Onlar qəribə bir ikili idilər.
Albert Kamyu yoxsulluqda doğulmuş, Bogart-vari (Humprey Bogart
- “Casablanca” filmindən aktyor) çevrəsi ilə öz çevrəsini
sehirləməyi bacarmış, fransız əsilli Əl-Cəzairli bir qara ayaq (Pied-noir -
Fransadan Şimali Afrikadakı müstəmləkələrə köçən fransızlara verilən ad)
idi. Jan Pol Sartr isə fransız cəmiyyətinin yuxarı
təbəqəsindən çıxmış, yaraşıqlılıq ilə yaxından uzaqdan əlaqəsi olmayan biri idi. İkili Alman işğalı ərəfəsində Parisdə tanış oldular və İkinci Dünya müharibəsindən sonra səmimiyyətləri daha da artdı. Şəhərin üzərindəki qara buludların dağılıb işığının yavaş-yavaş özünə qayıtdığı günlərdə Kamyu Sartrın ən yaxın dostu idi. “Necə də sevmişdik səni” deyə yazmışdı Sartr daha sonraları.
təbəqəsindən çıxmış, yaraşıqlılıq ilə yaxından uzaqdan əlaqəsi olmayan biri idi. İkili Alman işğalı ərəfəsində Parisdə tanış oldular və İkinci Dünya müharibəsindən sonra səmimiyyətləri daha da artdı. Şəhərin üzərindəki qara buludların dağılıb işığının yavaş-yavaş özünə qayıtdığı günlərdə Kamyu Sartrın ən yaxın dostu idi. “Necə də sevmişdik səni” deyə yazmışdı Sartr daha sonraları.
Onlar öz dövrlərinin
parıldayan ikonaları idi. Dönəmin qəzetlərinin günlük fəaliyyətlərində
bildirdikləri kimi Sartr bütün gününü Les Deux Magots-da(o tarixlərdə
Parisdə intellektualların vaxt keçirdikləri kafe) keçirirdi. Kamyu isə bir
Paris səhyahətçisi idi. Şəhərin yenidən inşa edildiyi bir vaxtlarda Sartr və
Kamyu zəmanələrinin ruhi vəziyyətlərini ifadə edirdilər. Avropa yandırılaraq
kül edilmişdi və müharibədən sonra küllər yeni bir düya təsəvvür edəcəyimiz bir
boşluq buraxmışdı. Oxucular yeni dünyanın nəyə oxşadığını anlamaq üşün Sartr və
Kamyunu gözləyirdilər. “Biz” deyə izah edirdi, həmyaşıdları olan filosof Simon
de Bovuar, “müharibədən sonrakı dönəmə onun ideologiyasını verməli idik”.
Bu yeni ideologiya
ekzistensializm formasında gəlmişdi. Sartr, Kamyu və intellektual dostları dini
rədd etdilər. Yeni və dəhşət verici piyeslər səhnələdilər, oxucularını xüsusi
olaraq yaşamağa məcbur etdilər və dünyanın absurdluğunu əks etdirdilər. Amansız
və dəyərsiz bir dünya. “Sadəcə daşlar, ulduzlar və əlimizlə toxuna biləcəyimiz
həqiqətlər vardır(mövcuddur)” deyə yazırdı Kamyu. Həyatı mənlandırmaq üçün bu
dünyada yaşamağı qəbul etməli, öz məna və dəyərlərimizi ona yükləməliyik. İnsanlar
azaddır və azadlıq onların çiyinlərinə ağır bir yük yükləmişdir. Çünki
azadlıqla qorxunc, hətta gücdən düşürəcək dərəcədə gerçək bir yaşamaq və
davranmaq məsuliyyəti qəbul edilmişdir.
Azadlıq ideyası Kamyu və
Sartrı fəlsəfi olaraq əhatələdiyində ədalət mübarizəsi onları siyasi olaraq
birləşdirdi. Özlərini ədalətsizliklə üzləşməyə, ona çarə tapmağı həsr
etmişdilər. Heç bir qrupa işçilərə, proletariata davranıldığı kimi ədalətsizlik
edilmirdi. Kamyu və Sartr onların öz əməklərinə zəncirlənmiş olduqlarını və
insanlıqdan məhrum buraxıldıqlarını düşünürdülər. Onların azad olması üçün yeni
bir siyasi nizam inşa edilməli idi.
