Gündəlik həyatımızda bir çox insan üçün zaman rahat
qavranıla bilən və olduqca bəsit bir şəkildə qəbul edilə bilən bir faktdır. Bu
düşüncənin səbəbi hər şeyin zaman içində var olmasıdından qaynaqlanır. Gündəlik
təcrübələrimiz ilə zaman arasında bir bağ qurmaq üçün hər hansı bir vasitəyə
ehtiyac yoxdur. Beləliklə, zamanı təcrübə etmək özbaşına edə biləcək qədər bəsit
bir hadisədir.
Bu hal çoxu insanın zaman anlayışına aid üzərində düşünməmizə ehtiyac olmayacaq qədər haqqında məlumat sahibi olduğumuz fikrinə gəlməsinə səbəb olmuşdur. Ancaq zamanın mahiyyəti üzərinə fəlsəfi bir araşdırma etməyə çalışan biri ilk çağdan bəri zaman üzərinə düşüncələr yaradan fəlsəfəçilərdən XX əsrin zaman fəlsəfəsinə qədər keçən zaman intervalında fəlsəfəçilərin zamanın mahiyyəti üzrə soruşulan suallara dəqiq bir cavab vermədiklərini və ya ortaq bir baxışda birləşmədiklərini müşahidə edəcəkdir. Eyni şəkildə bir elm tarixini incələdikdə də zamana aid edilən təyinlərdəki dəyişikliklərlə qarşılaşacaqdır. Nə olduğunu dəqiq olaraq bildiyimizi söylədiyimiz bu anlayış üzəridə edilən mübahisələrdə bu qədər fərqli baxışlara rast gəlinməsi zamanın nəliyi, nə olduğu haqda təkrar düşünməyimizə ehtiyac olduğunu göstərir.
Bu hal çoxu insanın zaman anlayışına aid üzərində düşünməmizə ehtiyac olmayacaq qədər haqqında məlumat sahibi olduğumuz fikrinə gəlməsinə səbəb olmuşdur. Ancaq zamanın mahiyyəti üzərinə fəlsəfi bir araşdırma etməyə çalışan biri ilk çağdan bəri zaman üzərinə düşüncələr yaradan fəlsəfəçilərdən XX əsrin zaman fəlsəfəsinə qədər keçən zaman intervalında fəlsəfəçilərin zamanın mahiyyəti üzrə soruşulan suallara dəqiq bir cavab vermədiklərini və ya ortaq bir baxışda birləşmədiklərini müşahidə edəcəkdir. Eyni şəkildə bir elm tarixini incələdikdə də zamana aid edilən təyinlərdəki dəyişikliklərlə qarşılaşacaqdır. Nə olduğunu dəqiq olaraq bildiyimizi söylədiyimiz bu anlayış üzəridə edilən mübahisələrdə bu qədər fərqli baxışlara rast gəlinməsi zamanın nəliyi, nə olduğu haqda təkrar düşünməyimizə ehtiyac olduğunu göstərir.
Gündəlik həyatımızda zamana aid hekayələrin müasir
fizikanın təcrübə sahəsi içərisində araşdırılması gərəkdiyi haqda geniş
yayılmış bir baxış vardır. Hər nə qədər xüsusilə XX əsrin fizikasındakı inqilabi
xarakterli nailiyyətlərin işiğında zaman anlayışı üzərində olduqca önəmli
düşüncələr ortaya cıxmış olsa da ümumi olaraq fizika zamanın nə olduğu ilə çox
da maraqlanmaz. Fizika üçün zaman “t” ilə göstərilən ölçülə bilən bir veriləndir.
