli və təcili şeylərə çevirən, baxıb bu yerdəyişmə
meylidir. Mənəvi dəyərlərin eyni istiqamətdə yerdəyişməsinə yönəlmiş bənzər bir
meylin din sahəsində də olduğu və beləcə dini tətbiqdəki kiçik mərasimlərin
nizamlı olaraq təməl şeylərə çevrildiyi və altda yatan düşüncələri bir kənara
itələdiyi inkar edilə bilməz. Dinlərin, geriyə dönən olaraq çalışan və
başlanğıcdakı dəyərlər müvazinətinin yenidən qurulmasını məqsəd qoyan
reformlara tabe olmasının səbəbi budur.
Nevrotik simptomlar olaraq obsesif
davranışların sahib olduğu uzlaşma xüsusiyyəti, dini mərasimlərdə təsbit edilməsi
ən çətin olan xüsusiyyətdir. Amma burada da dinin qadağan etdiyi bütün
davranışların-təzyiq altına aldığı instinktlərin xaricə yansımalarının- nə qədər
yayğın olaraq yenə din adına gerçəkləşdiyini göz önünə aldığınız zaman
nevrozların bu özəlliyini xatırlayarsınız.
Bu oxşarlıqlar və bənzətmələr cəhətdən
obsesif nevrozunu, bir dinin təşəkkülünün patoloji qarşılığı olaraq dəyərləndirib
bu nevrozu fərdi bir din, dini isə dünyəvi bir obsesif nevrozu olaraq təqdim edə
bilərik. Ən təməl bənzərlik, altda yatan strukturlu instinktlərin təzyiq altına
alınması; ən təməl fərq isə nevrozlarda mənşə cəhətdən sadəcə cinsi olmasına
qarşılıq dində eqoistcə qaynaqlardan gələn bu instinktlərin quruluşunda yatmasıdır.
Eqoya ilk həzz verə biləcək strukturlu
instinktlərin nizamlı olaraq basdırılması, insan mədəniyyətinin inkişaf təməllərindən
birini təşkil etmiş kimidir. Bu instinktiv basdırma qismən dinlər tərəfindən tətbiq
edilər və fərddən, instinktiv həzlərini tanrıya qurban verməsi istənilər:
“İntiqamı mən alaram, dedi Tanrı”. Qədim dinlərin inkişafında insanlığın
“günah” deyə imtina etdiyi bir çox şeyin Tanrıya buraxıldığını və onun adına
izn verildiyini, beləcə insanın pis və ictimai cəhətdən zərərli instinktlərini
Tanrıya təhvil verərək özünü bunların hökmranlığından xilas etdiyini görmək
mümkündür. Bu qədim tanrılara hər cür insan xüsusiyyətinin və bunlardan irəli gələn
pisliklərin hədsiz dərəcədə yönəldilməsi qəti şəkildə təsadüf deyildir. Buna rəğmən
insanın müqəddəs nümunəyə baxaraq öz günahlarını haqlı çıxarmağına izn verilməməsi
də bir ziddiyyət deyildir.
Vyana,
Fevral 1907
Tərcümə edən: Könül Bəndiyeva
Mənbə: Freud, Sigmund. "The Origins of Religion"
Yorumlar
Yorum Gönder