Bu ifadənin davamlı olaraq müzakirə edildiyini
eşidirik. Bir adam arvadını aldadır. Bunun sadəcə onun “təbiətinin” bir parçası
olduğu deyilir – bu adam bir şorgöz olaraq təkamül etmişdir. İki gənc insan küçədə
bir-biri ilə dava və lağ edirlər, bir-birlərini təşviq edirlər. Bunun da
onların təbiətinin bir parçası olduğu deyilir – onları şiddətə və status
yarışına uyğun hala gətirəcək modullar inkişaf etdirmişdirlər. Bəzi
insanlar həyatlarını insan təbiətinin bütün təməl ünsürlərini araşdırmağa və təyin etməyə həsr etmiş, suallarının insan vəziyyəti haqqında əhəmiyyətli həqiqətləri ortaya çıxardığına inanmışdılar.
insanlar həyatlarını insan təbiətinin bütün təməl ünsürlərini araşdırmağa və təyin etməyə həsr etmiş, suallarının insan vəziyyəti haqqında əhəmiyyətli həqiqətləri ortaya çıxardığına inanmışdılar.
Haqlıdırlarmı? İnsan təbiəti haqqında sualların təməlini
yarada biləcək, işlənə bilən bir anlayış və ya fikir varmı? Yoxsa bir iynənin
başında rəqs edən mələklərin xüsusiyyətlərini müzakirə edən ilahiyyatçılar
kimidirlər? Bu təməl olaraq fəlsəfi bir sualdır. İnsan təbiəti ilə əlaqəli müəyyən
iddialarla əlaqəsi yoxdur – bu yazını açdığım son dərəcə müzakirə edilməli iki
iddia kimi – və hər şey insan təbiəti anlayışı ilə əlaqəlidir. Necə başa düşülməli
və ya müəyyənləşdirilməlidir?
Bəzi filosoflara görə, insan təbiəti deyə bir şey
yoxdur. Onlara görə insanların (və ya digər heyvanların) sabit bir “təbiətə”
sahib olduğunu düşünmək, müasir təkamül biologiyasının əsas prinsiplərindən
birinə ziddir. Digərləri isə insan təbiətinin müdafiə oluna bilən bir anlayış
olduğunu düşünür. Bu yazıda, bu müzakirədə təqdim edilən bəzi arqumentlərə bir
göz gəzdirmək istəyirəm.
Bunu Edouard Machery-nin “İnsan
Təbiətinə Aid Bir Müdafiə” məqaləsinin prizmasından edirəm. Başlıqdan təxmin
edə biləcəyiniz kimi, Machery, müdafiə oluna biləcək bir insan təbiəti anlayışı
olduğunu düşünən filosoflardan biridir. İnsan təbiəti anlayışının tənqidçiləri
sırasında ilk gələnlərdən biri olan David Hull-un araşdırmasından iki arqumentə
baxaraq yanaşmasını müdafiə edir. Deyəcəklərinə bir nəzər salaq.
1. İnsan Təbiətinə
Aid İki Anlayış
Machery-nin insan təbiətini müdafiə etməsi, insan təbiətinin
müəyyən bir anlayışına əsaslanır. Müasir müzakirədə, ortada insan təbiətinin
iki anlayışı olduğunu müdafiə edir. Bunlardan biri insan təbiətinin “essensiyalist
baxışı”dır:
İnsan Təbiətinin
Essensiyalist Baxışı
= insan təbiətinin, insan təbiətinin ayırd
edici olduğu iddia edilən xüsusiyyətləri ilə insan təbiətinin zəruri və kafi (yetərli) xüsusiyyətlərinin birləşməsi ilə müəyyən etdiyini
iddia edir.
Bu klassik, Platonçu bir baxışdır. Hər obyektin,
hadisənin və ya vəziyyətin (hər “cür”) ontoloji vəziyyətini (bir sıra “əsas”)
müəyyən edən bir sıra zəruri və kafi xüsusiyyətə sahib olduğu inancına əsaslanmaqdadır.
Məsələn, bir üçbucaq olmağın əsası “üç kənara sahib olmaq” olacaqdır. Üçdən
artıq kənarı olan hər hansı bir obyekt üçbucaq ola bilməz. Bu vəziyyət
insanlara gələndə, bu essensiyalist baxış əsasən zəka, ovqat, əxlaq, ağıl və
dil kimi şeylərin diqqətə çarpan və əsasən insani olduğu iddiasına çevrilir.
