Ortaq gəlinmiş nəticə ondan ibarətdir ki,
Metamodernizm, özündən daha əvvəlki Postmodernizm adlanan mədəni mərhəlini tamamlayacaq. Postmodernizm isə istər mahiyyət, istərsə də məna baxımından modern cəmiyyətdən
“sonra gələn”-dir. Bu baxımdan modern cəmiyyətin xarakterik cəhətləri kimi, elm, inkişaf,
məqsəd, obyektiv həqiqətin
mövcudluğu, fərdə olan inam kimi amilləri nəzərdən keçirə bilərik. Postmodernizm isə modern cəmiyyət üçün xarakterik olan amilləri sorğulayan fikir və mədəni istiqamətləri üçün istifadə olunan bir anlayışdır. Postmodernizmin xarakterik cəhətləri kimi inkişafa inanmamaq, zəmanəmizdə aktual olan büyük ideylara qarşı şübhəli yanaşma, istisnalara, xırdalıqlara və periferiyalara yönəlmə, elmin cəmiyyətdəki güc və etibarına qarşı tənqidi yanaşmanı misal göstərmək olar. Postmodernizm üçün sadəcə olaraq xarici görünüş(surface) və mənasızlıq vardır. Burda əvvəlki modernist dönəmlərə xas məna axtarıcılığına rast gəlinmir. Postmodernizm üçün nisbilik, hər şeyin cəmiyyət və insanlar tərəfindən yaradılmış olması, eyni zamanda modern cəmiyyət üçün xarakterik olan din, siyasi ideyalar və elmi kəşflərin nəticələrini kor-koranə qəbul etməmək, bütün bunların fonunda isə gerçəkliyə bir neçə fərqli perspektivdən baxa bildiyi üçün bir növ modernizmə qarşı ironiya xarakterikdir. Postmodernizm bizi yenidən düşünməyə dəvət edir, o nəyin gerçəklik olduğu ilə, yaxud da mövcud vəziyyətdən, problemdən çıxış yolları ilə maraqlanmır. Əksinə onun üçün tənqid, sorğulamaq, hər şeydən daha az əmin olmaq, bütövün parçalarına ayrılaraq analiz edilməsi kimi keyfiyyətlər müəyyən edicidir. Postmodernizm tezis-in sorğulanması və anti-tezisin tapılmasına çalışır. Yeni tezis əvəzinə isə hər zamana yeni problemlərin ortaya atılıb sorğulanması nəzərdə tutulur, əldə edilmiş tək nəticə isə problem kimi qəbul edilən tezis haqqındakı tənqidlər-dir.[6] Lakin mədəni dövrləşmə baxımından Postmodernizm hələ indiki zamanımız üçün belə tam olaraq oturuşmuş və formaşalmış hesab etmək olmaz. Ədəbiyyatda, musiqidə, incəsənət və digər sahələrdə olduğu kimi yeni-yeni postmodernizmə keçid etməkdə olan cəmiyyətlər mövcudur. Lakin akademik sahələrdə artıq postmodernizmi əvəzləyəcək olan, daha doğrusu əvəzləyəcəyi proqozlaşdırılan yeni mədəni dövrləşmə - Metamodernizm ortaya çıxmışdır.
mövcudluğu, fərdə olan inam kimi amilləri nəzərdən keçirə bilərik. Postmodernizm isə modern cəmiyyət üçün xarakterik olan amilləri sorğulayan fikir və mədəni istiqamətləri üçün istifadə olunan bir anlayışdır. Postmodernizmin xarakterik cəhətləri kimi inkişafa inanmamaq, zəmanəmizdə aktual olan büyük ideylara qarşı şübhəli yanaşma, istisnalara, xırdalıqlara və periferiyalara yönəlmə, elmin cəmiyyətdəki güc və etibarına qarşı tənqidi yanaşmanı misal göstərmək olar. Postmodernizm üçün sadəcə olaraq xarici görünüş(surface) və mənasızlıq vardır. Burda əvvəlki modernist dönəmlərə xas məna axtarıcılığına rast gəlinmir. Postmodernizm üçün nisbilik, hər şeyin cəmiyyət və insanlar tərəfindən yaradılmış olması, eyni zamanda modern cəmiyyət üçün xarakterik olan din, siyasi ideyalar və elmi kəşflərin nəticələrini kor-koranə qəbul etməmək, bütün bunların fonunda isə gerçəkliyə bir neçə fərqli perspektivdən baxa bildiyi üçün bir növ modernizmə qarşı ironiya xarakterikdir. Postmodernizm bizi yenidən düşünməyə dəvət edir, o nəyin gerçəklik olduğu ilə, yaxud da mövcud vəziyyətdən, problemdən çıxış yolları ilə maraqlanmır. Əksinə onun üçün tənqid, sorğulamaq, hər şeydən daha az əmin olmaq, bütövün parçalarına ayrılaraq analiz edilməsi kimi keyfiyyətlər müəyyən edicidir. Postmodernizm tezis-in sorğulanması və anti-tezisin tapılmasına çalışır. Yeni tezis əvəzinə isə hər zamana yeni problemlərin ortaya atılıb sorğulanması nəzərdə tutulur, əldə edilmiş tək nəticə isə problem kimi qəbul edilən tezis haqqındakı tənqidlər-dir.[6] Lakin mədəni dövrləşmə baxımından Postmodernizm hələ indiki zamanımız üçün belə tam olaraq oturuşmuş və formaşalmış hesab etmək olmaz. Ədəbiyyatda, musiqidə, incəsənət və digər sahələrdə olduğu kimi yeni-yeni postmodernizmə keçid etməkdə olan cəmiyyətlər mövcudur. Lakin akademik sahələrdə artıq postmodernizmi əvəzləyəcək olan, daha doğrusu əvəzləyəcəyi proqozlaşdırılan yeni mədəni dövrləşmə - Metamodernizm ortaya çıxmışdır.
