Con Gerassi 1976-cı ildə feminizmin əsas mənbələrindən
biri olaraq qəbul edilən və Simon de Bovuar tərəfindən yazılmış olan “İkinci
cins”(Le Deuxeme sexe)-in yayımlanmasının 25-ci illiyi münasibətilə kitabın
yazarından müsahibə almışdır. Bu müsahibəni aşağıda oxuya bilərsiniz. Bovuar
müsahibənin baş tutduğu illərədə xüsusi nüfuza malikdir və dediyi hər söz ciddi
qəbul ediləcək dərəcədə intellektual hesab olunur. 1976-cı ildə artıq çox olan
yaşına rəğmən yenə də siyasi fəaliyyəti
və ədəbiyyata olan marağı zəifləməmişdir. Yaşının gərəkdirdiyi şərtlər daxilində bəzi yerlədə pessimizmə qapıldığı kimi, bəzi yerlərdə də ədəbi uşaqlığını qoruduğu müşahidə olunur. Lakin hələ də iki qütblü dünyanın hakim olduğu illərdir və bunun təsiri də olduqca hiss olunur.
və ədəbiyyata olan marağı zəifləməmişdir. Yaşının gərəkdirdiyi şərtlər daxilində bəzi yerlədə pessimizmə qapıldığı kimi, bəzi yerlərdə də ədəbi uşaqlığını qoruduğu müşahidə olunur. Lakin hələ də iki qütblü dünyanın hakim olduğu illərdir və bunun təsiri də olduqca hiss olunur.
Gerassi: “İkinci
cins”-in yayımlanmasından 25 il keçdi. Bir çox oxucu, xüsusilə də Amerikalı
oxucularınız bu kitabı müasir feminizmin çıxış nöqtəsi olaraq qəbul edir. Bəs
siz necə düşünürsünüz?
Bovuar: Mən
elə düşünmürəm, günümüzün feminist hərəkatı beş altı il əvvəl başlamışdı, mənim
kitabımı isə onda heç kim bilmirdi. Daha sonradan, hərəkat böyüdükcə, bəzi hərəkat
öndərləri kitabımda öz nəzəri əsaslarının bəzilərinə rast gəldi. Amma qəti
olaraq deyə bilərəm ki, “İkinci cins” kitabım feminist fərəkatı başlatmamışdır.
Kitab 49-50-ci illərdə ilk dəfə yayımlandığında hazırda hərəkat içərisində
aktiv fəaliyyət göstərən bir çox qadın ondan təsirlənmək üçün hələ çox gənc
idi. Amma məni məmnun edən şey onların kitabımı sonradan da olsa kəşf etmələri
idi. Əlbəttə ki, bəzi yaşlı nümayəndələr - məsələn, Betty Friedan
“The Feminine Mosguito” adlı
kitabını mənə ithaf etmişdi - kitabımı oxumuş və bəlkə də, hansısa bir formada
təsirlənmişdilər. Kimlərsə də heç təsirlənməmişdi. Məsələn, Kate Millet,
araşdırmalarında bir dəfə də olsun məndən bəhs etməmişdi. Qadınlar “İkinci
cins”-də açıqladığım səbəblərdən dolayı feminist olmamışdılar, ancaq bu səbəbləri
öz həyatlarında kəşf etmişdilər, mənim kitabımda yox.
Gerassi: Öz
feminist şüurunuzun formalaşmasını “İkinci cins”-i yazdığınız vaxtlardakı təcrübələrinizdən
qaynaqlandığını qeyd etmişdiniz. Beləliklə, öz təcrübələrinizdən yola çıxacaq
olsaq, kitabın yayımlanmasından sonra
feminist hərəkatın inkişafını necə qiymətləndirirsiniz?
