Lord Russell,
xoşbəxt görünürsünüz. Hər zaman belə idinizmi?
Bertrand Russell - həm
xoşbəxt, həm bədbəxt vaxtlarım oldu. Yaşlandıqca xoşbəxtlik dövrlərimin
uzandığını görüb, şanslı hesab edirəm özümü.
Bizə ən bədbəxt
dövrlərinizdən danışa bilərsinizmi?
Ilk gənclik dövrlərimdir.
Zənnimcə bu yaşdakıların bir çoxu bədbəxtir. Dost yoxdur, danışacaq kimsə
yoxdur. Həyatımı sonlandırmağı düşünürdüm, özümü çətin saxladığımı hesab
edirdim, amma bunun elədə əsli yox idi. Təbii xoşbəxtlikdən məhrum hesab edərdim
özümü. Amma bəlkə də yarı yarıya bədbəxt idim. Bir yuxu mənə gerçəyi izah etdi.
Ölüm dərəcəsində xəstələnmişdim yuxumda.Qəribəsi, Biloll-un ustadı və Platon-un
tərcüməçisi, ailə dostumuz, çox savadlı Professor Jowett, başımın üstə idi. Xeyli
acınacaqlı şəkildə ona “Nəysə ki bir təsəllim
var, bütün bunları bir azdan buraxıb gedəcəm.” deyirdim. O da mənə xüsusilə
bağıran səsi ilə “Həyat demək istəyirsiniz?”
deyə cavab verirdi. Mən, “Bəli həyat”
deyirdim. O da, “Bir az daha yaşlandıqca
bu cəfəngiyat sözləri buraxacaqsan” deyirdi. Ayıldım və həqiqətən bunlardan
bir də söz açmadım.
İstədiyiniz
üçünmü xoşbəxt oldunuz, yoxsa kortəbiimi gəldi xoşbəxtlik?
İşim haqqında danışmalı
olsaq mənə bağlı idi. Sonrasını da, reaksiyalarıma, təsadüfə buraxdım. Hər halda
işimdə xoşbəxt olmaq üçün hazırladığım planı hərifbəhərif izlədim.
Amma xoşbəxtliyi
reaksiya və təsadüflərə buraxmağın yaxşı nəticələr verə biləcəyinə
inanırsınızmı?
Şansdan asılıdı. Sonra
bu, çox vaxt işinizdəki müvəffəqiyyətdən də asılıdı. Bəhs etdiyim ilk gənclik dövründən illər
sonra düşkün bir dövr yaşadım, işimdə ən kiçik bir addım belə atmadan əvvəl həll
etməyim lazım olan bir problem, məni yerimə mismarlamışdı çünki. Iki il, ən
kiçik müvəffəqiyyətə çatmadan bu problemlə məşğul oldum. Buna görə çox ağrı çəkdim.
Xoşbəxtliyi nələr
verir sizcə?
Əhəmiyyətli hesab etdiyim
dört şey var. Birincisi bəlkə də sağlamlıqdır. İkincisi bizi yoxsulluğa düşməkdən
qoruyacaq vasitələr. Üçüncüsü, başqa insanlarla xoşbəxt münasibətlər.
Dördüncüsü də işdə müvəffəqiyyət.
Sağlamlığa bu
qədər əhəmiyyət verirsiniz demək?
Elə sağlamlıq vəziyyətləri
vardır ki, xoşbəxtliliyinizə həqiqətən maneədir. Bəziləri ruhunuza keçər, pərişan
bir varlıq edər sizi. Canınızı dişinizə tutub dözəcəyiniz ağrılar da vardır, bəzilərinə
də heç dözə bilmərsiniz.
Sağlamlığınmı
xoşbəxtliyə qovuşduracağına yoxsa, xoşbəxtliyinmi sağlamlığa qovuşduracağına
inanırsınız?
Düzgün olanı, sağlamlığın
xoşbəxtliyə qovuşduracağıdır. Amma tərsi də var. Xoşbəxt bir insan daha az xəstə
olur.