Metamodernizmin söz etibarilə nəzərdən keçirilən
“meta” hissəciyi Platon fəlsəfəsindəki “Metaxy”
anlayışından meydana gəlmişdir. Tərcümə etibarilə “Metaxy”, “eyni anda həm gerçək dünyada, həm də mücərrəd, uydurulmuş
dünyada olmaq” mənasını ifadə edir. Metamodernizm mövqeyindən yanaşdığımızda isə
mahiyyət etibarilə bir-birinə əks olan qütblər arasındakı eyni zamanda(simultaneity) hərəkət, dalğalanama, rəqsi
hərəkət(oscillation)* başa düşülür.[1],[4]
“Meta” hissəciyi haqqında onu da qeyd etmək
lazımdır ki, latıncada “post” sözündə olduğu kimi yunancadan tərcümədə olduğu
kimi “sonra” mənasını ifadə edir ki, bu da mahiyyətdə söz olaraq “postmodern”-lə
məna eyniliyinə gətirib çıxarır. Lakin “meta” sözü təkcə “sonra” mənasında
deyil, daha çox “üstündə”, “ondan kənarda” mənalarında istifadə edilir.
Metakonsepsiya - konsepsiyalar haqında konsepsiya, Metafizika - fizikadan kənar
olan, təbiətdən sonra gələn kimi sözlərin mahiyyətində yaratdığı fərqlilik də
bu baxımdan nəzərdən keçirilməlidir. Bu baxımdan yanaşdıqda Metamodernizm,
modernizmdən üstdə olan, ona yuxarıdan, kənardan baxan mənasında da anlaşıla
bilər.[3]
* Burada nəzərdən keçirilən “oscillation” termini bəzi mənbələrdə fizikadakı “tərəddüd” mənasını verən termin[2] kimi nəzərdən
keçirilir. Lakin tərcümə baxımından onu dalğalanma, fizikada nəzərdən keçirilən
rəqsi hərəkət kimi xarakterizə etməyin daha doğru və anlaşıqlı olacağını
düşünürəm.“Tərəddüd” ifadəsinin özlüyündə seçimin reallaşmasına əsaslanmadığını,
tam olaraq seçimin edilmədiyi, lakin tərəddüddə qalındığı halı ifadə etdiyini nəzərə
alsaq, izah etməyə çalışdığımız mətnin anlaşılmasında çox da uğurlu
olmayacağını, digər tərəfdən də “tərəddüd” sözü ilə əlaqədar irəlidə də nəzərdən
keçirəcəyimiz kimi Metamodernizmdə “hansının doğru olub-olmaması” ilə bağlı
ikilik seçim problemi mövcud deyil ki, bu da özlüyündə həm postmodernə məxsus,
həm də moderndən olan keyfiyyətlərin ardıcıl şəkildə həqiqət ola biləcəyi mənasına
gəlir. “Tərəddüd” sözü və onun ifadə etdiyi məna problematikası ilə bağlı onu
da qeyd etmək lazımdır ki, nəzərdən keçirdiyimiz azərbaycan dilli mənbədə(2. Səmədov
B.) verilmiş formadan anlaşıldığı kimi “tərəddüd” “gediş gəliş, əlaqə, hərəkət”(fizikadakı rəqsi hərəkət mənasında) mənalarına
da malikdir.[11] Çox güman ki, mənbədə “oscillation”
termininin “tərəddüd” kimi qeyd olunması da burdan qaynaqlanır və bu formada
istifadəsi hər hansı yalnış mahiyyət ifadə etmir. Bu məsələdə
gəldiyimiz nəticələr müzakirəyə açıqdır, sadəcə olaraq oxucunun məqalənin mətnini
düzgün anlaması üçün mətndə “tərəddüd” əvəzinə “dalğalanma”, yaxud da “rəqsi hərəkət”
kimi terminlərdən istifadəni uyğun gördüm. Bütün bunların fonunda Metamodernizm
manifestinin ilk tezisini isə “Biz, dalğalanmanı dünyanın təbi nizamı olaraq qəbul
edirik” formasında tərcümə etdim.
