Enrike Dussel məni Universidad
Nacional Autonoma Mexicom-da öz ofisinə aparan qara qapıdan içəri dəvət edir.
45 dəqiqə gecikmişəm və gecikməyimə rəğmən professor mənə vaxt ayrımaq istəyir.“Nəticədə
bütün yolu Pakistandan gəlmisiniz” deyir, “əgər danışa bilməsək, ayıb olardı”.
Onun ofisində öz düşüncəsinə bənzər bir kitabxana
var: Eklektik və intizamlı. O, az qala insanın düşüncə sərhədlərinin olduğunu qəbul
etməyən, dünyanın hər tərəfindən olan fəlsəfənin acgözlü
oxucusudur. Yazdığı, qara dərili cildlərdə və adları qızılı işləməli olan kitabları bütün divarı əhatə edir. “Seçilmiş əsərlərim” deyə qeyd edir, Dussel. O, öz qələmini və düşüncəsini birləşdirərək Meksika və daha uzaqlarda fəlsəfə tələbələri, siyasi qruplar və aktivistlərə ilham verən əsərlər kolleksiyasının yaranmasın yol açmışdı.
oxucusudur. Yazdığı, qara dərili cildlərdə və adları qızılı işləməli olan kitabları bütün divarı əhatə edir. “Seçilmiş əsərlərim” deyə qeyd edir, Dussel. O, öz qələmini və düşüncəsini birləşdirərək Meksika və daha uzaqlarda fəlsəfə tələbələri, siyasi qruplar və aktivistlərə ilham verən əsərlər kolleksiyasının yaranmasın yol açmışdı.
Dussel günümüzdə yaşayan ən əsaslı və yenilikçi
siyasi filosoflardan hesab olunur. O, 50-dən çox kitabın müəllifidir və siyasi
fəlsəfə, etika, otologiya, teologiya qədər hər şey haqqında geniş şəkildə
yazmışdır. Qurtuluş fəlsəfinin yaradıcılarından biri kimi Cənubdakı fikir adamı
olmaqla bu düşüncə sahələrinə öz mövqeyindən yanaşır. Argentinada, Mendozada kənd
doktorunun gənc oğlu olması onun həyatında müəyyənedici rola malik olmuşdu.
Yoxsul əyalət ailələri ilə olan əlaqələri, əlil uşaqlarla könüllük işi və bir gənc
kimi siyasi aktivliyi onun intellektual mühakimələrini formalaşdırmış, bir çox
digər təcrübə ilə birlikdə bu gün olduğu şəxs olmaq istiqamətində yolunu
açmışdır. Bəlkə də, məhz buna görə onun keçmişi qarşımdakı şəxsdən və onun fəlsəfindən
danışmaq üçün başlanmalı olduğum yerdir.
MA: Öncəlikdə özünüzü bir filosof olaraq ifadə
edirsiniz. Filosofun və fəlsəfənin rolunu açıqlaya bilərsinizmi?
Dussel: Mənim üçün ilk növbədə
önəmli olan məsələ Latın Amerikasında filosof olmağın nə demək olduğunu kəşf
etməkdir.
18 yaşında Fəlsəfə fakültəsində oxumağı seçdim. Mənim
vaxtımda bakalavr təhsili 10 smestr ya da 5 il davam edirdi. Öncələri
Argentinada fəaliyyət göstərdim, daha sonra isə 1975-ci ildə Argentinada hərbi diktatura
qurulduğu zaman Meksikaya sürgün edildim. Bu nöqtədə qeyd etməliyəm ki, Argentinada
da fəlsəfə istiqaməti Avropasentrik idi. Biz Yunan fəlsəfəsi, Latın, Orta əsrlər
və s. oxuyurduq. Yəni ki, Argentinada fəlsəfə oxumaq Madrid, Berlin və Parisdə fəlsəfə
oxumaqla eyni idi.
