Çağdaş
dünyanın önəmli fikir adamlarından biri olan Markus Gabriel(1980) ümumi oxucu kütləsinə
xitab edən əsərləri ilə bütün dünyada tanınmış bir filosofdur. O, Bonn
Universiteti Fəlsəfə fakültəsinin Epistemiologiya kafedrasına rəhbərlik edir. Markus
Gabriel Avropanın bir çox ölkəsində, Şimali və Cənubi Amerikada bir çox mühazirələr
vermiş, 28 yaşında professor elmi dərəcəsinə yüksəlmişdir. Beləliklə də, Alman
fəlsəfəsində Şellingdən sonra ən gənc ikinci professor olmuşdur.
Öncəlikdə
müsahibə təklifimizi qəbul etdiyiniz üçün təşəkkür edirik
Buyurun, mənim
üçün xoşdur.
Müsahibələrinizin birində belə fikir bildirmişdiniz. “Fəlsəfə ilə məşğul
olarkən, əslində nə ilə məşğulam?” Bu suala verəcəyim cavab budur: “insan
olmağın haqqını verməyə çalışıram”. Bu cavab əslində bütün fəlsəfənizin qısa
bir xülasəsi hesab oluna bilər. Bizə insan olmaq dedikdə nə başa düşdüyünüzü təkrar
izah edə bilərsinizmi?
Təbii
ki, yeni kitabım olan Der Sinn des Denkens (Düşünmənin mənası)
belə bir ifadə ilə başlayır: “İnsan daima
özünü bir heyvan olmadığına inandırmağa çalışan heyvandır”. Yəni insan özünü
aldadan heyvandır və necə, hansı ölçüdə heyvan olduğundan xəbərdar deyil. Bu
aldadılmağı ana xətləri ilə bu üç formada anlaya bilərik. Birincisi, canlı
olmadığımız, maddədən və enerjidən ibarət olduğumuz yanlışına qapıla bilərik
ki, bu da insanı insanlıqdan uzaqlaşdırmaq deməkdir. İkincisi isə eynilə digər
heyvanlar kimi, primatlar, itlər və arılar kimi olduğumuzu düşünə bilərik. Bu
da öz növbəsində bir digər yanlış anlaşılmadır. Çünki heyvan olmağımız digər
heyvanlarla eyni olduğumuz demək deyil. Üçüncü olaraq isə özümüzü olduğumuzdan
daha üstün, daha artıq hesab edə bilərik, məsələn, mələk, tanrı ya da mexanizm
kimi. Bu yanaşmaya görə, biz ya süni intellektik, ya da komputer kimi işləyən
bir beyin. Bunlar mənim fikrimcə insan varlığı haqqında olan yanlış təsəvvürlərdir.
Bütün bunlara rəğmən fəlsəfə nə olduğumuz haqqında doğru bir fikrlərə sahib
olmağımıza imkan yaradır. Fəlsəfə bu baxımdan öz insanlığımız haqqında
yanılmamaq üçün yaratmış olduğumuz ən yaxşı fəaliyyətdir. Bu fəlsəfəçilərin
yanılmadığı mənasına gəlmir. Mənimlə eyni baxışı paylaşmayan filosoflar məsələn
yanılmışdır(gülür), ya da mən
yanılmışam. Hər fəlsəfəçi yanılmışdır təbii ki, amma fəlsəfə bizim özümüz
haqqındakı həqiqəti tapmağımız üçün yaratdığımız şübhəsiz ki, ən yaxşı fəaliyyətdir.
Birinci sualın davamı olaraq bunu soruşmaq istəyirəm ki, İnsanın
düşüncəsini onun beyni ilə sərhədləyən neyrologiyanın “mən”-i beyinlə eyniləşdirməsinə
qarşı çıxırsınız. Neyrosentrizm adlanan bu nəzəriyyəyə görə, bütün bədən
funksiyalarımız və zehni fəaliyyətlərimiz beyin tərəfindən idarə olunur. Eyni
zamanda bu fikri dəstəkləyən çoxsaylı empirik dəlillər də vardır. Bunları nəzərdən
keçirdiyimizdə, “mən” niyə sadəcə beyindən ibarət deyildir?