Metamodernizm bir mədəni dövr olub, postmodern-dən
sonra gələndir. 2010-cu ildə öz məqalələrində holland əsilli filosof və
kulturologlar Timotheus Vermeulen və Robin van der Akker incəsənət
və memarlıqda müşahidə etdikləri yenilikləri əsaslandıraraq metamodernizm
anlayışının izahını verdilər. Onlara görə, Metamodernizm ontoloji olaraq modern
və postmodern arasında dalğalanmaqdadır. Təklik və çoxluq, empatiya və apatiya,
saflıq və müdriklik, ümid və melanxoliya, modern həvəs, coşğu və postmodern
ironiya, tamlıq və parçalanma, təmizlik və bulanıqlıq olmaqla modern və
postmodern arasında dalğalanır.[7] Ontologiya anlayışınının, nəyin həqiqətən həqiqət olması ilə bağlı olduğunu nəzərə alsaq[6], o zaman müəlliflərin
fikirləri bizə daha aydın olar. Belə ki, ontoloji dalğalanma özlüyündə həqiqətin
gah moderndə, gah da postmodernə xas olan keyfiyyətlərdə, bəzən hər ikisində
birdən olduğunu ifadə edir. Belə olan halda metamodernizm üçün insanın
modernizmə xas olan saf ümid, gələcəyə, elmi inkişafa inam hisləri həqiqətə
çevrilir, eyni zamanda da dalğalanmanın nəticəsi olaraq metamodernist insan
postmodernist keyfiyyət olan sorğulamağı, öz hislərinə şübhəci yanaşmanı mənimsəmiş
olur. Öz fikrilərinə ironiya ilə yanaşmağı bacaran tənqidçiyə, həm də modern
inanc sahibinə çevrilir[6]. Metamodernistlərin dili ilə desək “bilgiləndirilmiş saflığa” nail olunur. Yaşadığımız
dünyadan örnək verəcək olsaq, modernizm dönəminin insanı xəstəlikləri şər qüvvə,
insanları xəstəlikdən xilas edən dərmanları, pereparatları isə elmi inkişafın nəticəsi,
insanlığın xilaskarı kimi yanaşırdı. Modernist münasibətlər çərçivəsində hər
şey müəyyən idi, vahid pis və vahid yaxşı obrazları, onların arasında seçim edən
fərd mövcud idi. Lakin daha sonra postmodern düşüncə insanlığa saf səmimiyyətlə
inanmış olduğu elmi, tibbi kəşflərin, dərmanların əslində hansısa bir firmanın
və ya qurumun istehsal və istehlak münasibətlərini təmin etmək məqsədi
daşıdığını, baş verən epidemiyaların, yeni dərmanların sınağının bazarda tələbat
yaradılmasının əsasında durduğunu izah etdi. Ağlımızdakı modernist gerçəkləri
sorğuladı və məhv etdi, bütün əvvəlki mifləri dağıtdığı kimi, insanı yeni
dövrün gerçəkləri ilə baş başa buraxdı, hər şeyi sorğulamağa və tənqidi
yanaşmağa, şübhələnməyə vadar etdi. Mənasızlıq və görüntü arasında qalan fərdi
çıxış yolundan məhrum etdi. Metamodernizm isə situasiyaya daha da postmodern
mövqedən yanaşmağa çalışaraq insanlığa göstərdi ki, onsuzda yaşadığımız yer
insan cəmiyyətidir, burdan kənarda yaşamaq kimi bir şansımız yoxdur. Lakin bu o
demək deyil ki, baş verənləri olduğu kimi qəbullanmalıyıq, əksinə əslində nələrin
baş verdiyini sorğulamalı, şübhə etməli, gözümüzdə yüksəklərə qalxan sabit normaları
hissə-hissə analiz etməliyik, ironiya ilə yanaşmağı bacarmalıyıq. Bütün
bunlarla yanaşı həm də eyni cəmiyyətdə yaşadığımızı unutmamalı, lazım olduğu
anda səmimiyyət və ümid, gələcəyə inam, yaratmağa, inkişafa duyulan həvəs kimi
amillərdən də faydalanmalıyıq. Bu postmodern və modern mədəni mühitə aid olan
keyfiyyətlər arasında gedib-gəlmək metamodernizmin “dalğalanma” adı altında
izah etmək istədiyi bir şeydir.
Timotheus Vermeulen və Robin van der Akker qeyd
edir ki, metamodernizm heç vaxt balans kimi nəzərdən keçirilməməlidir, əksinə o
birdən çox olan (2,3,5,10 və s) qütblər arasında gedib gələn, rəqsi hərəkət edən,
dalğalanan bir kəfkir(pendulum)-dir. həvəsin və coşğunun fanatizmə meylləndiyi an
o ironiyaya doğru gəlir, ironiyanın adiləşdiyi anda isə qravitasiya onu həvəsə,
coşğuya(enthusiasm) sarı istiqamətləndirir.
Bu baxımdan metamodernistlər pragmatik romantizm, sehirli
reallıq kimi yeni anlayışlardan da istifadə edirlər. Metamodernizmin
pragmatik romantizmi özlüyündə ümid bəxş etməsinə, daha doğrusu “boş yerdə,
özü-özünə yaranan qəribə ümid”[2]
olmasına baxmayaraq, hər hansı bir ütopiya sözü vermir. Metamodernizm
universal olmayan formadır, o ümidvericidir, lakin ütopik deyildir.[10] Əksinə
ütopiyaya duyulan ehtiyac hissinin hakim olmasını nəzərdən keçirir. Bununla
yanaşı metamodernizmdəki sehirli gerçəklik anlayışı ütopik xəyalpərəstliyin
gerçək dünyadakı vəziyyətini ifadə edir. Postmodernist yanaşmadan fərqli olaraq
ironiyadan məhrum olan, sehirli, ütopik keyfiyyətləri reallıq kimi, aid
olduğumuz dünyada əks etdirilməsini, mənimsənilmiş olmasını, dünyamızın bir
parçası kimi təsvirini ifadə edir.[9]
Metamodernizm
mədəni sferanın müəyyənedici amili kimi
Metamodernizm cəmiyyətin müxtəlif sferalarında
olmaqla, daha çox postmodernizmdə olduğu kimi mədəniyyət, incəsənət, kinomatoqrafiya
sahələrində qabarıq formada özünü göstərir. Hər hansı bir əsərin, yaxud da
filmin müəllif tərəfindən metamodernist düşüncə ilə yaradıldığını demək olduqca
çətindir. İstənilən halda əsərin əks etdirdiyi meyllər kənar müşahidəçi tərəfindən
ona yönəldilmə formasında mövcud olur. Bu baxışa uyğun olaraq metamodernimzin mədəni
sferada müəyyən edici amilləri, daha dəqiq ifadə etsək metodları kimi müəyyən olunan xarakterik əlamətləri müəyyən etmək
mümkündür. Bu metdoloji əlamətləri zaman etibarilə müasir dövrümüz üçün əhəmiyyətli
olan nümunələrlə izah etməyə çalışaraq metamodernizm haqqında düşüncələrimizin
maddi əsaslarla formalaşmasına imkan yaratmış olacağıq. Lakin Metamodernizm və
onun tam olaraq nə olduğu ilə bağlı qəti bir nəzəri əsasın hələ formalaşma mərhələsində
olduğunu nəzərə alsaq, sadalayacağımız aşağıdakı metodlar müəyyən mənada nisbi
xarakterə malik oacaqdır. Ola bilər ki, 10 və ya daha artıq müəyyən edici metod
olmuş olsun, yaxud da daha az, ancaq dəqiq olaraq bildiyimiz bir şey vardır ki,
o da kinomatoqrafiyada, musiqi və incəsənətdə bəzi şeylərin dəyişdiyi, əvvəlki
mədəni dövr olan postmodernizmin xüsusiyyətlərindən fərqləndiyidir. Nələrsə dəyişməkdədir
və daha da dəyişəcək kimi görünür, Metamodernizm haqqındakı fikirlərimiz indiki
anda bizə bu dəyişikliyi izləməyə və onu müəyyən perspektivdən də olsa
adlandırmağa imkan verir.