Fizika üçün zamanın izahsız qalması bir məsələ yaratmaz, çünki təbiət hadisələrinin
fiziki olaraq şərhində “t” kifayətdir. Ancaq fəlsəfə üçün zamanın ontoloji
ölçüsünə aid mübahisələr davam etməkdədir. Dolayısilə zamanın nə olduğunu tam
olaraq anlaya bilmək əsas olaraq fəlsəfi bir sorğulamadan keçər. Zaman anlayışı
fənlər arası əlaqəni və hər növ elm sahəsinin verilənlərindən yararlanmayı gərəkdirməkdədir.
Ancaq fəlsəfə xarıcındəki fənlər üçün zaman bilavasitə olaraq bilinməsi yetərli
olan bir vasitədən fərqsiz, fəlsəfə üçün isə mahiyyət baxımından nə olduğunu
tapmağa çalışdığımız bir məqsəddir. Çünki fəlsəfə üçün zaman öz sirliliyini
qorumaqdadır.
Bütün bunlar nəzərə alındıqda fəlsəfə sahəsində
zaman anlayışı üzərində işləməyin ən önəmli və bəlkə də cəzbedici xüsusiyyəti onun sirliliyidir. Düşüncələrindən dönüb
başqa bir düşüncəyə istiqamətlənmə meylinə çox vərdiş etmədiyimiz bəzi sistem
filosofu daxil bir çox fəlsəfəçi zaman haqda düşünərkən ya qərarlarını dəyişmişlər,
ya əlavələr etmişlər, ya da zamanın bilinməzliyini aid ifadələr qeyd etmişlər.
Bu hal zamanın hələ həll olunmağını gözləyən sirli bir anlayış olduğunu və bir
fəlsəfəçi üçün bu qədər yanımızda olan, bu qədər az şey bildiyimiz bu anlayışı
anlamanın önəmini açıqlamaqadır. İnsanın öz varlığını və digər bütün varlıqları
anlaya bilməsi üçün zamanın nə olduğunu qavraya bilməsi gərəklidir. Gendəlik həyatımızın
təməlini və başlanğıc nöqtəsini təşkil edən zaman edəcəyimiz bütün fəaliyyətlərdən
düşünəcəyimiz bütün sorğulamalara qədər bizimlə birlikdədir. Beləki, əşyanı dərk
etməyimizin və onun haqqında düşünməmizin tək yolu bunu zamanın öz içində etməyimizdir.
Əgər zamanın nə olduğu haqda açıq bir fikrə yiyələnməzsək, zaman ilə münasibətimiz
sayəsində qavradığımız konkret və mücərrəd bütün varlıqların nə olduğuna aid
bir mühakiməyə nail olmaqda şüphəyə düşərik. Bu hal zaman anlayışı üzərində
ediləcək bir fəlsəfi araşdırmanın önəmini ortaya qoymaqdadır.
Bu iş zamanın ontoloji ölçüsü üzərində cəmləşməkdədir.
Zamanın mahiyyəti üzərində düşünüldüyündə ortaya dörd təməl sual çıxmaqdadır.
Bu dörd təməl suala veriləcək cavablar zaman üzərində ediləcək digər
araşdırmalar üçün də təməl təşkil edir. Bu suallardan üçü McTaggarta qədərki
müddət ərzində fəlsəfə tarixi içərisində soruşulmuşdur. İşin növbəti hissəsi
olan “McTaggarta qədərki Müddətdə Fəlsəfə Tarixində Zaman Düşüncələri” başlıqlı
bölmə bu üç sual üzərində edilən araşdırmaları əhatə etməkdədir. Bunlardan
birincisi zamanın subyektiv mi,obyektiv mi olduğu sualıdır. İkincisi zamanın
mütləq mi yoxsa əlaqəli mi olduğu sualıykən üçüncü sual isə zamanın mütləq mi
yoxsa nisbi mi olduğu sualıdır. McTaggarta qədərki müddətdə fəlsəfə tarixində
müzakirə edilən bu suallar incələnməsindən sonra işin bir sonrakı bölümündə
dördüncü təməl sual olan zamanın modal mı yoxsa qeyri-modal mı olduğu sualını əhatə
edən “McTaggartın Zamanın Qeyri-reallığı Arqumenti” ələ alınacaqdır. İşin son
bölməsi olan “McTaggartdan sonra Zaman Teoremləri və XX əsrin Zaman Fəlsəfəsi
Mübahisələri” başlığı altında isə McTaggartdan sonrakı dövrə işıq tutularaq
McTaggartın Zaman Felsefesinin formalaşmasına təsiri Zaman Fəlsəfəsi başlığı
altında sistemləşdirilən cərəyanlar və Zaman Felsefesi mövzuları içərisindəki
mübahisələr incələnəcəkdir.