İnsanlığımız
insan olmağımızın mahiyyətidir. Yəni insanlığımız özümüzü özümüzə qarşı fərqli
formalarda yerləşdirməyimizdir. Məsələn, bu iddialara baxaq: Mən insanam, çünki
ölümlü bir ruhum var. Ya da insanam, çünki xüsusi olan bir beyinə sahibəm. Ya da
biloji təchizatımın imkan verdiyi xüsusi bir programdan dolayı özümün insan
olduğunu düşünürəm. Göründüyü kimi insanın nə olduğunu anlamağa dair çox fərqli
baxışlar mövcuddur. Ancaq bu baxışların hamısının ortaq olduğu bir yer var.
Onların hamısı insanın nə olduğunu anlamağa çalışır. Hamısında ortaq olan nöqtə
budur. İnsanlıq insan olmağın nə demək
olduğu sualını soruşa bilmək bacarığıdır. Mənim yanaşmamım sirri də elə
budrdadır. Yəni bir addım geriyə gedirəm və son zamanlarda adlandırdığım kimi
buna “ikinci dərəcəli antropologiya”
deyirəm. Bu suala cavab vermək fəaliyyətimiz insan olmağın nə demək olduğunu da
müəyyən edir.
Digərlərinin
səhvi burdadır. Məsələn, özünü gerçəkliyin ortasında dayanmış bir beyin olaraq
düşünə bilərsən. Ancaq beyinlə eyni olduğunu düşünmək, dırnaqlarınla, masanla,
ya da Nyu Yorkdakı bir küçə ilə eyni
olduğunu düşünməkdən fərqli deyildir. Təbii ki, Nyu Yorkdakı bir küçə
deyilsiniz. Belə yanaşdığımızda özümüzü beyin olaraq qəbul etmək daha məntiqli
gəlir bizə. Çünki beynim olmadan insan da ola bilmərəm. Beynim indiki anda
etdiyim şeyin, yəni insan olduğumu ifadə edə bilməyimin zəruri şərtidir. Əgər
beynimi çıxaranız suallara cavab verə bilmərəm, lakin dırnaqlarımı kəssəniz, yenə
də suallarına cavab verə bilərəm. Bu səbəbdən beyin sanki özümə daha yaxın
olandır və bir çox insan da bunu düşünərək beyni ilə eyni olduğunu fikriləşir.
Çünki doğrudan da çox şeyi beynimiz vasitəsilə gerçəkləşdiririk. Ancaq bu əslində
bir yanılmadır. Beyinin suallara cavab verən bir organizm kimi insanın zəruri bir hissəsi olması bunu sadəcə
olaraq beyinin gerçəkləşdirdiyi mənasına gəlmir. Təbii ki, bunu dəqiq olaraq
necə baş verdiyini bilmirik. Ancaq Hillary Putnam-ın düşüncə təcrübəsində göstərdiyi
kimi beynimi çıxarıb ortaya qoysanız, heç bir şey düşünə bilmədiyini görəcəksiniz.
Bu empirik bir məsələdir. Elə asan bir şəkildə başa düşəcəyimiz bir şey deyil. Yaxşı
ki, o cür etmədik(gülür) Heç bir
zaman “saxsı qabdakı beyin” deyilən
bir şey olmadı ki, ona sual verə bilim, ya da o sualları cavablandıra bilsin. Əgər olsaydı,
çox gözəl olardı təbii ki. Onula bir müsahibə təşkil edib bədənsiz olmağın necə
bir şey olduğunu öyrənə bilərdik, ancaq təəssüf ki, bu mümkün deyil. Lakin bu
cür beyinlər bir formada da olsa düşünə bilərdilərsə, bu da önəmli bir nailiyyət
ola bilərdi. Onda beynimlə eyni olduğumu demək bu qədər absurd olmazdı bəlkə də.
