Goodfellas ən məşhur mafiya mövzulu
filmlərdəndir.1990-cı ildə yayımlanmış film Martin Scorsesenin şah əsərlərindəndir.
Nicholas Pileggi tərəfindən yazılmış Wiseguy əsəri təməl alınaraq çəkilmiş film
real hadisələrə əsaslanır. Filmdə Ray Liotta, Joe Pesci, Robert De Niro və s.
buna oxşar filmlərdə oynamış, məşhur
aktyorlar rol alıblar.
aktyorlar rol alıblar.
Filmdə
standart anlatmın hadisələrin indidə yaşanır hissi oyandırmağına qarşı Henry və
həyat yoldaşı Kareninin kriminal anlatımı hadisələri keçmişə aparması, Henrinin
uşaqlığından bəri özəndiyi qanqsterlər dünyasına girməsiylə bu dünyaya sürətli
uyumunu pozan yaralı adama göstərdiyi "həddindən artıq" həssaslıq, çox
vaxt arxa planda olan kameranın əksinə bəzən birinci şəxs yerinə keçməsi kimi
ikililiklər filmdə xüsusi dinamizm yaradırlar.
Filmdə
set dizaynından fərqli olaraq geyim dizaynını uğurlu hesab etmirəm. Fikrimcə
geyimlər obrazların xarakterini yansıdacaq şəkildə dizayn edilmişsədə süni
alınmış və filmdəki dinamizmlə və çatdırmaq istədiyi dünyayla uyuşmamışdır.
Filmdə
mafiya dünyası ilə "normal" dünya arasında əlaqə görmürük halbukə
mafiya dünyası normal dünyanın çatlaqlarından doğmuşdur və onunla ziddiyətlidir.
Qanqsterlərə görə sabah 9-dan axşam 5-ə kimi işləyən, xərclərini güclə ödəyən
insanlar axmaqdırlar və bu onlar üçün alçaldıcıdır. Qanqsterlər onlar kimi
olmamaqla qürur duyurlar. Burda başqa bir ikili yaradılmağa çalışılmışdır. Amma
bunun gərəksiz olduğunu düşünürəm çünki çatdırmaq istənilən dünya ilə uyğun
deyil. Ümumiyyətlə Amerikadakı mafiyanın yaranmasının əsas səbəbi italyanların
Amerikaya köç elədiyi dövrdəki hadisələr və problemlərdiki italyanlar burdada öz
ölkələrindəki həyat tərzlərini yaradırlar. Yəni mafiya ilə normal dünya ziddiyətli
yox tərsinə iç-içədir.
Filmdə ən
sevdiyim səhnələrdən biri Henry həyat yoldaşı Karen ilə danışarkən Karenin ona
həbsə düşməyindən qorxmasını deməsi üzərinə Henryinin dediyi-narahat olma bizdən
heç kim istəməsə həbsə düşmür, həbsə düşənlər arvadından bezənlərdi-cavabıdı. Bu
cavabla mafiya ailəsni çox gözəl təsvir edir. Digər səhnələrdən biridə Tommynin
axşam dostları ilə həmişəki kimi əylənərkən xırda zarafata görə onlardan birini
öldürməsidir. Onu güllələdikdən sonra yaxınlaşıb öldüyünü gördüklərində Joe
Pescinin möhtəşəm canlandırmasıyla Tommynin - lənətə gəlsin, kəskin nişançıyam
- zarafatını eləməsi obrazı mükəmməl ifadə edir.
Goodfellas
filmindəki bəzi bəyənmədiyim cəhətlərə baxmayaraq mafia mövzulu filmlərdəki ən
yaxşılardandır.
Amin Məmmədzadə
Yorumlar
Yorum Gönder