Dar düşüncəliliyi
izah edərsinizmi, Lord Russell?
Bertrand Russell – bu və
ya digər şeyə həddindən artıq əhəmiyyət verən və yerdə qalan hər şeyi gözardı
edən adama mən dar düşüncəli deyirəm. Şərəfli insanlar itlərə zülm edilməsini
xoş görməzlər. Amma itlərə edilən zülm nadir bir vəhşilik kimi qəbul edilirsə
bu dar düşüncəlilik olur.
Bütün kütlələrin
dar düşüncəliliyəqapıldıqları hesab edirəm tez-tez müşahidə olunmuşdur?
Bəli, bu insanlıq
tarixinin demək olar hər anında, dünyanın demək olar hər seqmentində cəmiyyətlərin
tutulduğu ağıl xəstəliklərindən biridir.
Bunlardan ən əsaslı
olanlarını saya bilərsinizmi?
Neçə dənə var. Yahudi
düşmənçiliyinə baxaq. Xüsusilə bu nümunə
iyrəncdir. Çünki ən qorxunc nümayişi, bizə ən yaxın olandır. Və o qədər iyrəncdir
ki, düşünmək belə istəmir insan. Bunun deyiləcək şey olmadığını ya da kimsənin
eşitməkdən xoşlanmadığını bilirəm. Yahudi düşmənçiliyi xiristiyanlıqla birlikdə
doğulmuşdur. Ondan əvvəl belə şey yox idi. Roma xiristiyan olduğu gün yahudi
düşməni oldu.
Bəs niyə?
İsanı Yahudilər öldürdü
deyilirdi. Beləcə yahudi kini də təsdiqlənmiş oldu. Şübhəsiz həqiqi səbəblər
iqtisadi idi. Amma özlərini bu şəkildə haqlı çıxarırdılar.
Necə olur da
dar düşüncəlilik, insanları kütlə halında ovcuna ala bilir?
Dar düşüncəlilik, birlikdə
iş görmək həzzini verir. Bir dar düşüncəlilər cəmiyyətinin kefinin sonu yoxdur,
bir növ dostluq dominantıdır. Eyni səbəblər coşdurur onları. Hər siyasi
partiyada eyni rahatlıq içində oturmuş nümunə varmı, bilmirəm. Daşıdığı kinə
görə yalnız pis davranışlara təşviq etmişdir. Ümumi dar düşüncəliliklə razılaşmayanlardan
nifrət edilir. Bu əksərən belədir.
Yerini
iqtisadi düşüncələrə verdiyi təqdirdə dar düşüncəliliyin ortadan qalxması ya da
zərərsiz hala gəlməsi düşünülə bilməzmi? Səlib səfərlərinin olduğu kimi.
Bilmirəm. Səlib səfərlərindən
necə bir yaxşılıq təmin edildiyini görə bilmirəm. Səliblərdə iki axın var: dar
düşüncəlilik və ticarət. Bu sonuncu çox güclü idi amma dar düşüncəliliyin dəstəyi
olmadıqca elə də bir işə yaramırdı. Kobudca, dar düşüncəlilik əsgərləri, ticari
mənfəətlər də generalları təmin edirdi deyə bilərik.
Cadugərliyin
də rolu böyük oldu...
Həm də necə. Xüsusilə
1450 ilə 1600-cü illərin əvvələri intervalında. Ağlıma dəyərli bir din adamının
“Cadugərlərin Çəkici” adlı kitabı gəlir. Bu kitab həqiqi bir cadugər ovu
çılğınlığı yaratmışdır. Həm də ovlayanın, ovçunun haqlı olduğuna inanırdı.
Böyük ehtimal Jeanne d`Arc da özünü
cadugər hesb etmiş və bu səbəbdən bir çox insan cadugərlikdən məhkum edilmişdi.
Zalımlıq epidemiyası sərhəd tanımırdı. Kitablarından həqiqətən insan və maariflənmiş
biri olduğu hiss olunan Sir Thomas Browne kimi bir adam belə, prokuror olaraq faktiki olaraq cadugərlik məhkəmələrində
iştirak etmişdir. Cadugərliyi yadırğamağın bir növ ateizm olduğunu deyirdi. Dəlili
İncildə deyildimi: “Cadugəri yaşatmayacaqsan” və əgər, cadugər olduğunu
bildiyin halda onları yandırmaq xoşuna gəlmirsə, İncilə inanmırsan deməkdir. O
halda Tanrısızsan.