Bunlar bizi təyin edən və heyvanlardan fərqli edən şeylərdir. İnsan təbiətimizi
yaradırlar.
Essensiyalist baxış Machery-nin “nomoloji baxış”
olaraq adlandırdığı şeylə qarşılaşdırılır.
İnsan Təbiətinə
Nomoloji Baxış
= insanların təkamülü etibarilə insan təbiətinin, insanların sahib olmağa
meylli olduğu bir sıra xüsusiyyətlər olduğunu iddia edir.
Nomoloji baxış, insanlar haqqında ayırd edici və ya
məxsusi olanı təyin etməyə çalışmır. Sadəcə, insanların təəkamül (mədəni deyil)
mirasları tərəfindən ən yaxşı şəkildə izah edilən xüsusiyyətləri təyin etməyə
çalışır. Bu yanaşmanın tərəfdarlarının insan təbiətinin bir parçası olduğunu
iddia edən xüsusiyyətlərin nümunələri, iki ayaqlılıq, cinsi dimorfizm və böyük
beyinlər aiddir.
Machery-nin insan təbiətini müdafiə etməsi belə işləyir:
İnsan təbiətini tənqid edənlərin çoxunun, nomoloji baxışı deyil, essensiyalist
baxışı hədəf aldığını müdafiə edir. Nomolojik baxışın tərəfini saxlayır və əsasən
essensiyalist baxışa istiqamətlənən tənqidlərə qarşı müqavimət göstərə
bildiyini düşünür.
2. Hull-un
Essensiyalist Əleyhdarı Arqumenti
Bunun necə olduğunu görmək üçün əvvəlcə David
Hull-un məhşur essensiyalist əleyhdarı arqumentini düşünək. Bax Hull-un məqaləsində
bu arqumenti ortaya çıxaran əlaqədar mətn:
Nəsillər boyunca fəlsəfəçilər insanların əsasən
eyni olduğunu eyni təbiəti paylaşdığını müzakirə edirlər ... Bu yazıda
“biologiyanın profesional bioloqlarının, xüsusi ilə təkamülçü bioloqların,
texniki məruzələrinə əsaslanaraq baxdıqda Homo Sapienslərə bioljik olaraq bağlı
olan növlərin primitivcə əsasən eyni olmadığını müdafiə edəcəyəm... bioloji
olaraq eyni növlərin unversal olaraq aralarında dağılmış və sadəcə o növdəki
orqanizmlərə məhdud oxşar bir ya da birdən çox xüsusiyyət periyodik olaraq təyin
edilə bilər, ancaq bu gedişat keçicidir, təsadüfi və nisbətən nadirdir. (Hull
1986, 3)
Hull bu hissədə təkamül bilogiyasının təməl
tapıntılarından birini vurğulamaqdadır. Neo-Darvinçi sintez 20-ci əsrin ilk
yarısında formalaşdıqda, təkamül biologiyası essensiyalist əleyhdarı düşüncəyə
bağlanmışdır. Həqiqətən də, təkamülün ən güclü tərəfdarlarından biri olan
Richard Dawkins, təkamül həqiqətinin kitab
uzunluğunda bir müdafiəsini, essensiyalist
əleyhdarı olaraq yekunlaşdıran bir hissə ilə başladır.
Müasir baxışa görə, növlər dəyişməz Platonçu növlər
deyildir. Hamısı böyük bir həyat ağacının parçasıdır. Fərdi orqanizmlər genetik
materialı əvəz edərək və birləşdirərək çoxalırlar. Bu, DNT-də ara bir
mutasiyalar ilə bərabər, balalarında variyasiyaya səbəb olur. Təkamül biologiyasının
təməl həqiqəti, həyatın (kosmos və zaman boyunca), hərəkətli bir dəyişkən
çoxluğu ilə bəzi qərarlı orqanizm çoxluqlarının iç-içə olmasıdır. Bu qərarlı
çoxluqlar sadəcə genetik materialı bir-birləri ilə dəyişdirir və “növ”
dediyimiz şeyi yaradırlar. Lakin onların çoxalması sadəcə təkamül tarixinin şərti
bir qəzasıdır və bu çoxalma populyasiyalar içində belə balalarda əhəmiyyətli fərqliliklər
vardır.
