"Guernica" - Pablo Picasso (1937) |
1922-ci ildə Benito Mussolini İtaliyanı nəzarətə
aldıqdan sonra dünyanı yeni bir müharibəyə sürükləyəcək siyasi ideologiya olan
faşizmlə tanış etdi. Faşizm sözü ilk dəfə Qədim Romada güc və nüfuzu təsvir etmək
üçün istifadə olunsa da, bu gün bildiyimiz mənanı verən məhz Mussolonidir. Mussolinin
1932-ci ildə İtaliyan ensiklopediyasında qeyd etdiyi faşizmin tərifinə baxaraq
faşizmin dəyişən mənasının nə olduğunu anlaya bilərik: ”Faşizm
daimi sülhün mümkün olacağına, nə də bu sülhün faydalı olacağına inanmır.”
Faşizmdə dövlət hər şeydən üstündür və dövlətin şərəfi
üçün müharibələr lazımdır. İnsanların şərəfi də bunun bir hissəsidir.”Müharibə, bütün gücünlə döyüş və qələbə zadəganlıq
medalını cəsur insanların boynuna tax” Mussolini bu mövzuya verdiyi əhəmiyyəti
belə dilə gətirmişdir.daimi sülhün mümkün olacağına, nə də bu sülhün faydalı olacağına inanmır.”
Bu günlərdə tez-tez eşitdiyimiz bir ideologiya olan
faşizm vətəndaşlarına qarşı fiziki və psixoloji zorakılıq tətbiq edən bir
diktator lideri və ya bir hökuməti təsvir etmək üçün istifadə olunur. Lakin
diktatura bu ideologiyanın yalnız bir tərəfini təşkil edir. İosif Stalinin rəhbərlik
etdiyi kommunist idarəçiliyinə baxsaq, diktatura və qeyri-adi zorakılıq nümunələri
görərik, lakin faşizm kommunizmdən tamamilə fərqlənir. Yaşadığımız çağın müasir
dəyərlərinə zidd olan fanatizmin təcəssümünə bənzəyən faşizm, dar icmalar içərisində
olsa da, mövcud olmağa davam edir.
Bu yazıda faşizmin nə olduğunu, faşizmin əslində nəyi
nəzərdə tutduğunu və bir ideologiyanın eyni millətin insanlarını birləşdirərkən
dünyanı bölmək üçün necə istifadə olunduğunu araşdıracağıq. Və eyni zamanda
faşizmin böyük kütlələrə cəlbedici görünməsi üçün hansı şərtlərə ehtiyac
olduğunu və milyonlarla insanın şəxsi dəyərlərini açıq şəkildə inkar edən
ideologiyanı dəstəkləyən şeyin nə olduğunu görəcəyik.
Faşist Sistemi
“Faşist bir dövlətin öz şüuru, iradəsi və şəxsiyyəti
var”
-B.Mussoloni, ”Faşizm”,
İtalyan Ensiklopediyası, 1932
Faşizm çox yönlü bir anlayış olduğu üçün onun tərifini
müəyyənləşdirmək çətindir. Mussolini faşizmi(böyük F) ilə Hitler faşizmi (kiçik
“f”), həmçinin neofaşizm və 2-ci dünya müharibəsindən sonrakı faşizm arasında da
fərqlər var. Bir hərəkatı faşist olaraq təyin etmək üçün aşağıdakı oxşar cəhətləri
sadalaya bilərik:
1) Ən
güclünün həyatda qalması: Faşist ideologiyasını dəstəkləyən filosoflardan bəziləri
Çarlz Darvin və onun nəzəriyyəsi-təbii seçmədən təsirlənmişdir. Bu konteksdə
dövlət müharibələrdə qalib gəldiyi qədər güclüdür. Beləliklə, güc və nüfuza
sahib olan partiya təbii seçimdə qalib gələcəkdir. Bu səbəbdən, hərbi güc və təcavüz
dövlətin davamlılığını təmin edən ən vacib amil olaraq qəbul edilir, sülh isə zəiflik
kimi qiymətləndirilir.