Yaxşıca yatdığınız
bir gecədən sonra özünüzü, pis keçirdiyiniz bir gecədən daha xoşbəxtmi hiss
edirsiniz?
Əlbəttə.
İndi də
puldan danışaq.
Əhəmiyyyətli, amma hər
şey alışqanlığa bağlı. Yoxsulluğa alışqanlıq isdədiklərinizə yüyən vuracaqdır.
Böyük bir gəliriniz yoxdursa, varlılıq alışqanlığı sizi bədbəxliyə aparar.
Bundan qazanc
ehtirası yaranmazmı?
Anlayıram. Ən varlıqlılar
belə yoxsul olmaqdan qorxurlar. Çox zaman müşahidə olunan bir hissdir bu.
Yəni çox pul
xoşbəxtlik üçün kifayət olmurmu?
Olmur təbii. Pul minimum bir
ehtiyacdır. Başqa şeylər düşünmək lazımdır. Əgər düşünməsəniz çox sıxılarsınız.
Üçüncü nöqtə
olaraq başqaları ilə münasibətdən danışdınız. Əhəmiyyəti baxımdan həqiqətən
üçüncüsüdürmü?
Əlbəttə deyildir. Təcrübələrim
düzdürsə, birincisi, ya da sağlamlıqdan sonra ikincisidir.
“Başqaları ilə
münasibətlər”-lə nə demək istəyirsiniz?
Məncə bunun aydın olmayan
tərəfi yoxdur. Dostluq, sevgi, uşaqlarla münasibətlər, başqaları ilə səmimilik.
Bu münasibətlər, xoşbəxt olmadıqca həyat çətindir.
İşləməyə gələk.
Müvəffəqiyyətə çatmış iş, bunu yeri üstündür sizcə?
Haqqında danışdığımız
enerjili biridirsə, çox üstündür. Bəzən boş verən insanlar vardır, bunlar üçün
işləmək qayğı sayılmaz. Amma insanın enerjisi varsa, onu sərf etməyin yollarını
axtarmalı, bunun üçün ən uyğun olan işləməkdir. Təbii, işləməyiniz ümüd edilən
nəticəni verməzsə, bədbəxliyə qapılarsınız. Amma müvəffəqiyyət əldə olunsa günləriniz
daha dolu olar, işiniz xoşbəxtliliyinizə çox şey qatar.
Bunda işləmək
növünün də rolu vardırmı?
Hesab etmirəm ki olsun,
lakin bəzi şikəst məşğuliyyətlər vardır. Məsələn mənim Siyasi Büro üzvü olmağım
kimi, bir az da narahatlıq verici bir işdir bu, hər nə isə...
Bu kimi işlər
insana güc verməzmi? Bunu sevənlər də var.
Sevirlərsə, bir deyəcəyim
yoxdur.
Vəzifənin
kiçikliyi, ya da böyüklüyünün əhəmiyyəti varmı?
Yaradılış problemi...
Böyük işlərə özlərini adadıqca xoşbəxt olanlar var. Bəziləri də orta səviyyəli
bir işlə kifayətlənir. Amma, gördüyümüz işin, nəticəsi olması üçün, qabiliyyətlərimizin
çərçivəsində olması lazımdır.
Bu dediklərinizdən,
tənbəllikdə rahatlıq tapılacağına, kiçik bir işlə belə kifayətlənə biləcəyi mənası
yaranır.
Bilirəm, amma təcrübələrim
məni aldatmırsa, həqiqətdə, xoşbəxt olmağın yolu bu deyildir. Dörd tərəfi də
abad, bütün çətinliklərə rəğmən müvəffəqiyyət əldə edilmiş bir işin xoşbəxtliyinə
sərhəd yoxdur, bir tənbəlin də bu cür bir xoşbəxtliyə çata biləcəyini düşünmürəm.
Sizə, daha
az bir zəka ilə daha çox xoşbəxt ola biləcəyinizi
desə idilər, reaksiyanız nə olardı?
Rədd edərdim. Bir az daha
ağıllı olmaq hesabına iftixarımı itirməyə hazıram. Yox yox. Zəkanı seçirəm.
