Ən qədim ədəbiyyat məhsulu
ölümə qalib gəlmə arzumuz ilə əlaqəli olması yəqin ki, insanlar haqqında təəccüblü
bir şeyin göstəricisidir. Qılqamış dastanı ilə tanıdığımız Şumer şeir dövrü qəhrəmanın
dostunun ölümünə görə yaşadığı ağrını və dünyəvi sel fəlakətindən sağ qurtulan
Utnapiştimdən ölümsüzlüyün sirrini öyrənmək üçün dünyanın digər tərəfinə etdiyi
səyahəti nəql edir.
Yol üstündə ona məqsədinin mənasızlığını göstərməyə çalışan Siduri adında müdrik bir qadınla qarşılaşır: "Qılqamış, niyə tələsirsən? Axtardığın həyatı heç bir zaman tapa bilməyəcəksən. Tanrılar insanı yaratdığında ona ölümü bəxş etdilər, ancaq ölümü öz himayələri altına aldılar”. Bu düşüncə təbii ki, Qılqamışı cəhd etməkdən yayındırmadı və bizləri də dayandıra bilmədi. Yaxşı xəbər budur ki, son zamanlar biz ölümü aldatmaqda olduqca yaxşıyıq. Son illərdə Qərb ölkələrində orta statistik həyat müddəti hər il bir neçə həftə artmaqdadır. Əgər bu artış ildə 52 həftəni keçərsə, zarafatla qarışıq "hesablanan qaçış sürəti" olarak adlandırılan bir vəziyyətə çatarıq-həyatımızın yaşaya biləcəyimizdən daha sürətli uzandığı nöqtə.
Yol üstündə ona məqsədinin mənasızlığını göstərməyə çalışan Siduri adında müdrik bir qadınla qarşılaşır: "Qılqamış, niyə tələsirsən? Axtardığın həyatı heç bir zaman tapa bilməyəcəksən. Tanrılar insanı yaratdığında ona ölümü bəxş etdilər, ancaq ölümü öz himayələri altına aldılar”. Bu düşüncə təbii ki, Qılqamışı cəhd etməkdən yayındırmadı və bizləri də dayandıra bilmədi. Yaxşı xəbər budur ki, son zamanlar biz ölümü aldatmaqda olduqca yaxşıyıq. Son illərdə Qərb ölkələrində orta statistik həyat müddəti hər il bir neçə həftə artmaqdadır. Əgər bu artış ildə 52 həftəni keçərsə, zarafatla qarışıq "hesablanan qaçış sürəti" olarak adlandırılan bir vəziyyətə çatarıq-həyatımızın yaşaya biləcəyimizdən daha sürətli uzandığı nöqtə.
Yeniləyici tibb və kök
hüceyrə texnologiyasındaki inkişaf hələ başlanğıc nöqtəsində olsa da, bir gün
bizim ya da daha böyük ehtimalla uşaqlarımızın Qılqamışdan qaçan ölümsüzlüyə çata
biləcəyimizi vəd edir. Yazdığım yerdən bir neçə metr aralıqdaki zebr balığı
Teeny akvariumunda xöşbəxtliklə üzür. Adından başa düşüldüyü kimi kiçik, amma
zebr balıqlarının möhtəşəm ürək, sinir və retina toxuması yeniləmə qabiliyyətləri
var. Özümüzü bu tərz bacarıqlarla təchiz edə bilsək Sidurinin alın yazımız
olduğunu söylədiyi qocalma və çökmə müddətini yavaşlada, saxlaya və ya tərsinə
çevirə bilərdik.
Tam olaraq ölümsüz
olmazdıq. Qəzalara və cinayətlərə məruz qala bilərdik. Lakin həyatlarımız böyük
ölçüdə genişləyərdi və ölüm ilə əlaqəmiz köklü surətdə dəyişərdi. Pis xəbər
budur ki, bunu istəyib istəməyəcəyimiz dəqiq deyil.
Qılqamışın arzularına
qarşılıq ölümsüzlük ədəbiyyatda çox zaman bir lənət olaraq təsvir edilmişdir. Hz.İsa
ilə lağ etdiyi üçün cəza olaraq Hz.İsanın ikinci gəlişinə qədər dünyanı gəzməyə
məhkum edilən ayaqqabıçı Avropalıların xəyalında qibtə deyil, bir yazığı gəlmə
və xəbərdarlıq fiquru olarak görünür. Belə görünür ki, bir nöqtədə istəməsək də
ölümə ehtiyacımız olduğunu başa düşürük.