1. Meta-əksetdirmə – Modernist mədəniyyət və
incəsənət üçün xarakterik olan cəhət müəllif tərəfindən hər hansı rəsm və yaxud
da filmin universal gerçəkliyin bir hissəsi kimi təqdim olunmasıdır. Postmodern
nümunələr isə, istənilən halda müəllifin yaratmış olduğu əsəri və onun
gedişatını müəllifin müəyyən etdiyini, bu müəyyən etmənin isə müəllifin
psixoloji vəziyyəti, inanc sistemi və s. kimi səbəblərdən dolayı gerçəkliyi əks
etdirmədə uğurlu olmadığını ifadə edir. Postmodern əsərlərdə müəllif güvənilməz
xarakterə malikdir. Burada müəyyənedici faktor isə oxucunun və ya izləyicinin
özüdür.“İnception”(2010) filminin
sonunda olduğu kimi gerçəklik mücərrəd olaraq qalır, filmin necə sonlanmasını
isə müəyyən edəcək olan izləyicidir. Bu amil postmodern incəsənətdə izləyici və
ya oxucuya nəzərdə tutulan əsərə özündən bir şeylər əlavə etmək, nələrisə dəyişmək
imkanını verir. Metamodernist incəsənət isə postmodern düşüncədə nəzərdən
keçirdiyimiz bu amili fərqli istiqamətdə nəzərdən keçirir. Metamodern yanaşmada
özünü əks etdirən obraz müəllifin özüdür. Müəllif, öz həyatını əsər formasında
oxucu-izləyiciyə təqdim edir, özünü əks etdirir. Bu təqdim etmə zamanı isə
oxucu-izləyici müəlliflə bərabər, onun yanında əsas iştirakçıdır. Yəni oxucu-izləyici
müəllifin özü ilə bərabər bir işlə məşğul olur, onun yanındadır. Bu amil, 4-cü
pərdə adlandırılan anlayışın qırılması və müəllif-oxucu dialogunun təmin edilməsini
də şərtləndirir. Bu baxımdandır ki, meta-əksetdirmə bəzən “film kimi həyat” mahiyyətində izah olunur. “I am still here”(2010) adlı filmdə Joaquin Phoenix adlı Amerikan
aktyor özünü canlandırmaq qərarına gəlir. Belə ki, o aktyorluqdan imtina edərək
reper olmaq təşəbbüsünü ifadə edir(gerçək həyatda) və özünü ictimaiyyətə repper
kimi təqdim etməsinin filmini çəkir.[13] Film meta-əksetdirmənin, dolayısı ilə
də Metamodernizmin nümunəsi sayıla biləcək elementlərdəndir.
