Öncəliklə
onu qeyd etməliyəm ki, “insanların kopiylarının ortaya çıxması və insanlarla
mübarizə aparması” fikri yetəri qədər işlənilmiş və bir sıra filmlərdə də rast
gəldiyimiz bir mövzudur (məsələn, “Coherence”
oxşar mövzulu bir filmdir). Lakin mövzusu hər nə qədər təkrarçılığa yer vermiş
olsa və filmin bəzi hissələrin daha öncə görmüş olduğumuz məşhur səhnələrdən
tez-tez istifadə olunsa da, filmin mahiyyəti, verdiyi mesaj düşünürəm ki, eyni
janrdakı
digər filmlərin verdiyindən olduqca fərqli formada işlənilmişdir. “Biz” bir qorxu filmidir və son dönəmlərin Amerikan həyatındakı iblis, şeytan və pis ruhların üstünlük təşkil etdiyi digər qorxu filmlərindən kəskin fərqlənir. Hardasa Hollyvood sayağı cinayət motivli qorxu filmləri ilə, iblis, ruh motivli qorxu filmlərinin birləşdirilməsi baxımından yanaşmaq da mümkündür. Son dövrlərdə çəkimiş filmlərin səthi xarakterini nəzərə aldığımızda, “Biz” yenidən bizdə XX əsrin “kult” filmlərinə dönmüş kimi abu-hava yaradır.
digər filmlərin verdiyindən olduqca fərqli formada işlənilmişdir. “Biz” bir qorxu filmidir və son dönəmlərin Amerikan həyatındakı iblis, şeytan və pis ruhların üstünlük təşkil etdiyi digər qorxu filmlərindən kəskin fərqlənir. Hardasa Hollyvood sayağı cinayət motivli qorxu filmləri ilə, iblis, ruh motivli qorxu filmlərinin birləşdirilməsi baxımından yanaşmaq da mümkündür. Son dövrlərdə çəkimiş filmlərin səthi xarakterini nəzərə aldığımızda, “Biz” yenidən bizdə XX əsrin “kult” filmlərinə dönmüş kimi abu-hava yaradır.
Filmin rejissoru Jordan Peele “Biz” dən əvvəlki
filmi olan “Get out”-da oxşar ssenaridən istifadə edərək fərqli məzmunda qorxu
filmi təqdim etmiş bir rejissordur. Bu səbəbədən də bəzi yerlədə Jordan Peele
haqqında “yeni Hitçkok” olması ilə bağlı fikirlər yer alır. Hər nə qədər
Hitçkok olaraq qəbul etməyin bir qədər şişirdilmiş bir ifadə olduğunu düşünsəm
də, Jordan Peele-yə hər iki filmindən dolayı gərəkli hörmətin göstərilməsinin tərəfdarıyam.
İndi isə keçək filmə...
Film 1986-cı ildə baş vermiş bir sıra hadisələrlə
başlayır. İlk öncə valideynlərinin əhatəsində lunparkda əylənən balaca qızın valideynlərinin
ehtiyyatsızlığından dolayı nəzarətsiz qalması əks olunur. Nəzarətsiz qalan
balaca qız öncə sahilə, daha sonra da parkdakı qəribə məkana daxil olur. Bunu
çox vaxt bir qorxu tuneli olaraq tanıyırıq. Yeri gəlmişkən elə filmin əvvəlində
də Amerikada çoxlu tərk edilmiş tunellərin olduğundan söhbət açılır. Balaca qız
qorxu tunelindəki aynalar olan otağa daxil olur və qəribə şəkildə çıxışın
hardan olmasını tapa bilmir və fit çalmağa başlayır. Daha sonra isə fitin
başqası tərəfindən təkrar edildiyini və aynada tərpənməz duran əksini görüb dəhşətə
düşdüyü anda səhnə tamamlanır. Filmə ilk olaraq real hadisələr kontekstində
yanaşdığımızda balaca qızın tənha belə bir məkanda qalması və qorxması başa
düşüləndir. Qorxunun xarakterindən asılı olaraq balaca qızın travma almasını və
sonrasında danışmaması da mümkündür. Çalınan fitin əks-səda verməsi və aynadakı
öz əksini görməsi balaca qız üçün bir kopiyasının var olmuş olacağı gerçəkliyini
formalaşdıra bilərdi. Daha sonrakı səhnədə qızın anasının “mən öz qızımı istəyirəm”
ifadələrini eşidən balaca qız aldığı travmanın təsiri ilə əsl özünün orda,
tuneldə qaldığını, burdakı özünün isə başqa biri olduğu qənətinə gələ bilərdi.