Bovuar: “İkinci
cins”-i yazdığım vaxtlarda həyatımda ilk dəfə bir həqiqəti başa düşmüşdüm. O da
yalnış bir həyatı yaşamaqda olduğum idi. Ya da daha doğrusu, bilmədən də olsa,
patriarxal cəmiyyətdən qidalanmağa çalışdığım idi. Əvvəlki həyatımda etdiyim
şeylər kişi dəyərlərini qəbul etməyim və o dəyərlərə əsasən yaşamağım idi. Təbii
ki, bu məsələdə də olduqca uğurlu idim. Və bu, qadın və kişi ancaq qadın istədiyi
təqdirdə bərabər olduqları düşüncəsini diktə edirdi. Başqa cür ifadə etsək, mən
bir intellektual idim. Cəmiyyətin sadəcə məni ən yaxşı məktəblərə göndərə biləcək
deyil, eyni zamanda da düşüncələrlə təlaşsız bir şəkildə oynamağıma imkan verəcək
bir sinifə mənsub olmaq şansım vardı, burjuaziya sinifinə. Bundan ötrü çox də əziyyət
çəkmədən “kişilərin dünyasına” daxil ola bilmişdim. Gördüm ki, “kişilərin səviyyəsində” fəlsəfə, incəsənət, ədəbiyyat və s. haqqında
danışa bilirdim. Şəxsiyyətimin qadınlıq ifadə edən bütün hissələrini isə gizlətmişdim.
Daha sonra isə uğurlarımdan qaynaqlanan davam etmə əzmi ilə motivasiya olunurdum.
Davam etdikcə görürdüm ki, kişi intellektuallar qədər
pul qazana və kişi həmkarlarım qədər nüfuz qazana bilirəm. Artıq tək başıma səyahətə
çıxa bilirdim və kafelərdə oturub digər kişi
yazarlar kimi yaza bilirdim və hörmətlə qarşılanırdım. Hər addımda müstəqillik
və bərabərlik vəziyyətini daha da sağlam bir hala gətirirdim. Elə bir nöqtəyə gəlib
çatmışdım ki, eyni imkanlara bir katibənin çatmaq imkanı olmadığını yaddan
çıxarmışdım. Onun bir kafedə söz atılmadan oturub kitab oxuması mümkün deyildi.
Çox nadir hallarda sadəcə “ağlı” üçün tədbirlərə dəvət edilərdi, etibar və nüfuz
qazana bilməzdi. Amma mən bunların hamısını edə bilirdim. Daha da önəmlisi mən
kişilərdən ruhən və maddi olaraq
asılılığını aradan qaldıra bilməyən qadınları daha aşağı qiymətləndirməyə hələ
də meyilli idim. Baxmayaraq ki, öz özümə “mən edə bilirəmsə, onlar da edə bilər”
deməsəm belə, yenə də eyni cür düşünürdüm.
“İkinci cins” kitabı ilə əlaqədar apardığım araşdırmalar
və kitabın yazılma müddətində mən başa düşdüm ki, əldə etdiyim bu xüsusi
imkanlar ancaq öz qadınlığımdan etdiyim güzəştlərin bir nəticəsidir. İqtisadi
sinifi terminlərlə izah edəcək olsam daha asan başa düşə bilərik: mən öz
sinifimdən imtina edən xain biri idim. Əslində mən cinsiyyət mübarizəsində bərabərlik
nümunəsi idim. “İkinci cins”-i yazdığım müddətdə ehtiyac duyulan mübarizənin önəmini
anlamışdım. Başa düşmüşdüm ki, qadınların böyük əksəriyyəti mənim sahib olduğum
seçimlərə sahib deyil. O qadınlar ki, əslində, o termin(qadın) yıxıldığında tamamilə çökəcək olan kişi hegemoniyasının strukturu
içərisində ikinci cins olaraq qiymətləndirilənlər və nəzərdən keçirilənlərdir.
Ancaq eynilə digər daha böyük iqtisadi və siyasi təzyiqlərə məruz qalan
insanlarda olduğu kimi üsyan çox çətin və yavaş inkişaf edə bilən bir şey idi.