2. İkili çərçivə(double frame) – Raul Esherman tərəfindən post-postmodern
estetikanın örnəyi kimi ortaya atılmışdır. Eyni zamanda ifadə etdiyi mahiyyət
etibarilə metamodernist xarakterə malikdir ki, bu da onu metamodernizmin müəyyən
edici metodları sırasına daxil edilməsinə imkan verir. Başa düşülən mənada
“ikili çərçivə”, bir-biri ilə qarşılıqlı əlaqədə olan, iç-içə keçmiş iki
perspektivi izləyiciyə təqdim edir. İzləyici xarici çərçivə adlanan birinci çərçivədə
qalır. Xarici çərçivə yetərli qədər fantaziya elementləri ilə əhatə olunması və
gerçəkliklə əsərin məzmunu arasında aydın şəkildə görürən bir sərhəd yaratması
ilə xarakteziə edilir. Daxili çərçivədə isə əsərin içərisində yer alan bir qrup
və onlar arasındakı duyğusal münasibətlər ifadə olunur. “The Lovely Bones”(2002) filmində təcavüzə mərzu qalmış və
öldürülmüş gənc qızın cənnətdə olan vəziyyəti əks olunur, daha sonra isə əsərin
real dünyasındakı hadisələrə onun mövqeyindən baxış nəzərdən keçirilir. İzləyici
üçün gənc qızın yer aldığı və kifayət qədər fantastik xarakterli olan xarici çərçivə
əsas olandır, çünki izləyici məhz bu çərçivədə yer alır. Beləliklə də, onunla
real həyat arasında müəyyən olunan sərhədlər meydana çıxır. İzləyici gənc qızın
mövqeyindən real hadisələrə olan yanaşmanı izləməli olur. Gənc qızın mövqeyi
olduğu üçün də əsərdəki real hadisələrə müdaxilə imkanından məhrum olur. “Beasts of the Southern Wild”(2012)
filmində isə yenə balaca Afroamerikan biz qızın perspektivindən(xarici çərçivə
kimi) onun atasına və ətraf aləmdə baş verənlərə qarşı müasibəti əks olunur. Təbii
olaraq balaca qızın xarici çərçivəsi yenə də yetəri qədər fantaziya elementləri
ilə zəngindir.[13] Digər bir film kimi nəzərdən keçirə biləcəyimiz “American beauty”(1999) filmində də qəhrəmanın(Lester
Burnham) öz həyatını təsvir etməsi əsərin real dünyansını bizim ancaq təklif
olunan xarici çərçivədən görmə imkanımızı ortaya çıxarır. Eyni zamanda Rick
adlı personajın kamera vasitəsilə apardığı çəkilişlər də izləyicini daxili çərçivədən
ayıran xarici çərçivədə yer almağa məcbur edir. Ümumi olaraq xarici çərçivə izləyicini
əsərin reallığına müdaxilə etməkdən qorumuş olur, çünki xarici çərçivədə izləyici
kimi biz gənc qızın, yaxud da bir ailənin mövqeyinindən baxmaq imkanı əldə
edirik.[14]
3. Qəribəlik(quircy) – Bu anlayış daha çox İroniyanın
alternativi qismində nəzərdən keçirilir. Belə ki, əsərdə və yaxud da filmdə əks
olunduğu kimi, önəmli olan öz fərqlilikləri, qəribəlikləri ilə təsvir edilən qəhrəmanlardır.
Bu baxımdan obrazların təsvirinə əsaslanan qəribəlik
onları bir xarici çərçivə olmaqla izləyicidən ayırır. Daha doğurusu
postmodernizmin İroniya anlayışının obrazın daxili aləminə girməsinə mane olur.
Bu baxımdan “The Royal Tenenbaums”(2001)
filmi dediklərimizi daha yaxşı formada izah edə bilər. Filmdə məsuliyyətsiz
formada təsvir edilən ata obrazı və onun hər birinin özünəməxsus müəyyən şəxsiyyət
pozuntularına malik olan 3 övladı və həyat
yoldaşı təsvir edilir. Qəribəlik
filmdəki obrazların “özlərinə məxsus problemləri” ilə ifadə olunmuşdur və bu
izləyici üçün bütün filmə aid olmayan, yalnız müəyyən bir obrazla əhatə
olunan xarici çərçivəni təşkil edərək
ironiya elementlərini ardan qaldırır.
4. Metamodern
minimalizm – Minimalizm Postmodern mədəni dövrləşmə ərzində formalaşmış əvvəlki
dönəmlərdə hakim olan maddiliyin “bir şeylər ifadə etməsi” fikrinə qarşı olaraq
formalaşmışdı. Minimalizmdə əsas məsələ maddi olan varlıqların tarixi və
simvolik mənalarını minimuma endirmək idi. Heç də hər şey özündə nəsə böyük məna
ifadə etməyə məcbur deyil, əksinə sadəlik,
az-ın çoxdan daha yaxşı olması kimi
anlayışlar xarakterikdir. “Oz sehirbazı”-da da deyildiyi kimi “Kanzas bəzən sadəcə
Kanzasdır”. Postmodernizm Modern əsərlərin ifadə etməyə çalışdığı hər şeyin
“daha yaxşı”-sı amilləri aradan qaldırmaq üçün minimalizmdən istifadə edir. Metamodernizmdə
isə minimalizm daha fərqli istiqamətdə səmimiyyət(intimacy) və həssaslıq(vulnerability) yaratmaq üçün istifadə olunur. Bu baxımdan
metamodern filmlər əsasən məhşur aktyorlardan istifadə etməmək, yeni obrazlar və
aktyorlardan yararlanmaq, təbii alınan dilaloglardan istifadə, daha aşağı büdcəli
filmlər çəkmək kimi xarakterik əlamətlərə malik olurlar. Eyni zamanda bu izləyicidə
bəhs etdiyimiz səmimiyyət və həssaslığın formalaşdırılması üçün nəzərdə
tutulur.[13]
5. Metamodern
maksimalizm – Bu anlayış əsasən postmodernizm üçün xarakterik olan utanmaz(unabashed) özünü ifadə tərzinə qarşı reaksiya kimi formalaşmışdır. Ən başa
düşülən formada sosial şəbəkə vasitəsilə bir insanın özünü ifadə formasını nəzərdən
keçirə bilərik. Belə ki, insanın digər insanlar və onların fikirlərini heçə
sayaraq cəsur pozlardan istifadə etməsi və intim görüntülərini paylaşması kimi
elementlər daha çox postmodernizmin qeyd etdiyimiz utanmaz özünü ifadə forması
ilə əlaqəlidir. Bunu həyata keçirən insan cəmiyyətə və digərlərinə meydan
oxumuş olur. Lakin metamodernist koseptdə özün ifadə bir qədər fərqlidir.