Çalışmada McTaggartdan əvvəl, McTaggartdan
arqumenti və McTaggartdan sonra şəklində üçlü bir dövri araşdırma edilmişdir.
Bunun səbəbi McTaggartın arqumentinin zamana aid fəlsəfi yaxınlaşmalar arasında
çox önəmli bir qırılma nöqtəsi yaratmasıdır. Ancaq bu üç dövrü tamamilə
bir-birindən ayrı və qopuq dövürlər olaraq görməmək məqsədilə McTaggartın
arqumentinin həm özündən əvvəlki fəlsəfə tarixi ilə, həm də özündən sonrakı
Zaman Fəlsəfəsi ilə əlaqəsi təyin edilməyə və dövürlər arası intelektual bir
körpü qurulmaya çalışılacaqdır.
McTaggarta qədərki Zaman İntervalinda Fəlsəfə
Tarihində Zaman Düşüncələri
Fəlsəfə tarixində zamana aid baxışları üç başlıq
altında ələ aldığımız bu çalışmanın ilk başlığı ilk çağdan XX əsrin başlarına qədər
uzanan çox geniş bir dövrü əhatə etməkdədir. Bu dövrün özünü də öz daxilində üç
dövrə ayırmaqla öyrənmək olar. Bu dövrlər: Aristotel fizikası dövrünün zaman
düşüncələri, Nyuton fizikası dövrünün zaman düşüncələri və Eynişteyin fizikası
dövrünün zaman düşüncələri olaraq sinifləndirilir. Bunun ən önəmli səbəbi üç təməl
kainat anlayışı və eyni istiqamətdə üç zaman anlayışının bəşər tarixində fəaliyyət
göstərməsidir. Bu üç dövrün zaman anlayışları bir-birindən ayıran ən təməl fərq
zaman ilə hərəkət anlayışlarından hansının ontoloji olaraq təbiətin analizi,incələnməsi
baxımından öncəlik,üstünlük təşkil etməsidir. Yəni zamanın mı hərəkətə bağlı
olduğu,yoxsa hərəkətin mi zamana bağlı olduğu sualına bu üç dövürdə fərli
cavablar verilmişdir.
Aristoteli fizikasının mərkəzdə olduğu zaman düşüncələrinə
görə, təbiət əslində bir hərəkət qanunudur. Dolayısilə yer,zaman və boşluq hərəkin
tələb etdiyi şeylərdir. Bu düşüncə sistemndə hərəkət zamandan daha ön
planda,daha qabaqcıl bir anlayış olaraq götürülmüşdür. Aristotel fizikasının əsas
xüsusiyyəti olaraq bu qabaqlama zamanın həçinin obyektiv olduğunun qəbul edilməsi
anlamına da gəlir. Hərəkətlə birlikdə var ola bilən bir zaman izahı ontoloji cəhətdən
öncə hərəkətin sonra zamanın gəldiyi və hərəkətin,obyektin olmadığı bir şəraitdə
zamanın da var olmadığı anlamına gəlməkdədir.
