“Bu
günün incəsənətində necə də qəribə hadisələrin baş verdiyini bilirsinizmi?
Slavoj Zizek zəmanəmizin intellektuallarındandır. İntellektualın vəzifəsi
böhran yaratmaqdır fikrinin daşıyıclarından. Təhrikedici. Xüsusi. Önəmli bir
müsahibə.
Gary
A. Olson-Lynn Worsham
Xeyr. Mənə görə
yazıçı üslubu önəmsəyən biridir. Bu baxımdan yanaşsaq, xeyr. Demək olar ki,
moddan düşmüş, metafizik bir mənada ifadə etsəm mən şərh edib çatdırmağımın gərəkli
olduğu fikrindəyəm.Yazmağa qarşı estetik bir mövqeyim yoxdur, hansı kəliməni
necə istifadə etməyimin o qədər önəmi yoxdur mənim üçün. Mənim üçün önəmli olan
tək şey öz demək istədiyimi ortaya
qoymaqdır. Hətta yazılarımın belə necə
formalaşdırılmasını da önəmsəmirəm. Bu baxımdan bunun bir növ mərhəmətsizlik və
ya qəddarlıq olduğunu deyə bilərəm. Daha qəşəng formada ifadə edəcək olsam, sözlərin
daha gözəl eşidilib eşidilməyəcəyi ilə heç vaxt maraqlanmıram. Üslub baxımından
yalnız bir şey diqqətimi çəkir, o da bəzən bir qrupa istiqamətlənmiş və məzmuna
ironik lətifələr daxil etməyə çalışmağımdır. Məsələn, bütün dostlarım mənim çox
tez-tez istifadə etdiyim və təkrar olunan bir neçə izah formamın olduğunu
bilirlər. Ən çox istifadə etdiyin “əksinə”
və ya “buna qarşılıq olaraq”-dır. Bir
digəri isə “ilk baxışda belə görünür,
lakin daha yaxından baxsanız, bunun əslində başqa bir şey olduğunu görərsiniz”-dir.
Əsasən mən beləyəm. Yazmaq haqqında da bir qəddarlıq hiss edirəm. Özümü bir növ
düşüncə maşını olaraq ifadə etməyə çalışıram. Bəlkə də bu, gəncliyimdən bəri
heç vaxt ədəbiyyatla məşğul olmağa, ya da Tanrı qorusun, şeir yazmağa cəhd göstərmədiyimdən
dolayıdır. Mənim təbiətimdə bunu qəti şəkildə qadağan edən bir şey var. Bunun ədəbsiz
olduğunu düşünürdüm, mənə görə şeir yazmaq insanların arasında masturbasiya edərək
özünü həddən artıq nümayiş etdirmək deməkdir. Buna görə də,(hər zaman dialoq içərisində
olduğum və təqdir etdiyim) Jak Derrida kimi yazarlarla belə bu problemi
yaşayıram. Derridanın əksər məqalələrini bəyənirəm, lakin ilk üçdə birlik hissəsini
çox zaman ötürürəm - bunlar da bildiyiniz kimi öz əsl argumentlərinə keçənə qədərki
hissələrdir. Ən sonunda məsələnin özünə gələnə qədər bu növ baletdəki
fırlanmaları(piruette) geçmək lazım
olur.” Bu məqaləni mən mi yazıram, yoxsa məqalə mi məni yazır?” Mənim yanaşmam
bu cürdür: saf, amansız bir özünü vasitəyə çevirmə. Bəlkə də yazdıqlarımdan öz
izlərimi silməyə çalışmağım mənim vasvası(obsession)
təbiətimin bir parçasıdır. Daxil olduğum hadisələrdə olmaq istəmirəm. Görünməz
olmağa çalışıram. Məsələn bir oteldə qalıramsa və otel otağından bir neçə
saatlığa çıxmalıyamsa, sanki otaqda heç vaxt olmamışam kimi davranıram. Bunun bəlkə
də özümü var olmaması lazım olan biri kimi anlayıb anlamadığımla əlaqəli
psixoanalitik suallarla bir bağlantısı vardır. Ancaq bu burada dilə gətirilməyəcək
qədər ekzistensial bir məsələdir.