Belə bir vəziyyətdə bu leptopun beynim olduğunu və onunla eyni olduğumu deyə
bilərdim. Ancaq mən, Markus Gabriel, bu anda qarşınızda dayanan heyvan, mən
beynim deyiləm, çünki sadəcə beyni olan yox, ayaqları, əlləri olan bir
heyvanam. Məsələn, indi suallara cavab verdiyim anda sadəcə beynim işləmir. Səsimi
eşidirsiniz, beynim və dilim fərqlidir. Əgər elə olmasaydı, səsimi duya bilməzdiniz.
Danışıq aktı beyin hadisəsi deyildir. Ağızımız var, ya da səsləri sisemləşdirən
mexaniki kvant qanunları var. Modern komputerlərlə mümkün olan bilik taransferi
var məsələn. Dolayısı ilə, mənim, Markus Gabrielin öz beynimlə eyni olduğum fikri
doğru deyil. Bu olsa olsa, bu cür ola bilərdi. Əgər mən sadəcə beyniməmsə, onda
beynimlə eyni olardım. Bu doğru fikridir, lakin nə qədər də boş bir ifadədir. Sadacə
insanın fikrini qarışdırır. Çünki əgər beynimlə eyniyəmsə, bu beynimlə eyni
olduğum mənasından başqa bir mənaya malik deyil(gülür) Bu ifadə faktlara dair heç bir şey demir, əksinə fikrimizi
qarışdırır. Əksər filosoflar bu cür yanlışa məruz qalırlar. Mən bu yanılmaya neyrosentrizm deyirəm, çünki nə də olsa
beynimizlə eyni deyilik.
Ancaq neyrosentrik yanaşma dediklərinizin bir çoxu ilə uyğunlaşdırıla
bilər. Məsələn, beynimizlə tam olaraq eyni olmadığımız qəbul oluna bilər. Amma
yenə də beynimizin bütün fiziki, zehni və bütün insani fəaliyyətlərimizin mərkəzi
olduğunu deyə bilərik. Bundan ötrü beyinin xüsusi olduğunu iddia edirlər.
Bəli,
ancaq bu yanaşma da yanlışdır və empirik dəlillərə malik deyil. Məsələn, mən öz
universitetimdə bir çox biologla birlikdə işləyirəm və burada həqiqətən möhtəşəm
biologlar var. İmmun sistemimiz və mədəmizdə gəzməkdə olan mikroblar haqqında
araşdırmalar edirlər. İndi sinir sistemi ilə bağlı araşdırmalarımız da var.
Ancaq bu biologların göstərdiyi odur ki, bu mikroblar da düşünməyimizdə ən az
beyin hüceyrələrimiz qədər təsirə malikdirlər. Məsələn, bir sıra şeylər var ki,
onları ac olduğumuz üçün edirik. Ürəyimizin şokolad istəməsi kimi. Şokoladı
düşünməyimiz bədənimizin başqa bir yerində baş verən prosesin məntiqi nəticəsidir
və heç bir şəkildə çoxu insanın düşündüyü kimi, mərkəzi sinir siseminin nəzarətində
baş vermir. Dolayısı ilə, düşüncəmizin mərkəzi sinir sistemi, ya da beynimiz,
ya da cerebrum tərəfindən idarə
olunduğu iddiası bioloji olaraq da əsassızdır.
Organizmimiz
haqqında bu empirik, ya da tibbi de deyə bilərsən, iddiaların insan haqqında bu
ana qədər bildiyimiz şeylər içərisində heç bir təməli yoxdur. Filosofların
hesab etdiyi kimi bir növ deduktivlik bu baxımdan da yanlışdır. Başqa digər
neyrolog və komputer programçısı ilə də bu məsələləri müzakirə edirəm. Mənə
bunu deyirlər: “Şüur dediyində nəyi nəzərdə tutduğunu bilmirik, başa düşmürük”.
Elədirsə də, əlimizdə daha böyük bir problem var. Görsən beyinin nə olduğunu həqiqətən
bilirik mi? Beyin deyə qəbul etdiyimiz şey də əslində nəzəri bir qəbullanmadır.