Nəticə olaraq, hər hansı bir növün “əsası” yoxdur.
Müəyyən bir növün bütün (və sadəcə bu növün) üzvləri tərəfindən istifadə
olunduğunu düşündüyünüz bir xüsusiyyəti müəyyən etdiyiniz anda, bu xüsusiyyətdən
məhrum olan bu növün başqa bir üzvünü tapacağınızdan əmin ola bilərsiniz. Bu,
insan təbiətinin essensiyalist əleyhdarı baxışını üzümüzə çırpır. Həmçinin bu,
insanlıq olaraq bizim gündəlik təcrübələrimizlə uyğundur. İnsanlığın hər iddia
edilən ayırd edici xüsusiyyəti üçün – ağıl, əxlaq, dil – bu xüsusiyyətlərin bir
versiyasını daşıyan digər heyvanları və ya onlardan məhrum olan insanları tapa
bilərik. Essensiyalist tərəfdarlarının bəziləri bu problemin qarşısını almaq
üçün “statistik olaraq xarakterizə edilən əsaslara fokuslanır, yəni başqa cür
desək insanların (insan olaraq hesab edə bilmək üçün) sahib olmalı olduğu bir
sıra xüsusiyyətləri olmasından çox, bunun yerinə, bir fərdin (insan olaraq
hesab edə bilmək üçün) müəyyən bir ölçüdə daşıması lazım olan bir sıra xüsusiyyətin
olduğunu iddia edir. Hull bu iddianın düz olmadığını irəli sürmüşdür, çünki
praktikada bu cür xüsusiyyət çoxluqlarını istifadə edərək növlərin üzvlüyünü təyin
etməyin imkansız olduğu sübut edildi.
Hull-un arqumenti daha sonra belə yenidən inşa edilə
bilər:
(1) İnsan təbiəti varsa, bunu səbəbi, qabarıq bir şəkildə
insani olan (yəni Homo Sapiens növlərinin hamısı və sadəcə üzvləri tərəfindən
paylaşılan) bir sıra zəruri və kafi xüsusiyyət
olmasıdır.
(2) Müəyyən bir şəkildə insani olan zəruri və kafi
xüsusiyyət çoxluğu (və ya hər hansı bir statistik çoxluq) yoxdur.
(3) Bu səbəbdən, insan təbiəti deyə bir şey yoxdur.
Machery, bu arqumentin ikincisini qəbul edir.
Hull-un insanlığın əsasının olmadığını iddia etməsində qəti olaraq haqlı
olduğunu düşünürəm. Arqumentin səhv olduğunu düşündüyü yer essensiyalist, yəni
təməlçi baxışın ortadakı tək hadisə olduğu fərziyyəsidir. Nomolojik baxışı mənimsəsək, Hull-un arqumenti tərəfindən zərər
görməyən bir şeylə nəticələndiyimizi müdafiə edir. Həqiqətən də, nomolojik
baxış təkamül nəzəriyyəsi ilə uyğun olacaq şəkildə nəzərdə tutulmuşdur. Bütün
Homo Sapienslərin və sadəcə üzvlərinin daşıdığı müəyyən xüsusiyyətlər olduğunu
iddia etmir. Sadəcə təkamül tariximiz bir nəticə olaraq daşımaq
meylində olduğumuz bəzi xüsusiyyətlər olduğunu iddia edir. Bu xüsusiyyətlər digər
növlər tərəfindən istifadə edilə bilər və öz növümüzün bəzi üzvləri tərəfindən
istifadə edilməyə də bilər. Bu onların təbiətimizin bir parçası olmadığı mənasına
gəlmir.
3. Nomolojik
baxış tənqidləri
Nomolojik baxış tənqiddən kənar deyildir. Hull-un
arqumentinin pəncələrindən qurtulmasına rəğmən, bəzi potensial problemlər var.
Machery yazısında bu problemlərin ikisinə yer verir.
Birincisi, nomolojik yanaşmanın çox islahatçı
olmasıdır. Yəni, insan təbiətinin ənənəvi anlayışından çox uzaqlaşır, elə ki, insan
təbiəti anlayışı artıq elmi və gündəlik danışığımızda gözlədiyimiz funksiyanı
yerinə yetirmir. İnsanlar bir şeyin insan təbiətinin bir parçası olduğunu
dediklərində, ayırd edici bir şəkildə insani xüsusiyyətləri nəzərdə tuturlar.