Bizə yazmaq prosesinizdən
danışın bir az. Redaktə edirsinizmi? Komputer istifadə edirsinizmi?
Tanrı, ya da artıq kim kəşf etmişdirsə, komputerlər mənim
üçün kəşf edilmişdir. Onlardan əvvəl neçə işlədiyimi təsəvvür belə edə bilmirəm.
Mənim yazma formalarımla bağlı bilməli olduğunuz iki şey var. Birincisi, yazmaq
prosesindən dəhşətli dərəcədə qorxuram, bu baxımdan qəribə bir strategiya
yaratmışam özümə. Prosesi iki hissəyə
ayırıram. Başlanğıcda sadəcə qeydlər edirəm. Özümə deyirəm: “Bunu bir qədər təkmilləşdirim,
ancaq bu hələ tam formada yazmaq demək deyil sadəcə qeydlər aparıram”. Son hissədə
isə özümə deyirəm: “ İndi hər şey yazılıb, sadəcə onları düzəltmək lazımdır”.
Yazmaq prosesi mənim üçün mütləq bir qorxudur. Öz-özümə həqiqətən yazdığımı demək
mənim üçün xəyal edilməz dərəcədə qayğılıdır. Bu ya hazırlıq olmalıdır, ya da bəlkə
sadəcə psixoanalitik yuxu nəzəriyyəsində “orta detallandırma” deyilən, sadəcə
son düzənləmələri etdiyimiz bir şey olmalıdır - etdiyim şeyin adı heç vaxt “yazmaq”
ola bilməz. Mənim yazmaq prosesimin əsas xüsusiyyətlərindən biridir bu. Digərinə
gəldikdə isə heç vaxt beynimdə yazmıram. Başlayarkən beynimdə tamamilə müəyyən
bir düşüncə cizgisi yoxdur. Kompeks vahidlərlə yazıram əsasən - bunlara mücərrəd
vahidlər deyə bilərik. Bu vahidlərin hər birisi bir düşüncə xəttinə çevrilir,
ümumilikdə 3 və ya 4 səhifədə və bu vahidlər də az, ya da çox formada
kitablarımdakı bölümlərin alt başlıqlarına çevrilir. Bu vahidləri yazıram və
daha sonra əsas məsələ bu vahidləri daha böyük vahidlər olaraq qruplaşdırmaqdır.
Ancaq təkrar edirəm, heç vaxt öncədən müəyyən etdiyim bir düşüncə xətti ilə
başlamıram. Yəni bir fikir vardır və əsas iş bu fikrin şəkilləndiyindən əmin
olmaqdır. Bu baxımdan bir çox örnəklərdən istifadə etməyimi “üslub”-un bir parçası
olaraq görmürəm. Mənim üçün əsas məsələ fikrin tamamilə ortaya çıxarıldığından əmin
olmaqdır. Daha sonrası isə fikirləri bir-birinə əlavə etməkdir. Komputerdən əvvəl
- qayçı və yapışdırıcı istifadə edərək - nə qədər çox kopyalama, yapışdırma və
kəsmə etməli olduğumu təxmin edə bilərsiniz. Bu baxımdan komputer işlərimi
olduqca asanlaşdırdı. Yəni ki, mənim üçün yazmaq mütləq bir qorxudur. Bundan çəkinmək
üçün hər şeyi etməyə çalışıram.
Yazdığınız zaman müəyyən
bir oxucu kütləsini hədəf alırsınızmı?
Xeyr. Bu çox qəribədir, ancaq çox geniş istifadə olunan mənasından
kənar olaraq xeyir. Bəlkə də kimlərsə istifadə etdiyim bu ədəbsiz örnəklərdən həzz
aldığımı düşünür, ancaq vəziyyət tamamilə fərqlidir. Bəlkə də, əcayib, azğın
bir kainatda yaşayırıq, amma mücərrəd bir nəzəriyyə yazmağı çox sevirəm. Lakin
sonra bütün o örnəkləri, necə deyərlər tortun kremi kimi əlavə etməyə dair qəribə
bir təzyiq hiss edirəm.