Bu insanlar əvvəlcə o təzyiqin nə olduğunu anlamalı idilər. Daha sonra isə dəyişiklik
üçün öz güclərinə inanmalı idilər. Kişilərlə “müttəfiqlikdən” qazancı olanlar
etdikləri xəyanətlərinin təbiətini anlamalı idilər. Ən sonunda isə ortaya bir mövqe qoyacaqları
halda, mənim kimi karyeralarını, mövqelərini itirəcək olanlar, öz nüfuzlarını
qazanmaq üçün risk almağa məcbur olacaqdılar. Və onlar başa düşməlidirlər ki, ən
çox istismar olunan yoldaşları yanlarına ən sonda qatılanlar olacaqdır. Bir fəhlənin
həyat yoldaşı, örnək verəcək olsaq, belə bir hərəkata qatılmaq üçün ən az istəkli
olan olacaqdır. Çünki o qadın bilir ki, əri bir çox femminist liderdən daha çox
istismar olunmaqdadır və yaşamaq üçün həyat yoldaşına bir evdar qadın, ya da
ana kimi daha çox ehtiyacı var. Nə isə, bütün bu səbəblər nəzərə alındığında
qadınlar hərəkət eməkdən çəkinirlər. Bəli, siyasi təşviqlər, ya da qadınların
siyasətdə, o cümlədə hökumətdə yer alması ilə bağlı olaraq bir sıra hörmətə
laiq, amma cılız fəaliyyətlər olmuşdu. Mən bu cür qruplarla əlaqə qura bilmədim.
Daha sonra 1968-ci il gəldi və hər şey bitti. Ondan daha əvvəl də önəmli hadisələr
baş verdiyini bilirdim. Betty Friedanın kitabı 1968-dən əvvəl yayımlanmışdı. Əslinə
Amerikan qadınları təşkilatlanmağa hələ 1968-ci ildən daha əvvəl başlamışdı.
Onlar digər bütün qadınlarla müqayisədə, əlbəttə ki, çox açıq şəkildə yeni
texnologiyalarla qadını mətbəxə həbs edən mühafizəkar rol arasındakı ziddiyyətin
fərqində idilər, texnologiya inkişaf etdikcə - qol gücü əvəzinə beyin gücünü önəmsəyən
texnologiyanı nəzərdə tuturam - kişilərin irəli sürdüyü qadının daha zəif
olması və cəmiyyətdə ikinci rola malik olması tezisi artıq müdafiə oluna
bilmirdi. Texnoloji inkişaf bütün Amerikada yayılmağa başladıqca Amerikan
qadınları bu ziddiyyətləri görməzdən gələ bilməmişdi. Feminist hərəkatın ən
böyük dəyişikliyinin (accelleration)
ki, bərabər işə görə bərabər maaş tələbi tamamilə iqtisadi bir tələb idi və
bunun imperial kapitalizmin vətənində baş verməsindən daha təbii bir şey yox
idi. Ancaq Anti-imperialist hərakatla birlikdə gerçək feminist şüur da inkişaf
etmişdi.