23 yaşımda İspaniyada doktorluq təhsili almaq üçün
təqaüd əldə etdim. Məhz bu nöqtədə bir Avropalı olmadığımın, əksinə bir Latın
Amerikalı olduğumun fərqinə vardım. Və daha sonra nə baş verəcəyini bilmirdim.
Avropada ümumilikdə 10 il keçirdim. Madriddən sonra 2 il müddətinə Parisə
Sorbonnaya və Almaniyaya getdim. İsrail, Yunanıstan, Misir, Mərakeş, İordaniya
və başqa yerləri gəzdim.
(Dussel, müstəmləkəyə çevrildiyini hesab etdiyi
siyasi fəlsəfənin təməllərini ortaya qoyduğu 3 cildik araşdırmasının ilk cildi
olan “The Politics of Liberation: A
Critical Global History” kitabını seçdi)
Bu kitab öz sahəsində bir ilkdir. XIII əsrdən
2000-ci ilə qədər Latın Amerikası, Karib hövzəsi və Latın fəlsəfəsini ortaya
qoyur. 1100 səhifə həcmindədir və hər səhifədə iki sütundan ibarətdir. Kitaba mən
ilham versəm də, 60-dan çox həmkarım da kitabın ərsəyə gəlməsində zəhməti
vardır. Bu Latın Amerikasında ilk fəlsəfə tarixidir. 2010-cu ildə nəşr
edilmişdi və bu vaxta qədər bu cür bir şey mövcud olmayıb.
Latın Amerikalı filosof kimi düşünmək çox çətin mübarizə
oldu mənim üçün. Çünki akademiya və universitet professorları əksərən Avropa mərkəzçi
düşüncəyə malik idilər.
Mən hər şeyə Avropadan geri qayıtdığımda və burdakı
populyar mübarizələri kəşf etdiyimdə başladım. Biz, Latın Amerika fəlsəfəsinin
tarixini əzilənlərin mövqeyindən düşünməyə başladıq. Bu Latın Amerikasında
meydana gəlmiş olan Qurtuluş fəlsəfəsinin xarakterik cəhəti olan bir yanaşma tərzidir
həm də. Digər bütün məktəblər Marksizm, fenomenologiya, Amerikan pragmatizmi və
başqaları Avropa və ya Amerika Birləşmiş Ştatlarının yanaşmaları, şərhləridir.
Bu baxımdan sualınıza cavab verəcək olsam, mənim üçün fəlsəfə radikal şəkildə tənqid
etmək, təməl hökmranlıq anına qarşı düşünməkdir. Əzilənlər periferiyalardakı
çoxluğu Cənubdakıları və keçmiş müstəmləkələri təşkil edir. Modern fəlsəfə
burjua xarakterlidir. Şüurlu və ya şüursuz bir formada bu fəlsəfə Avropamərkəzçiliyi,
kapitalizmi, imperializmi, burjuaziyanı haqlı çıxarır. Hökmranlığın ən son təməl
fəlsəfi anı vardır. Biz bu təməl ana qarşı bir tənqid formalaşdırırıq, beləliklə,
əzilən xalq azad olmağı bacarır. Bu mənim üçün fəlsəfənin funksiyasıdır, status
kvo-nun tənqididir.
MA: Bir filosof, intellektual tənqiddə necə bir rol
oynayır?
Dussel: İlk olaraq fəlsəfə
tarixini dekonstruksiyaya məruz qoymaqla. Avropalılar inanır və iddia edirlər
ki, universal bir fəlsəfə var. Dekart modern fəlsəfənin başlanğıcıdır. Modern fəlsəfə
isə dünya fəlsəfəsidir.
Biz isə deyirik ki, “Xeyr, bir dəqiqə gözlə!”.
Modern Avropa fəlsəfəsi bir Avropa fəlsəfəsidir. Bu doğrudur ki, Fransa və
İngiltərə kimi Avropa ölkələri xüsusilə sənaye inqilabından sonra öz
vaxtlarının imperiyaları oldular, digər mədəniyyətlər də az və ya çox dərəcədə
onların müstəmləkələri.