“Kiber kosmosda
fantaziyanı keçmək mümkünmüdür?” adlı yazınızda “interaktivliyin” əksi olan
“interpassivlik” anlayışını müzakirə edirsiniz. İnterpassivliyin xarakterik cəhəti
“subyektin öz varlığının passivliyini başqasında yerləşdirərkən fasiləsiz, hətta
çılğın bir şəkildə aktiv olmasıdır”. İnterpassivliyin klassik örnəyi olan
televizorun həqiqətən sizin yerinizə güldüyü müəyyən olunmuş gülmə effektini kənaraq
qoysaq, populyar Yapon oyuncağı olan tamagoci-ni(virtual uşaq) örnək
verirsiniz. Bu virtual heyvan öz baxıcısına davamlı olaraq tələblər göndərir.
İnterpassivliyin ümumilikdə postmodern vəziyyətin və ya insan vəziyyətinin bir
xüsusiyyəti olduğunu deyərdinizmi?
Fetişdə olduğu kimi,
müəyyən bir səviyyədə insan vəziyyətinin də təməlində bu amil yatır. Froydçu təməl
fantaziya məfumunda bir növ interpassivliyin olduğunu iddia edirəm. Slovenyalı
dostlarım karikatura halına gəlmiş bir obrazın nə dərəcədə gerçək olduğuna dair
araşdırmalar aparıblar. Sloven kapitalizmindəki yeni nəsil biznesmenlər fahişələrin
yanına özlərini döydürmək üçün gedirlər(bu məsələ ilə bağlı nəhəng bir biznes
mövcuddur) Bu hiperaktiv biznesmenlərin tamamilə passiv olma fantaziyasına
ehtiyacları vardır. Bu vəziyyət haqqında belə bir ümumiləşdirmə edirəm: Aktiv
ola bilmək üçün ən dərin passivliyi yaşadığınız bir səhnənin fataziyasını
qurmağınıza ehtiyac var. Bu baxımdan(keçən il üzərində dəli kimi işlədiyim və
yazarkən demək olar ki, çökdüyüm) yeni kitabımda Matrix filmindən bəhs edirəm. Mən Matrixdən başqalarınn təsirləndiyi
kimi təsirlənməmişdim. Ancaq xoşuma gələn bir səhnə var. Aktiv olduğunuzu
sanırsınız, lakin bir də oyanırsınız ki, fetus, uşaq formasında uzanmısınız.
Filmdən tək xoşuma gələn səhnə budur, Keanu
Rivees-in oyandığı və minlərlə fetusun arasında olduğunu gördüyü səhnə.
Film gerçəkliyə çox yaxındır, etməniz lazım olan tək şey şərtləri tərsinə
çevirməyinizdir. Özümüzü manipulyasiya olunmuş virtual gerçəklikdə aktiv olaraq
xəyal etmirik, həqiqətən eləyik, əsas problem aktiv fəaliyyətdə olduğumuz zaman
passiv bir mövqe tutduğumuzun fantaziyasını qurmaqdır. Psixoanalitik terapiyada
ideal formada bacarmış olduğunuz şey o passiv dəstəyə artıq ehtiyacınız
olmadığıdır. Ancaq məni ən çox maraqlandıran bunun indiki zamandakı siyasi
istifadə olunmalarıdır. İnterpassivlik bu gün niyə daha önəmli rol oynayır?