Aristotel fizikası dövrü obyektiv zaman anlayışının
ən önəmli təmsilçisi Aristoteldir. Aristotel zamanı “nun” dediyi an anlayışına
yıcamlaşdırmış və zamanın ölçüsünü iki an arasında meydana gələn hərəkət olaraq
xarakterizə etmişdir. Bu nöqtədə Aristotelin nail olduğu zaman tərifi isə “əvvəlinə
və sonrasına görə hərəkətin sayı” şəklindədir. Zamanı hərəkət halında olan
varlıqların bir-biri ilə qurduqları öncəlik və sonralıq əlaqəsi olaraq görən
Aristotel üçün hərəkət etmə potensialı olan hər varlığa zaman şamil olunur.
Dolayısilə zamanın mövcudluğu üçün gərəkli olan yeganə şey hərəkətdir.
Aristotelin obyektiv zaman anlayışı Aristotelden
sonra Galiley və Nyutona qədərki iki min il davam edən müddət ərzində hakim
baxış olaraq qalmağı bacarmışdır. Qərb fəlsəfəsinin çox böyük qismi ilə yanaşı
Kindi, Fərabı, İbn Sina və İbn Rüşdü kimi İslam fəlsəfəçiləri də daxil olmaqla
özündən sonra gələn fəlsəfəçilərin çox böyük hissəsi Aristotel fizikası və
Aristotel fizikasının yaratmış olduğu obyektiv zaman anlayışı yüksək dərəcədə mənimsəmişlərdir.
Digər tərəfdən həmin müddət ərzində bu obyektiv zaman anlatışına qarşı qoyulmuş
zaman anlayışları da mövcuddur. Bunlar içərisində ən önəmlisi Avqustinin
subyektiv zaman anlayışı olub, həmin vaxtlarda zamanın subyektiv mi, yoxsa
obyektiv mi olduğu müzakirəsinə istiqamət verməsi baxımından son dərəcədə önəm
təşkil edir.
Avqustin zamanın hərəkətə bağlı olduğunu rədd edərək
kainatda heç bir hərəkət olmadığı bir halda belə zehnimizdəki zamanın öz
varlığını qoruyacağını söyləmişdir. Onun fikrince, hərəkət ilə bu hərəkətin
zehindəki ölçüsü olan zaman bir-birilərindən ayrı, fərqli varlıqlardır. Fiziki
elementlər ilə heç bir şəkildə varlığı isbat edilməyən zaman anlayışı idrak etmə,
xatırlama və gözlənti şəklində insan zehnində yer tutmaqdadır. Bu mənada
Avqustin fiziki zamanın real olmadığını, real olanın fiziki hadisələrin
zehnimizdə buraxdığı təəssürat olan subyektiv zaman olduğu nəticəsinə gəlmişdir.
Subyektiv zaman anlayışı Avqustindən bu yana obyektiv
zaman anlayışına qarşı qoyulan ən böyük etiraz olaraq mövcüdluğunu
qorumaqdadır. Dövrün irəliləyən illərində İslam filosofu Əbu Bəkir əl-Bağdadi tərəfindən
də mənimsənərək İslam fəlsəfəsindəki Aristotelci ənənəyə qarşı gətirilən
etirazların mərkəzində olmuşdur. Beləki, Nyuton fizikasına qədər fəlsəfə
tarixindəki zaman baxışlarının zamanın subyektiv mi,yoxsa obyektiv mi olduğu
sualına verdikləri cavablar filosofların zamana aid düşüncələrində mərkəzi rol
oynamışdır. Subyektiv zaman ilə obyektiv zaman ayrı-seçkiliyinin təməlində isə
zamanın quruluşunun hissəli və ya bütöv olaraq düşünülməsi yatmaqdadır. Zamanın
quruluşunun hissəli görünməsi obyektiv zaman anlayışına yönəlməyə yol açarkən
zamanın quruluşuna bütöv bir yaxınlaşma isə subyektiv zaman anlayışının mənimsənilməsinə
səbəb olmuşdur. Qısaca Aristotelin fizika dövrü zaman düşüncələri zamanın
subyektiv mi olduğu, yoxsa obyektiv mi olduğu sualıdan yola çıxaraq zamanın
quruluşunun hissəli mi yoxsa bütöv mü olduğu, zamanın hərəkətə ehtiyacı
olub-olmadığı müzakirələri üzərindən irəliləmiş və bu suallara verdikləri
cavablara görə fəlsəfəçilər müxtəlif zaman anlayışlarına sahib olmuşlar.
