“Tanrı bir dosta tələb,
ehtiyac duymaz, çünki tanrılıq O’nun öz xeyirxahlığıdır. Halbuki biz dost ya da
dostlara tələb, ehtiyac duyarıq, çünki xeyirxahlıq bizim çox uzagımızda, kənarımızda
bir şeyi əhatə edər.”
Bu baxış Aristotelə aiddir və görünüşə görə bu
baxış bizi ərdəmli və ya fəzilətli olub olmadığımızı düşünməyə təşviq edir. Bəs
biz
bu mövzuda nə düşünəcəyik? Gündəlik həyatımızla gələcək qayğılarımız arasında gedib gələn düşüncələrimizdə bu mövzuya yer varmı?
bu mövzuda nə düşünəcəyik? Gündəlik həyatımızla gələcək qayğılarımız arasında gedib gələn düşüncələrimizdə bu mövzuya yer varmı?
İlk olaraq qeyd etməyimiz gərəkdir ki, bu cür
mövzular barədə düşünən insanlar xeyli nadirdir. Bu cür mövzular axtarıcı və həssas
yaradılışa sahib olanların işidir. Sırf, təmiz xeyirxahlığın və ya
xeyirxahlığın özü olduğu söylənən ərdəmin (müdriklyin) təsvirini vermək gərəkir. Ərdəmin
müəyyənləşdirilməsi, təsvirinin verilməsi çox da rahat deyil. Kiniklər tərəfindən
“insanların yer üzündə ya ərdəmli, ya da pis olduqları və bu iki xüsusiyyət
xaricində insanlar arasında heç bir fərq olmadığı” fikri irəli yürüdülmüşdür.
Bu baxışa görə ərdəmli olmaq nə anlama gəlir? Ərdəmli
olmaq insan ruhunun arınması, təmizlənməsi ilə mümkündür və bunun reallaşması
üçün ilahi lütfün(himmət) şərt olduğu söylənir. Bir insanın özü özünə ərdəmli
hala gəlməsi mümkündürmü? Bunun reallaşmasının bir o qədər də mümkün olmayacağı
deyilə bilər. Fərd olsa-olsa sadəcə yaxşı bir fərd ola bilər. Yaxşı olmaq ərdəmli
olmaq üçün yetərli bir səbəb deyil, sadəcə ərdəmli olmağa köməkçi ola bilən bir
amildir, çünki yaxşılıq insana sahiblənmə və təsəlli duyğusu verə bilər. Buna “yaxşı
yox” deyərdi Plotinus (ona yaxşılıq etdim, buna pul verdim kimi). Dolayısı ilə
nəfs ego ilə qarışıqdır. Halbuki gərçək “yaxşı yox” heç bir məqsədə xidmət və vasitəçilik etməz,
sadəcə “yaxşı yox” olduğu üçün istənməli və arzu edilməlidir. Platon fəlsəfəsində
buna uyğun gələn anlayış to Agathon-dur. Anlamı “ən yüksək
yaxşı” və ya “yaxşının şəxsən, bilavasitə özüdür”. Bir insanın özündə ən yüksək
yaxşıya çatmasıdır. Özünü şəxsən “yaxşı olaraq reallaşdırmasıdır”.
Bu məqsədə ancaq ağlın hərəkəti, fəaliyyəti ilə yiyələnilir.
Bu hislərin transendensiyası, duyğuların aşmasıdır(duyğuların normallıqdan
çıxıb, normal olmayan, görünməyən, xəyali, metafizik( meta- ötə, kənar), mənəvi
ölçüləri qəbul etmək bacarığı). Duyğular bu mövzuda iş görə bilməz, çünki bütün
duyğu və hissə qapılmalalar nəfs-egoda təzahür edir. Biz duyğularımız ilə ərdəmli
və ya yaxşı halına gələ bilmərik. Ağlımızı ən yüksək səviyyədə istifadə etməklə
ərdəmli bir hala gələ biləril, “gərçək yaxşı” olarıq.
Bu yol sıxıntılı, zəhmətli və qaranlıq bir yoldur:
çöldə tək başına səfər etmək kimi. İradə və istək çox önəmlidir. (Heraklit)
İnsanın özünü çəkməsi və dözməsi gərəkdir.
(Epiktetos)
Qədim mifologiyaya görə bizlər düşmüş ulduzlarıq.
Bu düşmüşlükdən və yer üzündə sürünməkdən xilas ola bilmək üçün ərdəmli və gərçək
xeyirxah olmaq məcburiyyətindəyik. Anlayışımızı və mədəniyyətimizi inkişaf
etdirmək məcburiyyətindəyik. Əks halda həyat şkalasında davamlı olaraq dönüb
duracağımız deyilə bilər. Əgər gərçəkdən bu belədirsə, ərdəmli və yaxşı olmaq bizim
üçün qaçınılmazdır.
Qədim müdrikliyin bizə bir xəbərdarlığı vardır:
“Bizlər bilmədiyimiz günahların kəffarətini ödəmək üçün yer üzünə sürgünə göndərilmiş
nəfslərik, ulduzlarıq”. Vəziyyət belədirsə, bədən həbsxanasından qurtulmaq və nəfsimizin
bir bədən içinə basdırılırkən keçirdiyi “zədə” və ya “həyəcan”dan qurtula bilməsi
üçün ərdəmli olmaq məcburiyyətindəyik. Yer üzündə bir toplum içində
yaşayışımızı davam etdirərkən, üstümüzə yağış kimi yağan problem və kədərdən
xilas ola bilmək, xoşbəxt və huzurlu ola bilmək üçün anlayışımızı dəyişdirməli
və ağla yüksəltməliyik. Buna görə xilas üçün yeganə yol ərdəmli olmaqdır.
Ərdəm – bizi dünyadakı müsbət və ya mənfi bütün dəyişmələrdən
müstəqil edəcək yeganə, tək dəyərdir, çünki ərdəm insan ruhunun sarsılmaz təməl
qanunudur.(Antisthenes)
Ərdəm ruhun öz özünə səssiz və sakit bir şəkildə sədaqətidir.
(Pifaqor)
Tərcümə edən: Humay Kamallı
Mənbə: http://www.dusunuyorumdergisi.com/dusmus-yildizlar/?fbclid=IwAR1945myYNB8cR1f-9zw94R1Zn_kAJfu2DxqL7I7jtJaJv1cah4oC5Iy7QU,
Turgut Özgüney, “Düşmüş Yıldızlar”
Turgut Özgüney, “Düşmüş Yıldızlar”
Yorumlar
Yorum Gönder