Tamamilə bu interpassiv röyaya hər zamankindən daha çox ehtiyac duyduğumuz bu
günün cəmiyyətinin hiper dəlilik ritmindən dolayıdır bu. Hətta bu daha ziyadə
gülməli formalar ala bilir. Məsələ, mənim Sloveniyada yaşadığım təəccübləndirici
hadisələrdən biri də vəziyyətin müəyyən idealları olan biz intellektuallara
qarşı korlanmış siyasətçilərdən ibarət olmadığının fərqinə varmağım idi. Siyasətçilər
nə qədər korlanarsa, hər şeyə inanan açıqürəkli Digərləri olaraq bizə o qədər
çox ehtiyac duyurlardı. Bir Digərinə ehtiyac vardı. “Biz korlanmışıq, amma ən
azından siz inanırsınız”. Səmimiyyətlə inanan bir Digərinə ehtiyac vardı. Ya da
çox vaxt təkrar etdiyim bir digər örnək: Qərbli inkişafmeyilli elm adamları “orjinal”
inqilabın olduğu başqa bir yer xəyalı qururlar. Beləliklə Digəri sayəsində orjinal(authentik) olmaq imkanı yaranır. Amma
bunun sadəcə bizim Qərb cəmiyyətinə xas olduğunu düşünmürəm.
İstifadə etmədiyim başqa örnəklər də var. Məsələn, bu günün
incəsənətində necə qəribə şeylərin baş verdiyin fərqindəsinizmi? İncəsənətə
nifrət edirəm. Vizual incəsənət nümunələri ilə heç cür yola gedə bilmirik. Vəziyyət
filmlərdə olduğundan daha da pisdir. Filmlərlə aramın necə olduğunu bilirsiniz.
Bunu açıq bir şəkildə qeyd edəcəyəm, istifadə etməyinizdə bir problem yoxdur. Mənim
üçün heç bir önəmi yoxdur. Lungua Franca da gerçək kimliyimin ortaya çıxdığı o
məqalədən sonra önəmsizdir! Haqqında yazmış olduğum bəzi filmləri heç izləmədiyimi
bilirsinizmi? Məsələn Enjoy your Sympton-da
Rosselini haqqında uzun bir bölüm var. Bu filmləri izləməmişəm. İzləməyə
çalışmışdım, ancaq o qədər sıxıcıdırlar ki! Gördüyünüz kimi interpassivlik elə
budur. Dedim ki, “Bu filmlər haqqında yazacağam, ancaq onları izləyəcək qədər
önəmli deyillər”. Ancaq ciddi danışmaq lazımdırsa, bu gün incəsənətdə önəmli
olanın kuratorların yeni rolu olduğunu düşünürəm, əvvəllər tamamilə fərqli olan
bir rol. Kuratorlar ikitərəfli rol oynayırlar. Bir tərfədən, birbaşa olaraq incəsənət
xadimləri incəsənətin nəzəri bir bazisə malik olmasının gərəkliliyinin fərqindədirlər.
Artıq birbaşa bir əlaqədən söhbət gedə bilməz. Siz həzz ala biləsiniz deyə mən
gözəl bir rəsm əsəri yaratmıram. İncəsənət xadimləri nəzəriyyəçiləri daha aşağı
qiymətləndirdikcə onlara daha çox ehtiyac duyurlar. Bunu dəfələrlə şahidi
olmuşam. Bir incəsənət xadimi üzərimə gəldi ki, “sən nəzəriyyə yaradırsan, ona
görə də incəsənətin nə olduğunu bilmirsən” dedi və ən nəhayətində belə bir istəyini
qeyd etdi. “Amma yenə də mənim kataloqum üçün bir şeylər yaza bilərsinizmi?” Qanuniləşdirməyə
böyük bir ehtiyac var və kuratorlar bu məqsədə xidmət edirlər. Kuratorun nəzəriyyədən
başı çıxan və daha sonra da sərgi təşkil edən biri olması lazımdır. Bu gün daha
da aktiv olan bir roldur bu. Bu gün get-gedə daha çox kurator incəsənət xadimlərinə
daha xüsusi şeylər yaratması üçün təklif göndərir. Hətta bu cür sifarişlərlə
yanaşı, özləri də sərgilərdəki əsərlərə oxşar əsərlər yaradırlar. Ortalığa bəzi
işlər qoyurlar. Məsələn, Joseph Beuys
kimi birisini düşünün. Onun harada incəsənət xadimi olmaqdan əl çəkərək, bir
kurator olmağa qərar verdiyini demək çətindir. Digər tərəfdən(burda artıq
interpassivliyə daxil oluruq) Nyu York sərgilərinin artıq korlanmış olan izləyicisi
bəs necə davranır? Günümüzdə artıq o qədər çox sərgi var ki, bütün çəkilən rəsmləri
görmək üçün vaxtımız yoxdur. Bütün bunlara rəğmən, insanlar, intellektuallar
bunları müzakirə edirlər. Sanki kurator sırf siz müzakirə edə biləsiniz deyə,
sizin yerinizə bütün rəsmləri görməyə (hətta onlardan həzz almağa) imkanı olan
tək şəxs kimi: “Xeyir, o iş zibil yığınıdır” ya da “Bu sənətkarı sevirəm”. Bu
bir az Claude Lazmann-ın Shoah-ı ilə məşğul olmağa bənzəyir. Shoah-ın demək olar ki, toxunulmaz
olduğunu bilirəm, Bu filmi tənqid edə bilməzsiniz, çünki o “mütləq film” kimi
bir şeydir. Məncə, bu ikonaklastik yanaşma bir az ironik xarakterə malikdir.