Onların fəlsəfələrini, Avropa fəlsəfəsini anlamaq bir
əyalət kimi, bizim üçün o qədər də asan deyil. Biz Hegelin və Marks-ın sadəcə
dünya tarixinin mərkəzi anlarının filosofları deyil, bütün dünyalar üçün
olduqlarına inanırıq.
Yeni subyektləri, öz subyektlərimizi kəşf etmək və
inkişaf etdirmək gərəklidir. Problemlərimizi yenidən düşünməliyik, sadəcə
Avropanın problemlərini deyil. Yeni kategoriyalar yaratmalıyıq. Yeni suallar
soruşun və yeni cavablar formalaşdırın, Avropanın formalaşdıra bilməyəcəyi
cavablar, çünki onların problemləri fərqlidir. Bu çalışmalardan sonra, bəlkə
Avropa fəlsəfəsinin kategoriyaların baxa və onlarla əlaqəli olub olmadığını görə
bilərik.
Ancaq eyni zamanda qəribə olan başqa bir şey də deyim.
Qurtuluş fəlsəfəsinin başlanğıcını deyim. Argentinada 1960-cı illərdə hərbi
diktatura və təzyiq zamanında ortaya çıxan bir qrup filosof. Argentinada 60-cı
illərdə çox qəribə populyar hərəkatlar var idi. Argentina və Meksikanın “68-i”
təbii ki, Paris və Berkeleyin “68-i” deyildi. Bizimkilər çox fərqli idi. Burada
Meksikada “68” Tlatelolko idi. Tələbə və işçi hərəkatına repressiya müddətində
hökümət Mexiko-nun Tlatelolco ərazisində 400-dən çox qətliama imza atmışdı. Paris
və Berkeleydə isə bir kişi belə öldürülmədi. Burada isə 400-dən çox insan
öldürüldü. Argentinada tələbələr və
işçilər Kordoba şəhərini nəzarətə götürdülər. Biz o hadisələr “Kordobaso” və ya
“Böyük Kordoba” deyirik və bu diktator Xuan Karlos Ongania-nın gücünə meydan
oxumaq idi.
Bizim ölkələrimizdə siyasi məsuliyyət çox güclüdür.
Biz çox güclü və populyar olan siyasi həssaslığa malikik. “Populyar” Avropa və
Amerikanda çox çətin məsələdir. İnsanlar Hitlerin, Xalq və Xalq ruhunun, sağçı
qruplar olduğunu düşünürlər. Ancaq Latın Amerikasında “insanlar” ləyaqətli və
yoxsul olanları ifadə edir. Onlar hamısı yerlilər, Afro-Amerikalılar, qırmızı dərililər,
işçilər, marjinallaşdırılmışlardır. Bizim üçün “insan”-ın başqa bir mənası
vardır.
Eyni vəziyyət dövlət üçün də keçərlidir. İmperator Antonio
Negri dövlətin heç bir önəmi olmadığımı demişdi. Əsas sual, problem
imperatorluqdur, imperatorluğun isə dövlətlə heç bir əlaqəsi yoxdur. Ancaq bizim
üçün, müstəmləkə sonrası ölkələr üçün dövlət çox önəmlidir. Çünki dövlət bizi
dünya kapitalizminin varlığından qoruya bilər. Dolayısı ilə biz təkcə siyasət
haqqında deyil, etika haqqında da fərqli vizionlara sahibik .
Mənim formalaşdırdığım etik azadlıq, Habermasın
dediyi kimi fikir birliyinə əsaslanan etika deyil. Həyatı təsdiq edən bir
material etikaya ehtiyacım var idi. Çünki, yoxsullar üçün səfalət, yoxsulluq(poverty) bir problemdir. Siz Pakistanda,
Hindistanda və ya Latın Amerikasında olsanız da bu problemdir. Bizim üçün
yoxsulluq bir problemdir.
Amma kasıb olmaq nə mənaya gəlir?