Amerikada Vietnam müharibəsinə qarşı fəaliyyətləri
ilə, ya da Fransa və digər Avropa ölkələrindəki üsyanın yan təsirləri ilə
qadınlar öz güclərini hiss etməyə başlamışdı. Bütün dünyada kapitalizmin kasıb əhalinin
təzyiqə məruz qalmasına rəhbərlik etdiyinin başa düşülməsi ilə qadınların böyük
bir bölümü sinfi mübarizəyə qatılmışdı. “Sinfi mübarizə” termini qəbul etməyənlər
belə. Aktivist oldular. Tətillərə, mitinqlərə, kompaniyalara, gizli təşkilatlara
və militan sol qruplara daxil olmuşdular. Ən azı kişilər qədər istismarın və kənarlaşdırılmanın olmadığı bir
gələcək üçün mübarizə aparmışdılar. Amma nə baş verdi? Qatıldıqları qrup və ya
təşkilatlarda ən azı dəyişdirmək istədikləri cəmiyytədə olduğu kimi ikinci cins
olduqlarını görmüşdülər. Burada Fransada və iddia edirəm ki, buradan daha çox
Amerikada da liderlərin hər zaman kişilər olduğunun şahidi olmuşdular. Qadınlar
bu sözdə inqilabi qrupların tipik çay gətirənlərinə çevrilmişdi. Əlbəttə, sözdə
inqilabçı deməməli idim. Ancaq kişilərin hegemon olduğu bir cəmiyyətdə təhsil
alan, yetişdirlən və formalaşdırılan o inqilabçılar bu təhsili də özləri ilə bərabər
daşıyırlar.
Başa düşlən bir formada, bu cür kişlər, eynilə
burjuaziyanın öz güclərini könüllü olarq tərk etməyəcəyi kimi, o təhsil
aldıqları şeylərdən əl çəkməyəcəklər. Yəni, eynilə zənginlərin əlindən gücü
almaq kasıbların əlində olduğu kimi, kişilərin əlindən gücü almaq da qadınların
əlindədir. Və bu o demək deyildir ki, kişilərə qarşı bir təzyiq
formalaşdırılsın. Eynilə bütün insanlar arasında iqtisadi bərabərliyi təmin etmək
məqsədi ilə sosializmdə, həqiqi sosializmdə edildiyi kimi qadınlar hegemon güclərin
əlindəki iqtidari, bu situasiyada kişilərin əlindəki iqtidarı almağa məcbur
olduğunu öyrənmişdir.
Belə də deyə bilərik, qadınlar bir vaxtlar sinifi
mübarizənin içərisində yer almalı olduqlarında başa düşmüşdülər ki, sinfi
mübarizə cinsiyyət mübarizəsini təmin etmir. Məhz bu nöqtədə mən öz dediklərimi
anlamağa başladım. Bundan əvvəl mən də cinsiyyətlər arasındakı bərabərliyin
ancaq kapitalizmin yıxılması ilə təmin olunacağına, buna görə də öncəliklə
sinfi mübarizənin dəstəklənməsinə inanmışdım. Bax, məhz bu ilkinlik məsələsi
yalnış idi. Kapitalizmdə cinsiyyətlər arasındakı bərabərliyin təmin oluna bilməyəcəyi
fikir doğrudur. Əgər bütün qadınlar kişilər qədər çalışsalar, kapitalizmin sözdə
əsaslandığı kilsə, ordu, evlilik və ucuz işçi qüvvəsin, əmək bölgüsü və yarı
müddətə işləməyə əsaslanan milyonlarla fabrik, dükan və mağazasına nə olardı?
Ancaq cinsiyyətlər arası bərabərliyi təmin etmək üçün sosialist bir inqilaba
ehtiyac olduğu da doğru deyil. Sadəcə(razılaşmadığım şəkildə hər kəsin
“sosialist bir ölkə” olduğunu qeyd etdiyi) Sovet Rusiyası və Çexoslovakiyaya
baxdığımızda proletariatın azadlığı ilə qadınların azadlığı arasında təməl bir
qarışıqlıq olduğunu görəcəyik. Hər necə olursa, proletariat hər zaman kişilərdən
təşkil olunmaqdadır. Patriarxal dəyərlər ən azı orda da burda olduğu qədər dəyişilmədən
davam etməkdədir. Və bu - sinfi mübarizənin cinsiyyət mübarizəni əhatə etmədiyi
düşüncəsi - yeni bir şeydir. İndi hərəkatdakı bir çox qadın bunu anlaya bilir.
Bu feminist hərəkatın ən böyük uğurudur. Bu uğur gələcək illərdə tarixi dəyişdirəcəkdir.