Fəlsəfə tarixindəki zaman düşüncələri içərisindəki ikinci
dövür: Nyuton fizikasının hakim olduğu dövürdür. Arsitotel fizikasından Nyuton
fizikasına keçid ilə yaranan yeni kainat anlayışı ilə birlikdə zamana aid təyin
edilənlərdə də dərin fərliliklərə gəlinmişdir. Aristotel fizikasının qəbul
etdiyi zamanın hərəkətə bağlı olduğu aşkarlığı yerini hərəkətin zamana bağlı
olduğu aşkarlığına buraxırmışdır. Dolayısilə bu düşüncədə zaman hərəkətdən daha
təməl və qabaqcıl bir anlayışdır.Zamana aid bu yeni yaxınlaşmaların ən önəmli səbəbi
Nyuton fizikasının gətirdiyi mütləq zaman anlayışıdır.
Mütləq zaman anlayışı zamanın hər növ hərəkətdən və
kainatdakı bütün varlıqlardan bağımsız,müstəqil olaraq öz başına bir varlıq təşkil
etdiyini müdafie edir. Bu çərçivədə mütləq zaman anlayışı, obyektiv zaman
anlayışının müdafiə etdiyi zamanın hərəkət, dəyişiklik kimi fiziki elementlərə
bağlı olduğu baxışını rədd etdiyi kimi subyektiv zaman anlayışının müdafiə
etdiyi zamanın insan düşüncələrinə bağlı olduğu baxışını da rədd edir. Mütləq
zaman anlayışının ilk müdafiəçilərindən Gassendi necə ki məkanın varlığını insan
düşüncəsindən azad olaraq qəbul ediriksə, eyni şeyi zaman üçün də etməyimizin gərəkli
olduğunu söylemişdir. Digər tərəfən varlıqların harada olduqlarının həmsöhbəti
məkan isə, varlıqların nə zaman olduqlarının həmsöhbətinin zaman olmalı
olduğunu bildirərək də zamanın məkandan da ayrı bir varlığa sahib olduğunu
düşünmüşdür.Bu çərçivədə zaman fiziki və ya zehni heç bir varlığın təsiri
altında qalmadan varlığını davam etdirən bir varlıqdır.
İsaak Nyuton zamana aid etdiyi təsbitlər ilə
Eynişteynə qədər gələn iki yüz illik müddət daxilində mütləq zaman anlayışının ən
geniş yayılmış baxış olmasına səbəb olmuşdur. Nyuton zamanın insan ölçüsü və
hissiyyatından tamamilə azad, təbiəti etibarı ilə əşya ilə münasibətə girməyən,
riyazi bir sistemi olan bir ontolojisinin olduğunu söylemişdir. Dövrün digər
filosoflarından Rene Dekart və Con Lokk kimi şəxslər də mütləq zaman anlayışını
öz düşüncə sistemlərində istifadə etmişlər və zamanın nə ölçdüyümüz kimi, nə də
hissetdiyimiz kimi olduğunu, özü özlüyündə bir varlıq olaraq mövcüdluğu ilə
yanaşı məkan ilə birlikdə digər bütün varlıqların var olamasını təmin edən bir
quruluşda olduğunu qəbul etmişlərdir. Bu yayılmış qəbullənişin qarşısında isə
dövrün digər filosofları olan Leybnis, Spinoza, Yum və Berkli kimi şəxslərin irəli
sürdüyü əlaqəli zaman anlayışı durmuşdur.