Onsuzda bu qəbullanmalar çox çətin şeyləri olduqlarından daha sadə formada izah
etmək üçün varlar.
İndi
isə deyirlər ki, beyin tək bir orqan olaraq düşüncə fəaliyyətini mümkün edir,
necə ki, ürək döyünərək bütün bədəni qanla təmin edir. Yəni düşünmək məsuliyyəti
beyindədir. Bu yanaşma günümüzdəki neyrologiyada tamamilə geridə qalmış bir
düşüncədir. Əvvəla, beyinin əksər hissəsinin nə ilə məşğul oldunu bilmirik, heç
kim bilmir. Yüz sinir heceyrəsinin bir dəqiqə ərzində sinxronlaşaraq nələr edə
biləcəyini bilmirik. Öyrənməyə məcburuq. Ən inkişaf etmiş elmi metodlarımız belə
insan beynini anlamağın yanından belə keçmir. Dolayısı ilə filosoflar bu
problemin həll olunmuş olduğunu düşünürlər, ancaq elə deyil. Daha sonra da
yanlış formullaşdırılmış suallara cavab verməyə çalışırlar. Şüur fəlsəfəsinin
ana axımları bu məsələdə bir nəticəyə gələ bilmirlər və sadəcə institutsional səviyyədə
qalırlar. Fantastik ədəbiyyatdan, məsələn, Borxesdən belə daha geridədirlər. Baxmayaraq
ki, fantastik ədəbiyyat ən azından əyləncəlidir və ədəbiyyatdan kənar gerçəkliyə
dair hökm vermir. Ancaq bu filosoflar hələ həll olunmamış olan empirik hipotezlər
haqqında həqiqətən önəmli şeylər dediklərini hesab edrək yanılırlar.
Bəli, İch ist nicht Gehirn (Mən beyin deyildir) kitabınızda şüur filosoflarının
deduktiv yanaşmasını sərt bir şəkildə tənqid edirsiniz. Tənqidlərinizin əsasını
təşkil edən isə “fəlsəfənin əlifbası” adlandırdığınız azadlıqdır. Yaxşı, bəs
sizə görə azadlıq fəlsəfəsi nədir? Əgər insan mənliyini ən həqiqi olaraq ifadə
edən şey azadlıqdırsa, nəzarət, izləmə və idarəetmə olaraq adlandırılan günümüzdəki
qlobal azadlıq məhrumiyyətinin qaynağı nədir? Bizi azad edən şeylər eyni
zamanda azadlığımızı sərhədləyirmi?
Əvvəlcə,
azadlıq dedikdə nə başa düşdüyümüz sualına cavab vermək gərəklidir. Azadlıq
ümumi olaraq şokoladlı və vanilli dondurma arasında seçim etmək azadlığı olaraq
başa düşülür. İkisindən birini seçmək azadlığın 50% olsun və deyək ki, vanilli
yerinə şokoladlı dondurmanı seçdim. Birini digərinin əvəzinə seçməyimin azad
iradəmizin nəticəsi olduğu deyilir. Ancaq bu mənə görə tam düzgün olmayan
azadlıq anlayışdır. Onsuzda belə bir şey yoxdur. Gerçəklikdə verdiyimiz heç bir
qərar 50%-lik bir nəticədə seçim etmək kimi deyildir. Bu gerçəklikdə olmayan
bir ssenaridir. Gəlin hesab edək ki, elədir və həqiqətən də niyə şokoladlı
dondurmanı vanillinin yerinə seçdiyimi tam şəkildə bilirəm. Bu vəziyyətdə belə
ehtimal 50% deyildir. Bir tərəf mütləq şəkildə daha çox, digər tərəf isə daha
az olacaqdır. Bunun niyə məhz bu formada olduğunu bilmirik. Ehtimalı olan hər fərqli
vəziyyət daha fərqli nəticələr yaradır.