Heç olmazsa görünüşdə
ağlı başında insanların belə dar düşüncəli ola bilmələrini necə izah edərsiniz?
Ağlı başında deyimi nisbidir. Sağlam insan çox
azdır. Demək olar hamıda az çox dəlilik meyli vardır. Xatırlayıram,
Kaliforniyada yağışın stəkandan tökülərcəsinə yağdığı bir gün, maşınımıza
tamamilə islanmış birini götürmüşdük. Bu adam irq ayrı seçkiliyi edənləri tənqid
edirdi. Düzünü istəyirsinizsə mən də onunla eyni fikirdə idim. Bir ara Filipinlərdən
söz açıldı, bu zaman bizim yolçu, Filipinlərin iyrənc adamlar olduğunu dedi.
Görürsünüz, bu kiçik çılğınlıq tərəfi onda da var idi.
Dar düşüncəlilik
problemini bu qədər əhəmiyyətli edən nədir?
Dərdlərimizin çoxunun səbəbi.
Amma məsələn Katolik
kilsəsi, bəzi doqmalara inanmağın bunlara inancsızcasına yaşamaqdan daha əhəmiyyətli
olduğunu düşünmüşdür. Bu mövqe ilə bu günkü düşüncə formamız arasında heç bir fərq
yoxdurmu?
Sadəcə üzdə bir fərq var. Bütün dünya katolik
kilsəsinə bağlı deyil ki. Həm bir çox insan onun gücündən qoruya bilər özünü.
Amma H Bombası hamını tapa bilər.
Bu mövzuya bir az daha
yaxından baxsaq?
Bəli, mövzuya dəyər. Şərq ilə Qərb arasındakı gərginlik,
hamımızın qanını donduran bu təhdid, dar düşüncəlilik və vəziyyətə görə,
komunizm ya da anti komunizmə olan kor-koranə inanmaq səbəbindəndir. İki tərəf
də, beyinləri ölçüsüz bir iman ilə doldurmaq cəhdindədir. Bu inanc növünü dar
düşüncəlilik olaraq dəyərləndirmişdim. Qarşımızdakının pis hesab etdiyimiz tərəflərini
əzmək, insan nəslinin yaşamasından daha əhəmiyyətlidir. Bizləri təhdid edən, bu
iki düşərgənin dar düşüncəliliyidir.
Xoş düşüncəlilik nədir?
Düşüncənin istiqamətinə görə dəyişir. Tam mənasında
xoş düşüncəlilik, aşkarda cinayət olmadıqca, düşüncələri üçün kimsəni cəzalandırmamaqdır.
Tarixdə, saya biləcəyiniz
xoş düşüncəlilik dövrləri olmuşdurmu?
Otuz il müharibəlri nəticəsində həqiqətən xoş
düşüncəli olmuşdur insanlar. İngiltərədə, vətəndaş müharibəsinə görə, bir az
daha sonradır. Xoş düşüncəliliyi ilk tətbiq edən ölkə Hollandiyadır. XVII əsrin
bütün böyük mütəfəkkirləri, həyatlarının bir anında Hollandiyaya sığınmışdırlar
və yox olmaqdan qurtulmuşdurlar. Bu dövrdə İngilislər ölkələrindən daha ağır çəkmirdilər.
Hobbes üçün açılan parlament ittihamını xatırlayın. Hobbes-un nizamsız bir şəxs
olduğu nəticəsinə gəlinmiş və əsərlərinin İngiltərədə nəşr olunması qadağan
edilmişdir. Xeyli davam etmişdir bu qadağa.
Atinalılar xoş düşüncəli
insanlar idi sizcə?
Atinalının xoş düşüncəliliyi, XVIII əsrdən əvvəlki
modern dövlətlərinkindən daha irəli idi. Amma bu da tam və detalsız bir xoş
düşüncəlilik sayılmaz. Sokratın başına gələnləri hər kəs bilir, bu şəkildə ölən
də bir o deyildi. Anaxagore sağ qalmağı qaçmaqda tapdı. Aristo da, İsgəndərin
ölümündən sonra eyni şeyi etdi.