Gerassi: Ancaq
bu düşüncə solçu qadınlarla, yəni cəmiyyəti tamamilə yenidən yaratmağa həyatını
həsr etmiş qadınlarla sərhədlidir.
Bovuar: Əlbəttə,
çünki mühafizəkarlar var olanı və var olmuş olanı mühafizə etmək istəyirlər.
Sağ düşüncəli qadınlar inqilab istəmirlər. Onlar anadır, həyat yoldaşıdır və
özlərini kişilərinə həsr etmişdir. Ya da əgər təhrikçidirlərsə, məqsədləri
pirogdan daha çox pay əldə etməkdir. Daha çox qazanmaq, parlamentə daha çox
qadın daxil etmək, bir qadın prezident görmək istəyirlər. Əsasda barabərsizliyə
inanırlar və altda olmaq əvəzinə üstdə olmağı tələb edirlər. Ancaq bu istəklərini
təmin edəcək kiçik dəyişikliklərlə və ya hazırkı vəziyyəti ilə sistemə uyğun
davranacaqlar. Kapitalizm qadınların orduya və ya polisə qatılmasına imkan verməkdədir.
Kapitalizm təbii ki, daha artıq qadının hakimiyyət işlərinə qatılmasına imkan verəcək qədər ağıla
sahibdir. Sözdə olan sosializm bir qadının partiyanın ümumi katibi olmasına
mütləq şəkildə icazə verəcəkdir. Bunlar sadəcə sosial sığorta və ya maaşlı məzuniyyət
kimi, adi islahatlardır. Maaşlı məzuniyyətin gerçəkləşdirilməsi kapitalizmdəki
bərabərisizliyi azlatmışdırmı? Çex cəmiyyətindəki kişi hegemoniyası qadınların
kişilərlə fabriklərdə işləmək haqqı ilə aradan qalxmışdırmı? Amma hər cəmiyyətdəki
dəyərlər sistemliliyini dəyişdirmək, analıq məfumunu yıxmaq, bax, əsl inqilab
budur.
Özünü elə adlandırsın, ya da adlandırmasın bir
feminist mahiyyət etibarilə bir solçudur. O, ümumi bərabərlik üçün mübarizə
aparmaqdadır, ən azı hər hansı bir kişi qədər önəmli ola bilmək, nüfuz sahibi
ola bilmək(sözü keçmək) haqqı üçün. Buna görə də, cinsiyyət bərabərliyi üçün
üsyan istəyi sinfi bərabərlik istəyi içərisində formalaşmaqdadır.
Kişilərin də
ana ola bildiyi cəmiyyətlərdə, arqumentimizi dəyərlər üzərindən aparacaq olsaq,
“qadın intuisiyası”, “kişi ağılı” - bugünün absurd dilindən istifadə edəcək
olsaq - qədər önəmli, incə və yumşaq olmaq sərt və qırılmaz olmağa bərabər
olduğunda, başqa bir ifadə ilə bir fərdin təcrübələri digərinkinin təcrübələri
ilə bərabər olduğunda, tam formada iqtisadi, siyasi və daha artıq bərabərliyi
avtomatik olaraq yarada bilərsiniz. Dolayısı ilə cinsiyyət uğrundakı mübarizə
sinfi mübarizəni də əhatə edir, ancaq sinfi mübarizə cinsiyyət mübarizəsini əhatə
etmir.
Feministlər məhz bu baxımdan sol yönümlüdürlər.
Daha doğrusu siyasi sol adlandırdığımız hissənin də solunda yer almaqdadırlar.
Gerassi: Ancaq
qadınlar cinsiyyət mübarizəsini ancaq sol daxilində aparmaqla – sizin də
dediyiniz kimi cinsiyyət mübarizəsi indiki anda digər siyasi aktorlar baxımından
önəmsiz olduğu üçün – solu zəiflətmirlərmi? Feministlər kasıblarla qadınları
istismar edənlər arasında seçim etmək məcburiyyətində qaldıqlarında solu zəiflətmiş
və dolayısı ilə qadınları və kasıbları istismar edənləri gücləndirmiş
olmurlarmı?