Bir az buna bənzəyir “Mənim yanıma başqa bir film qoya bilməzsən”. Çox qəribə
bir filmdir. Çox uzundur, Doqquz saat. Verildiyi forma sizə özünüzü günahkar
hiss etmənizi təmin edir. Ad çəkməyəcəm, lakin sizə qarantiya ver bilərəm ki,
film haqqında ağız dolusu danışan bir çox insan filmi izləməmişdir. Sadəcə
Holokostla bağlı günahkarlıq hiss etmirsiniz, bütün filmi izləmədiyiniz üçün də
günahkarlıq hiss edirsiniz. Bu da sizi Holokostla bağlı daha da günahkar hiss
etmənizə səbəb olur. Filmin daxilinə yerləşdirilmiş bir növ superego obyekti
kimi. Dolayısı ilə burda da ideal passiv bir mövqeyin yaradıldığını və sadə bir
şəkildə fərz edildiyi kimi interpassivliyin ünsürləri vardır. Shoah kimi bir film izlənməz, müzakirə
edilir. Saylarının çox olmasından şübhələnsəm də bir başqa ideal passiv izləyici
olduğunu ehtimal edirsiniz.. Təəssüf ki, bu günki vəziyyət get-gedə belə bir
hal alır. Məsələn, fəlsəfədə həqiqətən böyük səs-küyə səbəb olan, uğurlu lakin
oxunmayan kitablar var. Almaniyada Critique
of Cynical Reason adlı kitabın yazarı Peter
Sloderdijk(müəllifin ilk uğurlu kitabı) bestsellerə çevrilən bir kitab daha
yayımladı. Bir neçə cild olacaq(indiyədək sadəcə iki cildini yayımladı) və hər
cild səkkiz yüz ilə min səhifə arasında olacaq. İnsanlar bu kitab haqqında
danışır, digər tərəfdən də Almaniyada kiminsə bu kitabı həqiqətən oxuyub
oxumadığı haqqında müzakirə davam edir(Karlsrue-də bir yaşlı qadının bu kitabı
oxuması haqqında fikirlər var). Bütün təcrübəsini öncədən ehtimallaşdırma məntiqi get-gedə daha da artır. Lakin elə mən
də bu oyunu oynayıram. İndi sizə bir şey açıqlayacağam. Çox vaxt haqqında
yazdığım kitabları oxuyacaq qədər vaxtım olmur. Hansılar olduğunu deməyəcəm.
Get-gedə daha da artıq(aman Tanrım, bu cür demək çox qorxuncdur) Cliffs Notes-daki kimi qısa məzmunlara
bel bağlayıram. Cliffs Note-un başqa
bir ingiliscə versiyası mənim üçün mütləq müqəddəsdir. İncilin Cliff Note versionu. Kitabın sonunda
obrazlar belə ifadə edilir. “Tanrı yaşlı və hər şeyi bilən, lakin qısqanc bir
kişi, İsa gənc bir kişi”. Bu möhtəşəmdir. Ən böyük xəyalım bilinməyən bir hekayənin
Cliff Note versiyasını yazmaqdır. Bir
başa olaraq Cliff Note yazırsınız və Cliff Note-da yazdığını kitaba münasibət
yaxşıdırsa, gedib gerçək kitabı yazırsınız. Məhz bu interpassivlik olardı.