Metamodernizm də fərdin özü şəxsi hesab olunan həyatını təsvirə imkan
verir(postmodernizmdə olduğu kimi), lakin bunun postmodernə xas anarxik və
meydan oxuma formasında olmasını qəbul etmir(modernist elementlər). Bir çütlük
öz evlilik günlərini sosial şəbəkədə canlı yayımlaması, rok qrupu “The Flaming lips”-in kliplərindəki səhnə
dekorasiyası metamodernist maksimalizmin örnəyi kimi təqdim oluna bilər.[13]
7. Yeni səmimiyyət(New Sincerity) – Bu anlayış daha çox
postmodernizmə xas olan ironiya ilə
modernist element olan səmimiyyətin
birləşdirilmiş formasını nəzərdə tutur. Postmodernizm üçün xarakterik olan
ironiya, dəyərləri və sabitləri sorğulamağı, onların əksi olmağı, daha vulqar
ifadə edəcək olsaq onlarla məzələnməyi
nəzərdə tuturdu. Metamodernizmdə nəzərdən keçirilən yeni səmimiyyət isə
bunların hər ikisini özündə ehtiva edir. Metamodernizmdə ironiya ilə ifadə
olunan bir şey eyni zamanda həm də doğrudur.[15]
8. “Normcore”
– Digər bir metamodernist anlayış kimi təsvir oluna “normcore” insanın modaya və
geyimə olan münasibəti ilə xarakterizə olunur. Əgər Postmodernist düşüncəyə
malik olan insan hər kəsdən fərqlənmək adına daha qəribə geyim və moda tərzindən
istifadə edirdisə və bu hərəkəti özlüyündə cəmiyyətin ümumi düşüncəsinə ironiya
ehtiva edirdisə, metamodernizmdə bu xarakterik deyil. Metamodernist fərd mümkün
olduğu qədər neytral görünməyə çalışan fərddir. O, modanın yeniliklərini və
trendləri anlayır və bunlardan yetəri
qədər məlumatlıdır. Lakin yenə də cəmiyyət içərisində çox gözə batmamaq üçün
mümkün olduğu qədər neytral xarakterə malik modanı izləyir. Bu baxımdan
“normcore”, “fərqliliyə hakim olmaq və eynilikdə ustalıq əldə etmək fəaliyyəti”
kimi də nəzərdən keçirilə bilər. Məşhur şəxslərin adi paltarlarda cəmiyyət içərisinə
çıxmasından, çoxluğun içərisində onların moda anlayışına uyğunlaşaraq
neytrallaşmaq kimi amilləri burada misal kimi göstərə bilərik.[16]
9. Antropomorfizm – İnsanlara aid olan
keyfiyyətlərin heyvanlar və yaxud da cansız əşyalar üzərinə köçürülməsi ilə
bağlı olan anlayışdı. Anlayışın Metamodernist xarakteri isə daha çox insan
dünyasında insanlarla bərabər formada, digər canlıların və ya cansız
varlıqların duyğularına yer verilməsidir. “Isle
of Dogs”(2018) və “The Fantastic Mr.
Fox”(2009) kimi filmlərdə metamodernist yanaşmanın nümunələrinə rast gəlmək
mümkündür.[13] Bu baxımdan düşünüləcək olsaq, “Stuart Little”(1999) filmindəki ağ balaca siçan Stüart da
antropomorfizmin metamodernist xarakterinin izahedici örnəyi kimi qiymətləndirilə
bilər.
10. Meta-sevimlilik, xoş(meta-cute) –
metamodernizm üçün xarakterik olan amillərdən olan meta-sevimlilik əsasən
uşaqlar üçün sadəliyi və sevimli olması ilə səciyyəvi olan lakin yetkin
insanlar tərəfindən istifadə olunan şeylərlə əlaqədardır. Bu amil özünü daha
çox musiqidə və filmlərdə uşaq xarakteri ifadə edən yetkin obrazlarda göstərir.[13]
Metamodernizm
siyasi sferada formasion əvəzləyici kimi
Metamodernist
düşüncə üçün bizdən və bizim düşüncəmizdən kənar olan bir obyektiv dünya
mövcuddur. Bir universal həqiqət vardır və o olmadan bizim dünya haqqında əldə
etdiyimiz biliklər mənasızdır. Çünki, əgər gerçəklik olmaqla dünya bizim düşüncəmiz
tərəfindən yaradılmışdırsa, o zaman bizim dünya haqqındakı təsəvvürlərimiz elə
gerçəkliyin özü olacaqdır. Qəbul edirik ki, bizdən kənarda obyektiv bir dünya
var, lakin yenə də o dünya haqqında aldığımız məlumatlar və informasiyalar duyğularımıza
və təəsüratlarımıza əsaslanır. İnsan olaraq bizlər hər zaman məhdud çərçivəyə
malik olmuş zaman və məkanla sərhədlənmiş canlılarıq. Düşüncələrimiz və ətraf
aləm haqqındakı təəsüratlarımız da bu baxımdan nisbi xarakterə malikdir. Biz
insan olaraq ümumi gerçəkliyi tam formada qavraya bilmərik. Ona görə ki, biz hər
dəfə müəyyən məkan və zaman daxilində gerçəkliklə, obyektiv dünya ilə
qarşılıqlı əlaqədə oluruq, hər dəfə onun ancaq müəyyən bir hissəsini anlamağa
çalışırıq. Bu baxımdan metamodernistlərə görə, nisbi olan heç də postmodernistlərin
dediyi kimi gerçəklik yox, bizim gerçəkliyə olan mövqeyimizdir. Elm adamları və
fəlsəfəçilərin də bu məsələdə əsas vəzifəsi obyektiv dünya haqqındakı təməl həqiqət
yox, həqiqəti ortaya çıxarmaq üçün gərəkli olan modelləri inkişaf etdirməkdir.[3]
Metamodernistlər postmodernistlər tərəfindən istifadə olunan və hər şeyi
sorğulamaq üçün gərəkli olan bilik formalarını, əsl gerçəklik və cəmiyyət tərəfindən yaradılmış gerçəklik olmaqla nəzərdən keçirilən
ikiliyi qəbul etmir. Hər şey postmodernistlərin qeyd etdiyi kimi cəmiyyət tərəfindən yaradılmış-dır.