Bovuar: Xeyr,
bu ölçüdən baxdığımızda bu yanaşma solu gücləndirəcəkdir. Əvvəlcə, solçu olan,
yəni istismara qarşı çıxan tərəf olan kişilər iqtidarlarını yenidən nəzərdən
keçirmək məcburiyyətindədirlər. Get-gedə artmaqda olan bir çox qrup öz hegemon
kişi liderlərini özləri ilə eyni səviyyədə saxlayırlar. Bu bir inkişafdır təbii
ki. Qəzetimiz olan Liberationdakı hakim kişi çoxluq özlərini bir qadını qəzet
redatoruluğuna gətirilməyə məcbur hiss etmişdi. Bax, bu inkişafdır. Solçu kişilər
artıq danışıqlarına daha diqqətlə yanaşmağa başlamışdır.
Gerassi: Amma
bu nə dərəcədə həqiqidir? Məsələn, mən qadınlara “kompliment” deməməyi, bir
qrup daxili müzakirədə qadınları dinləməyi, qabları yumağı, evi təmizləməyi, ya
da bazarlıq etmək kimi məsuliyyətləri qəbul etməyi öyrəndim. İndi mən daha azmı
cinsiyyətçiyəm? Kişi dəyərlərini rədd etdimmi?
Bovuar: Mən
dediyinizdə özünüzdənmi bəhs edirsiniz? Açığını desək bu kim üçün önəmlidir?
Bir dəqiqə düşünək. İrqçi bir cənublunu götürək. Bu adamın bütün həyatını
bildiyiniz üçün onun bir irqçi olduğunu bilirsiniz. Amma adam heç vaxt “zənci”
sözünü istifadə etmir. Adam qaradərili insanların bütün etirazlarına qulaq asır
və problemlərini həll etmək üçün əlindən gələni edir. Digər irqçilərdən
ayrılmaq üçün hər şeyi edir, onlardan uzaqlaşır. Qara dərili uşaqların təhsildən
kənar qaldıqları illər üçün boşluğu doldurmaq üçün normaldan daha çox təhsil
almasını tələb edir. Qara dərililərə kreditin daha tez təsdiq olunması üçün
onlara yardım edir. Bölgəsindəki qaradərili insanaları həm maddi, həm də səs
baxımından dəstəkləyir. Sizcə qara dərili
insanlar üçün bu adamın ruhən əvvəlki kimi irqçi olub olmadığının bir önəmi
olacaqmı?
İstismarın
obyektiv olan bir çox tərəfi vərdişlərlə əlaqəlidir. Vərdişlərinizi dəyişdirə
bilərsiniz, yeni və fərqli vərdişlər qazanmağınız daha təbii olaraq formalaşacaqdır
ki, bu da böyük bir addımdır. Qabları yuya bilərsiniz, evi təmizləyə bilərsiniz
və bunları etdiyiniz zaman da daha az kişi kimi hiss etməzsiniz, yeni vərdişlərin
yaranmasına imkan yaradısınız çünki. İki nəsil irqçi olmamağın lazım olduğu
düşüncəsi ilə yaşadı, üçünçü nəsil isə həqiqətən irqçi olmadan formalaşdı.
Cinsiyyətçi olmadığını deyərək rol oynayın və bu cür oynamağa davam edin. Bunu
bir oyun kimi düşünün. Xüsusi, gizli düşüncələrinizdə inandığınız kimi
qadınlardan daha güclü olduğunuzu düşünün. Ancaq bu oyunu nə qədər inandırıcı
oynasanız da - yəni qabları yumaq, evi təmizləmək,
uşaqlara baxmaq, bazarlıq etmək kimi işləri görsəniz - örnəklər yaratmış
olursunuz. Xüsusilə də qaba kişilər üçün. Əsas problem isə mənim buna
inanmadığımdır. Dediklərini etməyə davam edəcəyinizə inanmıram. Qabları yumaq
bir şeydir, hər gün uşaq bezini dəyişdirmək isə tamamilə başqa bir şey...