2) Sosial nizamdakı
möhkəmlik: Faşist sistemində sərhədləri qalın xəttlərlə əhatələnmiş sosial
nizam, sinif sistemini tamamilə ortadan qaldıran kommunist sistemin tam
müxalifdir. Sərhədlərin aydın olması zəruridir, çünki dövləti qeyri-müəyyənliyin
yaratdığı xaos mühitindən qoruyur. Dövlətin gücü heç bir şəxs tərəfindən dəyişdirilə
bilməz, qəti və müəyyən olunmuş sinif sistemindəndən asılıdır. Bu humanizm və
demokratiyadan tamamilə imtina etməkdir.
3) Avtoritar
liderlik anlayışı: Dövlətin vahid, məhdudiyyətsiz səlahiyyətə sahib harizmalı
liderə ehtiyacı olduğu düşünülür. Alman dilində “Führerprinzip” kimi tanınan “liderlik prinsipi” ilə eyni
anlayışdır. Bu anlayışda birlik və bütövlüyü təmin edəcək liderin məhdudiyyətsiz
səlahiyyətə sahib olması və qeyd-şərtsiz ona tabe olması düşünülür. Dövlətin
simvolu həmişə liderdir.
Faşist ideologiyasında dövlətin davamlılığına ciddi
nizam-intizam qaydaları, əqli və fiziki bütövlük olmadan nail olmaq mümkün
deyil. Buna görə də, hakimiyyətə qarşı çıxanları itaət etdirmək üçün fiziki
zorakılıq həmişə lazımdır. Dövlətin artan gücü əslində həyatın mənasıdır.
Bəzi şəxslər faşist cəmiyyətində yaşamağın necə
olduğunu düşünə bilər. İnsan necə yalnız bir dövlətin şərəfi üçün yaşaya bilər?
Necə olacağını sonrakı bölümdə öyrənəcəyik.
Önəmli Faşist rejimlər
1) Fatherland Front, Engelbert Dolfuss, Avstriya(1934-1938)
2) Milli Faşist partiyası, Benito
Mussoloni(1924-1943)
3) Nasional Sosialist Alman Fəhlə Partiyası, Adolf
Hitler(1933-1945)
4) Milli Birlik, Antonio de Oliveira Salazae, Portuqaliya(1934-1968)
Faşist Cəmiyyət.
“....[fərdi], əsas və zəruri olan şeylərdən başqa
faydasız və zərərli azadlıqdan məhrumdur. Zərəri və ya faydanı təyin etmək fərdin
səlahiyyəti deyil; dövlətin əlindədir....”
-B.Mussoloni, ”Faşizm”, İtalyan
Ensiklopediyası,1932
"Faşizmin doğulması" - David Alfaro Siqueiros (1936) |
Faşimin ən parlaq zamanında həyata keçirilən ilk
şey, müəyyən qrup insanı ucaltmaq mənasına gələn sosial yeniləmədir. Yeniləmə fərdiliyin
rədd edilməsi və milli birliyin şüuru ilə yaranır. Bu müddətdə xalqın dəstəyinə
ehtiyac duyur, media və mitinqləri çox təsirli bir təbliğat vasitəsinə çevirərək
xidmət etdiyi ideyalarla bu dəstəyi qazanır. Bəziləri bunlardır:
1) Böhran
dövründə olan bir xalq: Cəmiyyətdəki qarışıqlıq, iğtişaşlar ölkənin
hüdudlarında yaşayan dinlərdən və millətlərdən olan insanlarla əlaqələndirilir.
Bu müxtəliflilik ari irqinə zərər verərək saf irq kimi ardıcıllığı davam etdirməsinə
mane olur. Bu qruplar istəkləri yerinə yetirilmədikdə sui-qəsdlər və ya
gizli-razılaşmalar yolu ilə dövlətin dağılmasına səbəb ola bilər.
2) İdeallaşdırılmış
tarix: Artıq saflığı pozulmuş ari irqi, əfsanəvi köhnə şanlı günlərinə
qaytarmaq üçün bir cəhddir. Faşizm bu yenilənmə və köhnəyə qayıtmaq üçün sözün
həqiqi mənasında can atır.