Konfranslarımın birində interpassivlik oyunu oynamışdım. Məsələn, "indi
yenidən təkrarlayaq” deyərək daha sonra həqiqətən yenidən təkrarlamışdım. Təəssüf
ki, bu zarafat deyil, ritminizin bir parçasıdır. Hal hazırda özləri özlərinin Cliff Note-sı kimi yazılmış kitablar
var. Məsələn, özləri özlərinin qısa təkrarı kimi yazılmış yüzlərlər psixoloji fərdi
inkişaf kitabları yoxdurmu? Bu gün cəmiyyətin necə işlədiyi ilə bağlı burda
mühüm bir nöqtənin olduğunu düşünürəm.
Son zamanlarda araşdırmalarınıza qarşı edilmiş və
etiraz etmək istədiyiniz bir tənqid və ya yanlış anlaşılma varmı?
Gözəl bir sualdır. Bunu dəqiq bir ifadə ilə izah
etməyə çalışım. Bəlkə də, yanlış anlaşılmağımın səbəbkarı özüməm, bu həm də bir
növ özünü tənqiddir. Mənim təməl marağım indi, əvvəldə və hər zaman üçün də fəlsəfi
olmuşdur. Bir növ subyekt fəlsəfəsini yenidən calandırmaq. Bunu həm feminizm, həm
də hər şey üçün ciddi bir azadlıq potensialı olaraq görürəm. Məni narahat edən
şey, sözdə olan populyarlığımın, vulqar zarafatlara, populyar mədəniyyətə və
bir qədər də siyasətə bağlanması, fəlsəfi ünsürlərin uzaqlaşdırılmasıdır. Məsələn,
Qıdıqlanan subyekt kitabımı götürək.
Mənə hansı bölümləri daha çox bəyəndiyimi soruşsanız, ilk ikisinin adına çəkərdim.
Təkcə bu iki bölümü yazmaqdan həzz aldım. Kantçı subyektivliyi Haydeggerçi tənqiddən
xilas etmək haqqında yazdığım bölüm, bir də Hegel haqqında olan bölüm. Yazarkən
həqiqətən həzz aldığım bölümlər bunlardır. Özümdən razı qalmadığım bir digər tərəf
də var, bu sizi təəccübləndirə bilər. Yüksək mədəniyyət nümunələri oxuyan lakin
gizlincə pornografiya, komiks, dedektiv romanlar oxuyan intellektuallarla balğı
klassik bir yanaşma vardır. Məndə isə vəziyyət tamamilə bunun əksidir. Mən
musiqi olmadan yaşaya bilmərəm.. Hər zaman musiqi ilə işləyirəm. Yüksək səsli
musiqi ilə. Gündə 5-6 saat kamera musiqisi dinləmədən yaşaya bilmərəm. Həqiqətən
mənə sıxıntı verən şey isə musiqi haqqında yazcaq qədər biliyimin olmamasıdır(bu
sahədə sərhədli olduğumu qəbul edirəm, hal-hazırda onsuzda çox şey haqqında
yazmaqda olduğumun fərqindəyəm). Bu məsələdə travmalarım var. Niyə kamera musiqisi
haqqında gözəl bir əsər yaza bilmirəm? Sınadım, ancaq yarı uğurlu, yarı da
uğursuz idi, lakin belə bir şey etməyə ən yaxın olduğum vaxt məhz vaxt idi.
Vagner haqqında deyildi, Vagner daha çox ideologiyalarla əlaqdar idi. The Plague of Fantasies kitabımda
Şumanla əlaqədar etdiyim də məhz bu idi. Orada sərhədlərimi görə bilərsiniz.