Mən Marksı marksist olaraq kəşf etmədim. Marksı kasıb
olmağı anlamağın bir yolu olaraq kəşf etdim. Fərdi, əxlaqi ya da mücərrəd bir
formada deyil iqtisadi, geopolitik və tarixi mənada kasıb olmaqla. Kasıbları “digərləri”
olaraq kəşf etmək, fransız filosof Emmanuel Levinasın nəzərdə tutduğu kimi,
Levinasdakı “digəri” anlayışından fərqlidir. Levinas ilə danışdığım zaman
düşüncəsinə niyə bu qədər maraqla yanaşdığımızı anlamamışdı. Çünki bizim üçün
ilk problem kənar olmaq, digəri olmaq (exteriority)
deyildi, yoxsulluq idi.
Ən dəhşətlisi odur ki, bizim problemlərimiz Şimali
Amerika və Avropa fəlsəfəsində çox da yaxşı təmsil olunmur. Bizim başqa suallarımız
var. Məsələn, köhnə müstəmləkə ölkələrinin mədəniyyətinin yadlaşdırılması. Bir ənənəyə
sahibik və bu ənənə Avropa mədəniyyətinin müstəmləkəçiliyindən dolayı məhv
edilmişdir, əzilməkdədir. Burada Avropalıların başa düşmədiyi bir dixotomiya,
ikilik var. Avropa bu problemlərlə üzləşməyin nə demək olduğunu anlamır. Bütün bu
problemlərin nə mənaya gəldiyi ilə bağlı bir fikri yoxdur. Çünki bizim vəziyyətimiz
çox fərqlidir. Müstəmləkə olmaqdır.
Məsələn, Mən varlıq
var olmayanın olmadığıdır deyən Parmenidi oxudum. Avropalılar üçün bu demək
olar ki, mücərrəd bir taftologiyadır. Ancaq mən Yunan filosofunu oxuduğumda varlığın
Yunan olduğunu, Yunan olmayanların da var olmadığını anladım. Barbarlar,
asiyalılar, şəhərin qala qapılarından kənarda qalan hər kəs. Heraklit logos-un şəhərin qala divarlarına qədər
olduğunu qeyd edirdi, divarlardan o tərəfdə isə çoxluq, izdiham idi. Lakin bu
çoxluq, izdiham asiyalı bir çoxluq idi, var olmayan idi, insan olmayan idi.
Dolayısı ilə mən bunu varlığın müstəmləkəçiliyi mövqeyindən başa düşürəm. Başqa
bir formada başa düşürəm. Bütün Yunan, feodal, hətta İslam fəlsəfəsi - çünki
İslam fəlsəfəsində belə yalnız İslami olanın bir mənası vardır (Dar ül İslam). İslam
olmayan isə (Dar ül Harb) isə “digərinin” mümkünsüzlüyün müdafiə edir. Problem budur
ki, mən bu digəriyəm.
Amerikada dediyim ilk dərsdə “Latın Amerikası sizin
üçün mədəni, inkişaf etmiş ya da insani deyil. O deyil, Mən öz ölkəm haqqında
danışdığımda var olmamaqdan, bir barbar fəlsəfəsindən bəhs edirəm”. Mən mühazirəmə
II əsrdə yaşamış Atenagorun bir mətni ilə başladım. O, romalı deyildi və Roma
xalqının barbar fəlsəfəsi haqqında danışırdı. Mən Romanı yenidən oxuya bilər və
Avropalı bir barbar olmanın nə demək olduğunu anlaya bilərəm. Beləliklə, mən Avropa
fəlsəfəsinə yeni və aktual bir mövzu tanıdıram.
Şimali Amerikalılar üçün Meksikalı olmaq ABŞ-da
qanunsuz olaraq yaşamaqdır. Və qanunsuz olmaq ikinci dərəcəli bir insan
olmaqdır. Bu Parmenidin bu gün belə keçərli olduğunu sübut edən irqçi bir kategoriyadır.
Varlıq olan Anglo-sakson, varlıq olmayan, insan olmayan, Anglo-sakson olmayan,
kim ki, biz onu öldürsək, heç bir problemi yoxdur. Götürək elə İraqı, bir
iraqlı problem deyil. Yüzlərlə və minlərlər insanı öldürə bilərsiniz, problem
deyil, ancaq 25 yaşlı bir oğlan problemdir. Amerikalı hər şeydən önəmlidir.