1951- ci ilin oktyabrında
Kamyu “Üsyankar insan” adlı əsərini yazdı. Kamyu əsər daxilində kobud
cizgilərlə “üsyan fəlsəfəsini” dilə gətirirdi. Bu tam formalaşmış bir fəlsəfi
nizam deyildi, fəlsəfi və siyasi ideyaların bir birləşməsi idi. Hər insan
azaddır, lakin azadlığın özü nisbidir. İnsan öz sərhəddini, soyuqqanlılığını,
“hesablanmış riskini” qəbul etməlidir. “Mütləqlər” insanlığa əksdir. Kamyu
xüsusilə inqilabi şiddəti rədd edirdi. Şiddət ekstemal vəziyyətlərdə (ən
nəhayətində Kamyu fransız müqavimət hərəkatını dəstəkləmişdi) istifadə oluna
bilərdi, lakin o, tarixi arzuladığı istiqamətə sürükləyən inqilabi şiddətin
istifadəsini ütopik, mütləqçi və özünə xəyanət olduğunu düşünürdü.
“Mütləq
azadlıq güclü olana hökm etmək haqqı verir” deyə yazırdı Kamyu və əlavə edirdi,
“Mütləq ədalət bütün fikir ayrılıqlarının basdırılması ilə əladə edilə bilər,
dolayısı ilə də bu azadlığı məhdudlaşdırır”. Azadlıq və ədalət arasındakı
ziddiyyət, sabit bir yenidən bərabərləşdirmə, siyasi soyuqqanlılıq, ən çox
sərhədləyəni - insanlığımızın qəbulunu və müqəddəsləşdirilməsini tələb edir.
“Yaşamaq və yaşatmaq” deyir, Kamyu, “nə olduğumuzu müəyyən etmək(məxrəcini
tapmaq) üçün”.
Sartr
“Üsyankar insanı” iyrənərək oxumuşdu. Onun fikrincə, mükəmməl azadlığa və
ədalətə çatmaq mümkün idi. Bu elə kommunizmin nailiyyətləri demək idi.
Kapitalizmin şərtləri və yoxsulluq içərisində insanlar azad ola bilməzdi.
Təqdim edilən seçimlər dadsız və insanlıqdan kənar idi. Ya amansız, yadlaşdıran
bir işdə çalış, ya da öl. Lakin təzyiqlərin aradan qaldırılması, avtonomiyanın
işçilərə verilməsi ilə kommunizm hər bir fərdə maddi ehtiyac sıxıntısı olmadan
yaşamaq imkanı verməkdədir. Beləliklə də, insanlara özlərini
gerçəkləşdirəcəkləri ən yaxşı yolu seçmələrinə şərait yaradır. Bu onları azad
edəcəkdir və bükülməz bərabərliyin də müəyyən etdiyi ədalətli olan da
budur.
Buradakı
əsas məsələ Sartr və sol düşüncəyə malik olan bir çox şəxs üçün kommunizmin var
olan nizamı yıxıb dağıtmaq üçün inqilabi şiddəti icad etməsidir. Bütün sol
yanaşmalar bu cür bir şiddəti uyğun hesab etmir əlbəttə.
Radikal
və mülayim solçular arasındakı - daha geniş mənada kommunistlər və sosialistlər
arasında - bu fərqlilik yeni deyildi. Ancaq 30-cu illər və 40-cı illərin
əvvələrindəki solu müqavimət hərəkatında faşizmə qarşı birləşməyi görmüşdü.
Faşizmin məğlubiyyəti ilə radikal sol ilə mülayim sol arasında yenidən ayrılıq
yaşanmışdı. Bu ayrılıq sağın praktikada yox olması və Avropanın hər tərəfini
bürüyən radikalları gücləndirən və Gulag-ın dəhşətlərinin, terrorun
və oyuncaq məhkəmələrin ortaya çıxması ilə kommunistləri narahat edən sualların
solmasına səbəb olan SSRİ-nın güclənməsi ilə daha da hərəkətlənmiş oldu. Müharibədən
sonranın solçusuna soruşulan sual çox sadə idi: Hansı tərəfdəsən?
Üsyankar insanı yayımlamaqla Kamyu inqilabi şiddətdən istifadə etməyən,
sülhün hakim olduğu bir sosializmi bəyan etdi. Sovet İttifaqından
yayılan xəbərlər onu dəhşətə gətirmişdi. Kommunistlərin əl ələ olduğu
azadlıqlar ölkəsi yox, heç bir şəkildə azad yaşamağın mümkün olmadığı bir ölkə
idi. Bu əsnada Sartr kommunizm üçün mübarizə aparırdı və belə olması üçün
şiddəti dəstəkləməyə hazır idi.
İki dost arasındakı bu fərqlilik mediada ciddi marağa səbəb olmuşdu.