Bir nöqtəyə qədər gedə bilirəm, Lakin ondan sonrası alınmır. Böyük xəyalım
Bax-ın skripka sonataları, ya da Bethovenin axırıncı simli kvartetləri kimi
bilinən məhşr əsərlərin gözəl bir analizini aparmaqdır, lakin bunu edə bilmirəm. Həqiqətən canımı sıxır bu. Lakin yenə də
şikayət etmək əvəzinə pozitiv ruhla bitirim. Mən, “bir dahinin fikirlərinə
sahibəm, ancaq tamamilə yanlış anlaşılıram” deyən birisi deyiləm. Dediyim şeyin
tərsi olan başqa bir şeyi də etiraf edim. Təkrar-təkrar yaşamış olduğum gözəl
sürpriz, əsərlərimin hansının yaxşı və hansının pis olduğunu bilən ağıllı ictimaiyyətin
olmasıdır. Bununla nə demək istəyirəm? Ən sadə, səthi kriteriya. Qıdıqlanan subyekti nəzərdən keçirək. Bu
bir qədər çətin kitabdır. Normaldan daha az zarafat var və qalın bir kitabdır. Naşirim
olan Verso-da buna çox şübhəli
yanaşırdılar. Tualet məsəllərinə və ədəbsizliklərə
daha çox yer verən başqa bir kitabıma nəzər salaq. The Plague of Fantasies. Modası keçmiş, demək olar ki, reaksioner
ifadə ilə Qıdıqlanan subyekt
kitabımın Alman tualetləri və başqa ədəbsizlikləri ilə The Palague of fanasies-dən daha çox satılması insanlığın ruhi
potensialına olan inamımızı yeniləmirmi? Bunu dərk edən və orda burda yer
verdiyim ucuz ədəbsiz tələlərə düşməyən ictimaiyyətin olması mənə xoş bir təəccüb
yaşadır. Yəni həqiqətən yaxşı olduğunu düşündüyüm Qıdıqlanan subyekt və Demanding
the impossible eyni zamanda ən yaxı satan kitablarımdır. Bu təəccübləndiricidir,
çünki naşirlərimin əksəriyyəti axmaqdır. Məndən bir dənə də ucuz, ədəbsiz kitab
yazmağımı istəyirlər. Mən də onlara insanların o qədər axmaq olmadıqlarını
deyirəm. Qıdıqlanan subyektlə bağlı təccüblənərək
şübhəyə qapılmışdım. Versodakı redaktorları təhdid etməli oldum. Bu kitabı nəşr
etməyi həqiqətən istəmirdilər. “Kim alcaq 400 səhifəlik kitabı, niyə bir az
daha əbdəbsizlik əlavə edərək, qısaltmırsan?” deyirdilər. Ancaq indi Qıdıqlanan subyekt ən çox satılan
kitabımdır. Aman tanrım, naşirlərin nə qədər axmaq oldularına inana bilmirəm.
Bunu hər dəfəsində təkrar fərqinə varıram. Bütün bu ticariləşməyə baxmayaraq
xalqa modası kemiş olsa da saf, açıq ürəkli bir güvən duyuram - demək olar ki,
bir növ Maarifçilik güvəni. Xeyr! İnsanların əksəriyyəti axmaq deyil. Nə vaxt
bir şey uydurmuş olduğunuzu bilirlər. Yəqin ki, bu sözü eşitmisiniz “Bəzi
insanları hər zaman aldada bilərsiniz, lakin bütün insanları hər zaman aldada
bilməzsiniz” Qısa müddətdə uğurlu ola bilərsiniz, lakin uzun müddətdə kimsə, nə
etdiyinizi anlayacaqdır. Ona görə də, “məni yanlış anlayırlar” deyə bir şikayət
oyunu oynamaq yerinə oxuculara təşəkkür edərək bitirmək istəyirəm. Mən çox gözəl
başa düşülürəm, şikayət edəcək bir şeyim yoxdur.
ingilis dilindən tərcümə edən: Bahmanyar Club
Yorumlar
Yorum Gönder