3) Sosial dəyişikliyə
dair tələb: Əgər həqiqətəndə cəmiyyət dəyişmək istəyirsə, yeni nizamın tələblərinə,
böyük dəyişikliklərə tabe olmalıdır.
Faşizm sosial-iqtisadi vəziyyətin zəif olduğu yerlərdə
cücərir: Birinci dünya müharibəsindən sonrakı Avropanı və ikinci dünya müharibəsindən
sonrakı Yaponiyanı qeyd edə bilərik. Birinci dünya müharibəsində məğlub olan
dövlətlər müharibədən sonrakı dövrdə daha çox əziyyət çəkdilər. Məsələn,
Almaniya əhalisinin əksəriyyətini təşkil edən fəhlə sinfi bu sıxıntıları çox
hiss etdi. Tam bu nöqtədə xalqı sıxıntıdan qurtaracaqlarını və dövlətə əvvəlki
üstünlüklərini verəcəyini söyləyənlər faşist liderləri idi. Alman xalqının ən
çox ehtiyac duyduğu sözlər faşist liderlərinin vədləri idi. Xalq üstünlüyü geri
almaq istəyirdi və faşizm yeganə yol idi.
Lakin burada vacib məqam odur ki, faşizmdəki
üstünlük istisnasız olaraq həmişə dövlətə məxsusdur; fərd yalnız dövlətlə əlaqəli
olduqda əhəmiyyət qazanır. Bu səbəbdən, XVIII əsrdə Avropa maarifçiliyindən irəli
gələn demokratiya və kapitalizm prinsipləri dövlətin hakimiyyətinin qarşısında
durdu. Çünki faşist hakimiyyətlərində bərabərlik və şəxsi mənafe kimi fərdiyyətə
əsaslanan meyllər birliyin inkişafına mane olur və cəmiyyətin yenilənməsi üçün
tələb olunan dəstəyi azaldır. Mussolini 1932-ci ildə bu mövzuda belə yazmışdı: ”Faşizm(...) siyasi bərabərlik cəfəngiyyatını,
(...) xoşbəxtlik mifini və qeyri-müəyyənliyi rədd edir”
Xoşbəxtliyi əfsanəvi və absurd olaraq təyin etməyə
müvəffəq olan faşist dövləti insanları itaət etmək üçün uyğun hala gətirib, daha
yaxşısını qəbul etməyə məcbur edirdi. Artıq insanlar icazəsiz toplaşa bilməzdi
və dövlətə qarşı mənfi heç nə deyə bilməzdilər. Bunun əvəzinə milli və etnik
birliyin mənası ilə yoğrulurdu. Bu səbəbdən, siyasi gənclik qrupları cəmiyyətin
ən gənc üzvlərini öz daxilində birləşdirərək dövlət anlayışını, dövlətin gücünü
və gücünün davamlılığını təbliğ edirdilər. Faşizm həmişə gəncliyi ucaldır və ən
güclülərin yaşamaq ideallarını bu düşüncələr ilə qanuniləşdirdi: Gənclər ən
güclü və uyğun olanlar idi.
Dövlətin təklif etdiyi imkanlarla edilən mitinqlər
və paradlar ictimai həyatın mühüm yerlərini əhatə edir. Təqvimlər milli
bayraqlar, əzəmətli abidələr və bayramlarla doludur. Bu rəmzlərin və qeyd etmələrin
məqsədi cəmiyyətin inancını asanlaşdırmaqdır. Lakin bu inanc Allaha aid deyil; dövlətədir.
Çünki Faşizm millətçilikdən başqa bütün inanclara qarşıdır.
Əlbəttə ki, hər faşist cəmiyyətinin məqsədi eyni
deyil. Növbəti hissədə Hitlerin faşizmi ilə Mussolinin faşizmi arasındakı fərqləri
və faşizmin dəyişən şərtlərə və zamana necə davam gətirdiyini görəcəyik.
Birlik və Güc.