Ancaq
bir dəfə seçim ediyimdə bu ehtimallar ortadan qalxır, çünki faiz nisbəti 100%
olur. Bu baxımdan 50%-dən bəhs edən seçim nəzəriyyələri tamamilə uydurmadır. Sadəcə
bir düşüncə təcrübəsidir və bizi heç bir yerə aparmır. Bundan daha yaxşı olan
azadlıq anlayışı isə insanın özünün özünü müəyyən etməsi olaraq nəzərdən
keçirilən azadlıqdır. Yəni azadlıq budur: özünün kim olduğu anlayışına əsalanaraq
bir şey etməyin. Məsələn, sən siqaret çəkirsən deyək ki. Bu bir fəaliyyətdir,
hadisə, başına gəlmiş bir qəza kimi bir şey deyil. Sənin siqaret çəkməyinə
inkam verən bütöv bir həyat forman var. Həzz alırsan və gündə müəyyən vaxtlarda
çəkirsən və insanlar da daima sənə siqaretin zərərli olduğnu və onu atmanı məsləhət
görürlər. Sən də onlara cavab verirsən və öz səbəblərini irəli sürürsən. Hər kəs
bəzən özü üçün zərərli olan şeylər edir, sənin üçün də bu siqaret çəkməkdir.
Kimsə daha çox şərab içir, kimsə qəhvə içir, kimsə günəşdə yanmaqdan həzz alır.
İndiki anda siqaret çəkmək üçün bir çox səbəblərə malik olmağın sənin özünü siqaret
çəkən azad biri olaraq müəyyən etmiş olmağındır. Sigaret sənin başına gəlmiş
bir hadisə deyil, o bir fəaliyyətdir. Başına bir çox şey gələ bilər, məsələn dəri
xərçəngi ola bilrəsən. Lənətə gəlsin, dəri xərçəngi oldum deyə bilərsən. Bu həqiqətən
də pis bir şeydir və bununla mübarizə aparmaq lazımdır. Bu baxımdan dəri xərçəngi
siqaret çəkməkdən fərqli olaraq başına gələn bir şeydir. Siqaret çəkmək isə
şüurun sayəsində başlatdığın insani olan, azad bir fəaliyyətdir.
Dolayısı
ilə azadlıq insanın özünü müəyyən etməsidir. İndi bəzi neyrologlar dəri xərçənginə
bənzər olan organizmimizdəki bəzi qeyri-şüuri amillərin bütün şüurlu qərarlarımıza
təsir etdiyini, onların zəmininin hazırladığını düşünürlər. Yəni belə deyirlər:
Siqaret çəkməyinin özünə görə səbəblərinin olduğunu düşünə bilərsən, hətta bu səbəblər
haqqında daha ümumi başqa səbəblər də irəli sürə bilərsən. Lakin gerçəklikdə
olan bədənindəki bir sıra anonim güclərin səni yönləndirməsindən başqa bir şey
deyil. Bu iddia tamamilə əsasızdır. Çünki əgər bu iddia doğru olsaydı, bu
iddianı səsləndirənlərin, onu dilə gətirmələri üçün heç bir səbəb olmazdı.
İnsan azadlığı haqqında bir fikir bildirmələri, yaxud da insan azadlığını rədd
etmələri eynilə dəri xərçəngi kimi bir şey olardı. Bu da məntiqdən kənar bir
şeydir. Çünki əgər belə olsaydı, heç bir şey deyə bilməz, azad iradəni rədd edə
bilməzdilər və bir şey deyə bilmələri mümkün olmazdı. Onları danışan varlıqlar
olaraq başa düşə bilməzdik. Nəticələrinə baxdığımız zaman iddia etdikləri şeylər
inanılmaz dərəcədə əsasızdır. Bunu heç vaxt tam formada dilə gətirmirlər. Cavabı
belə verirlər: “vanilli dondurmanı seçməyinin səbəbi bədəninlə bağlı bəzi şeylərdir”.