Əlaqəli zaman anlayışı zaman və məkanın tək-tək
varlıq olmadıqlarını, maddə ilə aramızda əlaqəni təşkil edən münasibətlər
birliyi olduğunu müdafiə edir. Bu cərəyanın ən önəmli təmsilçisi olan Leybnisə
görə zaman iki hadisə arasındakı zamansal əlaqə, kosmos(fəza) isə iki hadisə
arasındakı məkansal əlaqədir. Dolayısilə
zaman və kosmosun(fəza) varlığı hər zaman ən az iki hadisəyə bağlı olduğu üçün
Nyutonun müdafiə etdiyi kimi mütləq ola bilməz. Eyni şəkildə
Spinoza zamanın özə(kökə) deyil, yaradılışa aid bir şey olduğunu söyləyərək bir
çevrənin və ya bir üçbucağın özünün hal-hazırki anda Adəmin yaradıldığı zamana
müqayisə ilə daha uzun müddət var olmuş olduğunun söylənə bilinməyəcəyi
düşünmüşdür. Görünən və toxunula bilinən, konkret obyektlərin nizamından məkan anlayışına
çatdığımızı söyləyən Devid Yum da zamanın hem şüurda, həm də hallar dünyasında
qarşılığı olan əlaqəli bir anlayış olduğu nəticəsinə gəlmişdir. Mütləq zaman
anlayışına qarşı qoyulan bütün bu düşüncələr öz dövürlərində arxa planda
qalmalarına baxmayaraq xüsusilə Eynşteyin fizikasının yeni təsbitləri ilə yenidən
gün üzünə çıxmış və çağımızda şərh edilmişdir.
XX əsrin başlanğıcına qədər inkişaf etdirilən zaman
düşüncələri arasında heç bir düşüncə zamanın nisbi ola biləcəyi ilə bağlı ən
xırda bir şüphəyə də yiyələnməmişdir. Eynişteyinə qədərki düşüncələrin
hamısında zamanın hərkəs üçün eyni olduğuna aid şüphə edilməz dərəcədə bir qəbul
ediliş var. Aristotelin zamanı hərəkətə bağlı olsa da bu hərəkət mütləq bir
kosmosun(fəza) içərisində var olan və hər kəs üçün eyni nəticələri doğuran bir
hərəkətdir. Bənzər şəkildə Leybnisin zamanı da əlaqəli olmasına qarşılıq zamanın
münasibət halında olduğu bütün elementlər universal bir nizam içərisində hər kəs
üçün ortaq nəticələr doğuracaq quruluşdadır. Ancaq zamanın nisbiliyini irəli
sürən Eynişteyin üçün zaman hərəkət edən adama görə sürətlənən və ya yavaşlanan
bir quruluşdadır. Fiziki olaraq “Zamanın sürətli keçməsi” məsələsi ilk Nisbilik
teoremi ilə irəli sürülmüşdür.
Eynşteyin fizikası cazibə və sürətin artması ilə
zamanın yavaşladığını təsbit etmişdir. Bu təsbitdən doğan nisbi zaman anlayışı
zamanın hər kəs üçün fərqli işləyən bir quruluşda olduğunu, bizim qurub təşkil
etdiklərimizlə zamanın dəyişməyə məruz qaldığı nəticəsinə gəlmişdir. Bu çərçivədə
zaman anlayışı yerinə “kosmos zamanı(fəza zamanı)” anlayışını gətirən
Eynişteyin bir-birilərindən azad olaraq üç ölçülü fəza və xətti bir zaman kimi
diskret olmadığını, zamanı da kosmosdakı bütün koordinatlar kimi bir koordinat
olaraq düşünməmiz gərəkdiyini söyləmişdir. Beləki, Aristotel fizikasının hərəkəti
zamanı qabaqlaması da, Nyuton fizikasının zamanı hərəkətə qabaqlaması da
yalnışlanaraq, hərəkət və zamanın birlikdə təşkil etdikləri bir sistem təsbit
edilmişdir. Kosmosdakı bütün ölçüləri düşündüyümüzdə sol-sağ (x), irəli-geri
(y), aşağı-yuxarı (z) ya da en, boy və hündürlük olaraq üç ölçünü müəyyənləşdirməkdəyik.
