“Etika” sözü son 15 ildə (Kuçuradi 2003
də yazıb) modaya çevrildi. “Etik”
adlı kitabımı ilk nəşr etdiyim 70-lərdə etika ilə məşğul olmaq modası keçmiş
hesab edilirdi. Amma, bir-birimizlə əlaqələrimizdə, hər işimizdə, hər qərarımızda
etik dəyərlər məsələsi ortadadır.
Etikaya marağın canlanmasına müxtəlif
amillər təsir etmişdir. Bu gün moda olan fəlsəfənin bir sahəsi, elmi bir sahə
olan etika deyildir.
Moda olan “peşə etikaları” adlandırılan etikalardır. Bunlardan ən qədimi bio-medikal etika və ya bioetika və mətbuat etikasıdır. İndi müxtəlif peşələr və xidmət sahələri öz etikalarını yaratmaq səyindədirlər.
Moda olan “peşə etikaları” adlandırılan etikalardır. Bunlardan ən qədimi bio-medikal etika və ya bioetika və mətbuat etikasıdır. İndi müxtəlif peşələr və xidmət sahələri öz etikalarını yaratmaq səyindədirlər.
“Etika” ilə əlaqədər gördüyümüz yeni bir
cərəyan da bütün mədəniyyətlərə hörmət tələbinin və postmodernizmin norma
problemlərinə relyativist yanaşmasının - “hər şey olar”(anything goes) baxışı -
yaratdığı qarışıqlıq qarşısında bəzi ətraflarda “ümumi bir etika” və ya “ümumiləşdirilə
biləcək bir etika”? ya da “global bir etika” formalaşdırma cəhdləridir.
Etika ilə əlaqədar bu cəhdlərdə müxtəlif
epistemioloji qarışıqlıqlar olur. Bu qarışıqlıqlar da mənim görəbildiyim qədərilə,
etikanı, bu gün gündəmə gətirən ehtiyaclara cavab verə biləcək şəkildə
formalaşdırılmasına əngəl olur.
Bu səbəblə, etika termininin mənaca
aydınlığa qovuşdurulması və etika sözünə bu gün aid edilən fərqli məzmunların
ayırd edilməsi etikanın təkcə nəzəri olaraq inkişaf etdirilməsində ilk addım
olaraq deyil, eyni zamanda, şəxsi, ictimai və peşə həyatımızda addım-başı
qarşılaşdığımız etik problemlər qarşısında doğru, ya da dəyərli hərəkət edə
bilməyimiz üçün zəruri görünür.
Bu ayrı-seçikliyi etmək üçün burda “etik
problem” deyilən müxtəlif problemlər arasındakı bəzi epistemioloji və ontoloji
fərqləri göstərməyə çalışacağam.
Bir mənada “etik problemlər” fəlsəfənin
başlanğıclarından filosofların əlləşdikləri əsas bir sual və ya problemlər qrupunu
təşkil edir. “Fəzilət nədir?” “Ədalət nədir?” və bunlara oxşar bir çox sual,
Platonun bir çox dialoglarının və Aristotelesin Nixomatın Etikasının əsasını təşkil edir.
Başqa bir mənada “etik problemlər” fəaliyyətdə
olmaq zərurətində olduğumuz gündəlik həyatla (fərqində olsaqda olmasaq da) birə-bir
əlaqəli olan problemlərdir.
Bu, deməkdir ki, sizin, mənim, günlük həyatımızda
və peşə həyatımızda hər an qarşılaşdığımız və fəaliyyət göstərmək üçün bu və ya
digər şəkildə həll etmək zərurətində olduğumuz etik problemlər bir filosofun ələ
aldığı və həll etməyə çalışdığı etik problemlərdən növcə fərqli problemlərdir:
birincilər gerçək, bir dəfəlik problemlərdir. Belə bir problemlə müəyyən bir
insan müəyyən bir anda və vəziyyətdə qarşılaşır və bilavasitə, ona verilən və o insanın həmin vəziyyətdəki fəaliyyətini
müəyyən edən cavab (müəyyən insanın tapdığı
həll) təkcə, o müəyyən problemə verilən cavabdır. Bu problemləri həll
etməyin resepti yoxdur, cavabın hər vəziyyətdə tapılması gərəkir. Amma, ikinci
növ etik problemlər ümumi, nəzəri problemlərdir. Onlara verilən cavab fəlsəfi
bilik yaradır. Məsələn, “Doğru fəaliyyət nədir?” sualı ilə “Mən bu vəziyyətdə nə
etməliyəm?” sualı epistemioloji baxımdan bir-birindən fərqli suallardır.