Bu onsuzda bilinən bir şeydir. Bir dad alma bacarığım var və təbii ki, də bir şeyi
digər bir şeylə əvəzləməyimdə, yaxud da bir şeyi istəyib, digərini istəməməyimdə
bioloji səbəblər var. Çünki mən bir heyvanam. Bu təəccübləndirici bir şey
deyil.
Ancaq heyvan olmağım özünü müəyyən etməyən
heyvan olduğum da demək deyil. Keçənlərdə Bonn-da iradə azadlığı haqqında təşkil
etmiş olduğum konfransda bir iştirakçı insan davranışlarının. Məsələn, bir düyməyə
basıb basmamağın əvvəlcədən müəyyən edildiyini sübut etmək üçün keçirilmiş məşhur
eksperimentlər haqqında təqdimat keçirdi. Bu təcrübələrə əsaslanaraq birinin
düyməyə basmaq üçün barmağını oynadacağını 7 saniyə daha əvvəl bilmək imkanımız
var. Buna əks olaraq iki argument nəzərdən keçirilə bilər. Biri empirikdir, digər
isə həqiqətən gülməlidir və bu təcrübələrdə nəyin yanlış olduğunu izah edir.
Floridada keçirilmiş bir eksperimentdə insanlara onların nə vaxt barmaqlarını
qaldıracaqlarını təxmin etməyin mümkün olduğunu dedilər. Məhz bu səbəbdən
dolayı da insanlar barmaqlarını qaldırmadılar. “Xeyr, olmaz. Barmağımı qaldırmayacağam”
dedilər. Bu eksperiment empirik baxımdan yuxarıdakı iddianın yanlış olduğunu
sübut edir. Bununla beynimizdəki gözlənti potensialının hərəkətlərimizi müəyyən edib etmədiyini
araşdıra bilərsiniz və bu iddianın yanlış olduğunu siz də görə bilərsiniz.
Dolayısı ilə gözlənti potensialı sizi hər hansı bir şeyi etməyə məcbur edə bilməz.
Lakin
möhtəşəm bir argument də var. Əgər beyinin sizə bir şey etdirməsi fəaliyyətdən
7 saniyə əvvəl başlayırsa, zaman müddəti nə qədər az olursa olsun, bir insanı
daima sürətli qərar verməyə məcbur edə bilərsən. Məsələn, belə bir eksperiment
daxilində birinə 1 saniyə, ya da yarım saniyə ərzində həyat yoldaşından boşanıb
boşanmamağı haqqında qərar verməsini istəyə bilərsən. Bu vəziyyətdə beyin təbii
ki, qərar vermək üçün yetərli zamana sahib olmayacaq. Lakin o şəxs öz həyat
yoldaşını boşamamaq qərarı verəcəkdir. Dolayısı ilə yuxarıdakı iddia həm nəzəri,
həm də empirik olaraq yanlışdır. Amma daha faciəli olan belə bir vəziyyət də
var. Məsələn, belə iki iddianı nəzərdən keçirək. Mən ya beynimə, ya da bütün
organizmimə, özümə, bu anda görünən heyvana bərabərəm. Onunla eyniyəm və
organizmin qeyri-şüuri formada nə edəcəyimə qərar verir. Bu iki vəziyyət də mənim
azad olduğumu göstərir. Əgər mən öz organizmimsə və organizmim nə edəcəyimə qərar
verirsə, deməli nə edəcəyimə mən özüm qərar verirəm, yəni mən azadam. Yəni bu
argumentlərin göstərdiyi tək şey qərar
vermə prosesinin şüurlu bir proses olmadığını göstərmək olur. Ancaq qərar vermə
prosesini iki seçim arasında şüuri bir özümü təmsil edən şeyin seçimi olaraq
düşünmək, yəni tam hakim olduğum bir proses olaraq nəzərdən keçirmək yanlışdır.
Bu niyə azadlıq olsun ki? Bu hekayə əvvəlindən
sonuna qədər ciddi xətalarla doludur.
ardı var...
Tərcümə edən Bəhmənyar Klub
https://www.sabahulkesi.com/2018.10.08
Yorumlar
Yorum Gönder