Nomolojik baxış onlara bunu vermir.
Machery insan təbiəti anlayışının insanlıq tarixində
bir çox rol oynadığını və nomolojik konsepsiyanın bu rollardan bəzilərini yerinə
yetirməməsinə rəğmən bəzilərini yerinə yetirdiyini müdafiə edərək buna cavab
verir. Xüsusilə, insanları təkamül tarixində xüsusi bir qrup olaraq işarələməyə
və mədəni və ya arxa plandan əlaqəsiz olaraq bu qrupun üzvləri tərəfindən
istifadə edilməsi ehtimal edilən xüsusiyyətləri təyin etməyə kömək etdiyini
düşünür.
Nomolojik baxış ilə əlaqəli ikinci problem, həddindən
artıq əhatə edici ola biləcəyidir. Yəni insan təbiətinin təyini, özündə daha
çox xüsusiyyət əks etdirmiş ola bilməsidir. İnsanların əksəriyyəti tərəfindən istifadə edilən hər
xüsusiyyətin və ya mülkün təkamül tariximizdə kökləri olması vacib olduğunu fərz
etmək üçün qorxunc bir meyl vardır – başqa cür desək insan vəziyyətinin
“unversallarını” tövsiyə etmək insan təbiətinin bir tərəfidir. Amma bu düz
olmaz. Machery, suyun yaş olduğu inancını nümunə göstərir. Bu unversal bir
inancdır, ancaq şübhəsiz insan təbiətinin bir parçası olmur. Təkamül prosesi tərəfindən
deyil, suya məruz qalmağın qazandırdığı inancdır. Problem odur ki, təkamül
suyun yaş olduğu inancına əhəmiyyətsiz bir şəkildə tövhə vermişdir, çünki bizə
bu inancı yaratmağımızı kömək edən emosional aparat yaratmışdır. Yenə də,
inancın təbiətimizin bir parçası olduğunu iddia etmək düz olmur.
Machery-yə görə bu problemin həlli, təkamülün
insanlıq tərəfindən istifadə edilən hər hansı bir xüsusiyyətin və ya meylin
varlığına əhəmiyyətsiz bir şəkildə töhvə verməsinə rəğmən, bütün bu xüsusiyyətlərin və meyllərin nəhayətində
təkamül prosesləri ilə izah edilə bilməyəcəyini iddia edir. “İnsan təbiəti”
ifadəsi, nəticədə bu proseslərlə izah edilə biləcək xüsusiyyətlər üçün
ayrılmalıdır.
Ancaq bunu demək etməkdən daha çox çətindir. Təkamülçü
psixoloqlar və tənqidçiləri arasında aparılan müzakirələrin çoxu, məsələn, görünüşdə
universal (və ya universala yaxın) xüsusiyyətlərin təkamül prosesləri ilə ən
yaxşı şəkildə izah edilib edilməyəcəyinə fokuslanır. Başlanğıcdakı şiddətə ya
da şorgözlüyə meyli olan gənc adamların nümunəsinə qayıtsaq, bəzi insanlar bu
xüsusiyyətlərin təkamül tariximizin məhsulları olduğunu iddia etmək istəyəcəklərdir.
Bəziləri isə davamlı olaraq mövcud ətraf mühit faktorlarının nəticəsi olduğunu
iddia etmək istəyəcəklərdir.
Qısacası, insan təbiətinin nomolojik baxışını qəbul
etsək belə, insan təbiətinin həqiqi məzmunu haqqında çox sayda müzakirə
qalacaqdır. Fəlsəfə tək başına bu müzakirələri həll edə bilməz, ancaq ən
azından müzakirə etdiyimiz şeyləri konkretləşdirə bilər.
Tərcümə edən: Ramilə Heydərova
Mənbə: Philosophical Disquisitions
Təəsüf ki, məqalədə konstruktivist konsepsiyalar haqda məlumat yoxdur, amma sırf bunun əksi haqda məlumat verir. Təşəkkürlər tərcümə üçün
YanıtlaSilFikirləriniz üçün təşəkkür edirik, Bəhruz bəy. Bəhs etdiyiniz konstruktivist konsepsiyalar haqqında məlumatların yer aldığı məqalələri də tərcümə edəcəyik yaxın zamanlarda.
Sil