Birinci (fəlsəfi) suala bir cavab “doğru” termininin konseptuallaşdırılmasıdır;
amma ikinci suala cavab vermək üçün insan, o müəyyən, konkret, tək vəziyyətdə nəyi
etmək lazım olduğunu tapmaq məcburiyyətindədir. Bunu da fəaliyyətin dəyəri üçün
müxtəlif nəticələr yaradan fərqli formalarda edə bilər; bir “doğru fəaliyyət”
konseptinə uyğun edə bilər və ya özü üçün keçərli bir normaya görə edə bilər,
ya da sadəcə məqsədinə necə çatacağını hesab edərək fəaliyyətdə ola bilər. Məsələn,
“başımı götürüb çıxıb getməliyəm” və ya “vəziyyəti bacımdan gizli saxlamalıyam”
deyə bilər. Göründüyü kimi, bu iki cavabın fəlsəfə ilə əlaqəsi yoxdur. Bu
axırıncı növ problemlərə “ahlaksal problemler”
(əxlaqi problemlər) də deyilir.
Və lakin, müxtəlif peşə etikalarının bu
an məşğul olduqları “etik problemlər” daha əvvəl bəhs etdiyim iki cür etik
problemlərdən fərqlidir. Peşə etikalarının bu gün axtardıqları şey normalardır,
amma xüsusi növ normalar. Bu normaların ixtiyari peşəni icra edənlərin bütün vəziyyətlərdə
qərarlarını və fəaliyyətlərini müəyyən etməsi gözlənilir. Yəni, axtardıqları
normalar insanların dünyagörüşündən, mədəniyyətindən, ideologiyasından və
dinindən asılı olmayaraq tətbiq etmələri gözlənilən normalardır.
“Universal bir etika” və ya “global bir
etika” yaratmağa çalışanlar da normaların axtarışındadır. Axtardıqları davranış
normaları da üstündə konsensusun mümkün olduğu normalardır. Amma axtardıqları
ya da önə sürdükləri bu normaların epistomoloji xüsusiyyətlərinə heç diqqət
etmirlər.
Bu gün “etika” adı altında qarşımıza çıxan əxlaqların
və əxlaqlılıq bildirişlərinin ya da “peşə
etikaları”nın da həyatımızda əhəmiyyətli yeri vardır; amma fəlsəfi biliklə
yaradıldıqları və dəyərləndirildikləri təqdirdə və özünə məxsus funksiyaları
bilindiyi təqdirdə həyatımızda yerləri vardır.
İndi “etik problemlər” ifadəsinin mənalarının
bu aydınlaşdırılması və bunların fərqli həlli yolları “etika” sözünün günümüzdəki
müzakirələrdə istifadə olunan üç fərqli əsas mənasını ayırd etməyə imkan verir.
Belə ki:
a)
“Etika” sözü bəzən əxlaq mənasında , yəni; müəyyən bir grupda,
müəyyən bir zamanda, insanların bir-biri ilə əlaqələrində dəyərləndirmələrini və
fəaliyyətlərini müəyyən etmələrinni təmin edən dəyərləndirmə və davranış
normaları sistemləri mənasında istifadə olunur. Bunlar yazılı olmayan normalar
sistemləri, ya da müəyyən bir zamanda, müəyyən bir mədəniyyətdə nəyin “yaxşı” nəyin
“pis” olduğuna bağlı norma sistemləri, bilavasitə insanların ümumi olaraq nələri
etmələri və nələri etməmələri gərəkdiyini ifadə edən müxtəlif və dəyişkən norma
sistemləridir. Bu əxlaq normalarını , etik dəyərlərlə qarışdırmamaq lazımdır.
(bu gün qarışdırıldığı kimi)
Bu
qarışdırmayı və onun gündəlik həyatdakı
nəticələrinin qarşısını almaq
üçün bu yazılı olmayan norma sistemlərinə “əxlaq normaları” deyirəm.
b)
Başqa bir tərəfdən “etika” sözü yazılı normalar cəmi, bir grup
insanın müəyyən məqsədlərlə yaratdığı norma cəmləri mənasında istifadə edilir.