Gerassi: Mənim
uşağım yoxdur
Bovuar: Niyə
yoxdur? Uşağınızın olmamasınımı istədiniz? Anaların uşaq sahibi olmalarını həqəqtən
istədiklərinimi düşünürsünüz? Ya da uşaq sahibi olmaq barədə təhdid edildiklərinimi?
Ya da hiləgərcəsinə uşağa sahib olmanın təbii, normal, qadına xas olduğunu deyən
dəyərlərlə böyüyərək uşaq sahibi olmağı seçdiklərinimi? Bu məcburi seçimi
onların əvəzinə kim seçdi? Bax, dəyişilməsi gərəkli olan dəyərlər bunlardır.
Gerassi: Yaxşı,
məhz bu səbəbdən də bildiyim qədəri ilə bir çox feminist ayrıseçkilik məsələsində
israr edir. Ancaq inqilab həm mənim üçün həm də sizin üçün qrupları bir-birindən
ayrımaqla gerçəkləşə bilərmi? Feminist hərəkat kişiləri öz mübarizəsindən kənarlaşdıraraq
uğur əldə edə bilərmi? Bu gün qadın hərəkatının əzici çoxluğu, bu Fransa üçün ən
azından, Amerika üçün də keçərlidir, təbii ki, daha çox ayrıseçiciliyə əsaslanır.
Bovuar: Bir dəqiqə
xahiş edirəm. Gəlin, qadınların niyə ayrıseçkilik tərəfdarı olduqlarını
araşdıraq. Amerika üçün deyə bilmərəm, təbii ki, amma Fransada bir çox fərqli
qrup var. Onlar kişiləri öz qruplarından kənarlaşdırırlar. Kənarlaşdırırlar,
çünki bunun qadın olaraq özlərini yenidən müəyyən etmək üçün önəmli olduğunu
düşünürlər. Bunu sadəcə öz aralarında danışaraq ərləri, ataları,
qardaşları ya da hər hansı bir maskulin
bir gücün qarşısında heç vaxt etiraf edə bilməyəcəkləri şeyləri ifadə edərək
edirlər. Ancaq bu yolla əldə oluna bilən daxili güvən hiss ilə danışmağa
ehtiyac duyurlar. Və mənim 25 yaşımdan daha əvvəl heç vaxt var olduğunu, ya da
var ola biləcəyini xəyal belə etməyəcəyim dərəcədə dərin ünsiyyət qurmağın
yolunu tapmışdılar. Ən səmimi qadın dostlarımla qurduğum ən məhrəm münasibətlərimdə
belə feminen problemləri heç vaxt danışa bilmirdik. İndi isə bu qruplarda qadın
problemləri ilə həqiqətən üzləşmək arzusu ilə qadınlar arasında həqiqi dostluq
mühiti yaradılmışdır. Demək istədiyim odur ki, keçmişdə, mənim gəncliyimdə son
vaxtlara qədər qadınlar öz aralarıda həqiqətən dostluq qurmazdılar. Bir-birilərini
rəqib, düşmən və ya ən azından yarışdıqları biri olaraq görərdilər. İndi isə
daha çox bu qrupların varlığının nəticəsi olaraq, bir-biriləri ilə sadəcə
dostluq qurmaqla qalmadılar, eyni zamanda bir-birilərinə qarşı dərin, açıq,
isti və bacılıq, həmrəylik duyğusunu gerçəklişdirməkdədir və bunu lezbian cinsəllik
haqqındakı düşüncələrə əsaslanmadan etməkdədirlər. Təbii ki, bir sıra başqa
mübarizələr də aparılmaqdadır, qadınların kişilərində iştirakını gözlədiyi son
dərəcə feminist mübarizələr.. Məsələn, abortun qanuniləşdirilməsi kimi. Biz bu
məsələ ilə bağlı ilk böyük kütləvi aksiyanı təşkil etdiyimizdə, üç və ya dörd
il əvvəl, çox sayda kişinin iştirak etdiynə şahid olmuşduq. Bu onların cinsiyyətçi
olmadığını göstərmir təbii ki. Bir kişinin davranışlarında və dəyərlərində
uşaqlıq illərindən etibarən formalaşmış, dəmir atmış bir şeyləri söküb dağıtmaq
illər, bəlkə də on illər çəkə bilər. Amma ən azından bu adamlar cəmiyyətdəki
cinsiyyətçiliyini fərqinə varıb ona qarşı siyasi mövqe sərgilməşdilər. Bunun
kimi vəziyyətlərdə kişilər hərəkat daxilində xoş qarşılanmaqda, hətta ürəkləndirilməkdədirlər.