Zamanın da t olaraq bütün bu x,y,z koordinatlarından bir dördüncüsü olduğunu
söyləyən Eynşteyin üçün eni boydan ayırmaq nə qədər anlamsızsa, zamanı məkandan
ayırmaq da o qədər anlamsızdır. Zaman ilə məkan arasında ayrılmaz bir bağ
vardır, zamansız bir mekan olmadığı kimi, məkansız bir zaman da ola bilməz. Bu
mövzuda insan zehninin fərqli bir qəbul etmə içərisində olmasını isə Eynişteyin
illuziya olaraq görmüşdür. Bizim zamana aid
bu günə qədərki və bəlkə də bundan sonra da dəyişməyəcək olan qavramamız
Eynişteyine görə zehnimizin bir illuziyasıdır. Bizim zaman qavrayışımız zamanın
hadisələrin gərçekləşməsini mümkun edən, ancaq özünün hər hansı reallaşma fəaliyyətində
olmadığı şəklindədir. Yəni kainatda bir şeylər olmaqdadır və bu hadisələr
“zaman”da olmaqdadır. Ancaq zamanın sırf özünün qatıldığı hər hansı bir “oluş”
, “olma” , yəni “meydana gəlmə” mövcud deyildir. Nisbilik teoreminə görə isə
zaman da şəxsən,bilavasitə meydana gəlmənin, olmaın ,oluşun içərisindədir. Buna
görə meydana gəlməni mümkünləşdirən ayrı bir zaman anlamı yerinə meydana gəlmənin
içində olan bir kosmos(fəza) zamanı anlayışı gətirilmişdir.
Nisbi zaman anlayışının XX əsrin fəlsəfəsinə ən
böyük təsiri zaman anlayışının tək başına deyil, bir başqa anlayışla birlikdə ələ
alınaraq yeni bir anlayış əldə etmək gərəkdiyinə dair yeni fikiridir. Nyuton
fizikasındakı mütləq və öz başına olan bir zamanın qəbulu ilə bu növ bir cəhd
etmək mümkün görünməməkdədir. Ancaq Eynişteyin zamanın mütləq və dəyişməz
olmadığına aid tapıntıları sadəcə fiziki mənada bir zaman yerinə “kosmos(fəza)
zamanının qəbulu olaraq əks olunmamışdır,fikri mənada da zamanın başqa varlıq
ilə iç-içə olma ehtimalı üzərinə fəlsəfəçilərin baş sındırmasına vəsilə
olmuşdur. Necə ki “kosmos(fəza) zamanı”nın zehni ifadəsinə bənzər bir “daxili
zaman şüuru” tərifi ilə Husserl şüuru zamanla birlikdə, zamanı da şüurla
birlikdə ələ almışdır. Husserlə görə şüur və zaman bir-birilərinə möhtac olaraq
və başqa heç bir şeyə möhtac olamayaraq var olurlar. Bu çərçivədə Husserl
“daxili zaman şüuru” anlayışını irəli sürmüşdür. Bənzər şəkildə Heidegger de
“yaranma” anlayışı ilə varlığı zamanla birlikdə, zamanı da varlıqla birlikdə ələ
almışdır. Bu çərçivədə dövrün bütün mütəfəkkirləri üçün mütləq zaman
anlayışından uzaqlaşıldığı və zamanın şüurdan şüura, varlıqdan varlığa və ya
başqa bir vasitə ilə , bir şəkildə nisbi olduğu fikrinin hakim olduğunu söyləmək
mümkündür.
Yorumlar
Yorum Gönder