Lakin əsas verilməli olan sual bu deyildir. Əsas olan cəmiyyət tərəfindən yaradılmış olan-ın bizi gerçək biliyə nə dərəcədə
yaxınlaşdırdığı, yaxud da onun bizi gerçəklikdən uzaqlaşdırdığıdır.
Cəmiyyət olaraq yaratdığımız sistemlər, əgər güvənilir
insanlardan təşkil olunmuşdursa, bu bizim üçün yeni baxış bucaqları mənasına gəlir.
Çünki, düşüncəsinə və biliyinə güvənə biləcəyimiz insanlar fərqli məkanlarda və
fərqli zamanlarda olsalar belə, bizim seyr edə bilmədiyimiz, yanaşmadığımız
formalarda obyektiv dünyaya yanaşmağa qadirdir. Bu özlüyündə bizim daha çox
müşahidə mövqeyi əldə etməyimizə və təbii olaraq da gerçəklik haqqında daha çox
bilik əldə etməyimizə imkan yaradır. Müşahidə mövqelərinin əksliyi yaxud da fərqliliyi,
mürəkkəbliyi metamodernist düşüncə üçün ziddiyyət obrazı yaratmır, əksinə
metamodernizm insanların qarşılıqlı əməkdaşlığını və birgə fəaliyyətini gerçək
biliyin əsası hesab edir. Təbii ki, burada “müşahidə olunan” gerçəklik, sadəcə
obyektiv dünya deyil, insanın özündən, obyektiv aləmə qədər biliyin əsası olan
hər şeydir.[3] Cəmiyyət daxilində var olan fərdlər kimi səhər evdən
çıxdığımızda qarşımızdan keçən sürücülərə, o maşınları istehsal edən firmalara,
evimizə dönməyimizə köməklik göstərən metro maşinistinə güvənməyəcəyimiz təqdirdə
nələr ola biləcəyini təsəvvür etmək çətindir. Bu baxımdan biz sadəcə olaraq
özümüz olan “fərd” deyilik. Bizlər “fərd”- dən daha artıq olan varlıqlarıq.
Çünki, fərd cəmiyyət daxilində istər bir-birinə, istərsə də cəmiyyətin
sferalarına hərtərəfli formada bağlıdır. Ona görə də, əgər cəmiyyətimizdə bir
insan deviant davranış formasına malikdirsə, bu onun fərdi problemi deyil,
onunla istəsək də istəməsək də eyni cəmiyyətdə yaşadığmız üçün, aramızda
qarşılıqlı təsirlə şərtlənən sosial bağlar olduğu üçün hamımızın, cəmiyyətin
problemidir. Bu cür fərddən kənar baxış forması, daha doğrusu cəmiyyətin “fərd”
və “kollektiv” olaraq ikiyə ayrılaraq ziddiyyətdə götürülməsinə qarşı münasibət
özlüyündə metamodernist cəmiyyət formasının əsas elementlərindən hesab edilə
bilər.[12] Ümumi olaraq Metamodernizm haqqında danışmalı olsaq, qeyd etməliyik
ki, modernist ehkamların və sabitlərin postmodernist soğrulanması və tənqidi cəmiyyətin
istər mədəni, istərsə də sosial sferalarında dərin izlər buraxmışdı. Hər şeyin
ironiyaya məruz qaldığı, dəyərlərin parçalandığı, saf ümidlərin və səmimiyyətin
itirildiyi bir mədəni dönəm formalaşmış oldu. Bütün bunların fonunda isə yeni
çıxış yollarının göstərilməməsi, mənaya duyulan ehtiyac(a yearning for meaning)[4] Metamodernizmi problemlərdən xilas olmaq
üçün arxa qapı[10] rolunda da olsa ortaya çıxardı. Mən isə Metamodernizmin
mövcudluğunu və xususilə də onun formalamasının gətirdiyi dəyişiklikliyi sadə fərdlərin
timsalımızda insanlığın ikinci şansı adlandırıram. Bu fikirlərin əsaslılığını
Metamodernizmin manifestinin son hissəsində daha aydın görmək mümkündür: “Biz ideoloji zəncirlərdən azad praqmatik
romantizm təklif edirik. Beləliklə, metamodernizm ironiya və səmimilik, nikbinlik
və şübhə arasında və onlardan üstün olan, plüralist parçalara ayrılmış və əlçatmaz
üfüqlərə doğru gedən narahat civə damcısıdır. Biz irəli gedib, dalğanalma
(fizikadakı rəqsi hərəkət) etməliyik!”[2] – azərbaycan dilli mənbədəki tərcüməni saxlamağı uyğun bildim.