Biz bunu filmin sonunda artıq böyümüş olan qızın xatirələrində görə bilərik. Əl-ələ
tutumuş qırmızı geyimli insanlar isə 1986-cı ildə yəni filmin əvvəlin
televiziyada göstərilən reklamda yer alırdı. Bu travmadan öncəki xatirə kimi
qızın yaddaşında qalması və gələcək arzuya çevrilməsi normaldır. Təbii ki, bu
filmə realist baxış idi və təbii olaraq filmin bundan ibarət olduğunu deyə bilmərik.
Rejissor reallıq elementlərini də yetəri qədər işıqlandırdığı üçün film o qədər
də ütopik xarakterə malik deyil deyə düşünürəm.
Filmə olan baxış bucağımızı dəyişdirdiyimizdə isə
qarşımıza aktyorların qara dərili olması və ətraflarındakı insanların hamısının
ağdərili olması detalı diqqətimizi çəkir. İstər lunaparkda, istərsə də çimərlikdə
hər kəs ağdərilidir, yalnız Adelaide ailəsi qara dərili. Filmin irəlidəki səhnələrində
də bütün dovşanlar ağ yalnız bir dovşan qaradır. Klassik Amerikan filmlərinə əsaslanaraq
bu ailəyə dəri rənglərindən dolayı hər hansı rasizm elementlərinin baş verəcəyni
düşünürük, lakin belə bir şey baş vermir. Əksinə ailə yetəri qədər imkanlı bir
ailədir. Sadəcə olaraq dost olduqları digər ağdərili ailə ilə aralarında daxili
bir rəqabətin olduğunu anlayırıq. Məsələn, hər iki ailənin almış olduğu qayıq səhnəsi
buna misal ola bilər. Ağ dərili ailənin qayığı daha yaxşı formadadır, Adelaide
ailəsinin qayığı isə köhnədir, qəribə şəkildə “sol”-a çəkir. Digər tərəfdən də
xanımların danışı zamanı tatoo məsələsində ağdərili qadının “onsuzda sənin ehtiyacın
yoxdur” deməsi ən azından izləyici olaraq məni təsirləndirmiş element idi.
Reallığa qayıdacaq olsaq ağ dərili ailənin bütün üzvlərinin öldürülməsi əslində
Adelaide ailəsinin daxili bir istəyi kimi şərh oluna bilər. Digər tərəfdən də
Adelaide ailəsinin öz kopiyaları ilə olan söhbəti zamanı səslənən fikirlər,
hansı ki, “sən daha yaxı yaşayırdın, kölgə isə daha pis, sənin yaxşı
oyuncaqların vardı, kölgənin isə oyuncaqları onu yaralayırdı” kimi ifadələr və
nəhayət “siz kimsiziniz?” sualına verilən “Amerikalı” cavabı filmdə işlənilmiş
rasizm və sinfi bərabərsizlik problemini ortaya çıxarırdı. Rejissorun “Get out”
filmində də baş qəhrəman qara dərili oğlandır və Jordan Peele aktyorların dəri
rəngindən verəcəyi mesajlar üçün əla istifadə edir deyə bilərik. Ən azından
film, qara dərili qəhrəman yaradaraq qara dərili insanlara xitab etməyə çalışan
Marvel filmlərindən kəskin fərqlənir.
Film izlədikcə başa düşürük ki, bütün kopiyalar öz əsl
sahiblərini öldürüb. Yalnız Adelaide ailəsi öz kopiyalarına qalib gələ bilib.