Bir xoş düşüncəlilik
dövrü yaşayıb yaşamadığımız hardan bilinir? Bir ölçünüz varmı?
Azadlıqlar var. Mətbuat, düşüncə, propaqanda
azadlıqları. İstədiyinizi oxuya bilmək, seçdiyiniz dinə özünüzü adamaq ya da
heç bir dinə bağlanmamaq azadlıqları.
Amma bunların hamısıvar
Qərbdə. Bunun əksinə bir az əvvəl dar düşüncəliliyin heç bir zaman bu qədər
güclü olmadığını deyirdiniz...
Bu azadlıqların həqiqətən var olduqlarına
inanmıram. Bütün rəsmi kitabxanaları ələkdən keçirdikləri zaman Amerikada
olanlara bir baxın. Buna xoş düşüncəlilik deyə bilməzsiniz.
İstək olmadıqca bir şey
edilə bilməz. İstəkdən artığı, dar düşüncəlilik təhlükəsinə aparır. Ən yaxşı
mövqe hansıdır? Dar düşüncəliliyə düçar olmaqdan necə qurtulmaq olar?
Heç bir şeydən əmin oluna bilməz, amma buna qarşı
yararlı ola biləcək bir prinsip var. Ancaq bir şeyin həqiqiliyinə inandıqdan
sonra işə başlamaq. İnsan səhv edə bilər, pis bir şey edər. Bu zaman dayanmaq
lazımdır. Məsələn bu prinsipi, insanları yandırmaq cəzasına tətbiq edək. O
dövrdə mənimsənilən din elmi həqiqətin özü olsa idi, dinsizləri yandırmaq doğru
bir mövqe olardı. Amma bu din elminin qəti olaraq doğruluğundan ən kiçik bir
şübhə var idisə, o zaman da pis bir iş edilirdi demək idi. Bu prinsip bizə yol
göstərə bilər məncə.
Bunu siyasi partiyalara
və hökumətlərə də tətbiq edə bilərsinizmi?
Əlbəttə. Bir partiyaya daxil olan hər kəs, digər
partiyalarda olanların yalnış olduğunu düşünür. Amma bu, onları öldürmək üçün əsaslı
səbəb ola bilməz.
Açıqlığa ya da
qaranlığa aparmaması üçün xoş düşüncəliliyə çəkəcəyiniz sərhədlər nələrdir?
Cavabım bir liberalınkı olacaq. Düşüncə
mövzusunda xoş düşüncəlilik hamının qarşısında edilməlidir. Qanunun başqa cür
olması lazım olduğu müdafiə edilə bilər. Amma qanun dəyişmədikcə mövqeləri
cinayətkar sayılacaq şəxslər xoş düşüncəliliyə laiq deyildirlər. Bir nümunəyə
baxaq. Ölüm cəzasını doğru hesab edə bilərsiniz, bu cəzanın olmadığı ölkədə qəbul
olunmasını istəyə bilərsiniz. Amma laiqdir bəhanəsi ilə birini öldürməyə cəhd
etməyin.
Dünyanı əhatə edən bir
dar düşüncəlilik dalğası yoxdurmu? Bu anda bu dalğalardan birinin təsiri
altında deyilikmi? Bu dalğa daha da yayılmaq meylindədirmi?
Bəli. Səht durularsa, dünya yerinə oturarsa. Oynaq tarazlıq dar düşüncəliliyin
yararınadır, yəni dünyaya tarazlıq verilməli.
Dünyada dar düşüncəliliyi
azaltmaq ümidi varmı?
Var, həm də çox. Bu bir siyasət işidir hesab edirəm.
Bunun üçün, yeni bir dünya müharibəsindən o qədər qorxmamağımız lazımdır. Qısa
zamanda, şərqdə də qərbdə də xoş düşüncəlilik və təvazökarlığın yayıldığını görəcəyik.
Amma gərginlik davam etdikcə, ümüdlər də azalacaqdır.
Tərcümə edən: Ramilə Heydərova
Mənbə: Bertrand Rassel, "Mənim dünyagörüşüm".
Yorumlar
Yorum Gönder