Qriqoriy Petrovun "Ağ zanbaqlar ölkəsi" (Финляндия, страна белых лилий). Finlandiyanın tarixi haqda maraqlı yazılmış (sadəcə
son başlığı bir az uzadılmış gəldi) kiçik həcmli, buna baxmayaraq oxumağa dəyər
bir kitabdır. Kitabın üzərində Türkiyədə Qurandan sonra ən çox satılan kitab
yazılıb və bu heç təəccüblü deyil. Kitabdan bir sitat gətirirəm: "Allahsızlıq ürəyin şikəstliyi ruhun xəstəliyidir.
Allahsızlıq xalqın varlığına özünə yer tapmış bütün müqəddəsliklərin ölümüdür və
elə bunun nəticəsində, biz indi heyvan-insanlar, mənəviyyatsızlıq,
əxlaqsızlıq, kobud təkəbbür, talançılıq, sırtıqlıq səviyyəsinə çatmış
pozğunluqla üz üzəyik." Yohan
Vilhelm Snelman. Snelmanın həyatını və kitabda yazılanları oxuduqca onun
necə güclü motivator olduğuna heyran olursan, amma "filosof"-un bu
fikri olmağından çox onun öz fikrini tənqid yox təhqirlə çatdırmasını
onun kimi
yüksək tutulan şəxsiyyətə yaraşdırmadım, amma hamının səhvi olur deyə bunu da
bağışlamaq olar. Kitab boyu verilən məsləhətlər, göstərilən misallar, motivator
çıxışlar, çox maraqlı şəkildə çatdırılan tarixi hadisələr və sadə olsa da
çoxluğun anlamadığı fəlsəfi fikirlər çatdıran bir kitabdır. Hətta belə bir tərzdə
AXC tarixi və Rəsulzadə kitabla qarşılaşmadığıma görə məyus oldum (əgər varsa,
kommentdə qeyd edin zəhmət olmasa). Kitabda ailələrə və böyüklərə verən hissələrini
çox sevdim. Məsələn, valideynin övladına nə etməli olduğunu deməkdənsə nə etməli
olduğunu özündə nümunə kimi göstərməsi məsləhətini sevdim. Kitabda bu kimi mənə
maraqlı gələn başqa sitatlar da var: "Məktəb
bizim başlıca sərvətimizdir", "Ağayana paltar, nişastalı yaxalıq və başa qoyulan son dəbli şlyapa
ziyalılıq deyil. Ziyalılıq xalqın ağlını, iradəsini, enerjisini və vicdanını
oyatmaq və ayıltmaqdır." və s. "İstənilən xalqın hakimiyyəti və hakimi özünə layiqdir" fikrini
səsləndirib sonra bu fikir üzərinə kitab boyu dəfələrlə qayıdaraq gah onu təstiq
gah da təkzib etməsini izləmək xüsusi ilə maraqlı gəldi. Çox uzun diskussiyaya
səbəb ola biləcək potensiala malik bir kitabdır. Bir də tərcüməçi barədə
kiçik bir fikir bildirmək istərdim. Artıq Araz Gündüzün tərcümə etdiyi və tərcüməçisinə
fikir verdiyim 3-cü kitabını oxuyurdum. Bundan əvvəl Siqmund Freyd "Psixoanalizlə ilkin tanışlıq" və
Stiven Hoking "Zamanın qısa tarixi"
kitablarını oxumuşdum və tərcüməsini heç bəyənməmişəm hər iki kitabında da...
Rövşən Nəzərov
Yorumlar
Yorum Gönder