Fəlsəfənin
xoşbəxtliyə qatqısı olduğuna inanıırsınızmı?
Bəli, əgər fəlsəfə sizi
maraqlandırırsa və qabiliyyətiniz varsa. Yoxsa inanmıram. Amma massonluq üçün də
eyni şeyi demək olar... təbii yaxşı bir massonsunuzsa. Əgər sizə uyğundursa, hər
cür fəaliyyət sizi xoşbəxt edəcəkdir.
Yaxşı, xoşbəxtliyə
qarşı olanlar nədir?
Çox var. Haqqında
danışdığımız dörd ünsür qarşısında olan faktorları qəbul etsəm də! Xoşbəxt
olmaq istəyənlərə deyirəm ki, çox da narahat olmayın. Bu baxımdan yaşlandıqca
xeyli müvəffəqiyyət əldə etdim. Narahat olmamaq üçün bir sistem tapdım özümə. “Dayan görək deyirəm. Ən pis ehtimal nədir?”
sonra da “Eh, deyə düşünürəm, yüz il
sonrasına görə bu da o qədər dəhşətli deyil, hətta zənnimcə ən kiçik əhəmiyyəti
belə qalmayacaq.” Belə düşünsəniz rahat olarsınız. Əgər özümüzə bir sıra
qayğılar yaratsaq bizə xoş görünməyən bəzi hadisələrə qarşı gəlməkdən çəkinirik
deməkdir.
İstədiyiniz
an narahatlıqdan qurtara bilirsinizmi özünüzü?
Çox da deyil, amma yenə də
edə bilirəm.
İstək
mövzusundakı fikriniz nədir?
İstək, ha, bəli. Xəstələnənlər
belə var bunu üçün. Rəssam Haydon-ı xatırlayıram, böyük bir sənətçi deyildi,
amma elə olmaq istəyirdi. Gündəliyinə baxın nə yazmışdıır: “Özümü Rafael ilə müqayisə edərək bərbad bir
səhər keçirdim.” Vəziyyətindən heç də şikayətlənməmələri lazım olan bir çox
insanlar, digərlərində məndən çoxu var, deyə narahat olurlar. Bir başqasının
maşının daha cazibədar, baxçasının daha gözəl hesab edirlər, ya da daha yumşaq
bir iqlimdə yaşamağının xoş olacağını, nəbilim, filankəsin gördüyü işin daha
çox bəyənildiyini düşünürlər və b. Əllərindəki dəyərlərdən yararlanmaq yerinə
başqasında daha çox var düşüncəsi ilə zövqlərini özlərinə haram edirlər. Halbuki
vecinə almamalıdır.
Amma istəyin
yaxşı tərəfi yoxdurmu? Qonşunun etdiyinin bizimkindən yaxşı olduğunu düşünmək,
bizi daha yaxşı işləməyə sövq etməzmi?
Düzdür, amma daha pis iş
görməyə və xüsusilə başqalarının işinə burnunuzu soxmağa da sövq edir sizi. Bir
başqasını keçə bilməyin iki yolu vardır. Birincisi irəli atılmaq, ikincisi rəqibi
arxada saxlamaq.
Can sıxıntısı
əhəmiyyətlidirmi?
Çox əhəmiyyətlidir. Həm
sıxıntı yalnız insana aiddir də deyə bilməyəcəm, zooparkda meymunları gördüm,
sanki can sıxıntısı sınağı keçirirdilər. Amma hesab etmirəmki bu, başqa
heyvanlarda da müşahidə olunsun. Sıxıntı yüksək bir zəkanın əlamətidir. Bunun
da əhəmiyyəti çox böyükdür. Bunu silvizasiyalı insanlarla münasibət quran vəhşilərin
spirtə hücumlarında görürük. İncirdən, Evanjil-lərdən hətta mavi muncuqlardan əvvəl
gəlir spirt. Spirt istəyirlər, çünki spirt bir sıra problemi unutdurur.
Bəs necə
qurtulmaq olar sıxıntıdan? Bu yaxşı təhsil görmüş gənc qızlara baxın. Evlənirlər,
evləri ilə məşqul olmaqdan başqa nə qalır edəcək?