1970-lərin əvvəlində
yazılmış çox mübahisə doğuran bir məqalədə İngilis filosof Bernard Villiams
Leos Janacekin "Makropulos Hadisəsi" operasını yenidən (olduqca xəyali
detallarla) təqdim edər. Hekayənin Villiams versiyasında 42 yaşındaki Elena
Makropulos qocalmasını dayandıran və üç yüz il daha həyatda qalmasına kömək edən
bir məhlul içir. Bu müddətin sonunda iksiri təkrar içmə seçimi vardır, amma o
içməməyə qərar verir. Həyatdan o qədər bezmişdir ki, ölümü qəbul etməyə
üstünlük verir. Villiamsa görə onun yerində olsaydıq, hamımızın başına gələcək
olan bu olardı.
Villiams ölümsüzlük
düşüncəsinin bizi bir dilemma ilə qarşı qarşıya gətirdiyini düşünür. Bir tərəfdən
sonsuza qədər tətminlə və ya zövqlə etdiyimizi xəyal edə biləcəyimiz bir şey yoxdur.
Ağlımıza gələn ən təməl həzzlərimiz belə-yemək, içmək, seks, musiqi-yetərincə
uzun bir müddət sonra son dərəcə darıxdırıcı olabilərdi. Digər tərəfdən zövqlü
qəbul etdiyimiz şeylər dəyişəcək olsaydı müddəti naməlum uzadılan həyatı əyləncəli
kimi qəbul edə bilərdik. Ən sevdiyi şey kitabxanalarda kitab oxumaq olan bir kitab
həvəskarı, qapalı məkan insanı olduğumu (heç elə biri deyiləm) xəyal edin. Kitablarla
dolu bir həyat bir neçə əsr sonra darıxdırıcılaşa bilər. Amma əsrlər içində
içinə özünə qapanıq bir kitab həvəskarından girişkən bir adrenalin həvəskarına
çevrildiyimi düşünün. Ekstreimal idman növləri o zaman məni yarım min il ya da
daha da artıq məşğul edə bilərdi.Bu nöqtədə oxumanın həzzini yenidən kəşf edə
bilərəm və ya həyatımın başqa dövrünə keçə bilərəm.
Villiamsa görə, problem
budur:bunun işə yaraması üçün o qədər çox dəyişməyimiz lazım olacaq ki, bunu
edib edə bilməyəcəyimiz bəlli belə deyildir. Şəxsiyyətinizi və ehtiraslarınızı daha
çox dəyişdirin. Artıq var ola bilməzsinin. Bu düşüncə tərzində adrenalin həvəskarı
həqiqi mənada mən olmazdım. Daha çox mənim nəslimdən gələn biri olardı. Dediyim
odur ki, ya sonsuz həyat inanılmaz sıxıcı olardı, ya da onu yaşayan biz
olmazdıq.
Bu mövzuda birçox filosof
Villiamsa qarşı çıxmışdır. Məsələn: Con Martin Fisher yemək, içmək və cinsi əlaqədə
olmaq kimi "təkrar edən" zövqlərdən bezəcəyimizin dəqiq olmadığını
müdafiə etmişdir. Yaxında nəşr olunacaq əsərində Roman Altshuler haradan baxtığımızın
vacib olduğunu müdafiə edir: bu anda irəliyə baxarkən gələcək min il yaşamaq naxoş
görünə bilər, lakin indidən min il sonra keçmiş minilliyə yetərincə məmnun baxa
bilər və digər minilliyi gözləyəcəyinizə görə xoşbəxt ola bilərsiniz. Villiams
bizim özümüzü əyləndirmə potensialımızı yaxşı qiymətləndirməmiş ola bilər.
Lakin başqa problemlər ola
bilərdi. Hər kəsin sonsuza qədər yaşadığı bir cəmiyyətin ya heç uşağı olmadığı
bir cəmiyyət (əhali artımının qarşısını almaq üçün), ya da bütün qaynaqlarını sürətlə
istifadə edən bir cəmiyyət olduğu gerçəyi var. Və ya-bu çox daha mümkün ola bilər-bəzi
insanların ömrünü uzadan müalicələrdən istifadə edə bildiyi, digərlərinin isə
edə bilmədiyi bir dünya ola bilərdi. Səhiyyə təchizatları onsuzda qeyri-mütənasib
şəkildə varlılar üçün istifadə olunur,lakin ölümsüzlük bu problemi daha da
böyüdərdi. Günümüzdə inkişaf etməkdə olan dünyada yaşayan bir biri ilə müqayisədə
tək bir inkişaf etmiş ölkə vətəndaşının ömrü boyunca nə qədər çox maddi
imkandan yararlana bildiyini düşünün. Və indi də yoxsul insan yaşaya bilməzkən
zəngin olanın nəsillər boyunca yaşadığını xəyal edin. Ölümsüzlük doğuşdan zənginliyin
təsirlərini düzətməktənsə vəziyyəti daha pisə doğru apara bilər.