Faşizm
italyan dilində “dəstə” mənasını
verən fascio-dan gılir. Mussolini bu
termini ilk dəfə 1919-cu ildə işlətmişdi. Bir baltaya bağlanmış bir dəstə çubuq
təsvir etmək üçün istifadə olunan bu söz qədim Romadakı hakimiyyət və birlik rəmzi
idi. Fascaların faşizmi təcəssüm etdirdiyini və faşizmin mahiyyətini meydana gətirdiyini
söyləmək olar. İnsanlar güclü və vahid dövlətə yapışırlar; dövlət məcbur etmək
və məhv etmək gücünə sahib olan baltanı təmsil edir.
Faşizmin tarixi
Faşizm ən parlaq dövrlərini birinci dünya müharibəsinin sonundan ikinci
dünya müharibəsinin sonuna qədər ki, dönəmdə (1918-1945) yaşamışdı. Avropadakı
xaos asanlıqla onu bu qarışıqlığı aradan qaldırmaq istəyən faşizmin qucağına
buraxdı. Amma ideologiyanın həyata keçirilməsində fərqlər var idi. Məsələn; Katolik
kilsəsinin əsas mərkəzi olan İtaliyada mütəşəkkil bir dindən tamamilə imtina
etmək ağlabatan deyildi. Bu zaman Mussolini, dövlətin marağında olduqda, Katolik
kilsəsi ilə ortaq əlaqələrin ola biləcəyini iddia etdi. Bu Katolik kilsəsinin
faşizmlə əməkdaşlıqda ittiham olunmasına səbəb olduqda, Hitler özünü kilsənin qəyyumu
elan etdi. Bu sözün əsl mənasında yəhudilər və Yehovanın Şahidləri kimi əsas cərəyandan
uzaq olan azlıqların məhv edilməsi demək idi.
Tarixin ən güclü iki faşist rejimi arasındakı digər
bir fərq, onları hərbi məsələlərdə təkan verən səbəblərdir. Mussolini dövlətin
gücünü göstərmək üçün mübarizə apararkən, Hitler isə irqi səbəblərə görə
müharibələr aparırdı. Hitler Şimali Avropanın ali irqi sayılan bütün Aryan
irqini birləşdirmək üçün çalışırdı. Bu onun Avstriya kimi qonşu ölkələrə hücumunun
əsas amili idi. Hitler Avstriyanın da üstün bir Aryan irqi olduğuna inandı və
bu istilalarla birlik quracağını və nəticədə dünyanı idarə edə biləcəyini düşünürdü.
Lakin Hitler sonda məğlub oldu. Almaniya və İtaliyanın daxil olduğu İttifaq
birliyi ikinci dünya müharibəsində məğlub olanda, onların faşist rejimi tamamilə
şeytan kimi qəbul edilmişdi. Soyqırım ilə ayrılmaz olaraq bağlı olan, dünyanı
müharibəyə sürükləyən faşizm gözdən düşdü. İkinci dünya müharibəsindən sonra
dünyada baş verən iqtisadi inkişafın təsiri ilə və bu “iki pis oğlan”ın məğlubiyyəti,
məğlub olan ölkələr üzərində sərt nəzarət və faşizmin dayağı olan xaos mühiti
demək olar ki, yox oldu. Və heç vaxt əvvəlki gücünü bərpa etmədi.
Bəs faşizm tamamilə öldümü? Hansı faşist
ideallarının uzantısı bu gün də davam edir?
Dəmir mühafizəçilər
Rumıniyadakı dəmir mühafizəçilər 1930-cu illərdə
Almaniya və İtaliyadan kənarda nəzarəti ələ ala bilən yeganə faşist partiyası
idi. Nasist Almaniyasının dəstəyi ilə 1941-ci ilə qədər mövcud oldular. Lakin
qrupların zorakı hərəkətlərinin nəticəsində xaos həll olunmağa başlayanda
Hitler Dəmir Mühafizəçiləri bitirməyə qərar verdi. Rumın generalı İon
Antoneskuya hərəkatın sona çatmasına rəhbərlik edəcəyini söylədi.
Yüksəlməkdə olan Neo-faşizm.