Başqa qəhrəman xanımın öz kopiyası ilə olan mübarizəsi də əslində isnanın özü
ilə olan münasibətidir demək doğru olardı. Bütün digər kopiyaların danışmaq
qabiliyyətlərin olmadığı da diqqət çəkən bir məsələdir. Yalnız bir kopiyadan
başqa. Eyni zamanda kopiyların hər zaman orjinal insanların hərəkətlərini təkrar
etdiklərini balaca oğlanların səhnəsində göstərir film. Baş qəhrəman xanımın isə
kopiyası ilə illər əvvəl yerlərini dəyişdiyini kopiya olanın real, real olanın
kopiya olduğu verilir filmin sonunda. Buna görə də, kopiya olan rəqs etməyi,
düşünməyi və danışmağı digərlərindən fərqli olaraq bacarır. Yer altındak tunellərdə
var olan kopiylara yuxarıdakı insanların etdiklərini imitasiya edirlər. Bir
baxıma rejissorun mövqeyindən baxdığımızda hər bir aşağı sinifdən olan insan
yuxarı sinifdəki insanın etdiklərinin, yaxud da etmək imkanı olduğu şeylərin
sadəcə kopiyasını reallşadırmır mı? İstər yemək olsun, istərsə də əyləncə,
kimin yediyi yemək əsl, kiminki kopiyadır sizcə? Kimin əyləncəsi orjinal,
kiminki kopiyadır? Daha aşağılarda yer tutan, lunaparka getməyə imkanı olmayan
biri üçün lunapark əyləncəsi eynilə tuneldəki lunapark imitasiyası edən
insanların hərəkətlərindən nə ilə fərqlənir? Bütün insanlar bir qrup insanın
etdiklərini təkrarlayan, onlar kimi yaşamağa çalışan, geyimlərini, yeməklərini,
əyləncələrini kopiyalayan çoxsaylı kopiylar deyilikmi? Bizim qəfəslərdəki ağ
dovşanlardan fərqləndirən şey nədir. Hamımız üzərimizdə təcrübə aparan ağ
dovşan deyilikmi? Nəhayətində, bu günün sistemində hər bir aşağı sinifdən olan və
qaradərili insan daha zəngin və ağdərili insanın kölgəsi deyilmi? Burada kölgənin
qara olması elementi də öz yerinə oturur.
Filmdə Adelaide ailəsinin qızının dediyi “hökumət
bizi idarə etmək üçün sulara fülör qatır” ifadəsi, yer altı tunellərdə
kopiylaraın hazırlanması, yuxarıdakıların idarə olunması, dovşanlı tunelin
xarakteri Amerikan sisteminə və idarəçiliyinə olunan tənqidi işarəni də ifadə
edə bilər. Bu həm də kopiyların La casa De papel-i xatırladan qırmızı geyimlərini,
inqilabçı ruhlarını önə çəkən nüans idi. Qayçının isə aşağı və yuxarı sinifləri,
iki kopiynı birləşdirən obyekt olması da diqqətimizi çəkir. Bəlkə qızılı rəngli
qayçı qızıl orta amilinə edilmiş işarədir. Filmdə geniş yer verilən Yeremiya
11:11 isə Tanrının “qaçıb xilas ola bilməyəcəkləri bir müsibət göndərəcəyəm üzərlərinə”
deyir, “məndən rəhm diləsələr də onları eşitməyəcəyəm” hissəsi də önəmlidir. Bu
hissənin aşağıların və qara dərililərin yüksəlməkdə olan haqsızlığa qarşı qəzəb
və mübarizəsini ifadə edib etmədiyi izləyicinin verəcəyi cavab bağlıdır. Bəlkə də,
1986-cı ildəki balaca qızın gördüyü son şəxsləri öz beynində günahkar olaraq qeyd
etməsinin nəticəsidir. Təsadüfi deyildir ki, filmdə ilk ölən şəxs Yeremiya
11:11 lövhəsini tutan və artıq qocalmış olan kişidir.
Film özlüyündə mahiyyət və verdiyi mesajlar
baxımından xüsusi hesab etmək olar. Lakin istifadə olunan səhnələr baxımından o
qədər də uğurlu deyildi. Qara dərili aktoyorların baş rolda olması xüsusi bir fərqli
təsirə malik idi təbii ki. Evdən çıxadıqlarında açarın evdə qalması səhnəsi isə
qorxu filmləri izləyiciləri üçün çox tanış və klişe deyə biləcəyimiz bir səhnədir.
Bahmanyar Club
Yorumlar
Yorum Gönder