Ədəbiyyat
1. Aydın, Salih. “Anlatıların yolculuğu işığında iki çağdaş olgu: Metamodernizm və Dijimodernizm”, https://www.academia.edu/
2. Səmədov, Bəhruz. “Metamodernizm nədir? Şübhə və nikbinlik arasında qalmış insanlıq”, 04 may 2015.
https://www.azadliq.org/a/26994127.html
3. Fisher, Dan. “Metamodernizm postmodernizmin karşılığı mı?”, Conatus News, (tr. Müleyke Barutçu), 22 noyabr 2017.
https://dusunbil.com/metamodernizm-postmodernizmin-karsiligi-mi/
4. Turner, Luke. “Metamodernism: A Brief introduction”, 12 january 2015.
http://www.metamodernism.com/2015/01/12/metamodernism-a-brief-introduction/
5. Turner, Luke. “Metamodernist manifesto”, 2011.
http://www.metamodernism.org
6. Freinacht, Hanzi. “Postmodernizm və metamodernizm arasındakı fark”, Metamoderna,(tr Toygar Akın). 5 sentyabr 2017.
https://dusunbil.com/postmodernizm-ile-metamodernizm-arasindaki-fark/
7. Vermeulen, T. van der Akker, R., 2010. “Notes on Metamodernism”, Journal of Aesthetics and Culture, Volume II.
8. Freinacht, Hanzi. “The Listening Society: A Metamodern Guide to Politics, Book One”, Metamoderna, 2017
9. “The Metamodernity of The Shape of Water”, 19 february 2018.
https://metamodernlife.wordpress.com/2018/02/19/the-metamodernity-of-the-shape-of-water/
10. Levin, Kim. “Postmodernizm öldü mü?”, Artnews, 12 dekabr 2012.
http://www.sanatatak.com/view/postmodernizm-oldu-mu
11. “Azərbaycan dilinin izahlı lüğəti” (4 cilddə). Bakı, Şərq-Qərb. 2006.
12. Freinacht, Hanzi. “Birey fikrinin ötesine geçmek”, Metamoderna, (tr. Beste Naz Yıldız), 7 sentyabr 2017. https://dusunbil.com/birey-fikrinin-otesine-gecmek/
13. Dember, Greg. “After Postmodernism: Eleven Metamodern Methods in the Arts”, 17 april 2018.
https://medium.com/what-is-metamodern/after-postmodernism-eleven-metamodern-methods-in-the-art
14. Eshelman, Raoul. “Performatism, or the End of Postmodernism”, Anthropoetics VI, no. 2 Fall 2000/ Winter 2001.
http://anthropoetics.ucla.edu/ap0602/perform/
15. Thorn, Jess. “A Manifesto for The New Sincerity”, 26.03.2006.
https://www.maximumfun.org/blog/2006/02/manifesto-for-new-sincerity.html
16. “Normcore”, 31 july 2014. http://whatismetamodern.com/design-style-products/normcore-metamodernism/
1. Aydın, Salih. “Anlatıların yolculuğu işığında iki çağdaş olgu: Metamodernizm və Dijimodernizm”, https://www.academia.edu/
2. Səmədov, Bəhruz. “Metamodernizm nədir? Şübhə və nikbinlik arasında qalmış insanlıq”, 04 may 2015.
https://www.azadliq.org/a/26994127.html
3. Fisher, Dan. “Metamodernizm postmodernizmin karşılığı mı?”, Conatus News, (tr. Müleyke Barutçu), 22 noyabr 2017.
https://dusunbil.com/metamodernizm-postmodernizmin-karsiligi-mi/
4. Turner, Luke. “Metamodernism: A Brief introduction”, 12 january 2015.
http://www.metamodernism.com/2015/01/12/metamodernism-a-brief-introduction/
5. Turner, Luke. “Metamodernist manifesto”, 2011.
http://www.metamodernism.org
6. Freinacht, Hanzi. “Postmodernizm və metamodernizm arasındakı fark”, Metamoderna,(tr Toygar Akın). 5 sentyabr 2017.
https://dusunbil.com/postmodernizm-ile-metamodernizm-arasindaki-fark/
7. Vermeulen, T. van der Akker, R., 2010. “Notes on Metamodernism”, Journal of Aesthetics and Culture, Volume II.
8. Freinacht, Hanzi. “The Listening Society: A Metamodern Guide to Politics, Book One”, Metamoderna, 2017
9. “The Metamodernity of The Shape of Water”, 19 february 2018.
https://metamodernlife.wordpress.com/2018/02/19/the-metamodernity-of-the-shape-of-water/
10. Levin, Kim. “Postmodernizm öldü mü?”, Artnews, 12 dekabr 2012.
http://www.sanatatak.com/view/postmodernizm-oldu-mu
11. “Azərbaycan dilinin izahlı lüğəti” (4 cilddə). Bakı, Şərq-Qərb. 2006.
12. Freinacht, Hanzi. “Birey fikrinin ötesine geçmek”, Metamoderna, (tr. Beste Naz Yıldız), 7 sentyabr 2017. https://dusunbil.com/birey-fikrinin-otesine-gecmek/
13. Dember, Greg. “After Postmodernism: Eleven Metamodern Methods in the Arts”, 17 april 2018.
https://medium.com/what-is-metamodern/after-postmodernism-eleven-metamodern-methods-in-the-art
14. Eshelman, Raoul. “Performatism, or the End of Postmodernism”, Anthropoetics VI, no. 2 Fall 2000/ Winter 2001.
http://anthropoetics.ucla.edu/ap0602/perform/
15. Thorn, Jess. “A Manifesto for The New Sincerity”, 26.03.2006.
https://www.maximumfun.org/blog/2006/02/manifesto-for-new-sincerity.html
16. “Normcore”, 31 july 2014. http://whatismetamodern.com/design-style-products/normcore-metamodernism/
Yorumlar
Yorum Gönder