Belə kodlar, o məqsəd üçün yaradılmış normalardan və ya mövcud normalar
arasından seçilmiş, razılaşma ilə qərarlaşdırılmış və “universal” olaraq keçərli
təqdir edilmək istənilən sənədlərdir. Amma, bu sənədlərdəki norma-lar da çox vaxt fəlsəfi olaraq dəyərləndirilməmiş
normalar olur, bilavasitə, universal ola biləcək və bilməyəcək normalardan ibarətdir.
Peşə
etikası baxımından “etika” sözü ayrıca belə normalarla məşğul olan araşdırma
sahələri mənasında da istifadə edilir; məsələn, biomedikal etika həm əlaqəli
norma-lar cəmini, həm də bunlarla texniki olaraq məşğul olan sahəni dilə gətirmək
üçün istifadə olunur.
Peşə
etikaları və universal etika məsələlərində aparılan müzakirələrin göstərdiyi
kimi “etika” sözünün bu ikinci mənası bu gün ən geniş yayılan mənasıdır.
Geniş
qarışıqlıqlardan və bu qarışıqlıqların ictimai həyatda və qanunvericilikdə
meydana çıxardığı nəticələrdən yan keçə bilməyi təmin etmək üçün “universal”
olduğu hesab edilən bir növ yazılı norma kodlarına əxlaqlılıq bildirişləri deməyin
tərəfdarıyam. Normaları xarakterizə etdiyi zaman da “universallıq”dan bir
normanın dünya səviyyəsində keçərli olmasını deyil, onun epistomoloji-aksioloji
xüsusiyyətini, yəni yaratdığı ilkin təməllərin bilik baxımından bir xüsusiyyətini
anlayıram. Bu xüsusiyyətlərə görə bu cür normalar bütün insanların (çoxu belə
davranmırsa da) başqa insanlara necə davranmaları və bütün o insanların necə rəftar
görmələri gərəkdiyi ilə əlaqədar tələblər gətirən normalardır.
Beynəlxalq
İnsan Hüquqları Bəyannaməsi bu cür etik normalar gətirmə niyəti ilə
yaradılmışdır, bu baxımdan da bir universal əxlaqlılıq bəyannaməsi, ya da
“universal etika” hesab edilə bilir.
c)
“Etika” sözü bir də, insani bir fenomen olan etika
fenomeni haqqında iqrari-inkari bilik ortaya qoyan, ya da qoyması gözlənilən fəlsəfə
budağını da ifadə etmək üçün istifadə edilir - hər nə qədər geniş yayılmış bir
anlayışa görə bu fəlsəfə budağı əsasən (amma Aristotelesin “Nixomatın
Etikası”-da, ya da N. Hartmannın “Etika” nümunələrində olduğu kimi həmişə
deyilsə də) normativ bir budağ hesab edilsə də və bunun nəticəsində bu fəlsəfə
budağına “normativ-deontoloji etika”, metaetika və b. adlarla xatırlanan müxtəlif
yanaşmalar varsa da - yenə aydınlığı təmin etmək üçün, ad olaraq “etika” sözünü
, yalnız əlaqəli fəlsəfə budağı üçün etika fenomenini predmetinə çevirən və bir
bütöv olaraq aydınlaşdıran , insanlararası əlaqələrdə etik dəyərin və etik dəyərlərin
məlumatını ortaya qoyan fəlsəfə budağı üçün istifadə etməyi üstün tuturam.
Etik
dəyər və etik dəyərlərə bağlı bu fəlsəfi bilik də, hər hansı bir əxlaqlılıq
bildirişinin yaradılması və tətbiq edilməsi üçün onsuz mümkünsüz bir şərtdə
olduğu kimi, gündəlik həyatda, müəyyən vəziyyətlərdə insan şərəfinə zərər vermədən
fəaliyyət göstərə bilməyin də başlıca şərtidir.
“Əxlaqlılıq”
dediyim, əsasən təcrübi yolla (bir növ induksiya ilə) yaradılan, yazılı olmayan
norma sistemləri bir az əvvəl bəhs etdiyim şərtləri yerinə yetirdikləri təqdirdə
- birliklərin ictimai həyatının gerçəklik şərtlərində insanların öz mənafeyini
qoruma imkanını artdırır.
Bu
gün “etika” adı altında qarşılaşdığımız əxlaqların və əxlaqlılıq bildirişlərinin,
ya da “peşə etikalarının” da həyatımızda əhəmiyyətli bir yeri vardır; amma fəlsəfi
biliklə yaratdıqları və dəyərləndirdikləri təqdirdə və özlərinə xas
funksiyaları məlum olduğu təqdirdə həyatımızda yerləri vardır.