Les Temples Modernes Sartrın redaktoru olduğu və Üsyankar insan haqqındakı
tənqidlərini yazdığı dərgi idi və ortalama 3 qat artıqlaması satılmışdı. Digər
məhşur dərgilər olan Le Monde və Le Observateur isə eyni ölçüdə çöküş
yaşayırdı. Çağdaş dünyamızda bu dərəcədə diqqət çəkən intellektual mübarizənin şahidi
olmaq demək olar ki, mümkün deyil. Lakin bu ikili arasındakı ixtilafla bir çox
oxucu zamanın siyasi böhranlarının özlərinə də təsir elədiyinin görmüş oldu. Bu
fikirlər dünyasında baş verənlərin və inkişaf edən siyasəti görməyin bir yolu
və fikirlərin dəyərinin ölçüsü idi. Bir düşüncəyə dərin bir şəkildə bağlı
olsan, onun üçün ölüdürməyə məcbursanmı? Ədalət üçün də olsa, azadlıq üçün də
olsa, bir fərqi varmı?
Sartrın mövqeyi həyatının geri qalanında mübarizə apardığı
ziddiyyət etibarilə vuruldu. “İnsanlar azadlığa məhkumdur” deyən
ekzistensialist Sartr eyni zamanda tarixin ekzistensializm baxımdan daha artıq
azadlıq üçün yerə malik olmadığını düşünən bir Marksist Sartr idi. Əslində
Fransız Kommunist Partiyasına heç vaxt qatılmış olmasa da, Budapeştdəki Sovet
tanklarının onu SSRİ-nin yolunun inkişafa aparmadığına inandırdığı 1956-ci ilə
qədər hər yerdə kommunizmi müdafiə edirdi(Qeyd etdiyi kimi, Macarıstanda
SSRİ-nin Amerika kimi davranması onu təəccübləndirmişdi). Sartr solun güclü
səsi olaraq qalmışdı həyatı boyunca və Fransa prezidenti Şarl de Gollu-seçmişdi
özünə tənqid hədəfi olaraq(Yenə tənqidi bir hücumdan sonra Sartr-ın həbsinin
istənilməsinə cavab olaraq De Goll “Volter həbs oluna bilməz” cavabını vermişdi). Lakin Sartr öncədən
ehtimal edilə bilməyən fəaliyyətinə davam edirdi və 1980-ci ildə vəfat ediyində
Radikal Maosizmlə uzun, qəribə bir münasibətə malik olmuşdu. Sartr SSRİ-dən
uzaqlaşsa belə, inqilabi şiddətin gərəkli ola biləcəyi fikrindən heç vaxt
dönməmişdi.
Kommunizmin şiddəti Kamyunu isə fərqli bir inkişaf yoluna
yönləndirmişdi. “Nəhayətində mən azadlığı seçdim, ədalət gerçəkləşməsə belə,
azadlıq ədalətsizliyə qarşı çıxmağın gücünü davam etdirir və əlaqəni açıq
saxlayır”deyə yazırdı Üsyankar insanda. Soyuq müharibənin digər tərəfində Kamyunun
duyğularını paylaşmamaq və Sartr-ın sadiq bir kommunist olaraq qaldığı istəyə
həyrətlənmək çox çətindir. Kamyunun həddini aşmayan siyasi reallığı, əxlaqi
təvazökarlığı, sərhədləri və xətaya düşə bilən insanlığı qucaqlaması bu gün
böyük ölçüdə qəbul edilən bir mesaj olaraq qaldı. Hətta ən mötəbər və dəyərli
düşüncələr belə bir digərinə qarşı bərabərliyi təmin etməlidir. Mütləqlik və
ilham verdiyi mümkünsüz idealizm təhlükəli bir yoldur(Kamyu və Sartr-ın daha
ədalətli və azad bir dünyanı təsəvvür etməsi üçün çabalamağı kimi Avropanın
küllər içərisində qalmasının da səbəbidir)
Salam, öncəliklə dəyər verdiyiniz üçün təşəkkür edirik. Xeyr. Klub olaraq hər hansı bir ideologiyanın daşıyıcısı deyilik. Məqsədimiz və məramımız Azərbaycanda fəlsəfəni sevdirməkdir. Əsas olan fəlsəfədir hansı ideologiyaya mənsub olmasının elə də bir önəmi yoxdur. İdeologiya seçimi fərdin şəxsi qərarıdır. Biz də bu qərarlara hörmətlə yanaşmağın tərəfdarıyıq. Əgər sizə sosialist ideologiyanın daşıyıcı olaraq görünmüşüksə, bu bizim xətamızdır. Üzrxahlığımızı qəbul edin :)
YanıtlaSilBu yorum yazar tarafından silindi.
Sil