Gerassi: Ancaq bütün bunlarla birlikdə ən azından
Fransadakılar, ayrıseçkiliklərini açıq bir şəkildə dilə gətirirlər və mübarizələrini
lezbiyan olaraq adlandırmaqdan qürur duyurlar.
Bovuar: Bir qədər
dəqiqləşdirmək lazımdırsa, MLF-də (Qadnların Azadlıq Hərəkatı) bir çox qrup
vardır ki, bəli, özlərini lezbian olaraq adlandırmaqdadır. Bu qadınların bir
çoxu MLF-yə və digər qruplara öz lezbian orientasiyalarını açıq şəkildə dilə gətirə
bilmələrinə imkan yaratdıqları üçün təşəkkür edirlər və bu möhtəşəm bir şeydir.
Bu daha əvvəllər heç də bu formada deyildi. Bir çox qadında sırf siyasi
bağlanma ilə əlaqədar olaraq lezbian olmuşdur. Bu lezbianlığı siyasi bir mövqe
olaraq gördüklərindən dolayı bu cür olmuşdur. Bu qara dərili vəkillərin
irqçiliyə qarşı mübarizələrinin nəticələri ilə müqayisə oluna bilər. Kişilərin
mübarizələrindən kənarlaşdırılmasına isə daha dogmatik yanaşmaqdadırlar. Amma
bu o demək deyil ki, bu qadınlar hər yerdə olan zülmə arxalarını çevirirlər. Məsələn,
gənc Mao-cu aktivist Pierre Overney Reno
fabrikində siyasi fəaliyyətlərinin təbliğatını apardığı səbəbi ilə polislər tərəfindən
amansızcasına öldürüldüyündə və bütün solçular Parisdə yürüşə çıxdıqlarında,
ayrıseçkilikdə günahlandırılan lezbiyanlar yürüşə qatılmış və məzarlığa qədər əklil
aparmışdılar. Bir kişi olan Overneyi dəstəkləmək üçün deyil təbii ki, insanları
- qadınları və kişiləri - istismar edən
və onaların həyatına önəm verməyən dövlətə qarşı aparılan etirazı dəstəkləmək
üçün.
Gerassi: Qadın
azadlığının bir digər nəticəsi də, Amerikan universitetlərinin apardığı bir
sıra araşdırmalara görə kişi cinsi zəifliyində artışın olmasıdır. Xüsusilə də
cinsiyyətçiliyə qarşı mübarizə aparmağa çalışan gənc kişilərdə.
Bovuar: Bu onların problemidir, onlar öz rollarını oynamağa
çalışırlar.
John Gerassi, 1976
Society, Jan-Feb. 1976
Southampton University
Transaction Publishers,1995
Yorumlar
Yorum Gönder