Etik dəyər qoruyaraq yaşaya bilmək və peşəmizi
etik dəyər qoruyaraq görə bilmək üçün, normalardan əlavə etik dəyərin və etik dəyərlərin
fəlsəfi məlumatına əsaslanan fəlsəfi bir
təhislə ehityac vardır. Çünki, belə bir təhsil , üz-üzə gəldiyimiz vəziyyətlərdə
, insan şərəfinin harada təhlükədə olduğunu görən bir göz əldə etməyimizə
yardımçı ola bilər.
Yazılı olan bu universal əxlaqlılıq
normaları, digər bəzi faydaları yanında,
yasaların yaradılmasında əhəmiyyətlidir İnsanlar fəaliyyət göstərmək məcburiyyətində
olduqları, amma haqqında lazımi bilik sahibi olmadıqları hallarda, ictimai həyatda
- milli və beynəlxalq səviyyədə - insan şərəfini qoruma imkanını artırır, amma
insan şərəfini qorumağa qeyd-şərtsiz zəmanət vermir. Çünki normalar, etik dəyər
qoruyucu qərarlar almağa və ya fəaliyyət göstərməyə yetmir. Bunun səbəbi də, fəliyyət
göstərmək zorunda olduğumuz hər halın tək-spesifik
olmasıdır. Bir halda bir normaya uyğun davranmaq, amma etik baxmından dəyərsiz
davranmaq mümkündür. Kantın “tapşırığa görə” və “tapşırığa uyğun” davranmaq
ayırımı, iki insanın görünüşdə eyni davranışının, fəaliyyətlər olaraq dəyər fərqini
açıqca göstərir.
İnsanlar normalara uyğun davranmağa məcbur
edilə bilərlər, amma etik dəyər qorumağa və qorumağı istəməyə məcbur edilə bilməzlər.
Bununla belə, elə tədris edilə bilərlər ki, bəziləri belə bir istəməyə sahib
ola bilər və həyatlarında - bu vaxt da peşə həyatında - belə fəaliyyətlərini
göstərə bilmək üçün lazım olan fəlsəfi dəyər biliyiylə təmin ola bilərlər. Çünki bu istəmə və bu bilik fəaliyyət göstəriləcək
halın biliyiylə birlikdə, müəyyən-gerçək bir halda dəyər qoruyarq - və ya ən az
dəyərə sərf edərək - fəaliyət göstərə bilməyin onlarsız mümkünsüz olan şərtlərdir.
Müəyyən bir halda insan şərəfini qorumaq
imkanını artıran bir universal əxlaqlılıq bildirişi və bu vaxt “peşə etikaları”
yarada bilməyin minimum şərtlərinə gəldikdə; bunlar - mənim görə bildiyim qədəriylə
- fəlsəfi etik dəyər biliyi və normalara bağlı epistomoloji və aksioloji
bilikdir. İndiki əlaqəli mübahisələrin belə biliklərə - yəni, bir bütöv olaraq
etika fenomeninin biliyinə - yetərincə əsaslandığı görünmür.
Etik dəyər qoruyaraq yaşaya bilmək və
peşəmizi etik dəyər qoruyaraq görə bilmək üçün, normalardan əlavə etik dəyərin
və etik dəyərlərin fəlsəfi məlumatına əsaslanan fəlsəfi bir təhsilə ehtiyac
vardır. Çünki, belə bir təhsil, üz-üzə gəldiyimiz vəziyyətlərdə, insan şərəfinin
harada təhlükədə olduğunu görən bir göz əldə etməyimizə yardımçı ola bilər.
Platonun dialoglarındakı Sokratesin “heç
kim istəyərək pis insan olmaz” prinsipinə və fəzilət ilə fəzilətlərin biliyinə
olan ehtiyacı israrla vurğulamasıni daha çox dinləməyimiz faydalı olar. Bu da,
ümumi olaraq təhsildə və peşə təhsilində fəlsəfi etik təhsilə daha əhəmiyyətli
bir yer ayırmağımızın lazım olduğunu göstərir.
Tərcümə edən: Fərhad Seyfullazadə
İoanna Kuçuradi Professor, Dr. Hacettepe
Üniversiteti, Fəlsəfə bölməsi, Ankara
Yorumlar
Yorum Gönder