Bu gün hökumətlər irqlərin saflığı və dövlətin
maraqları kimi bəzi fikirləri bağışlaya bilirlər. Hətta bu faşist fikirləri də
·
İmmiqrasiya
əleyhinə qanunlar
· İnsanları
xarici amillərdən qorumaq üçün dövlətə verdiyi səlahiyyətlərin nəticəsində
insan haqqlarına qoyulan məhdudiyyətlər
·
Güzəşt
etməyən, mücərrəd xarici siyasətlə
·
Qıtlıq
və iqtisadi böhran səbəbiylə istehsala edilən müdaxilələr istifadə edilməyə
davam edilir.
Bütün dünyada rədd edilən yeganə faşist dəyəri fəth
məqsədi güdən hərbi hücumlardır.
1945-ci ildə faşizmin süqutu onu məhv etmək üçün kifayət
etmədi. Neofaşizm adlanan yeni növ (xüsusilə Hitlerin fikirlərinə əsaslanırsa,
“neo-nasizm”də deyilən) dinamik və aktiv şəkildə yaşayır. Neofaşizm dedikdə
güc, üstünlük və irqi saflıq ideallarını qəbul edən ayrı və kiçik qrupların
müxtəlifliyi göstərilir. Dünyanın müxtəlif yerlərində mövcud olan bu qrupların
birləşərək faşist hərbi birliyi qurma gücünə sahib olmadıqlarına baxmayaraq, zorakı
hərəkətlərlə öz varlıqlarını göstərirlər.
Buna misal olaraq 1995-ci ildə Oklahomadakı bir
hökumət binasına terror hücumu, 1990-cı illərdə Almaniyada mühacirləri hədəf
alan bir sıra terror hücumu və 1999-cı ildə Londonda azlıqları və
homoseksualları hədəf alan terror hücumu oldu. Digər tərəfdən, faşizmi dəstəkləyənlərə
son dərəcə həssas sayıla biləcək neofaşist hərəkatlar var. Bəzi faşist qruplar
irqi üstünlüyü deyil, ”fərqli olanları
sevmək” fikrini qəbul edir. Və irqlərin bir-birindən üstün olduğu üçün
deyil; İrqlərarası münasibətlərin, yalnız fərqlərin qorunub saxlanılmasının
lazım olduğunu düşündükləri üçün qarşısını aldıqlarını iddia edirlər.
Neofaşizm bütün dünyaya yayılsa da, bu günə qədər
idarəni ələ alacaq qədər güclənməyib. Çalışsalar da, bacara bilmədilər. İndiki
vaxtda, digər siyasi qruplar kimi, internetin verdiyi fürsətlərdən istifadə edərək
yazılı mənbələr vasitəsilə özlərini qanuniləşdirərək hakimiyyət qazanmağa
çalışırlar.
Frankonun yarı faşizmi
İspaniyanı
çevrilişlə ələ keçirən F.Frankonun rejimi faşizm adlandırılsa da, əsasən yarı
faşizm idi. İspaniya vətəndaş müharibəsində (1936-1937) General Franko Falanjistlərin
dəstəyi ilə çevriliş etdi və nəticədə ölkənin idarəçiliyini ələ aldı. Lakin
Falanqistlər çevrilişdən sonra Frankoya dəstək verə biləcək dərəcə də güclü
deyildilər. Beləliklə, hakim sinifin gücünü qoruması üçün bəzi faşist
ideologiyalarını radikalizm hissi qazanmaq üçün öz hökumətinə birləşdirdi.
Ədəbiyyat:
Benito Mussolini: What is Fascism, 1932. Modern
history Sourcebook. http://www.fordham.edu/halsall/mod/mussolini-fascism.html
Fascism. Encarta.
http://encarta.msn.com/encyclopedia_761568245/fascism.html
Fascism. Encyclopædia Britannica Online.
http://www.britannica.com/eb/article-9117286/fascism?refresh=Y
Fascism. Merriam-Webster Online Dictionary.
http://www.merriam-webster.com/dictionary/fascism
Fascism. Oxford University Press. http://www.answers.com/fascism&r=67
Tərcümə edən: Kamran Əliyev
Mənbə: HowStuffWorks
Yorumlar
Yorum Gönder