Bu ictimai sistem bir müvəffəqiyyət
deyildir. Şəxsi bir davranışın da bunu çox da dəyişdirə biləcəyini düşünmürəm.
Amma verdiyiniz nümunə bu sistemin bizə uyğun olmadığını çox yaxşı göstərir. Hərkəs,
qabiliyyət və yaradıcılığı ölçüsündə faydalı olmağa çalışmalıdır. Halbuki təhsil
almış modern gənc qızlar özlərini göstərə bilmirlər. Cəmiyyət belə istəyir.
Xoşbəxt olmaq
istəyiriksə, xəyal qırıqlığını yaşamamaq üçün bizi bir şeylər etməyə sövq edən
səbəbləri yaxşıca mənimsəməyimiz lazım deyilmi?
Lazımdır. Elələrini
görmüşəm ki, gözlərini kin tutub və hekayələri üçün, etdikləri işin ucalığına inanmamışdırlar.
Belələri, birindən ya da bir qrupdan nifrət etdiklərini və həqiqi səbəbinin də
bu olduğunu bilsələr, bəlkə də daha xoşbəxt olarlar.
Bir çoxunun bədbəxt
olması,özlərini pisə istifadə etməsindəndir.
Bəli, bu da var.
Taleyin silləsini
görsə də insan xoşbəxt ola bilərmi? Madamki sizin də başınıza gəlib, həbsxanada
deyək.
Heç də bədbəxt deyildim həbsdə.
Təbii əvvəl birinci hissədə idim. Həbsxana həyatının sərtliyi hiss olunmaz bu hissədə.
Nə də olsa həbs olunmaq, başı ilə işləməyə alışmış biri üçün çox çətindir. Bu vəziyyətdə
fiziki əmək işçisi olmaq yaxşıdır, aydınlıq fəaliyyət yoxsulluğu daha az hiss
olunacaqdır.
Siz həbsə
yararlı bir ölkə uğruna girdiyiniz inancında idiniz. Bu şərtlər içində xoşbəxt
olmaq, buna layiq olmaqdan daha asandırmı sizin üçün?
Şübhəsiz. Eyni cəza bir
qaşıq oğurladığım üçün verilsə idi çox pis olardım, çünki... bu şərəfsizliyə
layiq olduğumu özümdə görəcəkdim. Amma mən heç də şərəfsizlik hiss etmədim.
Çünki bu bir
ölkə problemi idi?
Bəli.
Uğruna və sayəsində
yaşanan bir ölkənin xoşbəxtlikdə qatqısı olduğuna inanırsınızmı?
Yaxşı pis müvəffəqiyyət əldə
etmək şərti ilə bəli. İtirilmiş bir məqsəd xoşbəxt etməz insanı. Amma arada bəzən
əldə olunan müvəffəqiyyətin dəyəri vardır. Bu mənə bunu xatırladır. Xoşbəxt
olmaq istəyirsənsə, özündən başqa şeylərlə maraqlanmağının əhəmiyyəti çox
böyükdür. Hələ yaşlandıqca. İnsan özünü
mənfəəti olmayan işlərə adadıqca kiçik həyatının çərçivəsindən qurtular və gələcəyi
düşünməz. Hər an son ola biləcəyi bu həyatı ağlla gətirilməz. Son günlərini
rahatlıq içində keçirmək istəyənlər üçün bax bu çox əhəmiyyətli bir nöqtədir.
Çox yaşamaq, tibbi bir problemdir.
Bu mövzuda nə deyəcəyimi çox da bilmirəm. Sistem yazarlarından saysız məktublar
alıram. Onları dinləsə idim, nə olduğu naməlum olan dərmanlar udardım və
saçlarım qapqara olardı. Amma razımı qalardım görəsən? Çünki saçlarım ağardıqca
insanlar danışdıqlarıma daha çox inanırlar.
Tərcümə edən: Ramilə Heydərova
Mənbə: Bertrand Rassel, "Mənim dünyagörüşüm"
Yorumlar
Yorum Gönder