Bu həssaslıq, bu tənqidi yanaşma Qurtuluş fəlsəfəsində
inkişaf etdirilmişdir.
MA: Belə bir dominant mühakiməni necə tənzimləmək olar?
Dussel: Ağıla bir çox şey gəlir
Bu “Qurtulu fəlsəfi” adlı kiçik bir kitabdır. Bir meta-mühakimə
kimidir.
Mücərrəd kategoriyalar var. Sosial elmlərdəki bütün
kategoriyalar, antropologiya, tarix, sosiologiya , siyasət və s. mücərrət
kategoriyalara sahibdir.
Biz bütövlük haqqında danışa bilərik. Bir sistem
haqqında. Lakin bütünlük nə deməkdir? Sistem nə deməkdir? Sistemin kənarında
olan birinin sistemə daxil edilməsi və ya sistemə yadlaşdırılması nə deməkdir? Biri
sistemin etibarlılığını necə təmin edə bilər və necə yeni sistem formalaşdıra
bilər? Və sistemi soğrulamaq? Bütün bunlar mücərrəd kategoriyalardır. Mən onlara
meta-kategoriyalar deyirəm. Bu məntiqdir.
Qurtuluş fəlsəfəsi məntiq olmağa başlayır. Amma
daha sonra bu məntiqə əsaslanaraq bir etika, politika, estetika və çox şey inşa
etməyə başlayıram. Bu mərhələdə daha empirik bir səviyyədə çalışıram. Məsələn,
erotik səviyyədə cinsiyyət məsələsi, qadın və kişi götürək. Qurtuluş fəlsəfəsində
formalaşdırdığım kategoriyalara əsaslanaraq qadının azad olması haqqında tezis
inkişaf etdirə bilərəm. Və psixoanaliz kimi məsələlərlə də üzləşə bilərəm.
Ancaq bu səviyyələrdə modernlik problemi hər zaman mühüm
bir rola malikdir. Modernlikdə mərkəz və
periferiya ölkələri artıq sorğulanmaqdadır. Çünki, indi, məhz bu anda Avropa və
Amerika mərkəzçiliyi dəyişməyə doğru gedir. Çin və Hindistanın varlığı daha da
inkişaf etməkdədir. Rusiya yeni bir ehtimal kəşf etmişdir. Və mərkəzin Avropa,
Birləşmiş Ştatlar ya da Yaponiya olmadığı, yeni varlıq dirəkləri, bir neçə il əvvəl
olduğu kimi çoxqütblülük yaranmağa başlayır - əgər belə demək mümkündürsə.
İndi bu geopolitik səviyyədə bir çox əlaqəni görə
bilmək daha çətindir. Ancaq bu an hələ də maraqlıdır. Məsələn, Çin bütün sahələrdə
öz varlığını sübut etməyə başlayır. Ayrıca da öz fəlsəfələri ilə dünyanı kəşfə
başlayırlar. Çünki marksizm əvvəlki mədəniyyətin burjua və monarxik bir qarışıq
olduğunu və heç bir şey olmadığını deyirdi. Ancaq indi Çinlilər qədim bir Çin mədəniyyətinin
olduğunu kəşf etməyə başladılar. Çin-in nə demək olduğunu anlamaq üçün ənənəni
anlamağa başlayırlar. Çin bir möcüzə deyildir. 2000 ildən daha uzun tarixə
malik olan svilizasiya formalaşdırmışdır. Bu cür böyük mədəniyyətlərin hər biri
öz ənənələrini kəşf etməyə və modernliklə dialoq qurmağa başlayı. Müzakirəyə əlavə
etməli olduğumuz fəlsəfi suallar var. Ümumi olaraq qeyd etsək, Avropalılar
suallara ya da müzakirəyə daxil olmurlar.
Yorumlar
Yorum Gönder