Bəlkə də pessimist
olmağımıza ehtiyac yoxdur. Qocalmağa və ölümə qalib gələcək qədər ağıllıyıqsa
qaynaq tapmaq və dağıdıcı və nəsillər arası ədalət problemlərinə də həll
yolları tapa bilərik. Qocalma və təbii ölüm gözləntisindən əl çəkərək kim
olduğumuza və yaxşı bir həyatdan nə anladığımıza dair vacib bir şeyi itirib
itirmədiyimiz sualı ağılda qalır. Ekleziast bizlərə hər şeyin bir zamanı
olduğunu deyir və Romalı filosof-şair Lucretius qaza bilməyəcəyimiz ölümümüz
üçün pis olmamağımızı, ancaq vaxtı gəldiyində "həyat ziyafətində doymuş
bir qonaq kimi çəkilməyimizi" məsləhət bilər. Bu məcazi ifadədə
doyğunluqdan çox daha artığı vardır. Gözəl bir yemək hekayəyə bənzəyir: yeməklərin
hamısı doğru zamanda gəlir və biz doğru
olduğu və belə etməyimizin qaçınılmaz olduğu hissi ilə bir yeməkdən digərinə keçərik.
Şirniyyatı ən başta yemərik və qəhvədən sonra şorba gözləmərik. Bənzər bir şəkildə
biologiyamız da bizə bir hekayə yükləyir. Yeniyetməlikdən yetkinliyə, təqaüdə və
çöküşə qədər həyatlarımızın gedişatı bizlərə improvizasiya edə biləcəyimiz və
istehsal edə biləcəyimiz hekayəvi bir çərçivə ilə təmin edir. Bəlkə də, həyatlarımızın
struktur sırasını-və onunla harmoniya içindəki sərhədliliyi-ortadan qaldıraraq özümüzü
fiziki taleyimizin zincirlərindən qurtarmaq yerinə,ortaya mənalı bir həyat gətirmək
üçün istinad çərçəvəmizi yox edirik.
Jeff Malpas bənzər şəkildə
ölümsüz bir varlığın həqiqətən yaxşı bir həyat yaşamaq üçün lazım olan hekayəvi
bütünlükdən məhrum olacağını müdafiə etmişdir. Yaxşı yaşamaq üçün olduğumuz yerə
necə gəldiyimizi və haraya getdiyimizi başa düşməyimiz lazım olur. Yəqin ki, həyatlarımızın
vahid bir şəkli olduğu hissinə ehtiyacımız var. Bu yanaşmaya görə özümüzlə əlaqəli
gözəl bir hekayə danışa bilməliyik. Lakin Malpasın yanaşmasına görə;sonu
olmayan bir hekayə üst üstə yerləşən hissələrin meydana gətirdiyi sonsuz bir
sıra ilə yaranan hekayə deyildir. Daha az Hamlet, daha çox Yaşadığımız Günlər. Sonu
gəlməyən bir serialda yaşamaq istəməzsiniz, elə deyilmi?
Bəlkə hə, bəlkə də istərdiniz.
Çünki bütün bu problemlərə baxmayaraq sonsuz yaşam hələ də cəzbedici gəlir.
Simone de Bovuara görə, hər kəs öz ölümünü bir qəza, yad bir şey olaraq, təsadüfi,
gərəksiz görür. Tolstoyun ölməkdə olan İvan İlyiçi düşündürdüyü kimi hər kəsin
ölməsi çox normaldır, amma mənim ölməyim çox təəccüblüdür. Sokrat fəlsəfəni
ölüm üçün bir təhsil olaraq görmüşdür, lakin yeni texnologiya bunun yerinə fəlsəfəni
ölüm ehtimalımızı qucaqlamağa və daha geniş bir miqyasda yaşamaq üçün yeni
imkanlar kəşf etməyə yönləndirə bilər.
Ya da yönləndirməyə bilər.
Köhnə nəsillərin yaşadığından daha uzun yaşayırıq, lakin bu zamana qədər Məsəllər
Kitabının bizə vəd etdiyi yetmiş ilin çox uzağına keçə bilmədik. Nəfəsi kəsilmiş
gələcəkçilərin və transhümanistlərin təxmin etdiyi uzun həyat əsla gerçəkləşməyə
bilər. Gerçəkləşməzsə və gerçəkləşənə qədər bəlkə də özümüzü Sidurinin Qılqamışa
verdiyi məsləhətin davamı ilə təsəlli etməliyik.
"Sona gəldiyində
Qılqamış qarnını gözəl şeylərlə doydur; gecə-gündüz rəqs et və əylən, xoşbəxt
ol və nəşələn. Paltarlarını təmiz saxla, özünü suya at, əlini tutan kiçik uşağa
dəyər ver və həyat yoldaşını sevginlə xoşbəxt et; çünki bu da insanın
taleyidir."
Tərcümə edən: Əhməd Əhmədov
Mənbə:
http://www.newphilosopher.com/articles/learning-not-to-die/
Əla idi. Oxumağa dəyər, tərcümə edən də sağolsun, bizə bunları oxumaq şansı yaradır.
YanıtlaSil